ഇൻസ്റ്റാഗ്രാമിൽ നിന്നും 11.45 കോടി വരുമാനം? വാർത്തയോട് പ്രതികരിച്ച് വിരാട് കോഹ്‌ലി |

Click here for detailed news of all items

ഇൻസ്റ്റാഗ്രാമിൽ നിന്നും 11.45 കോടി വരുമാനം? വാർത്തയോട് പ്രതികരിച്ച് വിരാട് കോഹ്‌ലി

Saturday, August 12, 2023 5:08 PM IST
വെബ് ഡെസ്‌ക്

മുംബൈ: ഇൻസ്റ്റാഗ്രാമിൽ ഇടുന്ന പോസ്റ്റിന് വാങ്ങുന്നത് 11.45 കോടി രൂപയാണെന്ന വാർത്ത തള്ളി മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്‌ലി. "ജീവിതത്തിൽ എനിക്ക് ലഭിച്ച എല്ലാത്തിനും ഞാൻ നന്ദിയുള്ളവനും കടപ്പെട്ടവനുമാണെങ്കിലും, എന്‍റെ സോഷ്യൽ മീഡിയ വരുമാനത്തെക്കുറിച്ച് പ്രചരിക്കുന്ന വാർത്തകൾ ശരിയല്ല' എന്നാണ് താരം ട്വിറ്ററിൽ കുറിച്ചത്.

ഇൻസ്റ്റാഗ്രാമിൽ 256 മില്യൺ ഫോളോവേഴ്സാണ് കോഹ്‌ലിക്കുള്ളത്. ഇതിലൂടെ ഒരു സ്പോൺസേഡ് പോസ്റ്റ് ഇടുന്നതിന് 11.45 കോടി രൂപയാണ് ഇദ്ദേഹം പ്രതിഫലം വാങ്ങുന്നതെന്നായിരുന്നു വാർത്ത.

While I am grateful and indebted to all that I’ve received in life, the news that has been making rounds about my social media earnings is not true. 🙏
— Virat Kohli (@imVkohli) August 12, 2023

ഹോപ്പർ എച്ച്ക്യു എന്ന ബ്രിട്ടൺ ആസ്ഥാനമായി പ്രവർത്തിക്കുന്ന സ്ഥാപനമാണ് ഇത് സംബന്ധിച്ച് റിപ്പോർട്ട് പുറത്ത് വിട്ടത്. പിന്നാലെ ഇതിൽ സത്യമുണ്ടോ എന്ന തരത്തിൽ കഴിഞ്ഞ ഏതാനും ദിവസമായി വാർത്തകൾ വന്നിരുന്നു.

എന്നാൽ വിഷയത്തിൽ കോലി പ്രതികരണം നടത്തിയതോടെ അഭ്യൂഹങ്ങൾക്ക് വിരാമമായി. ഇൻസ്റ്റാഗ്രാമിൽ നിന്നും ഏറ്റവുമധികം വരുമാനം ലഭിക്കുന്നത് ഫുട്ബോൾ താരം ക്രിസ്റ്റ്യാനോ റൊണാൾഡോയ്ക്കാണെന്ന് റിപ്പോർട്ടുകൾ വന്നിരുന്നു.

60 കോടി ഫോളോവേഴ്സുള്ള റൊണാൾഡോയ്ക്ക് ഒരു ഇൻസ്റ്റാഗ്രാം പോസ്റ്റിന് 27 കോടി രൂപയാണ് പ്രതിഫലം ലഭിക്കുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.