Sports News
മുംബൈ ഇന്ത്യന്‍സിനു മിന്നും ജയം
മുംബൈ ഇന്ത്യന്‍സിനു മിന്നും ജയം
Tuesday, April 1, 2025 1:38 AM IST
മും​ബൈ: ഇ​ന്ത്യ​ന്‍ പ്രീ​മി​യ​ര്‍ ലീ​ഗ് (ഐ​പി​എ​ല്‍) ട്വ​ന്‍റി-20 ക്രി​ക്ക​റ്റി​ല്‍ 2025 സീ​സ​ണി​ലെ ആ​ദ്യ ജ​യം സ്വ​ന്ത​മാ​ക്കി മും​ബൈ ഇ​ന്ത്യ​ന്‍​സ്. നി​ല​വി​ലെ ചാ​മ്പ്യ​ന്മാ​രാ​യ കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സി​നെ 43 പ​ന്തു​ക​ള്‍ ബാ​ക്കി​വ​ച്ച് എ​ട്ട് വി​ക്ക​റ്റി​ന് മും​ബൈ ഇ​ന്ത്യ​ന്‍​സ് കീ​ഴ​ട​ക്കി.

ഐ​പി​എ​ല്‍ ച​രി​ത്ര​ത്തി​ല്‍ അ​ഞ്ച് ത​വ​ണ ചാ​മ്പ്യ​ന്മാ​രാ​യ മും​ബൈ ഇ​ന്ത്യ​ന്‍​സ്, പ​ന്തു​ക​ള്‍ ബാ​ക്കി​വ​ച്ചു നേ​ടു​ന്ന​തി​ല്‍ ഏ​റ്റ​വും മി​ക​ച്ച നാ​ലാ​മ​ത് ജ​യ​മാ​ണി​ത്. 2008ല്‍ ​കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സി​നെ 87 പ​ന്തു​ക​ള്‍ ബാ​ക്കി​നി​ല്‍​ക്കേ കീ​ഴ​ട​ക്കി​യ​താ​ണ് ഈ​ഗ​ണ​ത്തി​ലെ ഏ​റ്റ​വും മി​ക​ച്ച​ത്.

ത​ക​ര്‍​പ്പ​ന്‍ ഏ​റ്

അ​ര​ങ്ങേ​റ്റ മ​ത്സ​ര​ത്തി​ല്‍ 24 റ​ണ്‍​സ് വ​ഴ​ങ്ങി നാല്് വി​ക്ക​റ്റ് വീ​ഴ്ത്തി​യ അ​ശ്വി​നി കു​മാ​റി​ന്‍റെ മി​ന്നും ബൗ​ളിം​ഗാ​ണ് മും​ബൈ ഇ​ന്ത്യ​ന്‍​സി​നു ജ​യ​മൊ​രു​ക്കി​യ​ത്. അ​ശ്വി​നി കു​മാ​റാ​ണ് പ്ലെ​യ​ര്‍ ഓ​ഫ് ദ ​മാ​ച്ച്. ടോ​സ് നേ​ടി​യ മും​ബൈ ഇ​ന്ത്യ​ന്‍​സ് ക്യാ​പ്റ്റ​ന്‍ ഹാ​ര്‍​ദി​ക് പാ​ണ്ഡ്യ ബൗ​ളിം​ഗ് തെ​ര​ഞ്ഞെ​ടു​ത്തു. ഇ​ന്നിം​ഗ്‌​സി​ലെ നാ​ലാം പ​ന്തി​ല്‍ സു​നി​ല്‍ ന​രെ​യ്‌​നെ (0) ബൗ​ള്‍​ഡാ​ക്കി ട്രെ​ന്‍റ് ബോ​ള്‍​ട്ട് മും​ബൈ ഇ​ന്ത്യ​ന്‍​സി​ന്‍റെ ത​ക​ര്‍​പ്പ​ന്‍ ഏ​റി​നു തു​ട​ക്ക​മി​ട്ടു.

ര​ണ്ടാം ഓ​വ​റി​ന്‍റെ ഒ​ന്നാം പ​ന്തി​ല്‍ കെ​കെ​ആ​റി​ന്‍റെ വി​ശ്വ​സ്ത ഓ​പ്പ​ണ​ര്‍ ക്വി​ന്‍റ​ണ്‍ ഡി​കോ​ക്കി​നെ (1) വീ​ഴ്ത്തി ദീ​പ​ക് ചാ​ഹ​ര്‍ ഇ​ര​ട്ട​പ്ര​ഹ​ര​മേ​ല്‍​പ്പി​ച്ചു. നാ​ലാം ഓ​വ​ര്‍ എ​റി​യാ​ന്‍ എ​ത്തി​യ​ത് അ​ര​ങ്ങേ​റ്റ​ക്കാ​ര​നാ​യ അ​ശ്വി​നി കു​മാ​ര്‍. കോ​ല്‍​ക്ക​ത്ത​യു​ടെ ക്യാ​പ്റ്റ​ന്‍ അ​ജി​ങ്ക്യ ര​ഹാ​നെ​യെ (11) അ​ശ്വി​നി കു​മാ​ര്‍, തി​ല​ക് വ​ര്‍​മ​യു​ടെ കൈ​ക​ളി​ലെ​ത്തി​ച്ചു. അ​ര​ങ്ങേ​റ്റ മ​ത്സ​ര​ത്തി​ലെ ആ​ദ്യ പ​ന്തി​ല്‍​ത്ത​ന്നെ വി​ക്ക​റ്റ്...

16 പ​ന്തി​ല്‍ ഒ​രു സി​ക്‌​സും മൂ​ന്നു ഫോ​റും അ​ട​ക്കം 26 റ​ണ്‍​സ് നേ​ടി​യ അം​ഗ്രി​ഷ് ര​ഘു​വം​ശി​യെ ഹാ​ര്‍​ദി​ക് പാ​ണ്ഡ്യ മ​ട​ക്കി. വെ​ങ്കി​ടേ​ഷ് അ​യ്യ​റി​നെ (3) ദീ​പ​ക് ചാ​ഹ​റും പ​റ​ഞ്ഞ​യ​ച്ചു. തു​ട​ര്‍​ന്നാ​യി​രു​ന്നു അ​ശ്വി​നി കു​മാ​റി​ന്‍റെ ര​ണ്ടാം വ​ര​വ്. ഇ​ന്നിം​ഗ്‌​സി​ലെ 11-ാം ഓ​വ​റും ത​ന്‍റെ ര​ണ്ടാം ഓ​വ​റും എ​റി​യാ​ന്‍ അ​ശ്വി​നി പ​ന്ത് കൈ​യി​ലെ​ടു​ത്തു.

ഓ​വ​റി​ലെ മൂ​ന്നാം പ​ന്തി​ല്‍ റി​ങ്കു സിം​ഗും (14 പ​ന്തി​ല്‍ 17) അ​വ​സാ​ന പ​ന്തി​ല്‍ മ​നീ​ഷ് പാ​ണ്ഡെ​യും (14 പ​ന്തി​ല്‍ 19) പു​റ​ത്ത്. 13-ാം ഓ​വ​ര്‍ എ​റി​യാ​ന്‍ എ​ത്തി​യ അ​ശ്വി​നി, കെ​കെ​ആ​റി​ന്‍റെ ആ​കെ​യു​ള്ള പ്ര​തീ​ക്ഷ​യാ​യ ആ​ന്ദ്രേ റ​സ​ലി​നെ​യും (11 പ​ന്തി​ല്‍ 5) ബൗ​ള്‍​ഡാ​ക്കി. 12 പ​ന്തി​ല്‍ 22 റ​ണ്‍​സ് നേ​ടി​യ ര​മ​ന്‍​ദീ​പ് സിം​ഗാ​ണ് കോ​ല്‍​ക്ക​ത്ത​യു​ടെ ഇ​ന്നിം​ഗ്‌​സ് 100 ക​ട​ക്കാ​ന്‍ സ​ഹാ​യി​ച്ച​ത്.

ര​മ​ന്‍​ദീ​പി​നെ മി​ച്ച​ല്‍ സാ​ന്‍റ്‌​ന​റും ഹ​ര്‍​ഷി​ത് റാ​ണ​യെ (4) വി​ഘ്‌​നേ​ഷ് പു​ത്തൂ​രും പു​റ​ത്താ​ക്കി. അ​തോ​ടെ മും​ബൈ​ക്കു​വേ​ണ്ടി പ​ന്ത് എ​റി​ഞ്ഞ ആ​റു​പേ​രും (ബോ​ള്‍​ട്ട്, ചാ​ഹ​ര്‍, അ​ശ്വി​നി, ഹാ​ര്‍​ദി​ക്, വി​ഘ്‌​നേ​ഷ്, സാ​ന്‍റ്‌​ന​ര്‍) വി​ക്ക​റ്റ് സ്വ​ന്ത​മാ​ക്കി. ഐ​പി​എ​ല്‍ ച​രി​ത്ര​ത്തി​ല്‍ മും​ബൈ​യു​ടെ ആ​റ് ബൗ​ള​ര്‍​മാ​ര്‍ വി​ക്ക​റ്റ് നേ​ടു​ന്ന​ത് അ​ഞ്ചാം ത​വ​ണ​യാ​ണ്.

റി​ക്ക​ല്‍​ട​ണ്‍ ഫി​ഫ്റ്റി

117 റ​ണ്‍​സ് എ​ന്ന ചെ​റി​യ ല​ക്ഷ്യ​ത്തി​നാ​യി ക്രീ​സി​ലെ​ത്തി​യ മും​ബൈ ഇ​ന്ത്യ​ന്‍​സി​ന് രോ​ഹി​ത് ശ​ര്‍​മ (13), വി​ല്‍ ജാ​ക്‌​സ് (16) എ​ന്നി​വ​രു​ടെ വി​ക്ക​റ്റ് ന​ഷ്ട​മാ​യി. ര​ണ്ടു​പേ​രെ​യും റ​സ​ല്‍ മ​ട​ക്കി. 41 പ​ന്തി​ല്‍ അ​ഞ്ച് സി​ക്‌​സും നാ​ല് ഫോ​റും അ​ട​ക്കം 62 റ​ണ്‍​സു​മാ​യി റ​യാ​ന്‍ റി​ക്ക​ല്‍​ട​ണും ഒ​മ്പ​ത് പ​ന്തി​ല്‍ 27 റ​ണ്‍​സു​മാ​യി സൂ​ര്യ​കു​മാ​ര്‍ യാ​ദ​വും പു​റ​ത്താ​കാ​തെ നി​ന്നു.


അ​ര​ങ്ങേ​റ്റം അ​വി​സ്മ​ര​ണീ​യം...

മും​ബൈ: പ​ഞ്ചാ​ബി​ലെ മൊ​ഹാ​ലി സ്വ​ദേ​ശി​യാ​യ ഇ​ടം​കൈ പേ​സ​ര്‍ അ​ശ്വി​നി കു​മാ​റി​ന് ഐ​പി​എ​ല്‍ ട്വ​ന്‍റി-20 ക്രി​ക്ക​റ്റി​ല്‍ അ​വി​സ്മ​ര​ണീ​യ അ​ര​ങ്ങേ​റ്റം. ഐ​പി​എ​ല്‍ 2025 സീ​സ​ണി​ല്‍ മും​ബൈ ഇ​ന്ത്യ​ന്‍​സി​ന്‍റെ മൂ​ന്നാം മ​ത്സ​ര​ത്തി​ലാ​ണ് അ​ശ്വി​നി കു​മാ​റി​ന് അ​ര​ങ്ങേ​റ്റ​ത്തി​നു​ള്ള അ​വ​സ​രം തു​റ​ന്ന​ത്.

2024 ഐ​പി​എ​ല്‍ ചാ​മ്പ്യ​ന്മാ​രാ​യ കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സ് ആ​യി​രു​ന്നു മും​ബൈ ഇ​ന്ത്യ​ന്‍​സി​ന്‍റെ മ​ത്സ​രം. അ​ര​ങ്ങേ​റ്റ മ​ത്സ​ര​ത്തി​ലെ ആ​ദ്യ പ​ന്തി​ല്‍ കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സ് ക്യാ​പ്റ്റ​ന്‍ അ​ജി​ങ്ക്യ ര​ഹാ​നെ​യു​ടെ വി​ക്ക​റ്റ് വീ​ഴ്ത്തി​യാ​യി​രു​ന്നു അ​ശ്വി​നി​യു​ടെ തു​ട​ക്കം.

ത​ന്‍റെ ര​ണ്ടാം ഓ​വ​റി​ല്‍ കെ​കെ​ആ​റി​ന്‍റെ വെ​ടി​ക്കെ​ട്ട് ബാ​റ്റ​ര്‍​മാ​രാ​യ റി​ങ്കു സിം​ഗി​നെ​യും മ​നീ​ഷ് പാ​ണ്ഡെ​യെ​യും വീ​ഴ്ത്തി. മൂ​ന്നാം ഓ​വ​റി​ല്‍ വെ​സ്റ്റ് ഇ​ന്‍​ഡീ​സു​കാ​ര​നാ​യ ആ​ക്ര​മ​ണ​കാ​രി ആ​ന്ദ്രേ റ​സ​ലി​നെ​യും പു​റ​ത്താ​ക്കി. മൂ​ന്ന് ഓ​വ​റി​ല്‍ 24 റ​ണ്‍​സ് വ​ഴ​ങ്ങി നാ​ലു വി​ക്ക​റ്റാ​ണ് അ​ശ്വി​നു കു​മാ​ര്‍ വീ​ഴ്ത്തി​യ​ത്.

ച​രി​ത്ര നേ​ട്ടം

ഐ​പി​എ​ല്‍ ച​രി​ത്ര​ത്തി​ല്‍ ഒ​രു ഇ​ന്ത്യ​ന്‍ ബൗ​ള​റി​ന്‍റെ അ​ര​ങ്ങേ​റ്റ മ​ത്സ​ര​ത്തി​ലെ ഏ​റ്റ​വും മി​ക​ച്ച പ്ര​ക​ട​ന​മാ​ണ് ഇ​രു​പ​ത്തി​നാ​ലു​കാ​ര​നാ​യ അ​ശ്വി​നി കു​മാ​ര്‍ ഇ​ന്ന​ലെ മും​ബൈ വാ​ങ്ക​ഡേ സ്റ്റേ​ഡി​യ​ത്തി​ല്‍ കാ​ഴ്ച​വ​ച്ച​ത് (3-0-24-4). ഒ​രു ഇ​ന്ത്യ​ന്‍ ബൗ​ള​റി​നും അ​ര​ങ്ങേ​റ്റ ഐ​പി​എ​ല്‍ മ​ത്സ​ര​ത്തി​ല്‍ നാ​ലു വി​ക്ക​റ്റ് വീ​ഴ്ത്താ​ന്‍ സാ​ധി​ച്ചി​ട്ടി​ല്ല.

മും​ബൈ ഇ​ന്ത്യ​ന്‍​സി​ന്‍റെ വെ​സ്റ്റ് ഇ​ന്‍​ഡീ​സ് പേ​സ​ര്‍ അ​ല്‍​സാ​രി ജോ​സ​ഫി​ന്‍റെ പേ​രി​ലാ​ണ് അ​ര​ങ്ങേ​റ്റ മ​ത്സ​ര​ത്തി​ലെ ഏ​റ്റ​വും മി​ക​ച്ച ബൗ​ളിം​ഗ് പ്ര​ക​ട​നം. 2019 സീ​സ​ണി​ല്‍ സ​ണ്‍​റൈ​സേ​ഴ്‌​സ് ഹൈ​ദ​രാ​ബാ​ദി​ന് എ​തി​രേ 12 റ​ണ്‍​സ് വ​ഴ​ങ്ങി അ​ല്‍​സാ​രി ജോ​സ​ഫ് ആ​റ് വി​ക്ക​റ്റ് വീ​ഴ്ത്തി​യി​രു​ന്നു.

ഐ​പി​എ​ല്‍ ച​രി​ത്ര​ത്തി​ലെ ഏ​റ്റ​വും മി​ക​ച്ച ബൗ​ളിം​ഗ് പ്ര​ക​ട​ന​വും ഇ​തു​ത​ന്നെ. 2017ല്‍ ​ഓ​സീ​സ് പേ​സ​ര്‍ ആ​ന്‍​ഡ്രൂ ടൈ 17 ​റ​ണ്‍​സ് വ​ഴ​ങ്ങി അ​ഞ്ച് വി​ക്ക​റ്റ് അ​ര​ങ്ങേ​റ്റ മ​ത്സ​ര​ത്തി​ല്‍ സ്വ​ന്ത​മാ​ക്കി. ഗു​ജ​റാ​ത്ത് ല​യ​ണ്‍​സി​ന് എ​തി​രേ റൈ​സിം​ഗ് പൂ​ന സൂ​പ്പ​ര്‍​ജ​യ​ന്‍റ്‌​സി​ന് എ​തി​രേ​യാ​യി​രു​ന്നു ആ​ന്‍​ഡ്രൂ ടൈ​യു​ടെ ഈ ​അ​ര​ങ്ങേ​റ്റ പ്ര​ക​ട​നം. അ​ര​ങ്ങേ​റ്റ​ത്തി​ല്‍ അ​ഞ്ചോ അ​തി​ല്‍ കൂ​ടു​ത​ലോ വി​ക്ക​റ്റ് നേ​ട്ടം അ​ല്‍​സാ​രി ജോ​സ​ഫി​നും ആ​ന്‍​ഡ്രൂ ടൈ​ക്കും മാ​ത്രം സ്വ​ന്തം.

2008ലെ ​പ്ര​ഥ​മ ഐ​പി​എ​ല്ലി​ല്‍ പാ​ക് സൂ​പ്പ​ര്‍ പേ​സ​ര്‍ ഷൊ​യ്ബ് അ​ക്ത​ര്‍ 11 റ​ണ്‍​സ് വ​ഴ​ങ്ങി​യും 2012ല്‍ ​ട്രി​നി​ഡാ​ഡ് ആ​ന്‍​ഡ് ടു​ബാ​ഗോ​യു​ടെ കെ​വോ​ണ്‍ കൂ​പ്പ​ര്‍ 26 റ​ണ്‍​സ് വ​ഴ​ങ്ങി​യും അ​ര​ങ്ങേ​റ്റ മ​ത്സ​ര​ത്തി​ല്‍ നാ​ലു വി​ക്ക​റ്റ് വീ​ഴ്ത്തി​യി​രു​ന്നു. ഇ​വ​ര്‍​ക്കു​ശേ​ഷം അ​ര​ങ്ങേ​റ്റ മ​ത്സ​ര​ത്തി​ല്‍ നാ​ലു വി​ക്ക​റ്റ് നേ​ടു​ന്ന ആ​ദ്യ താ​ര​മാ​ണ് മും​ബൈ ഇ​ന്ത്യ​ന്‍​സി​ന്‍റെ അ​ശ്വി​നി കു​മാ​ര്‍.

മി​ക​ച്ച ബൗ​ളിം​ഗ്

(ഐ​പി​എ​ല്‍ അ​ര​ങ്ങേ​റ്റ​ത്തി​ല്‍)

അ​ല്‍​സാ​രി ജോ​സ​ഫ് 6/12
ആ​ന്‍​ഡ്രൂ ടൈ 5/17
​ഷൊ​യ്ബ് അ​ക്ത​ര്‍ 4/11
അ​ശ്വി​നി കു​മാ​ര്‍ 4/24
കെ​വോ​ണ്‍ കൂ​പ്പ​ര്‍ 4/26
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.