വിവാഹ വാഗ്ദാനം നൽകി പീഡനം; ബസ് ഡ്രൈവർ അറസ്റ്റിൽ
Sunday, July 21, 2024 7:51 AM IST
കൊല്ലം: കോളജ് വിദ്യാർഥിനിയെ വിവാഹ വാഗ്ദാനം നൽകി പീഡിപ്പിച്ച ബസ് ഡ്രൈവർ പിടിയിൽ. സ്വകാര്യ ബസിലെ ഡ്രൈവറായ അഖിൽ (28) ആണ് പിടിയിലായത്.
ബസിലെ സ്ഥിരം യാത്രക്കാരിയായിരുന്ന പെൺകുട്ടിയാണ് പീഡനത്തിന് ഇരയായത്. വിവാഹിതനാണന്ന വിവരം മറച്ച് വച്ചാണ് പ്രണയം നടിച്ച് ഇയാൾ പെൺകുട്ടിയ പീഡിപ്പിച്ചത്.
കുട്ടിയെ ലോഡ്ജിലേക്ക് കൂട്ടിക്കൊണ്ടുപോയി ഇയാൾ പീഡിപ്പിക്കുകയായിരുന്നു. പെൺകുട്ടി എതിർത്തെങ്കിലും വിവാഹ ആലോചനയ്ക്കായി ബന്ധുക്കളെ വീട്ടിലേക്ക് അയക്കാമെന്ന് പറഞ്ഞായിരുന്നു പീഡനം.