മുഖ്യമന്ത്രിയാകാന്‍ മാണിയെ ആരും ക്ഷണിച്ചിട്ടില്ല: പന്ന്യന്‍
മുഖ്യമന്ത്രിയാകാന്‍ മാണിയെ ആരും ക്ഷണിച്ചിട്ടില്ല: പന്ന്യന്‍
Sunday, November 23, 2014 11:46 PM IST
തിരുവനന്തപുരം: മുഖ്യമന്ത്രിയാകാന്‍ കെ.എം. മാണിയെ ആരും ക്ഷണിച്ചിട്ടില്ലെന്നു സിപിഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍. ആരു വിചാരിച്ചാലും മാണിയെ ക്ഷണിക്കാന്‍ കഴിയില്ല. ഇടതുമുന്നണി ഒരു കൂട്ടായ്മയാണ്. അവിടെ ആര്‍ക്കും ഒറ്റയ്ക്ക് തീരുമാനമെടുക്കാനാകില്ലെന്നും പന്ന്യന്‍ രവീന്ദ്രന്‍ തിരുവനന്തപുരത്ത് പറഞ്ഞു.


ലീഗോ കേരള കോണ്‍ഗ്രസോ ഇടതുമുന്നണിയില്‍ വേണ്ട. എല്‍ഡിഎഫില്‍ കയറാമെന്ന ഇവരുടെ സ്വപ്നം നടക്കില്ല. യുഡിഎഫ് പൊളിയുന്ന കപ്പലാണ്. അതില്‍ നിന്ന് എങ്ങനെയും രക്ഷപ്പെടുക എന്നതാണ് ലീഗിന്റെയും കേരള കോണ്‍ഗ്രസിന്റെയും ശ്രമമെന്നും പന്ന്യന്‍ മാധ്യമപ്രവര്‍ത്തകുടെ ചോദ്യങ്ങള്‍ക്കു മറുപടിയായി പന്ന്യന്‍ പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.