ചാന്പ്യൻസ് ട്രോഫി: ഇന്ത്യൻ ടീം കിറ്റിൽ നിന്ന് പാക്കിസ്ഥാന്‍റെ പേര് മാറ്റാനാകില്ലെന്ന് ഐസിസി |

Click here for detailed news of all items

ചാന്പ്യൻസ് ട്രോഫി: ഇന്ത്യൻ ടീം കിറ്റിൽ നിന്ന് പാക്കിസ്ഥാന്‍റെ പേര് മാറ്റാനാകില്ലെന്ന് ഐസിസി

Wednesday, January 22, 2025 5:59 PM IST

ദുബായ്: ചാമ്പ്യൻസ് ട്രോഫിക്കുള്ള ഇന്ത്യൻ ടീമിന്‍റെ കിറ്റിൽ നിന്നും ജേഴ്സിയിൽ നിന്നും പാക്കിസ്ഥാന്‍റെ പേര് മാറ്റാനാകില്ലെന്ന് ഐസിസി. പാകിസ്ഥാന്‍റെ പേര് ഒഴുവാക്കണമെന്നുള്ള ഇന്ത്യയുടെ ആവശ്യം ഐസിസി തള്ളി.

ചാമ്പ്യൻസ് ട്രോഫിയുടെ ഔദ്യോഗിക ലോഗോ ടീം കിറ്റുകളിലും ജേഴ്സിയിലും എല്ലാ ടീമുകളും പ്രദര്‍ശിപ്പിക്കണമെന്നും ഇത് ചെയ്യാത്ത ടീമുകള്‍ക്കെതിരെ കര്‍ശന നടപടിയുണ്ടാകുമെന്നും ഐസിസി അറിയിച്ചിട്ടുണ്ട്.

ചാമ്പ്യൻസ് ട്രോഫിക്കായി എത്തുന്ന എല്ലാ ടീമുകളും അവരുടെ കിറ്റുകളില്‍ ടൂര്‍ണമെന്‍റ് ലോഗോ പതിക്കണമെന്നത് നിര്‍ബന്ധമാണെന്നും ഐസിസി പ്രതിനിധി വ്യക്തമാക്കിയിട്ടുണ്ട്. അതേസമയം പാക്കിസ്ഥാന്‍റെ പേരുള്ള ലോഗോ പതിക്കാനാകില്ലെന്ന തരത്തില്‍ യാതൊരു ആശയവിനിമയവും ഇന്ത്യൻ ക്രിക്കറ്റ് ബോര്‍ഡിന്‍റെ ഭാഗത്തു നിന്നോ ഐസിസിയുടെ ഭാഗത്തുനിന്നോ തങ്ങള്‍ക്ക് ലഭിച്ചിട്ടില്ലെന്ന് പാക് ക്രിക്കറ്റ് ബോര്‍ഡ് വ്യക്തമാക്കിയിട്ടുണ്ട്.

ചാമ്പ്യൻസ് ട്രോഫയില്‍ ഇന്ത്യയുടെ മത്സരങ്ങള്‍ക്ക് വേദിയാവുന്നത് ദുബായ് ആണെന്നതിനാല്‍ കിറ്റുകളില്‍ പാക്കിസ്ഥാന്‍ എന്ന് വെക്കേണ്ട ആവശ്യമില്ലെന്നായിരുന്നു ബിസിസിഐയുടെ നിലപാട്. ഐസിസി ടൂര്‍ണമെന്‍റുകള്‍ക്ക് മുന്നോടിയായി നടത്തുന്ന ക്യാപ്റ്റന്‍മാരുടെ പതിവ് ഫോട്ടോ ഷൂട്ടിനും വാര്‍ത്താസമ്മേളനത്തിനും രോഹിത്തിനെ അയക്കേണ്ടെന്ന് ബിസിസിഐ നേരത്തെ തീരുമാനിച്ചതായി റിപ്പോര്‍ട്ടുണ്ടായിരുന്നു.

അടുത്ത മാസം 19ന് തുടങ്ങുന്ന ചാമ്പ്യൻസ് ട്രോഫിയില്‍ 20ന് ബംഗ്ലാദേശിനെതിരെ ആണ് ഇന്ത്യയുടെ ആദ്യ മത്സരം. പാക്കിസ്ഥാനില്‍ കളിക്കാനില്ലെന്ന ഇന്ത്യൻ നിലപാടിനെത്തുടര്‍ന്ന് ദുബായ് ആണ് ഇന്ത്യയുടെ മത്സരങ്ങള്‍ക്ക് വേദിയാവുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.