Latest News
ക​പ്പ​ടി​ക്കാ​ൻ നീ​ല​പ്പ​ട; ചാ​മ്പ്യ​ൻ​സ് ട്രോ​ഫി​യി​ൽ ഇ​ന്ത്യ x ന്യൂ​സി​ല​ൻ​ഡ് പോ​രാ​ട്ടം ഇ​ന്ന്
Sunday, March 9, 2025 6:01 AM IST
ദു​ബാ​യ്: അ​പ​രാ​ജി​ത​രാ​യി ഫൈ​ന​ലി​ൽ എ​ത്തി മൂ​ന്നാം ത​വ​ണ ചാ​ന്പ്യ​ൻ​സ് ട്രോ​ഫി ഉ​യ​ർ​ത്താ​ൻ രോ​ഹി​ത് ശ​ർ​മ​യു​ടെ നീ​ല​പ്പ​ട​യും മി​ക​ച്ച ഫോ​മി​ലു​ള്ള മി​ച്ച​ൽ സാ​ന്‍റ​ന​റു​ടെ ന്യൂ​സി​ല​ൻ​ഡും ഇ​ന്ന് നേ​ർ​ക്കു​നേ​ർ പോ​രാ​ടു​ന്പോ​ൾ ആ​രാ​കും ചാ​ന്പ്യ​ൻ..? ആ​രാ​ധ​ക​രു​ടെ ച​ങ്കി​ടി​പ്പി​ന് ഇ​ന്ന് ദു​ബാ​യ് ഇ​ന്‍റ​ർ​നാ​ഷ​ണ​ൽ ക്രി​ക്ക​റ്റ് സ്റ്റേ​ഡി​യ​ത്തി​ൽ ഉ​ച്ച​ക​ഴി​ഞ്ഞ് 2.30നു ​ന​ട​ക്കു​ന്ന മ​ത്സ​രം ഉ​ത്ത​രം ന​ൽ​കും.

ബാ​റ്റ​ർ​മാ​രും സ്പി​ന്ന​ർ​മാ​രും ത​മ്മി​ലു​ള്ള പോ​രാ​ട്ട​മാ​കും ന​ട​ക്കു​ക. മി​ച്ച​ൽ സാ​ന്‍റ​ന​റു​ടെ​യും വ​രു​ണ്‍ ച​ക്ര​വ​ർ​ത്തി​യു​ടെ​യും പ്ര​ക​ട​നം ഇ​രു​ടീ​മി​നും നി​ർ​ണാ​യ​ക​മാ​കും. അ​തേ​സ​മ​യം പ​രി​ക്കേ​റ്റ പേ​സ​ർ മാ​റ്റ് ഹെ​ൻ​റി ഇ​ന്ന് ക​ളി​ച്ചേ​ക്കി​ല്ല. ക​ഴി​ഞ്ഞ മ​ത്സ​ര​ത്തി​ൽ ഇ​ന്ത്യ​ക്കെ​തി​രേ അ​ഞ്ച് വി​ക്ക​റ്റ് നേ​ടി​യ ഹെ​ൻ​റി​യു​ടെ അ​ഭാ​വം കി​വി​ക​ൾ​ക്ക് വ​ലി​യ തി​രി​ച്ച​ടി​യാ​കും.

ക​ഴി​ഞ്ഞ 15 വ​ർ​ഷം ക​രു​ത്ത​രാ​യി ഐ​സി​സി ടൂ​ർ​ണ​മെ​ന്‍റു​ക​ളി​ൽ മു​ന്നേ​റ്റം​ന​ട​ത്തു​ന്ന ഇ​ന്ത്യ​യു​ടെ തു​ട​ർ​ച്ച​യാ​യ മൂ​ന്നാം ചാ​ന്പ്യ​ൻ​സ് ട്രോ​ഫി ഫൈ​ന​ലാ​ണി​ത്. എ​ല്ലാ മ​ത്സ​ര​ങ്ങ​ളും ഒ​രേ സ്റ്റേ​ഡി​യ​ത്തി​ൽ ക​ളി​ച്ച ഇ​ന്ത്യ​ക്ക് പി​ച്ചി​ന്‍റെ ആ​നു​കൂ​ല്യ​മു​ണ്ട്.

സ്പി​ന്‍ കെ​ണി

സ്പി​ന്നി​നെ തു​ണ​യ്ക്കു​ന്ന പി​ച്ചി​ൽ പ്ര​തീ​ക്ഷ പ​ക​ർ​ന്ന് വ​രു​ണ്‍ ച​ക്ര​വ​ർ​ത്തി​യു​ടെ ഫോ​മും അ​ക്സ​ർ പ​ട്ടേ​ൽ, ജ​ഡേ​ജ, കു​ൽ​ദീ​പ് ത്ര​യ​ത്തി​ന്‍റെ സ​പ്പോ​ർ​ട്ടു​മു​ണ്ട്. എ​ന്നാ​ൽ, വി​ല്യം​സ​ണും ര​ചി​ൻ ര​വീ​ന്ദ്ര​യും മു​ന്നി​ൽ​നി​ന്നു ന​യി​ക്കു​ന്ന കി​വി ബാ​റ്റ​ർ​മാ​ർ സ്പി​ൻ കെ​ണി​യി​ൽ അ​ത്ര​വേ​ഗം വീ​ഴു​ന്ന​വ​ര​ല്ല. സാ​ന്‍റ്ന​ര്‍ അ​ട​ക്കം എ​തി​രാ​ളി​ക​ളെ എ​റി​ഞ്ഞി​ടാ​ൻ പ്രാ​പ്തി​യു​ള്ള സ്പി​ന്ന​ർ​മാ​രും ഉ​ണ്ടെ​ന്ന​തി​നാ​ൽ തു​ല്യ​ശ​ക്തി​ക​ളു​ടെ പോ​രാ​ട്ട​മാ​കും ഇ​ന്നു ന​ട​ക്കു​ക.

വി​രാ​ട് കോ​ഹ്‌​ലി, രോ​ഹി​ത് ശ​ർ​മ, ര​വീ​ന്ദ്ര ജ​ഡേ​ജ തു​ട​ങ്ങി​യ സീ​നി​യ​ർ താ​ര​ങ്ങ​ളു​ടെ അ​വ​സാ​ന ചാ​ന്പ്യ​ൻ​സ് ട്രോ​ഫി​യാ​കാ​ൻ സാ​ധ്യ​ത​യു​ള്ള ഫൈ​ന​ലി​ൽ ക​പ്പി​ൽ കു​റ​ഞ്ഞൊ​ന്നും ഇ​ന്ത്യ പ്ര​തീ​ക്ഷി​ക്കി​ല്ല. അ​തേ​സ​മ​യം ന്യൂ​സി​ല​ൻ​ഡ് ക്രി​ക്ക​റ്റി​ന്‍റെ സു​വ​ർ​ണ ത​ല​മു​റ​യാ​ണ് ഈ ​സം​ഘം. ഓ​രോ ഐ​സി​സി ടൂ​ർ​ണ​മെ​ന്‍റി​ലും സ്ഥി​ര​ത​യോ​ടെ അ​വ​ർ ക​ളി​ച്ചു.

കി​വി​ക​ൾ ക്രി​ക്ക​റ്റ്ച​രി​ത്ര​ത്തി​ൽ നേ​ടി​യ​ത് ര​ണ്ടേ ര​ണ്ട് ഐ​സി​സി കി​രീ​ട​ങ്ങ​ളാ​ണ്. 2000ത്തി​ലെ ഐ​സി​സി നോ​ക്കൗ​ട്ട് ട്രോ​ഫി​യും 2021ൽ ​ടെ​സ്റ്റ് ചാ​ന്പ്യ​ൻ​ഷി​പ്പും. ര​ണ്ടു​ത​വ​ണ​യും പ​രാ​ജ​യ​പ്പെ​ടു​ത്തി​യ​ത് ഇ​ന്ത്യ​യെ ആ​യി​രു​ന്നു​വെ​ന്ന​ത് അ​വ​രു​ടെ ആ​ത്മ​വി​ശ്വാ​സം കൂ​ട്ടും. അ​തേ​സ​മ​യം ഗ്രൂ​പ്പ് ഘ​ട്ട​ത്തി​ൽ അ​വ​ർ​ക്ക​തി​രേ നേ​ടി​യ മി​ക​ച്ച ജ​യ​വും ടീ​മി​ന്‍റെ ഫോ​മും ഇ​ന്ത്യ​ക്ക് ആ​ത്മ​വി​ശ്വാ​സം ന​ൽ​കും.

ക​ണ​ക്ക് തീ​ർ​ക്കാ​നു​ണ്ട്

എ​ട്ടു​വ​ർ​ഷ​ത്തെ കാ​ത്തി​രി​പ്പി​ന​പ്പു​റം ചി​ല ക​ണ​ക്കു​ക​ൾ തീ​ർ​ക്കാ​നു​ണ്ട് രോ​ഹി​ത് ശ​ർ​മ​യ്ക്കും കൂ​ട്ട​ർ​ക്കും. 2017ൽ ​ന​ട​ന്ന അ​വ​സാ​ന ഫൈ​ന​ലി​ൽ ഇ​ത്ത​വ​ണ ആ​തി​ഥേ​യ​ത്വം വ​ഹി​ക്കു​ന്ന പാ​ക്കി​സ്ഥാ​നാ​ണ് ഇ​ന്ത്യ​യെ തോ​ൽ​പ്പി​ച്ചു ക​പ്പ് നേ​ടി​യ​ത്. 2000ത്തി​ൽ ന​ട​ന്ന ഫൈ​ന​ലി​ൽ ഇ​ന്ത്യ​യെ നാ​ല് വി​ക്ക​റ്റി​ന് തോ​ൽ​പ്പി​ച്ച് ന്യൂ​സി​ല​ൻ​ഡ് ത​ങ്ങ​ളു​ടെ ആ​ദ്യ ഐ​സി​സി ക​പ്പി​ൽ മു​ത്ത​മി​ട്ടു. ഈ ​ര​ണ്ട് ക​ണ​ക്കു​ക​ളും ഒ​ന്നി​ച്ചു തീ​ർ​ത്ത് ക​പ്പു​യ​ർ​ത്തു​ക​യാ​ണ് ഇ​ന്ത്യ​യു​ടെ ല​ക്ഷ്യം.

അ​തേ​സ​മ​യം, സെ​മി​ഫൈ​ന​ൽ ടീം ​എ​ന്ന വി​ളി​പ്പേ​രു​ള്ള കി​വി​ക​ൾ ഫൈ​ന​ലി​സ്റ്റു​ക​ൾ എ​ന്ന നി​ല​യി​ലേ​ക്ക് മാ​റി​യി​ട്ടു​ണ്ട്. 2015 ഏ​ക​ദി​ന ലോ​ക​ക​പ്പി​ൽ ഓ​സീ​സി​നോ​ടു​ള്ള തോ​ൽ​വി, 2019ൽ ​ഇം​ഗ്ല​ണ്ടി​നോ​ട് ഇ​ഞ്ചോ​ടി​ഞ്ച് പോ​രാ​ട്ട​ത്തി​ൽ ബൗ​ണ്ട​റി​ക​ളു​ടെ എ​ണ്ണ​ത്തി​ൽ കൈ​വി​ട്ടു പോ​യ ലോ​ക​ക​പ്പ്, 2021 ട്വ​ന്‍റി20 ലോ​ക​ക​പ്പി​ൽ വീ​ണ്ടും വി​ല്ല​നാ​യി ഓ​സീ​സ്. നി​രാ​ശ​ക​ൾ അ​വ​സാ​നി​പ്പി​ക്കാ​ൻ കി​വി​ക​ൾ​ക്കും ജ​യി​ച്ചേ തീ​രൂ.

തു​ല്യ​ശ​ക്തി​ക​ൾ

എ​ട്ട് ടീ​മു​ക​ൾ പ​ങ്കെ​ടു​ത്ത ടൂ​ർ​ണ​മെ​ന്‍റി​ൽ ഇ​ന്ത്യ​യാ​യി​രു​ന്നു ഏ​റ്റ​വും മി​ക​വ് തെ​ളി​യി​ച്ചു നി​ന്ന​ത്. കോ​ഹ്‌​ലി, രോ​ഹി​ത്, ഗി​ൽ, ശ്രേ​യ​സ് അ​യ്യ​ർ, കെ.​എ​ൽ. രാ​ഹു​ൽ എ​ന്നി​വ​ർ ബാ​റ്റിം​ഗ്‌ നി​ര​യു​ടെ വി​ശ്വാ​സം കാ​ത്തു. ഹാ​ർ​ദി​ക് പാ​ണ്ഡ്യ​യും അ​ക്സ​ർ പ​ട്ടേ​ലും മി​ക​ച്ച പി​ന്തു​ണ ന​ൽ​കി.

ഒ​റ്റ​യ്ക്ക് ടീ​മി​നെ വി​ജ​യ​ത്തി​ലെ​ത്തി​ക്കാ​ൻ സാ​ധി​ക്കു​ന്ന താ​ര​ങ്ങ​ളാ​ണി​വ​ർ. സാ​ഹ​ച​ര്യ​ത്തി​ന​നു​സ​രി​ച്ച് ക​ളി അ​നു​കൂ​ല​മാ​ക്കാ​ൻ ക​ഴി​യു​ന്ന ര​വീ​ന്ദ്ര ജ​ഡേ​ജ​യും ചേ​രു​ന്പോ​ൾ ബാ​റ്റിം​ഗ് ക​രു​ത്തി​ൽ ചോ​ദ്യ​ങ്ങ​ളി​ല്ല. പേ​സ​ർ ഷ​മി​യും, ബും​റ​യു​ടെ അ​ഭാ​വം നി​ക​ത്തി സ്പി​ൻ കെ​ണി​യും ഇ​ന്ത്യ​ക്ക് ക​രു​ത്താ​ണ്. ഇ​ന്ത്യ കൂ​ടു​ത​ൽ ആ​ശ്ര​യി​ച്ച​ത് സ്പി​ന്ന​ർ​മാ​രെ. ആ ​കെ​ണി​യി​ൽ ഇ​ര​ക​ൾ വീ​ഴു​ക​യും ചെ​യ്തു.

സി​പി​ന്നി​നെ തു​ണ​യ്ക്കു​ന്ന പി​ച്ചി​ൽ വ​രു​ണ്‍ ച​ക്ര​വ​ർ​ത്തി വ​ലി​യ പ്ര​തീ​ക്ഷ​യാ​ണ് ഇ​ന്ന​ത്തെ മ​ത്സ​ര​ത്തി​ൽ ന​ൽ​കു​ന്ന​ത്. ഗ്രൂ​പ്പ് ഘ​ട്ട മ​ത്സ​ര​ത്തി​ൽ ന്യൂ​സി​ല​ൻ​ഡി​നെ​തി​രേ അ​ഞ്ച് വി​ക്ക​റ്റ് നേ​ട്ട​ത്തോ​ടെ മി​ന്നും ഫോ​മി​ലാ​ണ് വ​രു​ണ്‍. അ​ക്സ​ർ, ര​വീ​ന്ദ്ര ജ​ഡേ​ജ, കു​ൽ​ദീ​പ് യാ​ദ​വ് എ​ന്നി​വ​ർ​കൂ​ടി ചേ​രു​ന്ന​തോ​ടെ ടീം ​സ​ന്പൂ​ർ​ണ​മാ​ണ്. ഫീ​ൽ​ഡിം​ഗി​ലും ഇ​ന്ത്യ മി​ക​വ് പു​ല​ർ​ത്തു​ന്നു.

ന്യൂ​സി​ല​ൻ​ഡും സ​മാ​ന​മാ​ണ്. മി​ക​ച്ച ബാ​റ്റിം​ഗ്, ബൗ​ളിം​ഗ് നി​ര​യ്ക്കൊ​പ്പം ഫീ​ൽ​ഡിം​ഗും. ഇ​ന്ത്യ​യെ​പ്പോ​ലെ ബാ​ല​ൻ​സ്ഡ് സം​ഘം. ഉ​ദ്ഘാ​ട​ന​മ​ത്സ​ര​ത്തി​ൽ പാ​ക്കി​സ്ഥാ​നെ​തി​രേ സ്കോ​ർ 300 ക​ട​ത്തി​യ കി​വി​ക​ളു​ടെ ബാ​റ്റിം​ഗ് വി​ശ്വ​സ്ത​രാ​ണ് ര​ചി​ൻ ര​വീ​ന്ദ്ര, വി​ൽ യം​ഗ്, ഡെ​വ​ൻ കോ​ണ്‍​വേ​യ്, ഡാ​രി​ൽ മി​ച്ച​ൽ, ടോം ​ലാ​ഥം, വി​ല്യം​സ​ണ്‍ എ​ന്നി​വ​ര്‍. സ്പി​ന്നി​നെ ന​ന്നാ​യി നേ​രി​ടു​ന്ന വി​ല്യം​സ​ണ് ഇ​ടം​കൈ​യ​ൻ സ്പി​ന്ന​ർ​മാ​ർ​ക്കെ​തി​രേ നൂ​റി​നു മു​ക​ളി​ലാ​ണ് ശ​രാ​ശ​രി​യെ​ന്ന​തും ശ്ര​ദ്ധേ​യം. ബൗ​ളിം​ഗ് ഡി​പ്പാ​ർ​ട്മെ​ന്‍റി​ലും ന്യൂ​സി​ല​ൻ​ഡ് ശ​ക്ത​മാ​ണ്. സ്പി​ന്ന​ർ​മാ​രാ​യി ക്യാ​പ്റ്റ​ൻ മി​ച്ച​ൽ സാ​ന്‍റ്ന​ർ​ക്കൊ​പ്പം ബ്രേ​സ്‌​വെ​ല്ലും വെ​ല്ലു​വി​ളി​യു​യ​ർ​ത്തും. ഗ്ലെ​ൻ ഫി​ലി​പ്സും ര​ചി​ൻ ര​വീ​ന്ദ്ര​യും പി​ന്തു​ണ ന​ൽ​കു​ന്ന​തോ​ടെ ശ​ക്തം.

മ​ത്സ​രം ടൈ ​ആ​യാ​ൽ

2019ലെ ​ഏ​ക​ദി​ന ലോ​ക​ക​പ്പ് ഫൈ​ന​ലി​ൽ ഇം​ഗ്ല​ണ്ട്-​ന്യൂ​സി​ല​ൻ​ഡ് മ​ത്സ​രം ടൈ ​ആ​യ​തി​ന്‍റെ ഓ​ർ​മ​ക​ൾ ആ​രാ​ധ​ക​മ​ന​സി​ലു​ണ്ടാ​കും. ഒ​ട്ടേ​റെ വി​മ​ർ​ശ​നം ഉ​യ​ർ​ന്ന ആ ​നി​യ​മം ഐ​സി​സി പി​ന്നീ​ട് ഒ​ഴി​വാ​ക്കി. നാ​ളെ മ​ത്സ​രം ടൈ ​ആ​യാ​ൽ വീ​ണ്ടും സൂ​പ്പ​ർ ഓ​വ​ർ ന​ട​ത്തും. അ​തി​ലും ടൈ ​ആ​യാ​ൽ വീ​ണ്ടും സൂ​പ്പ​ർ ഓ​വ​ർ എ​ന്ന രീ​തി​യി​ലാ​ണ് വി​ജ​യി​ക​ളെ ക​ണ്ടെ​ത്തു​ക.

മ​ഴ മൂ​ലം ഉ​പേ​ക്ഷി​ച്ചാ​ൽ

ദു​ബാ​യി​ൽ മ​ഴ പെ​യ്യാ​നു​ള്ള സാ​ധ്യ​ത വി​ര​ള​മാ​ണെ​ങ്കി​ലും മ​ഴ മൂ​ലം മ​ത്സ​രം ഉ​പേ​ക്ഷി​ച്ചാ​ൽ ഐ​സി​സി റി​സ​ർ​വ് ദി​നം പ്ര​ഖ്യാ​പി​ച്ചി​ട്ടി​ല്ലാ​ത്ത സാ​ഹ​ച​ര്യ​ത്തി​ൽ ഇ​രു ടീ​മു​ക​ളെ​യും സം​യു​ക്ത ജേ​താ​ക്ക​ളാ​യി പ്ര​ഖ്യാ​പി​ക്കും. 2002ൽ ​ഇ​ന്ത്യ​യും ശ്രീ​ല​ങ്ക​യും ഇ​ത്ത​ര​ത്തി​ൽ സം​യു​ക്ത ജേ​താ​ക്ക​ളാ​യി​ട്ടു​ണ്ട്.

ഇ​ന്ത്യ ഇ​തു​വ​രെ

ആ​ദ്യ​മ​ത്സ​രം ബം​ഗ്ലാ​ദേ​ശി​നെ​തി​രേ. അ​നാ​യാ​സ ജ​യം. ര​ണ്ടാം മ​ത്സ​ര​ത്തി​ൽ പാ​ക്കി​സ്ഥാ​നെ​യും അ​നാ​യാ​സം വീ​ഴ്ത്തി. മൂ​ന്നാം മ​ത്സ​ര​ത്തി​ൽ ഇ​ന്ത്യ​ൻ ബാ​റ്റ​ർ​മാ​രെ കി​വി​ക​ൾ പി​ടി​ച്ചു​കെ​ട്ടി. അ​തേ നാ​ണ​യ​ത്തി​ൽ തി​രി​ച്ച​ടി​ച്ച ഇ​ന്ത്യ സ്പി​ൻ​കെ​ണി​യി​ൽ കി​വി​ക​ളെ വീ​ഴ്ത്തി. സെ​മി​യി​ൽ ഓ​സീ​സി​നെ​യും മ​റി​ക​ട​ന്നു.

ന്യൂ​സി​ല​ൻ​ഡ് ഇ​തു​വ​രെ

ഉ​ദ്ഘാ​ട​ന​മ​ത്സ​ര​ത്തി​ൽ പാ​ക്കി​സ്ഥാ​നെ 60 റ​ണ്‍​സി​ന് തോ​ൽ​പ്പി​ച്ചു. ര​ണ്ടാം മ​ത്സ​ര​ത്തി​ൽ ബം​ഗ്ലാ​ദേ​ശി​നെ​യും. മൂ​ന്നാം മ​ത്സ​ര​ത്തി​ൽ ഇ​ന്ത്യ​ൻ സ്പി​ൻ കെ​ണി​യി​ൽ വീ​ണു. നാ​ലാം മ​ത്സ​ര​ത്തി​ൽ സെ​മി​യി​ൽ ദ​ക്ഷി​ണാ​ഫ്രി​ക്ക​യെ ത​ക​ർ​ത്ത് ഫൈ​ന​ലി​ൽ.

മാ​റ്റ് ഹെ​ൻ​റി പു​റ​ത്ത്!

ചാ​ന്പ്യ​ൻ​സ് ട്രോ​ഫി ക്രി​ക്ക​റ്റ് ഫൈ​ന​ലി​നി​റ​ങ്ങു​ന്ന ന്യൂ​സി​ല​ൻ​ഡി​ന് തി​രി​ച്ച​ടി. സെ​മി ഫൈ​ന​ലി​ൽ ദ​ക്ഷി​ണാ​ഫ്രി​ക്ക​യ്ക്കെ​തി​രാ​യ മ​ത്സ​ര​ത്തി​ൽ വ​ല​തു തോ​ളി​ന് പ​രി​ക്കേ​റ്റ മാ​റ്റ് ഹെ​ൻ​റി ഇ​ന്ന് ക​ളി​ച്ചേ​ക്കി​ല്ല. ന്യൂ​സി​ല​ൻ​ഡ് ടീം ​മാ​നേ​ജ്മെ​ന്‍റ് ഇ​ക്കാ​ര്യം പൂ​ർ​ണ​മാ​യും സ്ഥി​രീ​ക​രി​ക്കു​ന്നി​ല്ലെ​ങ്കി​ലും ഹെ​ൻ​റി ക​ളി​ക്കാ​നു​ള്ള സാ​ധ്യ​ത വി​ര​ള​മെ​ന്നാ​ണ് റി​പ്പോ​ർ​ട്ട്.

ഗ്രൂ​പ്പ് ഘ​ട്ട​ത്തി​ൽ ഇ​ന്ത്യ​ക്കെ​തി​രേ അ​ഞ്ച് വി​ക്ക​റ്റ് നേ​ടി​യ ഹെ​ൻ​റി​യു​ടെ അ​ഭാ​വം കി​വി​ക​ൾ​ക്ക് ആ​ശ​ങ്ക​യാ​ണ്. ഇ​ന്ത്യ​ക്കെ​തി​രേ ചാ​ന്പ്യ​ൻ​സ് ട്രോ​ഫി​യി​ൽ അ​ഞ്ച് വി​ക്ക​റ്റ് നേ​ടു​ന്ന ആ​ദ്യ​താ​ര​മാ​ണ് ഹെ​ൻ​റി. 33കാ​ര​നാ​യ ഹെ​ൻ​റി​ക്ക് 91 മ​ത്സ​ര​ങ്ങ​ളു​ടെ പ​രി​ച​യ​സ​ന്പ​ത്തു​ണ്ട്.

ഹെ​ൻ​റി ക​ളി​ച്ചി​ല്ലെ​ങ്കി​ൽ പ​ക​രം നാ​ഥ​ൻ സ്മി​ത്തോ ജേ​ക്ക​ബ് ഡ​ഫി​യോ ക​ളി​ക്കും. സ്പെ​ഷ​ലി​സ്റ്റ് ബൗ​ള​റാ​യ ഡ​ഫി 11 മ​ത്സ​ര​ങ്ങ​ളി​ൽ​നി​ന്ന് 19 വി​ക്ക​റ്റ് നേ​ടി​യി​ട്ടു​ണ്ട്. ഏ​ഴ് മ​ത്സ​ര​ങ്ങ​ൾ ക​ളി​ച്ചി​ട്ടു​ള്ള സ്മി​ത്ത് ഓ​ൾ​റൗ​ണ്ട​റാ​ണ്.

ഹൊ​റ​ർ സ​ണ്‍​ഡേ!

ഞാ​യ​റാ​ഴ്ച ന​ട​ന്ന ഒ​രു ഫൈ​ന​ൽ മ​ത്സ​ര​ത്തി​ലും ഇ​ന്ത്യ​ക്ക് വി​ജ​യി​ക്കാ​ൻ ക​ഴി​ഞ്ഞി​ട്ടി​ല്ലെ​ന്ന​താ​ണു ച​രി​ത്രം. 2000ത്തി​ലെ നോ​ക്കൗ​ട്ട് ക​പ്പ് (ഇ​പ്പോ​ഴ​ത്തെ ചാ​ന്പ്യ​ൻ​സ് ട്രോ​ഫി) ഫൈ​ന​ൽ മു​ത​ൽ 2023ലെ ​ഏ​ക​ദി​ന ലോ​ക​പ്പ് ഫൈ​ന​ൽ വ​രെ​യു​ള്ള തോ​ൽ​വി​ക​ൾ ടീം ​ഏ​റ്റു​വാ​ങ്ങി​യ​ത് ഞാ​യ​റാ​ഴ്ച​യാ​യി​രു​ന്നു.

ഐ​സി​സി ടൂ​ർ​ണ​മെ​ന്‍റ് ഫൈ​ന​ലി​ൽ ഇ​ന്ത്യ ഞാ​യ​റാ​ഴ്ച നേ​ടി​യ ഏ​ക​വി​ജ​യം 2013ലെ ​ചാ​ന്പ്യ​ൻ​സ് ട്രോ​ഫി​യി​ൽ ഇം​ഗ്ല​ണ്ടി​നെ​തി​രേ​യാ​യി​രു​ന്നു. എ​ന്നാ​ൽ മ​ഴ വി​ല്ല​നാ​യ മ​ത്സ​രം തി​ങ്ക​ളാ​ഴ്ച ആ​യി​രു​ന്നു അ​വ​സാ​നി​ച്ച​ത്.

ഇ​ന്ത്യ തോ​ൽ​വി വ​ഴ​ങ്ങി​യ ഞാ​യ​റാ​ഴ്ച​യി​ലെ ഫൈ​ന​ലു​ക​ൾ:

2014 ട്വ​ന്‍റി20 ലോ​ക​ക​പ്പ് ഫൈ​ന​ൽ (ശ്രീ​ല​ങ്ക​യ്ക്കെ​തി​രേ).
2003 ഏ​ക​ദി​ന ലോ​ക​ക​പ്പ് ഫൈ​ന​ൽ (ഓ​സ്ട്രേ​ലി​യ​യ്ക്കെ​തി​രേ).
2000 ചാ​ന്പ്യ​ൻ​സ് ട്രോ​ഫി ഫൈ​ന​ൽ (ന്യൂ​സി​ല​ൻ​ഡി​നെ​തി​രേ).
2017 ചാ​ന്പ്യ​ൻ​സ് ട്രോ​ഫി ഫൈ​ന​ൽ (പാ​ക്കി​സ്ഥാ​നെ​തി​രേ).
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.