ബസും ലോറിയും കൂട്ടിയിടിച്ചു; ക്യാബിനിൽ കുരുങ്ങി ഡ്രൈവർക്ക് ദാരുണാന്ത്യം
Tuesday, August 27, 2024 11:24 PM IST
തൃശൂര്: സ്വകാര്യ ബസും ലോറിയും കൂട്ടിയിടിച്ച് ലോറി ഡ്രൈവര്ക്ക് ദാരുണാന്ത്യം. ദേശീയപാത തൃത്തല്ലൂരിലുണ്ടായ അപകടത്തിൽ തമിഴ്നാട് ഈറോഡ് സ്വദേശിയും ലോറി ഡ്രൈവറുമായ അരുണ്(35) ആണ് മരിച്ചത്.
അപകടത്തിൽ 32 പേര്ക്ക് പരിക്കേറ്റു. ലോറിക്കുള്ളില് കുടുങ്ങിയ ഡ്രൈവറെ നാട്ടുകാരും ആംബുലന്സ് ജീവനക്കാരും ഏറെ നേരം പണിപ്പെട്ടാണ് പുറത്തെടുത്തത്. രക്ഷാ പ്രവര്ത്തനത്തിനിടെ ആംബുലന്സ് ഡ്രൈവര് മുഹമ്മദ് സാബിറിന് കൈക്ക് പരിക്കേറ്റു.
കൊടുങ്ങല്ലൂരില് നിന്നും ഗുരുവായൂരിലേയ്ക്ക് പോയ ബസ് തൃത്തല്ലൂര് പഴ പോസ്റ്റോഫീസ് സ്റ്റോപ്പില് ആളെ ഇറക്കി മുന്നോട്ടെടുക്കോമ്പാണ് അപകടം നടന്നത്. അരുണിന്റെ മൃതദേഹം പോസ്റ്റ്മോർട്ടത്തിനായി ആശുപത്രിയിൽ സൂക്ഷിച്ചിരിക്കുകയാണ്.