ഫെഡറേഷൻ കപ്പ് യോഗ ചാമ്പ്യൻഷിപ്പിനു നാളെ തുടക്കമാവും : Deepika.com Kerala News |

Click here for detailed news of all items

ഫെഡറേഷൻ കപ്പ് യോഗ ചാമ്പ്യൻഷിപ്പിനു നാളെ തുടക്കമാവും

Wednesday, March 22, 2017 1:38 PM IST

തിരുവനന്തപുരം: ഒന്നാമത് ഫെഡറേഷൻ കപ്പ് യോഗ നാഷണൽ ചാമ്പ്യൻഷിപ്പിനു നാളെ തുടക്കമാവും. മത്സരങ്ങളുടെ ഉദ്ഘാടനം നാളെ രാവിലെ 11ന് ജിമ്മി ജോർജ് ഇൻഡോർ സ്റ്റേഡിയത്തിൽ മുഖ്യമന്ത്രി പിണറായി വിജയൻ നിർവഹിക്കും. മന്ത്രി കെ.കെ. ഷൈലജ അധ്യക്ഷയാകുന്ന ചടങ്ങിൽ എംഎൽഎമാരായ കെ. മുരളീധരൻ, ഒ. രാജഗോപാൽ, ഡിജിപി ലോക്നാഥ് ബെഹ്റ എന്നിവർ പങ്കെടുക്കും.

19 സംസ്ഥാനങ്ങളിൽ നിന്നായി 231 പേരാണ് ജിമ്മി ജോർജ് ഇൻഡോർ സ്റ്റേഡിയത്തിൽ നാളെ മുതൽ 26വരെ നടക്കുന്ന ഒന്നാമത് ഫെഡറേഷൻ കപ്പ് യോഗ നാഷണൽ ചാന്പ്യൻഷിപ്പിൽ പങ്കെടുക്കുകയെന്ന് സ്വാഗതസംഘം ചെയർമാൻ എം. വിജയകുമാർ, യോഗ ഫെഡറേഷൻ ഓഫ് ഇന്ത്യ പ്രസിഡന്‍റ് അശോക് കുമാർ അഗർവാൾ എന്നിവർ പത്രസമ്മേളനത്തിൽ അറിയിച്ചു.

നാളെ രാവിലെ നടക്കുന്ന ഉദ്ഘാടനത്തിനുശേഷം 500 പേർ അണിനിരക്കുന്ന റിഥമിക് യോഗയും ഉണ്ടാകും. 15 മിനിറ്റായിരിക്കും ഇതിന്‍റെ ദൈർഘ്യം. യോഗാസന, ആർട്ടിസ്റ്റിക് യോഗ, ആർട്ടിസ്റ്റിക് പെയർ യോഗ, റിഥമിക് യോഗ, ഫ്രീ ഫ്ളോ ഡാൻസ് എന്നീ വിഭാഗങ്ങളിലായിരിക്കും മത്സരങ്ങൾ സംഘടിപ്പിക്കുക. പത്രസമ്മേളനത്തിൽ സ്വാഗതസംഘം സെക്രട്ടറി വി. ശിവൻകുട്ടി, യോഗ ഫെഡറേഷൻ ഓഫ് ഇന്ത്യ ടെക്നിക്കൽ ഡയറക്ടർ ഇന്ദു അഗർവാൾ, യോഗ അസോസിയേഷൻ ഓഫ് കേരള സംസ്ഥാന പ്രസിഡന്‍റ് ബി. ബാലചന്ദ്രൻ, ചീഫ് കോ-ഓർഡിനേറ്റർ പി. ശശിധരൻ നായർ എന്നിവരും പങ്കെടുത്തു

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.