Latest News
ശി​വ​സേ​ന സ്വ​ന്ത​മാ​ക്കാ​ൻ ഷി​ൻ​ഡെ 2,000 കോ​ടി രൂ​പ മു​ട​ക്കി​യെ​ന്ന് ഉ​ദ്ധ​വ് വി​ഭാ​ഗം
Sunday, February 19, 2023 6:46 PM IST
മും​ബൈ: ശി​വ​സേ​ന എ​ന്ന പേ​രും "അ​മ്പും വി​ല്ലും' തെ​ര​ഞ്ഞെ​ടു​പ്പ് ചി​ഹ്ന​വും സ്വ​ന്ത​മാ​ക്കാ​ൻ മ​ഹാ​രാ​ഷ്ട്ര മു​ഖ്യ​മ​ന്ത്രി ഏ​ക്നാ​ഥ് ഷി​ൻ​ഡെ​യും സം​ഘ​വും 2,000 കോ​ടി രൂ​പ മു​ട​ക്കി​യെ​ന്ന് ഉ​ദ്ധ​വ് താ​ക്ക​റെ വി​ഭാ​ഗം.

പാ​ർ​ട്ടി പേ​രും ചി​ഹ്ന​വും സ്വ​ന്ത​മാ​ക്കാ​ൻ ക​ഴി​ഞ്ഞ ആ​റ് മാ​സ​ത്തി​നി​ടെ 2,000 കോ​ടി രൂ​പ ത​വ​ണ​ക​ളാ​യി കൈ​മാ​റ്റം ചെ​യ്തെ​ന്നും ഷി​ൻ​ഡെ ഗ്രൂ​പ്പ് പാ​ർ​ട്ടി പേ​ര് സ്വ​ന്ത​മാ​ക്കി​യ​ത് ക​ച്ച​വ​ട​ത​ന്ത്ര​ങ്ങ​ളി​ലൂ​ടെ​യാ​ണെ​ന്നും താ​ക്ക​റെ വി​ഭാ​ഗം നേ​താ​വ് സ​ഞ്ജ​യ് റാ​വ​ത്ത് എം​പി ആ​രോ​പി​ച്ചു.

എം​എ​ൽ​മാ​രു‌​ടെ പി​ന്തു​ണ സ്വ​ന്ത​മാ​ക്കാ​ൻ 50 ല​ക്ഷ‍ം രൂ​പ​യും എം​പി​മാ​ർ​ക്ക് ഒ​രു കോ​ടി രൂ​പ​യും പാ​ർ​ട്ടി ശാ​ഖ​ക​ൾ കൈ​യ​ട​ക്കാ​ൻ അ​ഞ്ച് കോ​ടി രൂ​പ​യും ചെ​ല​വ​ഴി​ക്കു​ന്ന സാ​ഹ​ച​ര്യ​ത്തി​ൽ പേ​രും ചി​ഹ്ന​വും സ്വ​ന്ത​മാ​ക്കാ​ൻ വ​ലി​യ തു​ക തീ​ർ​ച്ച​യാ​യും കൈ​മാ​റ്റം ചെ​യ്തി​ട്ടു​ണ്ടാ​കും. ബാ​ലാ​സാ​ഹെ​ബ് താ​ക്ക​റെ​യു​ടെ സ്വ​ന്ത​മാ​യി​രു​ന്ന, ഉ​ദ്ധ​വ് താ​ക്ക​റെ വി​ഭാ​ഗ​ത്തി​ന് അ​വ​കാ​ശ​മു​ള്ള പാ​ർ​ട്ടി​യെ ഷി​ൻ​ഡെ ഗ്രൂ​പ്പ് പ​ണം ന​ൽ​കി വാ​ങ്ങി​യ​താ​ണെ​ന്നും റാ​വ​ത്ത് പ്ര​സ്താ​വി​ച്ചു.

എ​ന്നാ​ൽ ആ​രോ​പ​ണ​ങ്ങ​ൾ ഷി​ൻ​ഡെ വി​ഭാ​ഗം നി​ഷേ​ധി​ച്ചു. ഇ​ക്കാ​ര്യ​ങ്ങ​ൾ പ​റ​യാ​ൻ റാ​വ​ത്ത് കാ​ഷ്യ​റാ​ണോ​യെ​ന്ന് ചോ​ദി​ച്ച് ഷി​ൻ​ഡെ വി​ഭാ​ഗം പ​രി​ഹ​സി​ച്ചു.

വെ​ള്ളി​യാ​ഴ്ച​യാ​ണ് ഷി​ൻ​ഡെ വി​ഭാ​ഗ​ത്തി​ന് പാ​ർ​ട്ടി പേ​രും ചി​ഹ്ന​വും അ​നു​വ​ദി​ക്കാ​ൻ കേ​ന്ദ്ര തെ​ര​ഞ്ഞെ​ടു​പ്പ് ക​മ്മീ​ഷ​ൻ ഉ​ത്ത​ര​വ് ന​ൽ​കി​യ​ത്.

പാ​ർ​ട്ടി​യു​ടെ ആ​കെ​യു​ള്ള 55 എം​എ​ൽ​എ​മാ​രി​ൽ 40 പേ​രും ഷി​ൻ​ഡെ പ​ക്ഷ​ത്തി​നൊ​പ്പ​മാ​ണെ​ന്നും ഉ​ദ്ധ​വ് പ​ക്ഷ​ത്തി​ന് 15 എം​എ​ൽ​എ​മാ​രു​ടെ പി​ന്തു​ണ മാ​ത്ര​മാ​ണ് ഉ​ള്ള​തെ​ന്നും ക​മ്മീ​ഷ​ൻ ക​ണ്ടെ​ത്തി.

സ​മാ​ന​മാ​യ രീ​തി​യി​ൽ പാ​ർ​ട്ടി​യു​ടെ ആ​കെ​യു​ള്ള 18 എം​പി​മാ​രി​ൽ 15 പേ​രു​ടെ പി​ന്തു​ണ ഷി​ൻ​ഡെ​യ്ക്ക് ആ​ണെ​ന്നും ഇ​വ​ർ 2019-ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ നേ​ടി​യ വോ​ട്ടു​ക​ൾ ഉ​ദ്ധ​വ് വി​ഭാ​ഗ​ത്തി​ലെ അ​ഞ്ച് എം​പി​മാ​ർ നേ​ടി​യ വോ​ട്ടി​നെ​ക്കാ​ൾ 37 ശ​ത​മാ​നം കൂ​ടു​ത​ലാ​ണെ​ന്നും ക​ണ്ടെ​ത്തി.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.