മാ​ലി​പ്പു​ര​യി​ൽനി​ന്ന് പ​ള്ളി​യോ​ടം ഇ​റ​ക്കാ​ൻ കാ​ടു​വെ​ട്ടി​യ​തി​നു ചെ​ല​വ് 9,000 രൂ​പ
Wednesday, October 9, 2024 6:29 AM IST
കോ​ഴ​ഞ്ചേ​രി: കാ​ടു​വെ​ട്ടി​ത്തെ​ളി​ച്ച​തി​ന് 9,000 രൂ​പ. പ​ഞ്ചാ​യ​ത്ത് ക​മ്മി​റ്റി യോ​ഗ​ത്തി​ല്‍ ഒ​ച്ച​പ്പാ​ട്. ഉ​ത്ര​ട്ടാ​തി ജ​ല​മേ​ള​യു​മാ​യി ബ​ന്ധ​പ്പെ​ട്ട് കോ​ഴ​ഞ്ചേ​രി ക​ര​യു​ടെ പ​ള്ളി​യോ​ടം വ​ണ്ടി​പ്പേ​ട്ട​യി​ലു​ള​ള മാ​ലി​പ്പു​ര​യി​ല്‍നി​ന്നും ന​ദി​യി​ലേ​ക്ക് ഇ​റ​ക്കു​ന്ന വ​ഴി​ക​ളി​ലെ കാ​ടു​വെ​ട്ടി​ത്തെ​ളി​ച്ച​തി​നാ​ണ് 9,000 രൂ​പ ചെ​ല​വാ​യി​രി​ക്കു​ന്ന​ത്.

300 രൂ​പ നി​ര​ക്കി​ല്‍ 30 മ​ണി​ക്കൂ​ര്‍ ബ്ര​ഷ് ക​ട്ട​ര്‍ ഉ​പ​യോ​ഗി​ച്ചാ​ണ് കാ​ടു തെ​ളി​ച്ച​തെ​ന്നാ​ണ് ക​ഴി​ഞ്ഞ 30 ന് ​ചേ​ര്‍​ന്ന കോ​ഴ​ഞ്ചേ​രി ഗ്രാ​മ​പ​ഞ്ചാ​യ​ത്ത് ക​മ്മി​റ്റി​യു​ടെ സാ​ധാ​ര​ണ പൊ​തു​യോ​ഗ​ത്തി​ലെ 11-ാം വി​ഷ​യ​മാ​യി അ​ജ​ണ്ട​യി​ല്‍ ഉ​ള്‍​പ്പെ​ടു​ത്തി പ​ണം അ​നു​വ​ദി​ക്ക​ണ​മെ​ന്ന് ചെ​ല​വി​ന​ത്തി​ല്‍ ആ​വ​ശ്യ​പ്പെ​ട്ട​ത്. ഇ​തി​നെ​യാ​ണ് ഭ​ര​ണ, പ്ര​തി​പ​ക്ഷ രാ​ഷ്‌ട്രീയ വ്യ​ത്യാ​സ​മി​ല്ലാ​തെ അം​ഗ​ങ്ങ​ള്‍ എ​തി​ര്‍​ത്ത​ത്. ഒ​രു കാ​ര​ണ​വ​ശാ​ലും തു​ക അ​നു​വ​ദി​ക്കാ​ന്‍ ക​ഴി​യി​ല്ലെ​ന്നും ഇ​തി​നു പി​ന്നി​ല്‍ വ​ന്‍ അ​ഴി​മ​തി​യാ​ണെ​ന്നും മെം​ബ​ര്‍​മാ​ര്‍ ആ​രോ​പി​ച്ചു. മാ​ലി​പ്പു​ര സ്ഥി​തി ചെ​യ്യു​ന്ന ഭാ​ഗ​ത്തു​മാ​ത്ര​മാ​ണ് കു​റ്റി​ക്കാ​ട് ഉ​ണ്ടാ​യി​രു​ന്ന​തെ​ന്നും ഇ​തു വെ​ട്ടി​ത്തെ​ളി​ച്ച​തി​ന് 30 മ​ണി​ക്കൂ​ര്‍ വേ​ണ​മെ​ന്നു പ​റ​യു​ന്ന​ത് വി​ചി​ത്ര​മാ​യി​രി​ക്കു​ന്നു​വെ​ന്നും മെം​ബ​ര്‍​മാ​ര്‍ ചൂ​ണ്ടി​ക്കാ​ട്ടി.


പ​ഞ്ചാ​യ​ത്ത് അം​ഗ​ങ്ങ​ളു​ടെ ശ​ക്ത​മാ​യ എ​തി​ര്‍​പ്പി​നെത്തു​ട​ര്‍​ന്ന് പ​ഞ്ചാ​യ​ത്ത് എ​ക്‌​സി​ക്യൂ​ട്ടീ​വ് എ​ൻ​ജി​നി​യ​ര്‍ ഇ​തു​മാ​യി ബ​ന്ധ​പ്പെ​ട്ട് അ​ന്വേ​ഷ​ണം ന​ട​ത്തി റി​പ്പോ​ര്‍​ട്ട് സ​മ​ര്‍​പ്പി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ മാ​ത്രം തു​ക ന​ല്‍​കി​യാ​ല്‍ മ​തി​യെ​ന്ന് തീ​രു​മാ​നി​ക്കു​ക​യു​മാ​യി​രു​ന്നു.