കെസിഎല്: ആലപ്പി റിപ്പിൾസിനു വിജയത്തുടക്കം
Monday, September 2, 2024 6:30 PM IST
തിരുവനന്തപുരം: കേരള ക്രിക്കറ്റ് ലീഗിലെ ആദ്യ മത്സരത്തിൽ ആലപ്പി റിപ്പിൾസിനു വിജയം. തൃശൂര് ടൈറ്റന്സിനെ അഞ്ച് വിക്കറ്റിന് തോൽപ്പിച്ചാണ് റിപ്പിള്സ് തകർപ്പൻ ജയം സ്വന്തമാക്കിയത്. സ്കോർ: ടൈറ്റന്സ് 161/8 റിപ്പിൾസ് 163/5.(18.3)
ടോസ് നഷ്ടപ്പെട്ട് ബാറ്റിംഗിനെത്തിയ ടൈറ്റന്സ് നിശ്ചിത ഓവറില് എട്ട് വിക്കറ്റ് നഷ്ടത്തില് 161 റണ്സാണ് നേടിയത്. 57 റണ്സെടുത്ത അക്ഷയ് മനോഹറാണ് ടോപ് സ്കോറര്. ആനന്ദ് ജോസഫ് മൂന്ന് വിക്കറ്റ് വീഴ്ത്തി.
മറുപടി ബാറ്റിംഗില് റിപ്പിള്സ് 18.3 ഓവറില് അഞ്ച് വിക്കറ്റ് വിക്കറ്റ് ശേഷിക്കെ ലക്ഷ്യം മറികടന്നു. ക്യാപ്റ്റൻ മുഹമ്മദ് അസ്ഹറുദ്ദീന്റെ വെടിക്കെട്ട് ബാറ്റിംഗാണ് ആലപ്പി റിപ്പിൾസിനെ വിജയത്തിലെത്തിച്ചത്.
ഒമ്പതു സിക്സറുകൾ ഉൾപ്പടെ 47 പന്തിൽ 92 റൺസെടുത്ത അസ്ഹറുദ്ദീനെ കളിയിലെ താരമായി തെരഞ്ഞെടുത്തു.