ഹയർ സെക്കൻഡറി മേഖല സംരക്ഷിക്കപ്പെടണം: കെ.എം. മാണി : Deepika.com Kerala News |

Click here for detailed news of all items

ഹയർ സെക്കൻഡറി മേഖല സംരക്ഷിക്കപ്പെടണം: കെ.എം. മാണി

Thursday, March 23, 2017 12:14 PM IST

പാലാ: ഹയർ സെക്കൻഡറി മേഖലയുടെ വ്യക്തിത്വം നഷ്ടപ്പെടുത്തുന്ന യാതൊരു നീക്കങ്ങളും ഗവൺമെന്‍റിന്‍റെ ഭാഗത്തുനിന്ന് ഉണ്ടാകരുതെന്ന് കെ.എം. മാണി എംഎൽഎ ആവശ്യപ്പെട്ടു. പാലായിൽ നടന്ന ഹയർ സെക്കൻഡറി അധ്യാപക പ്രതിഷേധ കൂട്ടായ്മ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ക്ലസ്റ്റർ മീറ്റിംഗുകൾ വിദ്യാഭ്യാസ ഉന്നമനത്തെ ലക്ഷ്യമാക്കിയുള്ളതാകണമെന്നും നിക്ഷിപ്ത താത്പര്യങ്ങൾ സംരക്ഷിക്കാൻ വേണ്ടിയുള്ളതാകരുതെന്നും അദ്ദേഹം പറഞ്ഞു. ക്ലസ്റ്റർ ബഹിഷ്കരണത്തെ നേരിടാൻ കരിനിയമങ്ങൾ ഉപയോഗിക്കുന്നത് ജനാധിപത്യസർക്കാരിനു ഭൂഷണമല്ലെന്നും അദ്ദേഹം പറഞ്ഞു.

മോൻസ് ജോസഫ് എംഎൽഎ മുഖ്യപ്രഭാഷണം നടത്തി. അധ്യാപകരുമായി ചർച്ച നടത്തി അതതു മേഖലകളെ പരിപോഷിപ്പിക്കാനുള്ള നീക്കങ്ങളാണു ഗവൺമെന്‍റിന്‍റെ ഭാഗത്തുനിന്നുണ്ടാകേണ്ടതെന്ന് അദ്ദേഹം പറഞ്ഞു.

കെഎച്ച്എസ്ടിഎഫ് സംസ്ഥാന പ്രസിഡന്‍റ് ഡോ. നോയൽ മാത്യൂസ് അധ്യക്ഷത വഹിച്ചു. സാജു മാന്തോട്ടം, ജോൺസൺ ചെറുവള്ളി, എസ്. സന്തോഷ്, അനിൽ രാജൻ, ബൈബി തോമസ്, മാത്യു എം. കുര്യാക്കോസ്, ബോബൻ ഫിലിപ്പ്, ബോസ്മോൻ ജോസഫ്, നെൽസൺ ഡാന്‍റെ, ആമോദ് മാത്യു തുടങ്ങിയവർ പ്രസംഗിച്ചു.

ഫെഡറേഷൻ ഓഫ് ഹയർ സെക്കൻഡറി ടീച്ചേഴ്സ് അസോസിയേഷന്‍റെ ആഭിമുഖ്യത്തിലുള്ള ക്ലസ്റ്റർ ബഹിഷ്കരണ പരിപാടി വിജയിപ്പിക്കാൻ സമ്മേളനം തീരുമാനിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.