Latest News
ഭ​ക്തി​സാ​ന്ദ്ര​മാ​യി മ​ണ്ണാ​റ​ശാ​ല; ആ​യി​ല്യം എ​ഴു​ന്ന​ള്ള​ത്ത് തൊ​ഴു​ത് ആ​യി​ര​ങ്ങ​ൾ
Saturday, September 28, 2024 3:21 PM IST
ഹ​രി​പ്പാ​ട്: മ​ണ്ണാ​റ​ശാ​ല നാ​ഗ​രാ​ജ​ക്ഷേ​ത്ര​ത്തി​ൽ ക​ന്നി​മാ​സ​ത്തി​ലെ ആ​യി​ല്യം എ​ഴു​ന്ന​ള്ള​ത്ത് തൊ​ഴു​ത് ആ​യി​ര​ങ്ങ​ൾ. ഏ​ഴ് വ​ർ​ഷ​ത്തി​ന് ശേ​ഷ​മാ​ണ് വ​ലി​യ​മ്മ​യു​ടെ ആ​യി​ല്യം എ​ഴു​ന്ന​ള്ള​ത്ത് ന​ട​ക്കു​ന്ന​ത്. വ​ലി​യ​മ്മ സാ​വി​ത്രി അ​ന്ത​ർ​ജ​ന​ത്തി​ന്‍റെ ആ​യി​ല്യം എ​ഴു​ന്ന​ള്ള​ത്താ​ണ് ഇ​വി​ടെ പ്ര​ധാ​നം.

ശ്രീ​കോ​വി​ലി​ൽ​നി​ന്ന് നാ​ഗ​രാ​ജാ​വി​ന്‍റെ ത​ങ്ക​ത്തി​രു​മു​ഖ​വും നാ​ഗ​ഫ​ണ​വു​മാ​യി വ​ലി​യ​മ്മ​യു​ടെ ആ​യി​ല്യം എ​ഴു​ന്ന​ള്ള​ത്തി​നെ ചെ​റി​യ​മ്മ നാ​ഗ​യ​ക്ഷി​യു​ടെ​യും ഇ​ല്ല​ത്തെ കാ​ര​ണ​വ​ന്മാ​ർ സ​ർ​പ്പ​യ​ക്ഷി, നാ​ഗ​ചാ​മു​ണ്ഡി തി​ട​മ്പു​ക​ളുമാ​യി അ​നു​ഗ​മി​ച്ചു.

ക്ഷേ​ത്ര​ത്തി​നു വ​ട​ക്കു​ള്ള ഇ​ല്ല​ത്തെ നി​ല​വ​റ​യ്ക്കു സ​മീ​പ​ത്തെ ത​ള​ത്തി​ൽ എ​ഴു​ന്ന​ള്ള​ത്ത് സ​മാ​പി​ച്ച​തോ​ടെ സ​ർ​പ്പ​ക്ക​ള​ങ്ങ​ളി​ൽ തി​ട​മ്പു​ക​ൾ​വച്ച് വ​ലി​യ​മ്മ ആ​യി​ല്യം പൂ​ജ ആ​രം​ഭി​ച്ചു. ഒ​ൻ​പ​തു മ​ണി​ക്കൂ​റു​ക​ളോ​ളം നീ​ളു​ന്ന ച​ട​ങ്ങു​ക​ളോ​ടെ​യാ​ണ് ആ​യി​ല്യം പൂ​ജ പൂ​ർ​ണ​മാ​കു​ന്ന​ത്.​

വ​ലി​യ​മ്മ​യാ​യി​രു​ന്ന ഉ​മാ​ദേ​വി അ​ന്ത​ർ​ജ​ന​ത്തി​ന്‍റെ നി​ര്യാ​ണ​ത്തെ തു​ട​ർ​ന്ന് ഒ​രു​വ​ർ​ഷം മു​മ്പാ​ണ് സാ​വി​ത്രി അ​ന്ത​ർ​ജ​നം മ​ണ്ണാ​റ​ശാ​ല​യി​ലെ മു​ഖ്യ​പൂ​ജാ​രി​ണി​യാ​യി അ​ഭി​ഷി​ക്ത​യാ​കു​ന്ന​ത്. ഒ​രു വ​ർ​ഷം പൂ​ജാ​ദി​ക​ർ​മ​ങ്ങ​ൾ സ്വാ​യ​ത്ത​മാ​ക്കി​യ സാ​വി​ത്രി അ​ന്ത​ർ​ജ​നം ഈ ​മാ​സം നാ​ലി​നാ​ണ് ശ്രീ ​കോ​വി​ലി​ൽ പൂ​ജ തു​ട​ങ്ങി​യ​ത്.

ഉ​മാ​ദേ​വി അ​ന്ത​ർ​ജ​ന​ത്തി​ന് ശാ​രീ​രി​ക ​ബു​ദ്ധി​മു​ട്ടു​ക​ളു​ണ്ടാ​യി​രു​ന്ന​തി​നാ​ൽ അ​ടു​ത്ത​കാ​ല​ത്താ​യി ആ​യി​ല്യം ഉ​ത്സ​വ​ത്തി​ന് എ​ഴു​ന്ന​ള്ള​ത്തുണ്ടാ​യി​രു​ന്നി​ല്ല. ഏ​ഴു​വ​ർ​ഷം മു​മ്പാ​ണ് ആ​യി​ല്യം നാ​ളി​ലെ എ​ഴു​ന്ന​ള്ള​ത്ത് ന​ട​ന്ന​ത്.​

പൂ​യ്യം നാ​ളാ​യി​രു​ന്ന വെള്ളിയാഴ്ച നാ​ഗ​രാ​ജാ​വി​നും സ​ർ​പ്പ​യ​ക്ഷി​ക്കും ച​തു​ശ​ത​നി​വേ​ദ്യ​ത്തോടെ​യു​ള്ള ഉ​ച്ച​പൂ​ജ ന​ട​ന്നു. ഈ ​സ​മ​യം ദ​ർ​ശ​നം ന​ട​ത്താ​ൻ ഭ​ക്ത ജ​ന​ത്തി​ര​ക്കാ​യി​രു​ന്നു. വൈ​കുന്നേരം വ​ലി​യ​മ്മ ഇ​ല്ല​ത്തെ ഇ​ള​മു​റ​യി​ലെ അ​ന്ത​ർ​ജ​ന​ങ്ങ​ൾ​ക്കൊ​പ്പം ക്ഷേ​ത്ര​ദ​ർ​ശ​നം ന​ട​ത്തി.

തു​ലാ മാ​സ​ത്തെ ആ​യി​ല്യ​മാ​ണ് മ​ണ്ണാ​റ​ശാ​ല ആ​യി​ല്യ​മാ​യി അ​റി​യ​പ്പെ​ടു​ന്ന​ത്. എ​ന്നാ​ൽ, ക​ന്നി​മാ​സ​വും സ​മാ​ന​മാ​യ ച​ട​ങ്ങു​ക​ളോ​ടെ​യാ​ണ് മ​ണ്ണാ​റ​ശാ​ല​യി​ൽ ആ​യി​ല്യം ഉ​ത്സ​വം ന​ട​ത്തു​ന്ന​ത്. ഒ​ക്‌ടോബ​ർ 26നാ​ണ് മ​ണ്ണാ​റ​ശാ​ല ആ​യി​ല്യം.
RELATED NEWS
Copyright @ 2018 , Rashtra Deepika Ltd.