ജസ്പ്രിത് ബുംറയുമായി വാക്കുതര്‍ക്കമുണ്ടായതില്‍ തന്‍റെ ഭാഗത്ത് തെറ്റുണ്ടായിരുന്നു: സാം കോണ്‍സ്റ്റാസ് |

Click here for detailed news of all items

ജസ്പ്രിത് ബുംറയുമായി വാക്കുതര്‍ക്കമുണ്ടായതില്‍ തന്‍റെ ഭാഗത്ത് തെറ്റുണ്ടായിരുന്നു: സാം കോണ്‍സ്റ്റാസ്

Tuesday, January 7, 2025 5:20 PM IST

സിഡ്നി: ഇന്ത്യൻ താരം ജസ്പ്രീത് ബുംറയുമായി സിഡ്നി ടെസ്റ്റിനിടെ വാക്കുതര്‍ക്കമുണ്ടായതില്‍ തന്‍റെ ഭാഗത്ത് തെറ്റുണ്ടായിരുന്നുവെന്ന് സമ്മതിച്ച് ഓസ്ട്രേലിയൻ താരം സാം കോൺസ്റ്റാസ്. ആദ്യ ദിവസം ഓസ്‌ട്രേലിയ ഒന്നാം ഇന്നിംഗ്‌സില്‍ ബാറ്റ് ചെയ്യുമ്പോള്‍ മൂന്നാം ഓവറിലെ അവസാന പന്തിലാണ് ഇരുവരും നേര്‍ക്കുനേര്‍ വന്നത്.

പെട്ടന്ന് പന്തെറിഞ്ഞ് മറ്റൊരു ഓവര്‍ കൂടി എറിയാനുള്ള ശ്രമമാണ് ഇന്ത്യന്‍ നായകന്‍ നടത്തിയത്. എന്നാല്‍ ഖവാജ ക്രീസില്‍ തയ്യാറായിരുന്നില്ല. ഇത് ബുംറ ചോദ്യം ചെയ്യുകയും ചെയ്തു. അപ്പോഴേക്കും നോണ്‍ സ്ട്രൈക്കിലുണ്ടായിരുന്ന കോണ്‍സ്റ്റാസ് തിരിച്ച് ബുംറയോട് തിരിച്ച് പലതും പറഞ്ഞു.

ഇതിനിടെ ബുമ്ര ചോദിക്കുന്നുണ്ട് നിന്‍റെ പ്രശ്നമെന്താണെന്ന്. അതിനുള്ള മറുപടിയും കോണ്‍സ്റ്റാസ് നല്‍കുന്നു. പിന്നീട് ഇരുവരും നേര്‍ക്കുനേര്‍ നടന്നുവന്നപ്പോള്‍ അംപയര്‍ ഇടപ്പെടുകയായിരുന്നു. സംഭവത്തിന് ശേഷമുള്ള പന്തില്‍ ബുമ്ര, ഖവാജയെ പുറത്താക്കിയിരുന്നു. കോണ്‍സ്റ്റാസിന്‍റെ മുഖത്ത് നോക്കി ആഘോഷം നടത്തുകയും ചെയ്തിരുന്നു.ഈ സംഭവത്തിലാണ് കോൺസ്റ്റാസ് ഇപ്പോൾ പ്രതികരിച്ചിരിക്കുന്നത്.

ഓസീസ് ഓപ്പണറുടെ വാക്കുകള്‍... "സംഭവത്തിന് ശേഷം നിര്‍ഭാഗ്യവശാല്‍ ഒസ്മാന്‍ ഖവാജ പുറത്തായി. ബുംറ ആ ദിവസം അല്‍പം കൂടി സമയം കിട്ടുമോ എന്നതിനാണ് ശ്രമിച്ചത്. എന്നാല്‍ അദ്ദേഹത്തെ പ്രകോപിപ്പിച്ചത് എന്‍റെ തെറ്റായിരിക്കാം. പക്ഷേ അങ്ങനെയൊക്കെ സംഭവിക്കാം. ഇത് ക്രിക്കറ്റാണ്. എല്ല ക്രഡിറ്റും ബുംറയ്ക്കാണ്. അദ്ദേഹത്തിന് വിക്കറ്റ് ലഭിച്ചു. പക്ഷേ മികച്ച പ്രകടനമാണ് ടീം പുറത്തെടുത്തത്.' കോണ്‍സ്റ്റാസ് വ്യക്തമാക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.