Latest News
"വാ​റി​ല്‍' സ്ലോ​വാ​ക്യ ബെ​ല്‍​ജി​യ​ത്തെ അ​ട്ടി​മ​റി​ച്ചു; തന്‍റേതല്ലാത്ത ജ​യ​വു​മാ​യി ഫ്രാ​ന്‍​സ്
Tuesday, June 18, 2024 8:58 AM IST
ബെ​ര്‍​ലി​ന്‍/ ഡു​സെ​ല്‍​ഡോ​ര്‍​ഫ്: യൂ​റോ ക​പ്പ് ഫു​ട്ബോ​ളി​ല്‍ വ​മ്പ​ന്‍ അ​ട്ടി​മ​റി. ഗ്രൂ​പ്പ് ഇ ​മ​ത്സ​ര​ത്തി​ല്‍ ക​രു​ത്ത​രാ​യ ബെ​ല്‍​ജി​യ​ത്തെ സ്ലോ​വാ​ക്യ തോ​ല്‍​പി​ച്ചു. ഏ​ക​പ​ക്ഷീ​യ​മാ​യ ഒ​രു ഗോ​ളി​നാ​ണ് സ്ലോ​വാ​ക്യ ലോ​ക മൂ​ന്നാം​ന​മ്പ​റു​കാ​രെ ഞെ​ട്ടി​ച്ച​ത്.

സ്ലൊ​വാ​ക്യ​യ്ക്ക് വേ​ണ്ടി ഏ​ഴാം മി​നി​റ്റി​ല്‍ ഇ​വാ​ന്‍ ഷ്രാ​ന്‍​സ് വി​ജ​യ​ഗോ​ള്‍ നേ​ടി. ദേ​ശീ​യ ടീ​മി​നാ​യു​ള്ള താ​ര​ത്തി​ന്‍റെ ആ​ദ്യ ഗോ​ള്‍ കൂ​ടി​യാ​യി​രു​ന്നു ഇ​ത്. മ​ത്സ​ര​ത്തി​ലു​ട​നീ​ളം ത​ക​ര്‍​പ്പ​ന്‍ പ്ര​ക​ട​ന​മാ​ണ് സ്ലൊ​വാ​ക്യ​ന്‍ പ്ര​തി​രോ​ധ​നി​ര പു​റ​ത്തെ​ടു​ത്ത​ത്.

സ്ലൊ​വാ​ക്യ​യോ​ടേ​റ്റ തോ​ല്‍​വി​ക്കു ബെ​ല്‍​ജി​യ​ത്തി​നു സ്വ​യം പ​ഴി​ക്കാ​നെ ക​ഴി​യൂ. കാ​ര​ണം അ​ത്ര​മാ​ത്രം അ​വ​സ​ര​ങ്ങ​ളാ​ണ് ക​ളി​യി​ല്‍ അ​വ​ര്‍​ക്കു ല​ഭി​ച്ച​ത്. ര​ണ്ടാം​പ​കു​തി​യി​ല്‍ ര​ണ്ടു​ത​വ​ണ ബെ​ല്‍​ജി​യം സ്ലോ​വാ​ക്യ​യു​ടെ വ​ല​യി​ല്‍ പ​ന്തെ​ത്തി​ച്ചെ​ങ്കി​ലും ഗോ​ള്‍ അ​നു​വ​ദി​ക്ക​പ്പെ​ട്ടി​ല്ല. റൊ​മേ​ലു ലു​ക്കാ​ക്കു​വിന്‍റെ​ ഗോ​ള്‍ ഓ​ഫ്സൈ​ഡ് വി​ധി​ക്ക​പ്പെ​ട്ട​പ്പോ​ള്‍ ര​ണ്ടാ​മ​ത്തേ​ത് ഹാ​ൻഡ് ബോ​ള്‍ വി​ളി​ക്കു​ക​യു​മാ​യി​രു​ന്നു.

ര​ണ്ടു ഗോ​ളു​ക​ള്‍ വാ​ര്‍ പ​രി​ശോ​ധ​ന​യി​ല്‍ നി​ഷേ​ധി​ക്ക​പ്പെ​ട്ട​ത് ബെ​ല്‍​ജി​യ​ത്തി​ന് തി​രി​ച്ച​ടി​യാ​യി. ലു​ക്കാ​ക്കു​വി​ന്‍റെ പി​ഴ​വു​ക​ളും വി​ന​യാ​യി. മൂ​ന്നാം മി​നി​റ്റി​ല്‍ ത​ന്നെ മു​ന്നി​ലെ​ത്താ​ന്‍ ല​ഭി​ച്ച അ​വ​സ​രം ലു​ക്കാ​ക്കു ന​ഷ്ട​പ്പെ​ടു​ത്തി​ക്കൊ​ണ്ടാ​ണ് മ​ത്സ​രം ആ​രം​ഭി​ച്ച​ത്. വ​ല​തു വി​ങ്ങി​ലൂ​ടെ​യു​ള്ള മു​ന്നേ​റ്റ​ത്തി​നൊ​ടു​വി​ല്‍ ഡോ​ക്കു ന​ല്‍​കി​യ പ​ന്ത് കെ​വി​ന്‍ ഡി​ബ്രു​യ്ന്‍ ലു​ക്കാ​ക്കു​വി​ന് മ​റി​ച്ച് ന​ല്‍​കി​യി​രു​ന്നു. പോ​സ്റ്റി​ന് തൊ​ട്ടു​മു​ന്നി​ല്‍ ല​ഭി​ച്ച പ​ന്ത് പ​ക്ഷേ ലു​ക്കാ​ക്കു അ​ടി​ച്ച​ത് സ്ലൊ​വാ​ക്യ​ന്‍ ഗോ​ളി മാ​ര്‍​ട്ടി​ന്‍ ഡു​ബ്രാ​വ്ക്ക​യ്ക്കു നേ​രേയാണ്.

ര​ണ്ടാം പ​കു​തി​യി​ലും തു​ട​ര്‍​ച്ച​യാ​യ മു​ന്നേ​റ്റ​ങ്ങ​ളി​ലൂ​ടെ ബ​ല്‍​ജി​യം തി​രി​ച്ച​ടി​ക്കാ​ന്‍ ശ്ര​മി​ച്ചെ​ങ്കി​ലും സ്ലോ​വാ​ക്യ​ന്‍ പ്ര​തി​രോ​ധ​നി​ര​യെ മ​റി​ക​ട​ക്കാ​നാ​യി​ല്ല. ഈ ​ജ​യ​ത്തോ​ടെ ഗ്രൂ​പ്പ് ഇ ​പോ​യി​ന്‍റ് പ​ട്ടി​ക​യി​ല്‍ സ്ലോ​വാ​ക്യ ര​ണ്ടാം​സ്ഥാ​ന​ത്തായി. യു​ക്രെ​യ്നെ ഏ​ക​പ​ക്ഷീ​യ​മാ​യ മൂ​ന്നു ഗോ​ളു​ക​ള്‍​ക്ക് ത​ക​ര്‍​ത്ത റു​മാ​നി​യ​യാ​ണ് ഗ്രൂ​പ്പി​ല്‍ ഒ​ന്നാം​സ്ഥാ​ന​ത്ത്.

ഗ്രൂ​പ്പ് ഡി ​പോ​രാ​ട്ട​ത്തി​ല്‍ ഓ​സ്ട്രി​യ​യ്‌​ക്കെ​തി​രേ ഫ്രാ​ന്‍​സ് നി​റം​മ​ങ്ങി​യ വി​ജ​യം ക​ര​സ്ഥ​മാ​ക്കി. 38-ാം മി​നി​റ്റി​ല്‍ ഓ​സ്ട്രി​യ​ന്‍ പ്ര​തി​രോ​ധ താ​രം മാ​ക്സി​മി​ലി​യ​ന്‍ വോ​ബ​റിന്‍റെ സെ​ല്‍​ഫ് ഗോ​ളി​ലാ​ണ് ഫ്രാ​ന്‍​സി​ന്‍റെ വിജ​യം. മ​ത്സ​ര​ത്തി​ല്‍ എ​ട്ടാം മി​നി​റ്റി​ല്‍ ത​ന്നെ ലീ​ഡ് നേ​ടാ​ന്‍ ഫ്രാ​ന്‍​സി​ന് അ​വ​സ​രം ല​ഭി​ച്ചെ​ങ്കി​ലും മു​ത​ലാ​ക്കാ​നാ​യി​ല്ല.

ഫ്രാ​ന്‍​സി​നെ വി​റ​പ്പി​ക്കു​ന്ന ക​ളി​യാ​ണ് റാ​ല്‍​ഫ് റാ​ഗ്‌​നി​ക്ക് പ​രി​ശീ​ലി​പ്പി​ച്ച ഓ​സ്ട്രി​യ​ന്‍ ടീം ​കാ​ഴ്ച​വ​ച്ച​ത്. കാ​പ്റ്റ​നും സൂ​പ്പ​ര്‍ താ​ര​വു​മാ​യ കി​ലി​യ​ന്‍ എം​ബാ​പ്പെ​യും അ​ന്‍റോ​യ്ന്‍ ഗ്രീ​സ്മാ​നും ഒ​സ്മാ​ന്‍ ഡെം​ബ​ലെ​യു​മെ​ല്ലാം അ​ട​ങ്ങി​യ ഫ്ര​ഞ്ച് നി​ര ഓ​സ്ട്രി​യ​യ്‌​ക്കെ​തി​രേ വി​യ​ര്‍​ത്തു. എ​ന്‍​ഗോ​ളോ കാ​ന്‍റെ​യു​ടെ പ്ര​ക​ട​ന​മാ​ണ് ഫ്രാ​ന്‍​സി​നെ ഒ​രുപ​രി​ധി​വ​രെ കാ​ത്ത​ത്. മ​ത്സ​ര​ത്തി​ലെ താ​രം കാ​ന്‍റെ​യാ​ണ്.

ബോ​ള്‍ പൊ​സെ​ഷ​നി​ലും പാ​സിം​ഗി​ലു​മെ​ല്ലാം ഫ്രാ​ന്‍​സും ഓ​സ്ട്രി​യ​യും ഏ​റെ​ക്കു​റ ഒ​പ്പ​ത്തി​നൊ​പ്പ​മാ​യി​രു​ന്നു. പ​ക്ഷെ മി​ക​വു​ള്ള ക​ളി​ക്കാ​രു​ടെ അ​ഭാ​വ​വും ഫി​നി​ഷിം​ഗി​ലെ പോ​രാ​യ്മ​ക​ളും ഓ​സ്ട്രി​യയ്ക്കു വി​ന​യാ​യി. ബോ​ള്‍ പൊ​സെ​ഷ​നി​ല്‍ നേ​രി​യ മു​ന്‍​തൂ​ക്കം ഓ​സ്ട്രി​യയ്​ക്കാ​യി​രു​ന്നു. ഓ​സ്ട്രി​യ 52 ശ​ത​മാ​നം പ​ന്ത് കൈ​വ​ശം വ​ച്ച​പ്പോ​ള്‍ ഫ്രാ​ന്‍​സി​ന്‍റേത് 48 ശ​ത​മാ​നം ആ​യി​രു​ന്നു. പാ​സിം​ഗി​ലും ഓ​സ്ട്രി​യ ത​ന്നെ മു​ന്‍​തൂ​ക്കം നേ​ടി. 475-454 എ​ന്നി​ങ്ങ​നെ​യാ​യി​രു​ന്നു ര​ണ്ടു ടീ​മു​ക​ളും ത​മ്മി​ലു​ള്ള വ്യ​ത്യാ​സം. ടാ​ര്‍​ഗ​റ്റി​ലേ​ക്കു​ള്ള ഷോ​ട്ടു​ക​ളി​ൽ ഇ​രു​ടീ​മു​ക​ളും തു​ല്യ​ത പാ​ലി​ച്ചു.

കി​ലി​യ​ന്‍ എം​ബാ​പ്പെ​യ്ക്ക് മൂ​ക്കി​ന് പ​രി​ക്കേ​റ്റ​തും ഫ്രാ​ന്‍​സി​നു മ​റ്റൊ​രു ക്ഷീ​ണ​മാ​യി. ര​ണ്ടാം പ​കു​തി​യി​ലാ​യി​രു​ന്നു എ​തി​ര്‍ താ​രത്തി​ന്‍റെ തോ​ള്‍ മൂ​ക്കി​ലി​ടി​ച്ചത്. ജ​യ​ത്തോ​ടെ ഗ്രൂ​പ്പി​ല്‍ നെ​ത​ര്‍​ല​ന്‍​ഡ്‌​സി​നു പി​ന്നി​ല്‍ ര​ണ്ടാം​സ്ഥാ​ന​ത്താ​ണ് ഫ്രാ​ന്‍​സ്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.