മൂന്നു വയസുകാരി കുഴൽകിണറ്റിൽ വീണു; രക്ഷാപ്രവർത്തനം പുരോഗമിക്കുന്നു |

Click here for detailed news of all items

മൂന്നു വയസുകാരി കുഴൽകിണറ്റിൽ വീണു; രക്ഷാപ്രവർത്തനം പുരോഗമിക്കുന്നു

Tuesday, December 24, 2024 1:27 AM IST

ജയ്പൂർ: രാജസ്ഥാനിലെ കോട്പുത്ലി-ബെഹ്റോർ ജില്ലയിൽ മൂന്ന് വയസുകാരി കുഴൽക്കിണറിൽ വീണു. 150 അടി താഴ്ചയുള്ള കുഴൽക്കിണറിലാണ് കുട്ടി വീണത്.

രക്ഷാപ്രവർത്തനത്തിനായി എൻഡിആർഎഫും എസ്ഡിആർഎഫും സ്ഥലത്തെത്തി. സരുന്ദ് പ്രദേശത്തെ പിതാവിന്‍റെ കൃഷിയിടത്തിൽ കളിക്കുകയായിരുന്ന ചേതന എന്ന പെൺകുട്ടി അബദ്ധത്തിൽ കുഴൽക്കിണറിലേക്ക് തെന്നി വീഴുകയായിരുന്നു.

വടിയിൽ ഘടിപ്പിച്ച കൊളുത്തിന്‍റെ സഹായത്തോടെ പെൺകുട്ടിയെ പുറത്തെടുക്കാൻ ശ്രമിക്കുകയാണെന്ന് സരുന്ദ് എസ്എച്ച്ഒ മുഹമ്മദ് ഇമ്രാൻ പറഞ്ഞു. പെൺകുട്ടിയുടെ ചലനങ്ങൾ കാമറയിലൂടെ നിരീക്ഷിക്കുന്നുണ്ട്. കുട്ടിയുടെ ജീവൻനിലനിർത്താനായി ഓക്സിജൻ എത്തിച്ചിട്ടുണ്ട്.

വ്യവസായ മന്ത്രി രാജ്യവർധൻ സിംഗ് റാത്തോഡ് ഉദ്യോഗസ്ഥരുമായി സംസാരിക്കുകയും പെൺകുട്ടിയെ വേഗത്തിൽ രക്ഷപ്പെടുത്താൻ നിർദ്ദേശം നൽകുകയും ചെയ്തു. രണ്ടാഴ്ച മുമ്പ് ദൗസ ജില്ലയിൽ അഞ്ച് വയസുള്ള ആൺകുട്ടി കുഴൽക്കിണറിൽ വീണിരുന്നു. 55 മണിക്കൂറിലേറെ സമയമെടുത്ത് കുട്ടിയെ പുറത്തെടുത്തെങ്കിലും ജീവൻ രക്ഷിക്കാനായിരുന്നില്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.