കൊയിലാണ്ടിയിൽ ട്രാഫിക് സ്റ്റേഷനിലെത്തിയ യുവാവ് എഎസ്‌ഐയെ മർദിച്ചു |

Click here for detailed news of all items

കൊയിലാണ്ടിയിൽ ട്രാഫിക് സ്റ്റേഷനിലെത്തിയ യുവാവ് എഎസ്‌ഐയെ മർദിച്ചു

Friday, January 24, 2025 6:32 PM IST

കോഴിക്കോട്: കൊയിലാണ്ടിയില്‍ ട്രാഫിക് പോലീസ് സ്റ്റേഷനിലെത്തിയ യുവാവ് എഎസ്‌ഐയെ മർദിച്ചു. കൊയിലാണ്ടി എടക്കുളം സ്വദേശി നിഹാബ് അബൂബക്കർ ആണ് എഎസ്‌ഐയെ മർദിച്ചത്.

സംഭവത്തിൽ നിഹാബ് അബൂബക്കറിനെ പോലീസ് അറസ്റ്റ് ചെയ്തു. കോടതിയിൽ ഹാജരാക്കിയ ഇയാളെ റിമാന്‍ഡ് ചെയ്തു. വ്യാഴാഴ്ച രാവിലെയായിരുന്നു സംഭവം.

ട്രാഫിക് സ്റ്റേഷനിലെത്തിയ യുവാവ് എഎസ്ഐ സജീവനെ ആക്രമിക്കുകയായിരുന്നു. ട്രാഫിക് നിയമ ലംഘനത്തിന് തനിക്ക് ലഭിച്ച പിഴ അടക്കുന്നതുമായി ബന്ധപ്പെട്ട കാര്യം അന്വേഷിക്കാന്‍ ട്രാഫിക് സ്റ്റേഷനില്‍ എത്തിയതായിരുന്നു നിഹാബ് അബൂബക്കര്‍.

ആദ്യം സ്റ്റേഷനിലെത്തിയ ഇയാള്‍ ഫൈന്‍ സംബന്ധിച്ച കാര്യങ്ങള്‍ സംസാരിക്കുകയും തിരിച്ചുപോവുകയും ചെയ്തു. എന്നാല്‍ കുറച്ചുകഴിഞ്ഞ് വീണ്ടുമെത്തി എഎസ്‌ഐയെ മര്‍ദ്ദിക്കുകയായിരുന്നുവെന്നാണ് പോലീസ് നല്‍കുന്ന വിശദീകരണം.

നിഹാബിനെ സംഭവ സ്ഥലത്തുവച്ചു തന്നെ പോലീസ് കസ്റ്റഡിയിലെടുത്തു. യുവാവിന്‍റെ ആക്രമണത്തിൽ ട്രാഫിക് പോലീസ് എഎസ്ഐ സജീവന് പരിക്കേറ്റിട്ടുണ്ടെന്ന് അധികൃതര്‍ പറഞ്ഞു.

വാക്കേറ്റത്തിനിടെ നിഹാബ് എഎസ്ഐയുടെ യൂണിഫോം പിടിച്ചുവലിക്കുകയും ചവിട്ടുകയും ചെയ്തെന്നാണ് പോലീസ് പറയുന്നത്. പരിക്കേറ്റ എഎസ്‌ഐ കൊയിലാണ്ടി താലൂക്ക് ആശുപത്രിയില്‍ ചികിത്സ തേടിയിട്ടുണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.