Play Audio

ബി​രേ​ൻ സിം​ഗ്: ക​ട​പു​ഴ​കി​യ തി​ന്മ​മ​രം
Tuesday, February 11, 2025 12:00 AM IST
ബി​രേ​ൻ​സിം​ഗി​നെ സം​ര​ക്ഷി​ക്കാ​ൻ ഇ​നി ബി​ജെ​പി​ക്ക് സാ​ധ്യ​മ​ല്ലെ​ന്ന് ഉ​റ​പ്പി​ച്ച ശേ​ഷ​മാ​ണ് കോ​ൺ​ഗ്ര​സ് ബ്ര​ഹ്മാ​സ്ത്രം പു​റ​ത്തെ​ടു​ത്ത​ത്. അ​തു വീ​ഴു​ന്ന​തി​നു മു​ന്പ് ഇം​ഫാ​ലി​ലെ മു​ഖ്യ​മ​ന്ത്രി​യു​ടെ ഓ​ഫീ​സ് ബി​ജെ​പി ഒ​ഴി​പ്പി​ച്ചു.


എ​ൻ. ബി​രേ​ൻ സിം​ഗ് ഇ​നി മെ​യ്തെ​യ് തീ​വ്ര​വാ​ദി​ക​ൾ​ക്കൊ​പ്പം പ്ര​വ​ർ​ത്തി​ച്ചാ​ലും പ​ഴ​യ പ​രാ​തി​യു​ണ്ടാ​കാ​നി​ട​യി​ല്ല. ഇ​ത്ര​യും നാ​ൾ മു​ഖ്യ​മ​ന്ത്രി​ക്ക​സേ​ര​യി​ലി​രു​ന്ന് ആ ​ദ്രോ​ഹം ചെ​യ്ത​തു​കൊ​ണ്ടാ​ണ് പ്ര​തി​ഷേ​ധ​മു​ണ്ടാ​യ​ത്. ഡ​ൽ​ഹി​യി​ലെ സം​ര​ക്ഷ​ക​ർ​ക്കും ഒ​ന്നും ചെ​യ്യാ​നാ​വാ​ത്ത​വി​ധം ഒ​റ്റ​പ്പെ​ടു​ക​യും ക​സേ​ര ഇ​ള​കു​ക​യും ചെ​യ്ത​പ്പോ​ഴാ​ണ് ചോ​ര പു​ര​ണ്ട കൈ​ക​ൾ​കൊ​ണ്ട് അ​ദ്ദേ​ഹം രാ​ജി​ക്ക​ത്തെ​ഴു​തി​യ​ത്.

ഇ​തു​കൊ​ണ്ട് മ​ണി​പ്പു​ർ പ്ര​ശ്നം പ​രി​ഹ​രി​ക്കു​മോ​യെ​ന്ന​റി​യി​ല്ല. പ​ക്ഷേ, ഇ​ര​ട്ട എ​ൻ​ജി​നി​ലെ ബാ​ക്കി​യൊ​ന്ന് ന​ന്നാ​യി​ട്ട് ഓ​ടി​യാ​ൽ പ്ര​തീ​ക്ഷ​യു​ണ്ട്. മാ​ത്ര​മ​ല്ല, മു​ഖ്യ​മ​ന്ത്രി​യു​ടെ ഓ​ഫീ​സ് ഇ​നി അ​ക്ര​മി​ക​ളു​ടെ അ​ഭ​യ​കേ​ന്ദ്ര​മാ​കി​ല്ല​ല്ലോ. ബ​ജ​റ്റ് സ​മ്മേ​ള​നം തു​ട​ങ്ങാ​നി​രി​ക്കേ​യാ​ണ് ക​ഴി​ഞ്ഞ​ദി​വ​സം ബി​രേ​ൻ സിം​ഗ് സ​ർ​ക്കാ​രി​നെ​തി​രേ അ​വി​ശ്വാ​സ​പ്ര​മേ​യം കൊ​ണ്ടു​വ​രു​മെ​ന്ന് കോ​ൺ​ഗ്ര​സ് പ്ര​ഖ്യാ​പി​ച്ച​ത്.

വി​ര​ട്ട​ല​ല്ല, ബോം​ബാ​ണ് പി​സി​സി അ​ധ്യ​ക്ഷ​ന്‍ കീ​ഷാം മേ​ഘ​ച​ന്ദ്ര സിം​ഗ് എ​ക്‌​സി​ലൂ​ടെ ബി​ജെ​പി കേ​ന്ദ്ര​ങ്ങ​ളി​ലേ​ക്ക് എ​റി​ഞ്ഞ​ത്. “ഇ​ര​ട്ട എ​ന്‍​ജി​നു​ക​ളി​ലൊ​ന്നി​ല്‍ തീ​ര്‍​ച്ച​യാ​യും ബ്ര​ഹ്‌​മാ​സ്ത്ര മി​സൈ​ല്‍ പ​തി​ക്കും. കോ​ണ്‍​ഗ്ര​സ് പാ​ര്‍​ട്ടി ഉ​ട​ന്‍ അ​വി​ശ്വാ​സ​പ്ര​മേ​യം കൊ​ണ്ടു​വ​രും.”

ര​ണ്ടു വ​ർ​ഷ​മാ​യി തു​ട​രു​ന്ന ക​ലാ​പം നി​യ​ന്ത്രി​ക്കു​ന്ന​തി​ൽ പ​രാ​ജ​യ​പ്പെ​ട്ടെ​ന്നാ​രോ​പി​ച്ച് ബി​ജെ​പി​യി​ലെ കു​ക്കി എം​എ​ൽ​എ​മാ​ർ മു​ഖ്യ​മ​ന്ത്രി​ക്കെ​തി​രേ കേ​ന്ദ്ര​നേ​തൃ​ത്വ​ത്തെ സ​മീ​പി​ച്ചി​രു​ന്നു. അ​വ​ർ പ​ല ത​വ​ണ മു​ന്ന​റി​യി​പ്പു ന​ൽ​കി​യി​ട്ടും ബി​രേ​ൻ സിം​ഗി​നെ​തി​രേ ഒ​രു ന​ട​പ​ടി​യു​മെ​ടു​ത്തി​ല്ല.

കോ​ൺ​ഗ്ര​സ് അ​വി​ശ്വാ​സ പ്ര​മേ​യം കൊ​ണ്ടു​വ​ന്നാ​ൽ കു​ക്കി എം​എ​ൽ​എ​മാ​ർ പി​ന്തു​ണ​ച്ചേ​ക്കു​മെ​ന്ന് ബി​രേ​ൻ സിം​ഗ് മ​ണ​ത്ത​റി​ഞ്ഞു. 43 എം​എ​ൽ​എ​മാ​രു​ടെ പി​ന്തു​ണ​യു​ണ്ടെ​ങ്കി​ലും ശ​നി​യാ​ഴ്ച മു​ഖ്യ​മ​ന്ത്രി​യു​ടെ ഓ​ഫീ​സി​ൽ വി​ളി​ച്ച യോ​ഗ​ത്തി​ൽ 20 പേ​ർ മാ​ത്ര​മാ​ണ് പ​ങ്കെ​ടു​ത്ത​തെ​ന്നും സൂ​ച​ന​യു​ണ്ട്.

ബി​രേ​ൻ സിം​ഗി​നെ സം​ര​ക്ഷി​ക്കാ​ൻ ഇ​നി ബി​ജെ​പി​ക്ക് സാ​ധ്യ​മ​ല്ലെ​ന്ന് ഉ​റ​പ്പി​ച്ച ശേ​ഷ​മാ​ണ് കോ​ൺ​ഗ്ര​സ് ബ്ര​ഹ്മാ​സ്ത്രം പു​റ​ത്തെ​ടു​ത്ത​ത്. അ​തു വീ​ഴു​ന്ന​തി​നു മു​ന്പ് ഇം​ഫാ​ലി​ലെ മു​ഖ്യ​മ​ന്ത്രി​യു​ടെ ഓ​ഫീ​സ് ബി​ജെ​പി ഒ​ഴി​പ്പി​ച്ചു.

കി​ട്ടി​യ അ​വ​സ​രം ഉ​പ​യോ​ഗി​ച്ച് മ​ണി​പ്പു​രി​ൽ സ​മാ​ധാ​നം കൊ​ണ്ടു​വ​രി​ക​യാ​ണ് കേ​ന്ദ്ര​സ​ർ​ക്കാ​ർ ഇ​നി ചെ​യ്യേ​ണ്ട​ത്. മു​ഖ്യ​മ​ന്ത്രി പ​ദ​വി ഇ​ല്ലെ​ങ്കി​ലും ബി​രേ​ൻ സിം​ഗ് സ​മാ​ധാ​നം കെ​ടു​ത്താ​നാ​ണു സാ​ധ്യ​ത. അ​ദ്ദേ​ഹ​വു​മാ​യി അ​ടു​ത്ത ബ​ന്ധ​മു​ള്ള ഉ​ദ്യോ​ഗ​സ്ഥ​രെ മാ​റ്റു​ക​യോ നി​രീ​ക്ഷ​ണ​ത്തി​ൽ നി​ർ​ത്തു​ക​യോ ചെ​യ്യ​ണം.

ബി​രേ​ൻ സിം​ഗ് പി​ന്തു​ണ​ച്ചി​രു​ന്ന ആ​രം​ഭാ​യ് തെം​ഗോ​ൽ ഉ​ൾ​പ്പെ​ടെ​യു​ള്ള മെ​യ്തെ​യ് തീ​വ്ര​വാ​ദ സാ​യു​ധ സം​ഘ​ട​ന​ക​ളും വെ​റു​തെ​യി​രി​ക്കി​ല്ല. മു​ഖ്യ​മ​ന്ത്രി മെ​യ്തെ​യ് തീ​വ്ര​വാ​ദി​ക​ളെ അ​ഴി​ച്ചു​വി​ട്ടി​രി​ക്കു​ക​യാ​ണെ​ന്നും അ​ദ്ദേ​ഹം അ​ധി​കാ​ര​ത്തി​ലു​ള്ള​പ്പോ​ൾ മ​ണി​പ്പു​രി​ൽ സ​മാ​ധാ​നം സാ​ധ്യ​മ​ല്ലെ​ന്നും കു​ക്കി സം​ഘ​ട​ന​ക​ളും മാ​ധ്യ​മ​ങ്ങ​ളു​മൊ​ക്കെ മു​ന്ന​റി​യി​പ്പു ന​ൽ​കി​യെ​ങ്കി​ലും ബി​ജെ​പി ദേ​ശീ​യ നേ​തൃ​ത്വം ഒ​രു ന​ട​പ​ടി​യും സ്വീ​ക​രി​ച്ചി​ല്ല.

ഇ​തി​നി​ടെ​യാ​ണ്, ക​ലാ​പ​ത്തി​ലെ ത​ന്‍റെ പ​ങ്ക് ബീ​രേ​ൻ സിം​ഗ്ത​ന്നെ വെ​ളി​പ്പെ​ടു​ത്തു​ന്ന ശ​ബ്ദ​രേ​ഖ 2024 ഓ​ഗ​സ്റ്റി​ൽ ‘ദ ​വ​യ​ർ’ പു​റ​ത്തു​വി​ട്ട​ത്. പോ​ലീ​സി​ന്‍റെ സം​ഭ​ര​ണ​കേ​ന്ദ്ര​ത്തി​ൽ​നി​ന്ന് ആ​യു​ധ​ങ്ങ​ൾ ക​വ​ർ​ന്ന​വ​രെ സം​ര​ക്ഷി​ച്ച​ത് ഉ​ൾ​പ്പെ​ടെ താ​ൻ ചെ​യ്തു​കൊ​ടു​ത്ത സേ​വ​ന​ങ്ങ​ൾ അ​ദ്ദേ​ഹം മെ​യ്തെ​യ്ക​ളു​ടെ യോ​ഗ​ത്തി​ൽ വി​വ​രി​ക്കു​ന്നു​ണ്ട്.

ക​ലാ​പം അ​ന്വേ​ഷി​ക്കു​ന്ന ജ​സ്റ്റീ​സ് അ​ജ​യ് ലാം​ബ ക​മ്മീ​ഷ​നു മു​ന്നി​ൽ ശ​ബ്ദ​രേ​ഖ സ​മ​ർ​പ്പി​ച്ചി​ട്ടു​ണ്ട്. ശ​ബ്ദ​രേ​ഖ​യു​ടെ ഫോ​റ​ൻ​സി​ക് റി​പ്പോ​ർ​ട്ട് സ​മ​ർ​പ്പി​ക്കാ​ൻ ക​ഴി​ഞ്ഞ​യാ​ഴ്ച സു​പ്രീം​കോ​ട​തി​യും ഉ​ത്ത​ര​വി​ട്ടി​ട്ടു​ണ്ട്. ആ ​ശ​ബ്ദ​രേ​ഖ വ്യാ​ജ​മ​ല്ലെ​ങ്കി​ൽ ബി​രേ​ൻ സിം​ഗ് വി​ചാ​ര​ണ ചെ​യ്യ​പ്പെ​ടേ​ണ്ട​താ​ണ്.

പ​തി​വു​പോ​ലെ ഇ​പ്പോ​ഴ​ത്തെ ക​ലാ​പ​ത്തി​നും മെ​യ്തെ​യ്-​കു​ക്കി വം​ശീ​യ​ത​യു​ടെ പ​ക നി​റ​ഞ്ഞ പ​ശ്ചാ​ത്ത​ല​മു​ണ്ടാ​യി​രി​ക്കാം. പ​ക്ഷേ, മെ​യ്തെ​യ്ക​ൾ എ​ന്തു​കൊ​ണ്ടാ​ണ് ത​ങ്ങ​ളു​ടെ വം​ശ​ത്തി​ൽ പെ​ട്ട ക്രൈ​സ്ത​വ​രെ ആ​ക്ര​മി​ക്കു​ക​യും അ​വ​രു​ടെ വീ​ടു​ക​ളും സ്ഥാ​പ​ന​ങ്ങ​ളും പ​ള്ളി​ക​ളും ത​ക​ർ​ക്കു​ക​യും ചെ​യ്ത​ത് എ​ന്ന​തി​ന് ബി​ജെ​പി​യാ​ണ് മ​റു​പ​ടി പ​റ​യേ​ണ്ട​ത്.

ക്രൂ​ര​മാ​യ കൊ​ല​പാ​ത​ക​ങ്ങ​ൾ, പ​ര​സ്യ മാ​ന​ഭം​ഗ​ങ്ങ​ൾ, 21 മാ​സ​മാ​യി​ട്ടും തു​ട​രു​ന്ന സ​ർ​ക്കാ​ർ നി​ഷ്ക്രി​യ​ത്വം, മു​ഖ്യ​മ​ന്ത്രി​യു​ടെ സം​ശ​യ​ക​ര​മാ​യ നി​ല​പാ​ട്, പ്ര​ധാ​ന​മ​ന്ത്രി​യു​ടെ നി​ഗൂ​ഢ നി​ശ​ബ്ദ​ത, പോ​ലീ​സി​ന്‍റെ ആ​യു​ധ​പ്പു​ര​ക​ളി​ൽ തീ​വ്ര​വാ​ദി​ക​ൾ ന​ട​ത്തി​യ കൊ​ള്ള...; നി​ര​വ​ധി കാ​ര​ണ​ങ്ങ​ളാ​ൽ 2023 മേ​യ് മൂ​ന്നി​നു പൊ​ട്ടി​പ്പു​റ​പ്പെ​ട്ട ക​ലാ​പം സ​മാ​ന​ത​ക​ളി​ല്ലാ​ത്ത​താ​ണ്.

അ​തി​ന്‍റെ പ്ര​ധാ​ന ത​ട​സ​ങ്ങ​ളി​ലൊ​ന്നു മാ​ത്ര​മാ​ണ് ബി​രേ​ൻ സിം​ഗി​ന്‍റെ രാ​ജി​യി​ലൂ​ടെ ഒ​ഴി​വാ​യ​ത്. വ​ർ​ഗീ​യ, വി​ഭാ​ഗീ​യ ചി​ന്ത​ക​ൾ ഉ​ള്ളി​ലൊ​ളി​പ്പി​ക്കു​ന്ന​വ​ർ അ​ധി​കാ​ര​ത്തി​ലെ​ത്തി​യാ​ൽ, ല​ക്ഷ്യ​പ്രാ​പ്തി​ക്കാ​യി സ​ർ​ക്കാ​ർ സം​വി​ധാ​ന​ങ്ങ​ളെ എ​ത്ര​ത്തോ​ളം ദു​രു​പ​യോ​ഗി​ക്കു​മെ​ന്ന​തി​ന്‍റെ ഹീ​ന​മാ​യ ദൃ​ഷ്ടാ​ന്ത​ങ്ങ​ളി​ലൊ​ന്നാ​ണ് ബി​രേ​ൻ സിം​ഗ്.

പ​ക​രം മു​ഖ്യ​മ​ന്ത്രി​യാ​ണോ രാ​ഷ്‌​ട്ര​പ​തി ഭ​ര​ണ​മാ​ണോ എ​ന്ന​ത​ല്ല ചോ​ദ്യം, ല​ക്ഷ്യം സ​മാ​ധാ​ന​മാ​ണോ എ​ന്ന​താ​ണ്. പ​ന്ത് കേ​ന്ദ്ര​ത്തി​ന്‍റെ കോ​ർ​ട്ടി​ലാ​ണ്.
Copyright @ 2018 , Rashtra Deepika Ltd.