പീഡന പരാതി; നടൻ ബാബുരാജിനെതിരെ കേസെടുത്തു
Monday, September 2, 2024 11:40 PM IST
കൊച്ചി: ലൈംഗികാരോപണത്തില് നടന് ബാബുരാജിനെതിരേ കേസെടുത്തു. യുവതിയുടെ മൊഴി രേഖപ്പെടുത്തിയ ശേഷം അടിമാലി പോലീസാണ് കേസെടുത്തത്.
ബാബുരാജിന്റെ ഇരുട്ടുകാനത്തുള്ള റിസോർട്ടിൽ വച്ചും എറണാകുളത്തെ വീട്ടിൽ വച്ചും പീഡിപ്പിച്ചെന്നായിരുന്നു പരാതി. സംസ്ഥാന പോലീസ് മേധാവിക്ക് യുവതി ഇ-മെയിൽ വഴി നൽകിയ പരാതി അടിമാലി പോലീസിന് കൈമാറുകയായിരുന്നു.
അതേ സമയം തനിക്കെതിരെയുള്ള ആരോപണങ്ങള് ആസൂത്രിതമാണെന്നാണ് ബാബുരാജ് പറഞ്ഞു. 2019 ല് താന് മൂന്നാറില് ആണ് താമസം. ആലുവയിലെ വീട് മോശം അവസ്ഥയിലായിരുന്നു.
2020 കോവിഡ് സമയത്താണ് ആ വീട് നന്നാക്കി അവിടെ താമസം ആരംഭിച്ചത്. അമ്മയുടെ അടുത്ത ജനറല് സെക്രട്ടറി താന് ആകുമെന്ന് കരുതിയാണ് യുവതിയുടെ വെളിപ്പെടുത്തലെന്നും ബാബുരാജ് പറഞ്ഞു.