സ്വകാര്യ ബസിന്റെ വാതിലിലൂടെ തെറിച്ചു വീണുപരിക്കേറ്റ യുവാവ് മരിച്ചു
Saturday, August 31, 2024 3:02 AM IST
പൂന്തുറ: സ്വകാര ബസിന്റെ വാതില് തുറന്ന് റോഡില് തെറിച്ചു വീണ് പരിക്കേറ്റ് ചികിത്സയിലായിരുന്ന യുവാവ് മരിച്ചു. വാഴമുട്ടം കുന്നുംപാറ സുധാകരണ മന്ദിരത്തില് സുബിന്കുമാര്(35) ആണ് മരിച്ചത്.
കഴിഞ്ഞ 26 ന് രാത്രി 7.50 ഓടെ അമ്പലത്തറ പെട്രോള് പമ്പിനു സമീപത്തായിരുന്നു അപകടം. കിഴക്കേ കോട്ടയില്നിന്ന് തിരുവല്ലത്തേക്ക് പോകുകയായിരുന്ന സ്വകാര്യ ബസിലെ യാത്രക്കാരനായിരുന്നു.
തലയ്ക്ക് ഗുരുതര പരിക്കേറ്റ ഇയാളെ മെഡിക്കല് കോളജ് ആശുപത്രിയിലെത്തിച്ചിരുന്നു. ചികിത്സയിലിരിക്കെയാണ് മരിച്ചത്. സംഭവത്തിൽ പോലീസ് കേസെടുത്തു.