Latest News
രാ​ഹു​ൽ നി​ര​പ​രാ​ധി​ത്വം തെ​ളി​യി​ക്ക​ണം: വ്യ​ക്ത​ത വ​രു​ത്താ​തെ തു​ട​ർപ​രി​ഗ​ണ​ന​ക​ളി​ല്ലെ​ന്ന് എ​ഐ​സി​സി
Tuesday, August 26, 2025 12:20 PM IST
ന്യൂ​ഡ​ൽ​ഹി: വി​വി​ധ ആ​രോ​പ​ണ​ങ്ങ​ളി​ൽ പാ​ർ​ട്ടി​യി​ൽ നി​ന്ന് സ​സ്പെ​ൻ​ഡ് ചെ​യ്യ​പ്പെ​ട്ട രാ​ഹു​ൽ മാ​ങ്കൂ​ട്ട​ത്തി​ൽ എം​എ​ൽ​എ​യി​ൽ​നി​ന്ന് തൃ​പ്തി​ക​ര​മാ​യ വി​ശ​ദീ​ക​ര​ണം ഇ​നി​യും കി​ട്ടി​യി​ട്ടി​ല്ലെ​ന്ന് എ​ഐ​സി​സി.

രാ​ഹു​ൽ നി​ര​പ​രാ​ധി​ത്വം തെ​ളി​യി​ക്ക​ണ​മെ​ന്നും കാ​ര്യ​ങ്ങ​ൾ വ്യ​ക്ത​മാ​ക്കാ​തെ ഇ​നി തു​ട​ർ പ​രി​ഗ​ണ​ന​ക​ളി​ല്ലെ​ന്നും എ​ഐ​സി​സി നേ​തൃ​ത്വം വ്യ​ക്ത​മാ​ക്കി.

ത​നി​ക്കെ​തി​രെ ഉ​യ​ർ​ന്ന ആ​രോ​പ​ണ​ങ്ങ​ൾ​ക്ക് പി​ന്നി​ൽ ഗൂ​ഢാ​ലോ​ച​ന​യു​ണ്ടെ​ന്നാ​ണ് രാ​ഹു​ൽ മാ​ങ്കൂ​ട്ട​ത്തി​ൽ കോ​ൺ​ഗ്ര​സ് നേ​താ​ക്ക​ളെ അ​റി​യി​ച്ച​ത്. എ​ന്നാ​ൽ, ആ​രോ​പ​ണ​ങ്ങ​ളി​ൽ പൊ​തു​മ​ധ്യ​ത്തി​ൽ രാ​ഹു​ൽ ത​ന്നെ കാ​ര്യ​ങ്ങ​ൾ വി​ശ​ദീ​ക​രി​ക്ക​ട്ടെ എ​ന്നാ​ണ് കോ​ൺ​ഗ്ര​സ് നേ​തൃ​ത്വ​ത്തി​ന്‍റെ നി​ല​പാ​ട്.

നി​യ​മ​സ​ഭാ സ​മ്മേ​ള​ന​ത്തി​ല്‍ രാ​ഹു​ലി​നെ മാ​ങ്കൂ​ട്ട​ത്തി​ലി​നെ പ​ങ്കെ​ടു​പ്പി​ക്ക​രു​തെ​ന്ന ആ​വ​ശ്യ​വും കോ​ണ്‍​ഗ്ര​സി​ല്‍ ഉ​യ​ര്‍​ന്നി​ട്ടു​ണ്ട്. ഘ​ട​ക​ക​ക്ഷി നേ​താ​ക്ക​ളും സ​മാ​ന​മാ​യ അ​ഭി​പ്രാ​യം യു​ഡി​എ​ഫ് നേ​തൃ​ത്വ​ത്തെ അ​റി​യി​ച്ച​താ​യാ​ണ് വി​വ​രം.

അ​തേ​സ​മ​യം, രാ​ഹു​ലി​നെ​തി​രെ ഉ​യ​ർ​ന്ന ആ​രോ​പ​ണ​ങ്ങ​ളി​ൽ നി​ല​വി​ൽ പാ​ർ​ട്ടി അ​ന്വേ​ഷ​ണം ഇ​ല്ലെ​ന്നാ​ണ് സൂ​ച​ന. നി​ര​പ​രാ​ധി​ത്വം തെ​ളി​യി​ച്ചാ​ല്‍ രാ​ഹു​ലി​ന് തി​രി​ച്ചു​വ​രാ​മെ​ന്നാ​ണ് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍റെ നി​ല​പാ​ട്.

രാ​ഹു​ൽ രാ​ജി​വ​ച്ചൊ​ഴി​യ​ണ​മെ​ന്ന പ​ക്ഷ​ക്കാ​രാ​യി​രു​ന്നു കോ​ണ്‍​ഗ്ര​സി​ലെ ഒ​ട്ടു​മി​ക്ക മു​തി​ർ​ന്ന നേ​താ​ക്ക​ളും. മി​ക്ക​വ​രും പ​ര​സ്യ​മാ​യി​ത്ത​ന്നെ നി​ല​പാ​ടു വ്യ​ക്ത​മാ​ക്കി. പാ​ർ​ട്ടി​യി​ലെ വ​നി​താ നേ​താ​ക്ക​ളും രാ​ഹു​ലി​ന്‍റെ എം​എ​ൽ​എ സ്ഥാ​നം തെ​റി​പ്പി​ക്ക​ണ​മെ​ന്ന ക​ടു​ത്ത നി​ല​പാ​ടി​ലാ​യി​രു​ന്നു. എ​ന്നി​ട്ടും രാ​ഹു​ലി​നെ സ​സ്പെ​ൻ​ഡ് ചെ​യ്യു​ന്ന​തി​ലൊ​തു​ക്കി ന​ട​പ​ടി.

രാ​ഹു​ൽ കോ​ണ്‍​ഗ്ര​സ് നി​യ​മ​സ​ഭാ ക​ക്ഷി​യു​ടെ ഭാ​ഗ​മ​ല്ലെ​ന്ന് പാ​ർ​ട്ടി നി​യ​മ​സ​ഭാ സ്പീ​ക്ക​റെ അ​റി​യി​ക്കും. അ​തോ​ടെ രാ​ഹു​ൽ കോ​ണ്‍​ഗ്ര​സ് പാ​ർ​ട്ടി​യു​ടെ​യോ യു​ഡി​എ​ഫി​ന്‍റെ​യോ ഭാ​ഗ​മ​ല്ലാ​താ​കും. അ​ടു​ത്ത മാ​സം 15ന് ​ആ​രം​ഭി​ക്കാ​നി​ട​യു​ള്ള നി​യ​മ​സ​ഭാ സ​മ്മേ​ള​ന​ത്തി​ൽ​നി​ന്ന് രാ​ഹു​ൽ അ​വ​ധി​യെ​ടു​ത്തു മാ​റി നി​ൽ​ക്കു​മെ​ന്നു സം​സാ​ര​മു​ണ്ട്. ഇ​ക്കാ​ര്യ​ത്തി​ൽ അ​ന്തി​മ​തീ​രു​മാ​നം അ​റി​വാ​യി​ട്ടി​ല്ല.

ഞാ​യ​റാ​ഴ്ച​യോ​ടെ​യാ​ണ് എം​എ​ൽ​എ സ്ഥാ​നം രാ​ജി​വ​യ്പി​ക്കേ​ണ്ട എ​ന്ന നി​ല​പാ​ടി​ലേ​ക്കു പാ​ർ​ട്ടി മാ​റി​യ​ത്. നി​യ​മ​സ​ഭ​യു​ടെ കാ​ലാ​വ​ധി ഒ​രു വ​ർ​ഷ​ത്തി​ൽ താ​ഴെ മാ​ത്ര​മേ ഉ​ള്ളൂ​എ​ങ്കി​ലും ഉ​പ​തെ​ര​ഞ്ഞെ​ടു​പ്പു ന​ട​ത്താ​ൻ തീ​രു​മാ​നി​ച്ചാ​ൽ കോ​ണ്‍​ഗ്ര​സി​നു തി​രി​ച്ച​ടി​യാ​കും എ​ന്ന ആ​ശ​ങ്ക​യാ​ണ് രാ​ഹു​ലി​ന്‍റെ എം​എ​ൽ​എ സ്ഥാ​നം ഉ​റ​പ്പി​ച്ച​ത്.

ഇ​പ്പോ​ഴ​ത്തെ നി​ല​യി​ൽ പാ​ല​ക്കാ​ട്ട് ഉ​പ​തെ​ര​ഞ്ഞെ​ടു​പ്പു ന​ട​ന്നാ​ൽ കോ​ണ്‍​ഗ്ര​സി​നു ബു​ദ്ധി​മു​ട്ടാ​യി​രി​ക്കും. അ​വി​ടെ ഗു​ണ​മു​ണ്ടാ​കാ​ൻ പോ​കു​ന്ന​ത് ബി​ജെ​പി​ക്ക് ആ​യി​രി​ക്കും. അ​ങ്ങ​നെ ഒ​രു സാ​ഹ​ച​ര്യം വ​ന്നാ​ൽ കേ​ന്ദ്ര​സ​ർ​ക്കാ​ർ ഉ​പ​തെ​ര​ഞ്ഞെ​ടു​പ്പ് ന​ട​ത്തി​ക്കു​ന്ന​തി​നെ അ​നു​കൂ​ലി​ക്കു​മെ​ന്ന് കോ​ണ്‍​ഗ്ര​സ് ക​ണ​ക്കു​കൂ​ട്ടി. അ​തോ​ടെ​യാ​ണ് സ​സ്പെ​ൻ​ഷ​ൻ എ​ന്ന ആ​ശ​യ​ത്തി​ലേ​ക്കു മാ​റി​യ​ത്.

പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ, ര​മേ​ശ് ചെ​ന്നി​ത്ത​ല, കെ. ​മു​ര​ളീ​ധ​ര​ൻ തു​ട​ങ്ങി​യ പ്ര​മു​ഖ നേ​താ​ക്ക​ളെ​ല്ലാം ക​ടു​ത്ത ന​ട​പ​ടി വേ​ണ​മെ​ന്ന പ​ക്ഷ​ക്കാ​രാ​യി​രു​ന്നു. അ​തേ​സ​മ​യം, കെ​പി​സി​സി വ​ർ​ക്കിം​ഗ് പ്ര​സി​ഡ​ന്‍റ് ഷാ​ഫി പ​റ​ന്പി​ൽ ക​ടു​ത്ത ന​ട​പ​ടി​ക്ക് അ​നു​കൂ​ല​മാ​യി​രു​ന്നി​ല്ല. രാ​ഹു​ലി​നെ പാ​ല​ക്കാ​ട്ട് സ്ഥാ​നാ​ർ​ഥി​യാ​ക്കി​യ​തും ഷാ​ഫി​യു​ടെ ക​ടും​പി​ടു​ത്ത​ത്തി​ൽ ആ​യി​രു​ന്നു. അ​തി​ന്‍റെ പേ​രി​ൽ ഷാ​ഫി പാ​ർ​ട്ടി​ക്കു​ള്ളി​ൽ വി​മ​ർ​ശ​ന​ത്തി​നു വി​ധേ​യ​നാ​കു​ന്നു​മു​ണ്ട്.

രാ​ഹു​ലി​നെ പാ​ർ​ട്ടി​യി​ൽ​നി​ന്നു സ​സ്പെ​ൻ​ഡ് ചെ​യ്തു​കൊ​ണ്ട് കോ​ണ്‍​ഗ്ര​സ് സ​മാ​ന​ത​ക​ളി​ല്ലാ​ത്ത ധാ​ർ​മി​ക​ത ഉ​യ​ർ​ത്തി​പ്പി​ടി​ച്ചു എ​ന്നാ​ണ് വി.​ഡി. സ​തീ​ശ​ൻ പ​റ​ഞ്ഞ​ത്. വ​രും​ദി​ന​ങ്ങ​ളി​ൽ കോ​ണ്‍​ഗ്ര​സി​ന്‍റെ പ്ര​തി​രോ​ധം ഇ​തു​ത​ന്നെ​യാ​യി​രി​ക്കും.

എ​ന്നാ​ൽ, കോ​ൺ​ഗ്ര​സ് ന​ട​പ​ടി പോ​രെ​ന്നും രാ​ഹു​ൽ എം​എ​ൽ​എ സ്ഥാ​നം രാ​ജി​വ​യ്ക്ക​ണ​മെ​ന്നും ആ​വ​ർ​ത്തി​ക്കു​ക​യാ​ണ് സി​പി​എ​മ്മും ബി​ജെ​പി​യും. രാ​ഹു​ലി​നെ​തി​രാ​യ ആ​ക്ഷേ​പ​ങ്ങ​ൾ ‘ലോ​ക​ച​രി​ത്ര​ത്തി​ൽ ത​ന്നെ അ​പൂ​ർ​വം’ എ​ന്നാ​ണ് സി​പി​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ വി​ശേ​ഷി​പ്പി​ച്ച​ത്. രാ​ഹു​ലി​ന് എം​എ​ൽ​എ ആ​യി പ്ര​വ​ർ​ത്തി​ക്കാ​ൻ സാ​ധി​ക്കി​ല്ലെ​ന്ന ഭീ​ഷ​ണി​യും ഗോ​വി​ന്ദ​ൻ മു​ഴ​ക്കി​യി​ട്ടു​ണ്ട്. രാ​ഹു​ലി​നെ പു​റ​ത്തി​റ​ങ്ങാ​ൻ അ​നു​വ​ദി​ക്കി​ല്ലെ​ന്നാ​ണു ബി​ജെ​പി​യും പ്ര​ഖ്യാ​പി​ച്ചി​ട്ടു​ള്ള​ത്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.