Kerala News
ശബരിമല സ്വർണക്കവർച്ച: എഫ്ഐആർ സമർപ്പിച്ചു
ശബരിമല സ്വർണക്കവർച്ച: എഫ്ഐആർ സമർപ്പിച്ചു
Tuesday, October 14, 2025 3:06 AM IST
പ​ത്ത​നം​തി​ട്ട: ശ​ബ​രി​മ​ല സ്വ​ർ​ണ​ക്ക​വ​ർ​ച്ച​യി​ൽ പ്ര​ത്യേ​ക അ​ന്വേ​ഷ​ണ​സം​ഘം റാ​ന്നി ഒ​ന്നാം​ക്ലാ​സ്​ മ​ജി​സ്​​ട്രേ​റ്റ്​ കോ​ട​തി​യി​ൽ എ​ഫ്​​ഐ​ആ​ർ സ​മ​ർ​പ്പി​ച്ചു.

ദ്വാ​ര​പാ​ല​ക ശി​ൽ​പ പാ​ളി​യി​ലെ സ്വ​ർ​ണ​ക്ക​വ​ർ​ച്ച, ക​ട്ടി​ള​യി​ലെ സ്വ​ർ​ണ​ക്ക​വ​ർ​ച്ച എ​ന്നി​ങ്ങ​നെ ര​ണ്ട്​ കേ​സു​ക​ളാ​ണ് ക്രൈം​ബ്രാ​ഞ്ച്​ ആ​സ്ഥാ​ന​ത്ത്​ ര​ജി​സ്റ്റ​ർ ചെ​യ്ത​ത്​. ഇ​താ​ണ് ഇ​ന്ന​ലെ ശ​ബ​രി​മ​ല​യു​ടെ നി​യ​മ​പ​രി​ധി​യി​ലു​ള്ള റാ​ന്നി കോ​ട​തി​യി​ൽ എ​ഫ്ഐ​ആ​റാ​യി എ​ത്തി​യ​ത്.

ഏ​ഴ്​ വ​ർ​ഷം​വ​രെ ശി​ക്ഷ ല​ഭി​ക്കാ​വു​ന്ന ക​വ​ർ​ച്ച, വ്യാ​ജ​രേ​ഖ ച​മ​യ്ക്ക​ൽ, വി​ശ്വാ​സ​വ​ഞ്ച​ന, ഗൂഢാ​ലോ​ച​ന എ​ന്നീ കു​റ്റ​ങ്ങ​ളാ​ണ്​ പ്ര​തി​ക​ൾ​ക്കെ​തി​രേ എ​ഫ്ഐ​ആ​റി​ൽ ചു​മ​ത്തി​യി​രി​ക്കു​ന്ന​ത്​. ദ്വാ​ര​പാ​ല​ക ശി​ൽ​പ​പാ​ളി സ്വ​ർ​ണ​ക്ക​വ​ർ​ച്ച​യി​ൽ 10 പ്ര​തി​ക​ളും ക​ട്ടി​ള അ​ട്ടി​മ​റി​യി​ൽ ഏ​ട്ട്​ പ്ര​തി​ക​ളു​മാ​ണു​ള്ള​ത്​. ര​ണ്ട് എ​ഫ്ഐ​ആ​റു​ക​ളി​ലും ഉ​ണ്ണി​ക്കൃ​ഷ്ണ​ൻ പോ​റ്റി​യാ​ണ്​ ഒ​ന്നാം​പ്ര​തി. ​ര​ണ്ടു കേ​സു​ക​ളി​ലും അ​ക്കാ​ല‍യ​ള​വി​ൽ ചു​മ​ത​ല​യി​ലു​ണ്ടാ​യി​രു​ന്ന ദേ​വ​സ്വം ഉ​ദ്യോ​ഗ​സ്ഥ​രെ കു​റ്റാ​രോ​പി​ത​രാ​ക്കി​യി​ട്ടു​ണ്ട്.

ശ്രീ​കോ​വി​ൽ വാ​തി​ൽ ക​ട്ടി​ള​യി​ലെ സ്വ​ർ​ണം ന​ഷ്ട​മാ​യ കേ​സി​ൽ പോ​റ്റി​യു​ടെ കൂ​ട്ടാ​ളി​യാ​യി​രു​ന്ന ക​ല്പേ​ഷ് ര​ണ്ടാം പ്ര​തി​യാ​ണ്. 2019ലെ ​ദേ​വ​സ്വം ബോ​ർ​ഡ്​ ഈ ​കേ​സി​ലെ എ​ട്ടാം പ്ര​തി​യാ​ണ്​. ഇ​തി​ന്‍റെ തു​ട​ർ​ച്ച​യാ​യി ​പ്ര​തി​ക​​​ളെ നോ​ട്ടീ​സ്​ ന​ൽ​കി വി​ളി​ച്ചു​വ​രു​ത്താനാ​ണ്​ അ​ന്വേ​ഷ​ണ​സം​ഘ​ത്തി​ന്‍റെ തീ​രു​മാ​നം.

ദേ​വ​സ്വം ഉ​ദ്യോ​ഗ​സ്ഥ​രെ​യ​ട​ക്കം ചോ​ദ്യം ചെ​യ്ത​ശേ​ഷ​മാ​കും ദേ​വ​സ്വം ബോ​ർ​ഡ്​ അം​ഗ​ങ്ങ​ൾ​ക്ക്​ നോ​ട്ടീ​സ്​ കൈ​മാ​റു​ക​യെ​ന്നാ​ണ്​ വി​വ​രം. സി​പി​എം പ​ത്ത​നം​തി​ട്ട ജി​ല്ലാ മു​ൻ സെ​ക്ര​ട്ടേ​റി​യ​റ്റം​ഗ​വും മു​ൻ എം​എ​ൽ​എ​യു​മാ​യ എ. ​പ​ത്മ​കു​മാ​ർ പ്ര​സി​ഡ​ന്‍റാ​യി​രു​ന്ന 2019 കാ​ല​യ​ള​വി​ലെ ദേ​വ​സ്വം ബോ​ർ​ഡി​ൽ എ​ൻ. വി​ജ​യ​കു​മാ​ർ, കെ.​പി. ശ​ങ്ക​ർ​ദാ​സ് എ​ന്നി​വ​രാ​യി​രു​ന്നു മ​റ്റ് അം​ഗ​ങ്ങ​ൾ. സ്വ​ർ​ണ ക​ട്ടി​ള​പ്പാ​ളി ചെ​ന്പെ​ന്നു വി​ശേ​ഷി​പ്പി​ച്ച് വീ​ണ്ടും സ്വ​ർ​ണം പൂ​ശാ​ൻ അ​നു​മ​തി ന​ൽ​കി​യ​തു​മാ​യി ബ​ന്ധ​പ്പെ​ട്ടാ​ണ് ദേ​വ​സ്വം ബോ​ർ​ഡ് പ്ര​തി​പ്പ​ട്ടി​ക​യി​ൽ വ​രു​ന്ന​ത്.

പ്ര​തി​ക​ൾ സ്വാ​ർ​ഥലാ​ഭ​ത്തി​നു​വേ​ണ്ടി അ​മൂ​ല്യ ഉ​രു​പ്പ​ടി​ക​ൾ ക​ട​ത്തി​യെ​ന്നാ​ണ് കേ​സ്. സ്വ​ർ​ണം പൂ​ശി​യ ചെ​ന്പു​പാ​ളി​ക​ൾ എ​ന്ന​ത് ഒ​ഴി​വാ​ക്കി, രേ​ഖ​ക​ളി​ൽ ചെ​ന്പ് പാ​ളി​ക​ൾ എ​ന്നു മാ​ത്രം എ​ഴു​തി കൈ​മാ​റി​യ​തി​നു പി​ന്നി​ലെ ഗൂ​ഢാ​ലോ​ച​ന​യും എ​ഫ്ഐ​ആ​റി​ൽ എ​ടു​ത്തു കാ​ട്ടു​ന്നു. 2019 മാ​ർ​ച്ച് 19ന് ​ദ്വാ​ര​പാ​ല​ക ശി​ല്പ പാ​ളി​ക​ൾ ദേ​വ​സ്വം ക​മ്മീ​ഷ​ണ​റു​ടെ ശി​പാ​ർ​ശ​യി​ൽ കൈ​മാ​റു​ക​യാ​യി​രു​ന്നു. സ്വ​ർ​ണം പൂ​ശി​യ ചെ​ന്പു​പാ​ളി​ക​ൾ എ​ന്ന വി​വ​രം മ​റ​ച്ചു​വ​ച്ച ദേ​വ​സ്വം ക​മ്മീ​ഷ​ണ​ർ കേ​സി​ൽ മു​ഖ്യ​പ്ര​തി സ്ഥാ​ന​ത്തു​ണ്ടാ​കും.

ഹൈ​ക്കോ​ട​തി നി​യോ​ഗി​ച്ച പ്ര​ത്യേ​ക അ​ന്വേ​ഷ​ണ​സം​ഘ​ത്തി​ലെ അം​ഗ​ങ്ങ​ൾ ര​ണ്ടു​ദി​വ​സം ശ​ബ​രി​മ​ല​യി​ൽ ത​ങ്ങി പ്രാ​ഥ​മി​ക തെ​ളി​വെ​ടു​പ്പു​ക​ളും ന​ട​ത്തി​യി​ട്ടു​ണ്ട്. ദ്വാ​ര​പാ​ല​ക ശി​ല്പം, ക​ട്ടി​ള എ​ന്നി​വ അ​ന്വേ​ഷ​ണ​സം​ഘം പ​രി​ശോ​ധി​ച്ചു. സ്വ​ര്‍ണം പൂ​ശു​ന്ന​തി​നാ​യി ഹൈ​ദ​രാ​ബാ​ദി​ലേ​ക്കു കൊ​ണ്ടു​പോ​യി തി​രി​കെ കൊ​ണ്ടു​വ​ന്ന ദ്വാ​ര​പാ​ല​ക ശി​ല്പപാ​ളി​ക​ള്‍ ഡ്യൂ​പ്ലി​ക്കേ​റ്റാ​ണെ​ന്ന സം​ശ​യം വി​ജി​ല​ന്‍സ് റി​പ്പോ​ര്‍ട്ടി​ലു​ണ്ടാ​യി​രു​ന്നു.

ശ​ബ​രി​മ​ല​യി​ല്‍നി​ന്നു കൊ​ണ്ടു​പോ​യ ദ്വാ​ര​പാ​ല​ക ശി​ല്പപാ​ളി​ക​ള്‍ ബം​ഗ​ളൂ​രു, ഹൈ​ദ​രാ​ബാ​ദ് എ​ന്നി​വി​ട​ങ്ങ​ളി​ലെ​ത്തി​ച്ച​ശേ​ഷ​മാ​ണ് ഉ​ണ്ണി​ക്കൃ​ഷ്ണ​ന്‍ പോ​റ്റി ഇ​വ ചെ​ന്നൈ​യി​ലെ​ത്തി​ച്ച​തെ​ന്ന് പ​റ​യു​ന്നു.

2019 ജൂ​ലൈ 19ന് ​ശ​ബ​രി​മ​ല​യി​ൽനി​ന്ന് അ​ഴി​ച്ചെ​ടു​ത്ത പാ​ളി​ക​ൾ ചെ​ന്നൈ​യി​ലെ സ്മാ​ർ​ട്ട് ക്രി​യേ​ഷ​ൻ​സി​ലെ​ത്തി​യ​ത് 2019 ഓ​ഗ​സ്റ്റ് 29നാ​ണ്.

പാ​ളി​ക​ളി​ല്‍ സ്വ​ര്‍ണം പൂ​ശി​യ ചെ​ന്നൈ സ്മാ​ര്‍ട്ട്സ് ക്രി​യേ​ഷ​ന്‍ അ​ധി​കൃ​ത​രെ​യും സ​ന്നി​ധാ​ന​ത്തു വി​ളി​ച്ചു​വ​രു​ത്തി​യി​രു​ന്നു. ചെ​മ്പ് പാ​ളി​ക​ളി​ലാ​ണ് ത​ങ്ങ​ള്‍ സ്വ​ര്‍ണം പൂ​ശി​യ​തെ​ന്നു പ​റ​യു​ന്നു. ഇ​വ​രു​ടെ മൊ​ഴി സം​ബ​ന്ധി​ച്ചും അ​ന്വേ​ഷ​ണമുണ്ട്.


പ്രാ​ഥ​മി​കാ​ന്വേ​ഷ​ണ​ത്തി​ല്‍ 4.541 കി​ലോ​ഗ്രാം സ്വ​ര്‍ണ​ത്തി​ന്‍റെ കു​റ​വ് ദ്വാ​ര​പാ​ല​ക ശി​ല്പ പാ​ളി​ക​ളി​ല്‍ വ്യ​ക്ത​മാ​യി​ട്ടു​ണ്ട്. 2019ലേ​ക്ക് പു​റ​ത്തേ​ക്കു കൊ​ണ്ടു​പോ​യ സ്വ​ര്‍ണ​പ്പാ​ളി​ക​ള്‍ സം​ബ​ന്ധി​ച്ച കൃ​ത്യ​മാ​യ വി​വ​ര​ശേ​ഖ​ര​ണ​ത്തി​നാ​ണ് എ​സ്‌​ഐ​ടി​യും ശ്ര​മി​ക്കു​ന്ന​ത്. ത​നി ത​ങ്ക​മാ​യി​രു​ന്ന സ്വ​ര്‍ണ​പ്പാ​ളി​ക​ള്‍ ചെ​മ്പാ​യ​ത് എങ്ങ​നെ​യെ​ന്ന​തു​ള്‍പ്പെ​ടെയുള്ള കാ​ര്യ​ങ്ങ​ളി​ലാ​ണ് അ​ന്വേ​ഷ​ണം.

അ​മി​ക്ക​സ് ക്യൂ​റി മ​ട​ങ്ങി; വീ​ണ്ടും എത്തും

ശ​ബ​രി​മ​ല സ്വ​ർ​ണ​ക്ക​വ​ർ​ച്ച​യു​മാ​യി ബ​ന്ധ​പ്പെ​ട്ട്​ ഹൈ​ക്കോ​ട​തി നി​യോ​ഗി​ച്ച ജ​സ്റ്റീ​സ്​ കെ.​ടി. ശ​ങ്ക​ര​ന്‍റെ നേ​തൃ​ത്വ​ത്തി​ലു​ള്ള അ​മി​ക്ക​സ് ക്യൂ​റി സ​ന്നി​ധാ​ന​ത്തെ​ പ​രി​ശോ​ധ​ന താ​ത്കാ​ലി​ക​മാ​യി നി​ർ​ത്തി.

ജ​സ്റ്റീ​സ്​ കെ.​ടി. ശ​ങ്ക​ര​ന്​ ശാ​രീ​രി​ക അ​സ്വ​സ്ഥ​ത​ക​ൾ അ​നു​ഭ​വ​പ്പെ​ട്ട​തോ​ടെ​യാ​ണ്​ സം​ഘം മ​ട​ങ്ങി​യ​ത്​. ചൊ​വ്വാ​ഴ്ച ഉ​ച്ച​വ​രെ പ​രി​ശോ​ധി​ച്ച​ശേ​ഷം സം​ഘം മ​ല​യി​റ​ങ്ങി. ഇ​നി മാ​സ​പൂ​ജ​യ്ക്കു​ശേ​ഷം ഇ​വ​ർ വീ​ണ്ടും പ​രി​ശോ​ധ​ന​ക​ൾ​ക്കാ​യി സ​ന്നി​ധാ​ന​ത്തെ​ത്തും. ഇ​തി​നു​ശേ​ഷ​മാ​കും ശ​ബ​രി​മ​ല​യി​ലെ വ​സ്തു​ക്ക​ൾ സൂ​ക്ഷി​ച്ചി​രി​ക്കു​ന്ന ആ​റ​ന്മു​ള​യി​ലെ പ്ര​ധാ​ന സ്ട്രോം​ഗ് റൂ​മി​ലെ ക​ണ​ക്കെ​ടു​പ്പ്​.

ശ​നി​യാ​ഴ്ച​യാ​ണ്​ ജ​സ്റ്റീ​സ്​ കെ.​ടി. ശ​ങ്ക​ര​ന്‍റെ നേ​തൃ​ത്വ​ത്തി​ലു​ള്ള സം​ഘം പ​രി​ശോ​ധ​ന ആ​രം​ഭി​ച്ച​ത്​. ഞാ​യ​റാ​ഴ്ച​യോ​ടെ ഇ​തു പൂ​ർ​ത്തി​യാ​ക്കാ​നാ​ണ്​ ആ​ദ്യം ല​ക്ഷ്യ​മി​ട്ടി​രു​ന്നെ​ങ്കി​ലും ഭ​ക്​​ത​ർ വ​ഴി​പാ​ടാ​യി​ ന​ൽ​കി​യ പ​ല വ​സ്​​തു​ക്ക​ളു​ടെ​യും കൃ​ത്യ​മാ​യ രേ​ഖ​ക​ളി​ല്ലാ​ത്ത​ത്​ ക​ണ​ക്കെ​ടു​പ്പി​നെ ബാ​ധി​ച്ചു. ര​ജി​സ്റ്റ​റും മ​ഹ​സ​റും സ്റ്റോ​ക്കും ത​മ്മി​ൽ വൈ​രു​ധ്യ​മു​ള്ള​തും ആ​ശ​യ​ക്കു​ഴ​പ്പ​ങ്ങ​ൾ സൃ​ഷ്ടി​ച്ചു.

മ​ഹ​സ​റും ര​ജി​സ്റ്റ​റും അ​നു​സ​രി​ച്ച്​ സ്വ​ർ​ണം, വെ​ള്ളി, ചെ​മ്പ്​ എ​ന്നി​ങ്ങ​നെ ത​രം തി​രി​ച്ച​ശേ​ഷം ഇ​വ​യു​ടെ മൂ​ല്യം നി​ർ​ണ​യി​ച്ച്​ പ​ട്ടി​ക ത​യാ​റാ​ക്കു​ക​യാ​ണ്​ സം​ഘം ചെ​യ്ത​ത്​. മ​ഹ​സ​റി​ൽ മാ​ത്രം രേ​ഖ​പ്പെ​ടു​ത്തി​യി​ട്ടു​ള്ള​വ, ര​ജി​സ്​​റ്റ​റി​ൽ മാ​ത്ര​മാ​യു​ള്ള​വ, ഇ​വ ര​ണ്ടി​ലും ഇ​ല്ലാ​ത്ത​വ, തൂ​ക്ക​ത്തി​ൽ വ്യ​ത്യാ​സ​മു​ള്ള​വ എ​ന്നി​ങ്ങ​നെ ത​രം തി​രി​ച്ചാ​ണ്​ പ​ട്ടി​ക. എ​ല്ലാ വ​സ്​​തു​ക്ക​ളു​ടെ​യും തൂ​ക്ക​വും രേ​ഖ​പ്പെ​ടു​ത്തി​യി​ട്ടു​ണ്ട്​.

അ​ന്വേ​ഷ​ണം ന​ട​ക്കട്ടെ, ബാ​ക്കി പി​ന്നീ​ട്

തി​​​രു​​​വ​​​ന​​​ന്ത​​​പു​​​രം: ശ​​​ബ​​​രി​​​മ​​​ല സ്വ​​​ർ​​​ണ​​​വി​​​വാ​​​ദ​​​വു​​​മാ​​​യി ബ​​​ന്ധ​​​പ്പെ​​​ട്ട് സ്പെ​​​ഷ​​​ൽ ഇ​​​ൻ​​​വെ​​​സ്റ്റി​​​ഗേ​​​ഷ​​​ൻ ടീമിന്‍റെ ​​​അ​​​ന്വേ​​​ഷ​​​ണം ന​​​ട​​​ക്കു​​​ക​​​യാ​​​ണെ​​​ന്നും ഈ ​​​സാ​​​ഹ​​​ച​​​ര്യ​​​ത്തി​​​ൽ ഈ ​​​വി​​​ഷ​​​യ​​​ത്തി​​​ൽ പ്ര​​​തി​​​ക​​​ര​​​ണ​​​ത്തി​​​നി​​​ല്ലെ​​​ന്നും മു​​​ഖ്യ​​​മ​​​ന്ത്രി പി​​​ണ​​​റാ​​​യി വി​​​ജ​​​യ​​​ൻ.

കോ​​​ട​​​തി​​​യു​​​ടെ മേ​​​ൽ​​​നോ​​​ട്ട​​​ത്തി​​​ലാ​​​ണ് അ​​​ന്വേ​​​ഷ​​​ണം ന​​​ട​​​ക്കു​​​ന്ന​​​ത്. അ​​​ന്വേ​​​ഷ​​​ണം സം​​​ബ​​​ന്ധി​​​ച്ച് ഒ​​​രാ​​​ശ​​​ങ്ക​​​യും വേ​​​ണ്ട. അ​​​ന്വേ​​​ഷ​​​ണം ന​​​ട​​​ന്ന​​​തി​​​നു ശേ​​​ഷം ബാ​​​ക്കി കാ​​​ര്യ​​​ങ്ങ​​​ൾ തീ​​​രു​​​മാ​​​നി​​​ക്കാം. അ​​​ന്വേ​​​ഷ​​​ണ​​​ത്തി​​​നു മു​​​ന്പ് ന​​​മ്മ​​​ൾ എ​​​ന്തി​​​നാ​​​ണ് വി​​​ധിയെ​​​ഴു​​​തു​​​ന്ന​​​ത്? അ​​​ന്വേ​​​ഷ​​​ണ​​​ത്തി​​​ൽ സ​​​ർ​​​ക്കാ​​​ർ അ​​​ല്ല ഇ​​​പ്പോ​​​ൾ വി​​​ല​​​യി​​​രു​​​ത്ത​​​ൽ പ​​​റ​​​യേ​​​ണ്ട​​​തെ​​​ന്നും, അ​​​ന്വേ​​​ഷ​​​ണ​​​ത്തെ ഏ​​​തെ​​​ങ്കി​​​ലും വി​​​ധ​​​ത്തി​​​ൽ ബാ​​​ധി​​​ക്കു​​​ന്ന ഒ​​​രു പ്ര​​​തി​​​ക​​​ര​​​ണ​​​വും ത​​​ന്‍റെ ഭാ​​​ഗ​​​ത്തു​​​നി​​​ന്നു​​​ണ്ടാ​​​വി​​​ല്ലെ​​​ന്നും മു​​​ഖ്യ​​​മ​​​ന്ത്രി കൂ​​​ട്ടി​​​ച്ചേ​​​ർ​​​ത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.