Latest News
റി​ക്കാ​ര്‍​ഡ് ഉ​യ​ര​ത്തി​ല്‍ നി​ന്ന് താ​ഴെ​വീ​ണ് സ്വ​ര്‍​ണ​വി​ല; 64,000 രൂ​പ​യ്ക്കു മു​ക​ളി​ൽ​ത​ന്നെ
Wednesday, February 26, 2025 11:51 AM IST
കൊ​ച്ചി: സം​സ്ഥാ​ന​ത്ത് റി​ക്കാ​ര്‍​ഡ് ഉ​യ​ര​ത്തി​ല്‍ നി​ന്നു തി​രി​ച്ചി​റ​ങ്ങി സ്വ​ര്‍​ണ​വി​ല. ഇ​ന്ന് പ​വ​ന് 200 രൂ​പ​യും ഗ്രാ​മി​ന് 25 രൂ​പ​യു​മാ​ണ് കു​റ​ഞ്ഞ​ത്. ഇ​തോ​ടെ, ഒ​രു പ​വ​ൻ സ്വ​ർ​ണ​ത്തി​ന് 64,400 രൂ​പ​യി​ലും ഗ്രാ​മി​ന് 8,050 രൂ​പ​യി​ലു​മാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്. അ​തേ​സ​മ​യം, 18 കാ​ര​റ്റ് സ്വ​ർ​ണ​വി​ല ഗ്രാ​മി​ന് 20 രൂ​പ കു​റ​ഞ്ഞ് 6,620 രൂ​പ​യി​ലെ​ത്തി.

ചൊ​വ്വാ​ഴ്ച പ​വ​ന് 160 രൂ​പ​യും ഗ്രാ​മി​ന് 20 രൂ​പ​യും വ​ർ​ധി​ച്ചാ​ണ് സ്വ​ർ​ണം പു​തി​യ ച​രി​ത്ര വി​ല​യി​ലെ​ത്തി​യ​ത്. തു​ട​ർ​ന്ന് 65,000 രൂ​പ തൊ​ടു​മെ​ന്ന ക​ണ​ക്കു​കൂ​ട്ട​ലു​ക​ൾ​ക്കി​ടെ​യാ​ണ് ഇ​ന്നു താ​ഴേ​ക്കു പോ​യ​ത്.

ജ​നു​വ​രി 22നാ​ണ് പ​വ​ന്‍ വി​ല ആ​ദ്യ​മാ​യി 60,000 ക​ട​ന്ന​ത്. തു​ട​ർ​ന്ന് 24ന് 60,440 ​രൂ​പ​യാ​യി ഉ​യ​ർ​ന്ന് സ​ർ​വ​കാ​ല റി​ക്കാ​ർ​ഡി​ലെ​ത്തി. 31ന് ​പ​വ​ന് ഒ​റ്റ​യ​ടി​ക്ക് 960 രൂ​പ ഉ​യ​ർ​ന്ന് 61,000 രൂ​പ​യെ​ന്ന പു​തി​യ ഉ​യ​രം താ​ണ്ടി​യി​രു​ന്നു.

ഈ ​മാ​സം ഒ​ന്നി​ന് ഒ​രു പ​വ​ന്‍ സ്വ​ര്‍​ണ​ത്തി​ന് 61,960 രൂ​പ​യാ​യി​രു​ന്നു വി​ല. മൂ​ന്നി​ന് 320 രൂ​പ ഇ​ടി​ഞ്ഞെ​ങ്കി​ലും പി​ന്നീ​ട് വീ​ണ്ടും കു​തി​ച്ചു. നാ​ലി​ന് ഒ​റ്റ​യ​ടി​ക്ക് 840 രൂ​പ​യും അ​ഞ്ചി​ന് 760 രൂ​പ​യും ആ​റി​ന് 200 രൂ​പ​യും ഉ​യ​രു​ക​യാ​യി​രു​ന്നു.

തു​ട​ർ​ന്ന് ഏ​ഴി​ന് മാ​റ്റ​മി​ല്ലാ​തെ തു​ട​ർ​ന്ന ശേ​ഷം എ​ട്ടി​ന് 120 രൂ​പ​യും 10ന് 280 ​രൂ​പ​യും ഉ​യ​ർ​ന്ന സ്വ​ർ​ണം പി​ന്നീ​ട് 64,000 രൂ​പ​യും ക​ട​ന്നു കു​തി​ക്കു​ന്ന കാ​ഴ്ച​യാ​ണ് ക​ണ്ട​ത്. 11ന് ​പ​വ​ന് 64,480 രൂ​പ​യെ​ന്ന പു​തി​യ ഉ​യ​രം കു​റി​ച്ചു. വീ​ണ്ടും റി​ക്കാ​ര്‍​ഡ് ഉ​യ​ര​ത്തി​ലേ​ക്ക് മു​ന്നേ​റു​മെ​ന്ന് തോ​ന്നി​പ്പി​ച്ച ഘ​ട്ട​ത്തി​ൽ 15ന് ​സ്വ​ര്‍​ണ​വി​ല 800 രൂ​പ ഇ​ടി​ഞ്ഞു. പി​ന്നീ​ട് കു​തി​പ്പ് വീ​ണ്ടെ​ടു​ത്ത സ്വ​ർ​ണം 20 ന് ​വീ​ണ്ടും സ​ർ​വ​കാ​ല റി​ക്കാ​ർ​ഡി​ലെ​ത്തു​ക​യും ചെ​യ്തു. തു​ട​ർ​ന്ന് ക​യ​റ്റി​റ​ക്ക​ങ്ങ​ൾ‌​ക്കൊ​ടു​വി​ൽ ചൊ​വ്വാ​ഴ്ച വീ​ണ്ടും ച​രി​ത്ര റി​ക്കാ​ർ​ഡി​ലെ​ത്തു​ക​യാ​യി​രു​ന്നു.

ആ​ഗോ​ള വി​പ​ണി​യി​ലെ ച​ല​ന​ങ്ങ​ളും ഡോ​ള​ര്‍ ശ​ക്തി​യാ​ര്‍​ജി​ക്കു​ന്ന​ത് അ​ട​ക്ക​മു​ള്ള ഘ​ട​ക​ങ്ങ​ളു​മാ​ണ് സ്വ​ര്‍​ണ​വി​ല​യെ സ്വാ​ധീ​നി​ക്കു​ന്ന​ത്. ചൊ​വ്വാ​ഴ്ച ഔ​ൺ​സി​ന് 2,956 ഡോ​ള​ർ എ​ന്ന സ​ർ​വ​കാ​ല റി​ക്കാ​ർ​ഡ് രേ​ഖ​പ്പെ​ടു​ത്തി​യ രാ​ജ്യാ​ന്ത​ര​വി​ല, ലാ​ഭ​മെ​ടു​പ്പ് ത​കൃ​തി​യാ​യ​തി​നെ തു​ട​ർ​ന്ന് 2,906 ഡോ​ള​റി​ലേ​ക്ക് ഇ​ടി​ഞ്ഞു. നി​ല​വി​ൽ അ​ൽ​പം മെ​ച്ച​പ്പെ​ട്ട് 2,914 ഡോ​ള​റാ​യി​ട്ടു​ണ്ട്. വ്യാ​പാ​രം പു​രോ​ഗ​മി​ക്കു​ന്ന​തി​നാ​ല്‍ വി​ല​യി​ല്‍ മാ​റ്റം വ​ന്നേ​ക്കാം.

അ​തേ​സ​മ​യം, വെ​ള്ളി​യു​ടെ വി​ല​യി​ലും ര​ണ്ടു രൂ​പ കു​റ​ഞ്ഞു. ഒ​രു ഗ്രാം ​സാ​ധാ​ര​ണ വെ​ള്ളി​ക്ക് 105 രൂ​പ​യി​ലാ​ണ് വ്യാ​പാ​രം ന​ട​ക്കു​ന്ന​ത്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.