ഭ​ർ​ത്താ​വി​നെ കൊ​ല​പ്പെ​ടു​ത്തി പ്ലാ​സ്റ്റി​ക് ക​വ​റു​ക​ളി​ലാ​ക്കി ഉ​പേ​ക്ഷി​ച്ച പ്രതി പി​ടി​യി​ൽ
Thursday, December 12, 2024 1:29 PM IST
സി​ഡ്നി: ശാ​രീ​രി​ക മാ​ന​സി​ക പീ​ഡ​ന​ങ്ങ​ളേ​ൽ​പി​ക്കു​ക​യും വി​വാ​ഹേ​ത​ര ബ​ന്ധം പു​ല​ർ​ത്തു​ക​യും ചെ​യ്ത അ​റു​പ​ത്തി​ര​ണ്ടു​കാ​ര​നാ​യ ഭ​ർ​ത്താ​വി​നെ കൊ​ല​പ്പെ​ടു​ത്തി മൃ​ത​ദേ​ഹം 30 പ്ലാ​സ്റ്റി​ക് ക​വ​റു​ക​ളി​ലാ​ക്കി ഉ​പേ​ക്ഷി​ച്ച 53കാ​രി ഒ​രു​വ​ർ​ഷ​ത്തി​നു​ശേ​ഷം പി​ടി​യി​ൽ.

നി​ർ​മീ​ൻ നൗ​ഫ​ൽ എ​ന്ന സ്ത്രീ​യാ​ണ് ഭ​ർ​ത്താ​വാ​യ മാം​ദൂ​ദ് എ​മാ​ദ് നൗ​ഫ​ലി​നെ (62) ക്രൂ​ര​മാ​യി കൊ​ല​പ്പെ​ടു​ത്തി​യ​ത്. എ​ട്ട് മ​ക്ക​ൾ ഇ​വ​ർ​ക്കു​ണ്ട്. മാം​ദൂ​ദ് നൗ​ഫ​ലി​നെ ക​ഴി​ഞ്ഞ വ​ർ​ഷം ജൂ​ലൈ മു​ത​ൽ കാ​ണാ​താ​യി​രു​ന്നു. ഒ​രു വ​ർ​ഷ​ത്തി​നു​ശേ​ഷം മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ ചി​കി​ത്സ തേ​ടി​യ നി​ർ​മീ​ൻ, കൊ​ല​പാ​ത​ക​വി​വ​രം സ്വ​യം വെ​ളി​പ്പെ​ടു​ത്തി​യ​തോ​ടെ​യാ​ണു സം​ഭ​വം പു​റ​ത്താ​യ​ത്.

ഇ​തി​നു പി​ന്നാ​ലെ പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ ഇ​വ​രു​ടെ ക്രൂ​ര​കൃ​ത്യ​ത്തി​ന് അ​യ​ൽ​ക്കാ​രി​ൽ ചി​ല​ർ സാ​ക്ഷി​മൊ​ഴി​യും ന​ൽ​കി. ഗ്രീ​നാ​കേ​റി​ലു​ള്ള വീ​ട്ടി​ൽ വ​ച്ചാ​ണ് ഭ​ർ​ത്താ​വി​നെ ഭാ​ര്യ കൊ​ല​പ്പെ​ടു​ത്തി​യ​ത്.

കൊ​ല​പാ​ത​ക​ത്തി​നു പി​ന്നാ​ലെ ക​ത്തി​യും മെ​റ്റ​ൽ ക​ട്ട​റും ഉ​പ​യോ​ഗി​ച്ച് ചെ​റു​ക​ഷ്ണ​ങ്ങ​ളാ​ക്കി മൃ​ത​ദേ​ഹം മു​റി​ച്ച​ശേ​ഷം മാ​ലി​ന്യം സൂ​ക്ഷി​ക്കു​ന്ന പ്ലാ​സ്റ്റി​ക് ക​വ​റു​ക​ളി​ലാ​ക്കി ന്യൂ ​സൌ​ത്ത് വെ​യി​ൽ​സി​ന്‍റെ സ​മീ​പ​പ്ര​ദേ​ശ​ങ്ങ​ളി​ൽ ഉ​പേ​ക്ഷി​ക്കു​ക​യാ​യി​രു​ന്നു.

തു​ട​ർ​ന്ന് ആ​സി​ഡ് അ​ട​ക്ക​മു​ള്ള​വ ഒ​ഴി​ച്ച് വീ​ടി​ന്‍റെ ത​റ വൃ​ത്തി​യാ​ക്കു​ക​യും വീ​ടി​ന്‍റെ ടൈ​ലു​ക​ൾ അ​ട​ക്ക​മു​ള്ള​വ മാ​റ്റി​സ്ഥാ​പി​ക്കു​ക​യും ചെ​യ്തു. ഭ​ർ​ത്താ​വി​ന്‍റെ മ​ര​ണ​ത്തി​നു പി​ന്നാ​ലെ ഈ​ജി​പ്തി​ലേ​ക്കു പോ​യ ഭാ​ര്യ അ​വി​ടെ​യു​ണ്ടാ​യി​രു​ന്ന കു​ടും​ബ​വീ​ട് അ​ഭി​ഭാ​ഷ​ക​ന്‍റെ സ​ഹാ​യ​ത്തോ​ടെ വി​റ്റു.

ഇ​തി​നു​പു​റ​മെ ഭ​ർ​ത്താ​വി​ന്‍റെ സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ അ​ദ്ദേ​ഹ​ത്തി​ന്‍റെ ഫോ​ണി​ലൂ​ടെ നി​യ​ന്ത്രി​ക്കു​ക വ​ഴി അ​യാ​ൾ ജീ​വി​ച്ചി​രി​ക്കു​ന്ന​താ​യു​ള്ള പ്ര​തീ​തി​യും സൃ​ഷ്ടി​ച്ചു. ഇ​യാ​ളു​ടെ പ​ങ്കാ​ളി​യാ​യി​രു​ന്ന ഈ​ജി​പ്തു​കാ​രി​യോ​ട് നേ​ര​ത്തെ ന​ൽ​കി​യി​രു​ന്ന പ​ണ​മ​ട​ക്കം സ​മൂ​ഹ​മാ​ധ്യ​മ അ​ക്കൗ​ണ്ടി​ലൂ​ടെ ഇ​വ​ർ തി​രി​കെ ആ​വ​ശ്യ​പ്പെ​ട്ടി​രു​ന്നു.

കോ​ട​തി​യി​ൽ കു​റ്റം സ​മ്മ​തി​ച്ച നി​ർ​മീ​ൻ നൗ​ഫ​ൽ ഭ​ർ​ത്താ​വ് ത​ന്നെ പ​തി​വാ​യി മ​ർ​ദി​ച്ചി​രു​ന്ന​താ​യും ക​ത്തി കാ​ട്ടി ഭീ​ഷ​ണി​പ്പെ​ടു​ത്തി​യ​താ​യും പ​റ​ഞ്ഞു. ബ​ർ​വൂ​ഡ് ലോ​ക്ക​ൽ കോ​ട​തി ഇ​വ​ർ​ക്കു ജാ​മ്യം നി​ഷേ​ധി​ച്ച് റി​മാ​ൻ​ഡ് ചെ​യ്തു.

വി​ചാ​ര​ണ നേ​രി​ടാ​ൻ പ്ര​തി​ക്കു മാ​ന​സി​കാ​രോ​ഗ്യം ഇ​ല്ലെ​ന്നു പ്രോ​സി​ക്യൂ​ട്ട​ർ കോ​ട​തി​യെ അ​റി​യി​ച്ച​തി​നാ​ൽ കോ​സി​ന്‍റെ വി​ചാ​ര​ണ നീ​ട്ടി​വ​ച്ചി​രി​ക്കു​ക​യാ​ണ്. കൊ​ല്ല​പ്പെ​ട്ട​യാ​ളു​ടെ മൃ​ത​ദേ​ഹ​ഭാ​ഗ​ങ്ങ​ൾ ഇ​നി​യും ക​ണ്ടെ​ത്താ​ത്ത​തും വി​ചാ​ര​ണ​യ്ക്കു ത​ട​സ​മാ​യി.
Copyright @ 2018 , Rashtra Deepika Ltd.