തേങ്ങ പെറുക്കാൻ തോട്ടിലിറങ്ങിയ യുവാവിനെ കാണാതായി
Saturday, August 31, 2024 12:04 PM IST
തൃശൂര്: ഒഴുകിവരുന്ന തേങ്ങ പെറുക്കാൻ തോട്ടിലിറങ്ങിയ യുവാവിനെ കാണാതായി. ഇരിങ്ങപ്പുറം മാണിക്കത്ത് പറമ്പിൽ പീച്ചിലി കുഞ്ഞിക്കണ്ടാരുവിന്റെ മകൻ ബിജുവിനെ (46) ആണ് കാണാതായത്.
വെള്ളിയാഴ്ച വീടിനടുത്തുള്ള ചെമ്മണൂർ തോട്ടിലൂടെ ഒഴുകി വരുന്ന തേങ്ങകൾ പെറുക്കാനിറങ്ങിയപ്പോൾ അപകടത്തിൽപെട്ടതാകാമെന്നാണ് സംശയം. പത്തു വയസുള്ള മകനോട് വിവരം പറഞ്ഞ ശേഷമാണ് ഇയാൾ തോട്ടിൽ ഇറങ്ങിയത്.
എന്നാൽ രാത്രിയായിട്ടും തിരിച്ചെത്താതിരുന്നതിനെ തുടർന്ന് പോലീസും അഗ്നി രക്ഷസേനയും എത്തി തിരച്ചിൽ നടത്തിയെങ്കിലും കണ്ടെത്താനായില്ല. ഇന്ന് രാവിലെ തിരച്ചിൽ പുനരാരംഭിച്ചെങ്കിലും ഇയാളെക്കുറിച്ച് വിവരം ലഭിച്ചില്ല. ചാക്കിൽ നിറച്ചു വെച്ച തേങ്ങകൾ തിരച്ചിലിനിടെ കണ്ടുകിട്ടിയിരുന്നു.