എത്തിയ ബസ് തന്നെ ഇടിച്ചിട്ടു; കോതമംഗലത്ത് യാത്രക്കാരിക്ക് ദാരുണാന്ത്യം
Thursday, August 22, 2024 11:33 AM IST
കൊച്ചി: കോതമംഗലം നേര്യമംഗലം ബസ് സ്റ്റാൻഡിൽ ബസ് ഇടിച്ച് യാത്രക്കാരിക്ക് ദാരുണാന്ത്യം. മാമലക്കണ്ടം സ്വദേശിനി പാക്കാട്ട് കൗസല്യ തങ്കപ്പൻ (68) ആണ് മരിച്ചത്.
സ്റ്റാൻഡിൽ ബസിറങ്ങി മുന്നോട്ടു നീങ്ങുമ്പോൾ അതേ ബസ് തന്നെയാണ് കൗസല്യയെ ഇടിച്ചിട്ടത്. ഉടനെ ആശുപത്രിയിലെ അത്യാഹിത വിഭാഗത്തിൽ എത്തിച്ചെങ്കിലും ജീവൻ രക്ഷിക്കാനായില്ല.
ആശുപത്രിയിൽ സൂക്ഷിച്ചിരിക്കുന്ന മൃതദേഹംപോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുനല്കും. സംഭവത്തിൽ പോലീസ് അന്വേഷണം ആരംഭിച്ചു.