Latest News
കുറു​വ സം​ഘം കേ​ര​ള​ത്തി​ൽ? നി​രീ​ക്ഷ​ണം ശ​ക്ത​മാ​ക്കി പോ​ലീ​സ്
Saturday, November 2, 2024 2:16 PM IST
എ​സ്.​ആ​ർ. സു​ധീ​ർ കു​മാ​ർ
കൊ​ല്ലം: ത​മി​ഴ്നാ​ട്ടി​ലെ കു​പ്ര​സി​ദ്ധ​രും ആ​ക്ര​മ​ണ​കാ​രി​ക​ളു​മാ​യ നരിക്കുറു​വ മോ​ഷ​ണ സം​ഘം കേ​ര​ള​ത്തി​ൽ എ​ത്തി​യെ​ന്ന സം​ശ​യം ബ​ല​പ്പെ​ട്ടു. ഇതിനെത്തുടർന്ന് ത​മി​ഴ്നാ​ടു​മാ​യി അ​തി​ർ​ത്തി പ​ങ്കി​ടു​ന്ന ജി​ല്ല​ക​ളി​ൽ അ​ട​ക്കം പോ​ലീ​സ് രാ​ത്രി നി​രീ​ക്ഷ​ണം ശ​ക്ത​മാ​ക്കി. ജാ​ഗ്ര​ത പാ​ലി​ക്കാ​ൻ റെസി​ഡ​ൻസ് അ​സോ​സി​യേ​ഷ​ൻ അ​ട​ക്ക​മു​ള്ള സം​ഘ​ട​ന​ക​ൾ​ക്ക് പോ​ലീ​സ് മു​ന്ന​റി​യി​പ്പും ന​ൽ​കി​ക്ക​ഴി​ഞ്ഞു.

ആ​ല​പ്പു​ഴ ജി​ല്ല​യി​ലെ മ​ണ്ണ​ഞ്ചേ​രി​യി​ൽ അ​ടു​ത്തി​ടെ ന​ട​ന്ന മോ​ഷ​ണ ശ്ര​മ​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​മാ​ണ് കു​റു​വ സം​ഘ​ത്തി​ന്‍റെ സാ​ന്നി​ധ്യം സം​ശ​യി​ക്കാ​ൻ കാ​ര​ണ​മാ​യി​ട്ടു​ള്ള​ത്. പോ​ലീ​സ് ന​ട​ത്തി​യ പ​രി​ശോ​ധ​ന​യി​ൽ ല​ഭി​ച്ച ദൃ​ശ്യ​ങ്ങ​ളി​ൽ നി​ന്നാ​ണ് കു​റു​വ സം​ഘ​ത്തി​ലെ അം​ഗ​ങ്ങ​ൾ​ക്ക് സ​മാ​ന​മാ​യ മോ​ഷ്ടാ​ക്ക​ളു​ടെ ചി​ത്ര​ങ്ങ​ൾ ല​ഭി​ച്ച​ത്.

ക​ണ്ണ് ഒ​ഴി​കെ മു​ഖം പൂ​ർ​ണ​മാ​യി മ​റ​ച്ച് അ​ർ​ധ​ന​ഗ്ന​രാ​യാ​ണ് കു​റു​വ സം​ഘ​ത്തി​ലെ അം​ഗ​ങ്ങ​ൾ രാ​ത്രി "ഓ​പ്പ​റേ​ഷ​ന് ' ഇ​റ​ങ്ങാ​റു​ള്ള​ത്. ര​ണ്ടു പേ​രു​ടെ ദൃ​ശ്യ​ങ്ങ​ളാ​ണ് പോ​ലീ​സി​ന് ല​ഭി​ച്ചി​ട്ടു​ള്ള​ത്. ഇ​രു​വ​രും മു​ഖം മ​റ​ച്ചി​ട്ടു​മു​ണ്ട്. ഇ​വ​രു​ടെ വേ​ഷ​ത്തി​ൽ നി​ന്നും ശ​രീ​ര​ഭാ​ഷ​യി​ൽ നി​ന്നും കു​റു​വ സം​ഘ​ത്തി​ലെ മോ​ഷ്ടാ​ക്ക​ൾ ത​ന്നെ എ​ന്ന നി​ഗ​മ​ന​ത്തി​ലാ​ണ് പോ​ലീ​സ്.

ഇ​വ​രെ പി​ടി​കൂ​ടു​ക ശ്ര​മ​ക​ര​മാ​യ ദൗത്യ​മാ​ണെ​ന്നാ​ണ് പോ​ലീ​സ് ഉ​ദ്യോ​ഗ​സ്ഥ​ർ പ​റ​യു​ന്ന​ത്. ത​മി​ഴ്നാ​ട്ടി​ൽ നി​ന്ന് ബ​സി​ലും ജീ​പ്പി​ലു​മൊ​ക്കെ​യാ​ണ് ഇ​വ​ർ കേ​ര​ള​ത്തി​ൽ എ​ത്തു​ക. സ്വ​ന്ത​മാ​യി വാ​ഹ​ന​ങ്ങ​ൾ ഉ​പ​യോ​ഗി​ക്കാ​റി​ല്ല. ഒ​രി​ട​ത്ത് ത​മ്പ​ടി​ച്ചാ​ൽ പ​ക​ൽ ചെ​റി​യ ജോ​ലി​ക​ൾ തേ​ടി ആ​രും സം​ശ​യി​ക്കാ​ത്ത രീ​തി​യി​ൽ ചു​റ്റി​ക്ക​റ​ങ്ങും

ഇ​തി​നി​ട​യി​ൽ ആ​ൾ​ത്താ​മ​സ​മി​ല്ലാ​തെ പൂ​ട്ടി​ക്കി​ട​ക്കു​ന്ന വീ​ടു​ക​ളും സ്ത്രീ​ക​ൾ മാ​ത്രം താ​മ​സി​ക്കു​ന്ന വീ​ടു​ക​ളും ക​ണ്ടു വ​യ്ക്കും. എ​ന്നി​ട്ട് രാ​ത്രി മോ​ഷ​ണ​ത്തി​ന് ഇ​റ​ങ്ങും. രാ​ത്രി പ​ത്തി​നും പു​ല​ർ​ച്ചെ മൂ​ന്നി​നും മ​ധ്യേ മോ​ഷ​ണം ന​ട​ത്തി സ്ഥ​ലം വി​ടു​ന്ന​താ​ണ് ഇ​വ​രു​ടെ രീ​തി. മോ​ഷ​ണ ശ്ര​മം ചെ​റു​ത്താ​ൽ വീ​ട്ടു​കാ​രെ ക്രൂ​ര​മാ​യി ആ​ക്ര​മി​ക്കു​ക​യും ചെ​യ്യും.

സം​സ്ഥാ​ന​ത്തെ വി​വി​ധ ജി​ല്ല​ക​ളി​ലാ​യി നൂ​റു​ക​ണ​ക്കി​ന് മോ​ഷ​ണ​ങ്ങ​ൾ ഇ​വ​ർ ഇ​തി​ന​കം ന​ട​ത്തി​യി​ട്ടു​ണ്ട്. ഭൂ​രി​ഭാ​ഗം കേ​സു​ക​ളി​ലും പോ​ലീ​സി​ന് ആ​രെ​യും അ​റ​സ്റ്റ് ചെ​യ്യാ​ൻ സാ​ധി​ച്ചി​ട്ടു​മി​ല്ല. കേ​ര​ള-ത​മി​ഴ്നാ​ട് അ​തി​ർ​ത്തി​യി​ലാ​ണ് ഇ​വ​ർ കൂ​ട്ട​ത്തോ​ടെ താ​വ​ള​മ​ടി​ച്ചി​ട്ടു​ള്ള​തും താ​മ​സി​ക്കു​ന്ന​തും.

ഇ​വ​ർ കേ​ര​ള​ത്തി​ലാ​ണ് കു​റു​വ എ​ന്ന പേ​രി​ൽ അ​റി​യ​പ്പെ​ടു​ന്ന​ത്. ന​രി​ക്കു​റു​വ എ​ന്നാ​ണ് ത​മി​ഴ്നാ​ട്ടി​ലെ വി​ളി​പ്പേ​ര്. മോ​ഷ​ണം ത​ന്നെ​യാ​ണ് കു​ല​ത്തൊ​ഴി​ൽ. കോ​യ​മ്പ​ത്തൂ​ർ, ക​മ്പം, ബോ​ഡി​നാ​യ്ക്ക​ന്നൂ​ർ, മ​ധു​ര, ത​ഞ്ചാ​വൂ​ർ എ​ന്നി​വിട​ങ്ങ​ളാ​ണ് ഇ​വ​രു​ടെ താ​വ​ളം.

വീ​ടു​ക​ളു​ടെ പി​ൻ​വാ​തി​ൽ ത​ക​ർ​ത്താ​ണ് സം​ഘം അ​ക​ത്ത് ക​യ​റു​ക. ഒ​രു സം​ഘ​ത്തി​ൽ ഏ​റ്റ​വും കു​റ​ഞ്ഞ​ത് മൂ​ന്നു പേ​ർ ഉ​ണ്ടാ​കും. ക​ണ്ണു​ക​ൾ മാ​ത്രം പു​റ​ത്ത് കാ​ണാ​വു​ന്ന ത​ര​ത്തി​ൽ തോ​ർ​ത്ത് ത​ല​യി​ൽ കെ​ട്ടും. ഷ​ർ​ട്ടും കൈ​ലി​യും പ്ര​ത്യേ​ക രീ​തി​യി​ൽ കെ​ട്ടി​വ​ച്ച് അ​തി​ന് മു​ക​ളി​ൽ നി​ക്ക​ർ ധ​രി​ക്കും. ആ​രെ​ങ്കി​ലും പി​ടി​കൂ​ടാ​ൻ ശ്ര​മി​ച്ചാ​ൽ വ​ഴു​തി ര​ക്ഷ​പ്പെ​ടു​ന്ന​തി​നാ​യി ശ​രീ​ര​ത്തി​ൽ എ​ണ്ണ കു​ഴ​ച്ച ക​രി പു​ര​ട്ടും.

വീ​ടു​ക​ളു​ടെ പു​റ​കു വ​ശ​ത്ത് എ​ത്തി കു​ട്ടി​ക​ൾ ക​ര​യു​ന്ന ശ​ബ്ദം ഉ​ണ്ടാ​ക്കി​യും ടാ​പ്പി​ൽ നി​ന്ന് വെ​ള്ളം തു​റ​ന്നു വി​ട്ടും ക​ത​ക് തു​റ​ക്കാ​ൻ വീ​ട്ടു​കാ​രെ പ്രേ​രി​പ്പി​ക്കു​ന്ന​താ​ണ് ഇ​വ​രു​ടെ രീ​തി. ക​ത​ക് തു​റ​ന്ന് വീ​ട്ടു​കാ​ർ പു​റ​ത്ത് ഇ​റ​ങ്ങി​യാ​ൽ അ​വ​രെ ആ​ക്ര​മി​ച്ച ശേ​ഷം ഇ​ര​ച്ചു​ക​യ​റി കി​ട്ടു​ന്ന​തെ​ല്ലാം കൈ​ക്ക​ലാ​ക്കി സ്ഥ​ലം വി​ടും.

ആ​യു​ധ​ങ്ങ​ൾ കാ​ട്ടി വീ​ട്ടു​കാ​രെ ഭീ​ഷ​ണി​പ്പെ​ടു​ത്തി സ്വ​ർ​ണ​വും പ​ണ​വും ക​വ​രു​ന്ന​തും ഇ​വ​രു​ടെ ശൈ​ലി​യാ​ണ്. സ്ത്രീ​ക​ളി​ൽ നി​ന്ന് ആ​ഭ​ര​ണ​ങ്ങ​ൾ മു​റി​ച്ചെ​ടു​ക്കാ​ൻ ഇ​വ​ർ ഉ​പ​യോ​ഗി​ക്കു​ന്ന​ത് പ്ര​ത്യേ​ക ത​രം ക​ത്രി​ക​ക​ളാ​ണ്.

സം​ഘ​ത്തി​ലെ ഒ​രാ​ൾ​ക്ക് മോ​ഷ​ണം ന​ട​ത്തു​ന്ന സ്ഥ​ല​ത്തെ കു​റി​ച്ച് കൃ​ത്യ​മാ​യ വി​വ​രം ഉ​ണ്ടാ​കും. മോ​ഷ​ണ വേ​ള​യി​ൽ ഇ​വ​രു​ടെ സം​സാ​രം മ​ല​യാ​ള​ത്തി​ലാ​യി​രി​ക്കും. ക​വ​ർ​ച്ച​യ്ക്കാ​യി ക​ണ്ടു വ​യ്ക്കു​ന്ന വീ​ടു​ക​ളു​ടെ പ​രി​സ​രം ഒ​ന്നി​ല​ധി​കം ത​വ​ണ നി​രീ​ക്ഷി​ച്ച് ര​ക്ഷ​പ്പെ​ടേ​ണ്ട വ​ഴി​ക​ൾ അ​ട​ക്കം നേ​ര​ത്തേ ത​ന്നെ നി​ശ്ച​യി​ക്കും. മോ​ഷ​ണം ന​ട​ത്തി​ക്ക​ഴി​ഞ്ഞാ​ൽ നേ​രം പു​ല​രും വ​രെ മു​ൻ​കൂ​ട്ടി ക​ണ്ടു​വ​ച്ച വി​ജ​ന​മാ​യ പ്ര​ദേ​ശ​ങ്ങ​ളി​ൽ ത​ങ്ങും. അ​തി​നു ശേ​ഷം ത​മി​ഴ്നാ​ട്ടി​ലേ​ക്ക് മ​ട​ങ്ങും. അ​വി​ടെ ത​ന്നെ​യാ​ണ് മോ​ഷ​ണ മു​ത​ലു​ക​ൾ വി​റ്റ​ഴി​ക്കു​ന്ന​ത്.

പ​ണം തീ​രു​മ്പോ​ൾ വീ​ണ്ടും ക​വ​ർ​ച്ച​യ്ക്കാ​യി ഇ​വ​ർ കേ​ര​ള​ത്തി​ൽ ത​ന്നെ മ​റ്റൊ​രു സ്ഥ​ലം തെ​ര​ഞ്ഞെ​ടു​ക്കും. കൗ​മാ​ര​ക്കാ​ർ മു​ത​ൽ മ​ധ്യ വ​യ​സ്ക​ർ വ​രെ സം​ഘ​ത്തി​ലു​ണ്ട് എ​ന്നാ​ണ് പോ​ലീ​സ് പ​റ​യു​ന്ന​ത്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.