ചെ​ന്നൈ: ഐ​പി​എ​ൽ ട്വ​ന്‍റി 20 ക്രി​ക്ക​റ്റി​ൽ പ​ന്തേ​റു​കാ​രു​ടെ ത​ക​ർ​പ്പ​ൻ പ്ര​ക​ട​ന​ത്തി​ൽ ചെ​ന്നൈ സൂ​പ്പ​ർ കിം​ഗ്സി​നു ജ​യം. ചെ​ന്നൈ സൂ​പ്പ​ർ കിം​ഗ്സ് ഏ​ഴു വി​ക്ക​റ്റു​ക​ൾ​ക്ക് കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​നെ തോ​ൽ​പ്പി​ച്ചു. സ്കോ​ർ കോ​ൽ​ക്ക​ത്ത നൈ​റ്റ് റൈ​ഡേ​ഴ് 20 ഓ​വ​റി​ൽ 137/7. ചെ​ന്നൈ സൂ​പ്പ​ർ കിം​ഗ്സ് 17.4 ഓ​വ​റി​ൽ 141/3. ര​വീ​ന്ദ്ര ജ​ഡേ​ജ​യാണ് കളിയിലെ താരം.

ടോ​സ് നേ​ടി ഫീ​ൽ​ഡിം​ഗ് തെ​ര​ഞ്ഞെ​ടു​ത്ത ചെ​ന്നൈ നാ​യ​ക​ൻ ഋ​തു​രാ​ജ് ഗെ​യ്ക്‌വാ​ദി​ന്‍റെ തീ​രു​മാ​നം ശ​രി​യെ​ന്നു തെ​ളി​ക്കു​ന്ന​താ​യി​രു​ന്നു ആ​ദ്യ ഓ​വ​ർ മു​ത​ലു​ള്ള പ്ര​ക​ട​നം. ആ​ദ്യ ഓ​വ​റി​ലെ ആ​ദ്യ പ​ന്തി​ൽ ഫീ​ൽ സാ​ൾ​ട്ടി​നെ തു​ഷാ​ർ ദേ​ശ്പാ​ണ്ഡെ ര​വീ​ന്ദ്ര ജ​ഡേ​ജ​യു​ടെ കൈ​ക​ളി​ലെ​ത്തി​ച്ചു. ഈ ​പു​റ​ത്താ​ക​ലി​നു​ശേ​ഷം സു​നി​ൽ ന​രേ​നും അം​ഗൃ​ഷ് ര​ഘു​വം​ശി​യും ചേ​ർ​ന്നു​ള്ള കൂ​ട്ടു​കെ​ട്ട് ആ​ക്ര​മി​ച്ചു ക​ളി​ച്ചു തു​ട​ങ്ങി.

56 റ​ണ്‍​സ് നേ​ടി​യ ഈ ​സ​ഖ്യം ര​ഘു​വം​ശി​യെ (24) വി​ക്ക​റ്റി​നു മു​ന്നി​ൽ കു​രു​ക്കി ര​വീ​ന്ദ്ര ജ​ഡേ​ജ പൊ​ളി​ച്ചു. ആ ​ഓ​വ​റി​ൽ ത​ന്നെ ന​രേ​നും (20 പ​ന്തി​ൽ 27) പു​റ​ത്താ​യി. ഓ​രോ​വ​റി​നു​ശേ​ഷം ജ​ഡേ​ജ വെ​ങ്കി​ടേ​ഷ് അ​യ്യ​രെ​യും വീ​ഴ്ത്തി. ഇ​തോ​ടെ കോ​ൽ​ക്ക​ത്ത സ്കോ​റിം​ഗ് താ​ഴ്ന്നു. ക്യാ​പ്റ്റ​ൻ ശ്രേ​യ​സ് അ​യ്യ​ർ പി​ടി​ച്ചു​നി​ൽ​ക്കാ​ൻ ശ്ര​മി​ച്ചെ​ങ്കി​ലും കൂ​ടെ നി​ൽ​ക്കാ​നാ​ളി​ല്ലാ​യി​രു​ന്നു.

തീ​ക്ഷ​ണ​യും ദേ​ശ്പാ​ണ്ഡെ​യും മു​ഷ്താ​ഫി​സു​ർ റ​ഹ്മാ​നും കോ​ൽ​ക്ക​ത്ത​യു​ടെ മ​ധ്യ​നി​ര ത​ക​ർ​ത്തു. അ​വ​സാ​ന ഓ​വ​റി​ലെ ആ​ദ്യ പ​ന്തി​ൽ ശ്രേ​യ​സ് അ​യ്യ​രെ പു​റ​ത്താ​ക്കി മു​ഷ്താ​ഫി​സു​ർ റ​ഹ്‌മാൻ കൂ​ടു​ത​ൽ റ​ണ്‍​സ് എ​ടു​ക്കു​ന്ന​തി​ൽ​നി​ന്ന് കോ​ൽ​ക്ക​ത്ത​യെ ത​ട​ഞ്ഞു. 32 പ​ന്തി​ൽ 34 റ​ണ്‍​സ് നേ​ടി​യ ശ്രേ​യ​സ് അ​യ്യ​രാ​ണ് കോ​ൽ​ക്ക​ത്ത​യു​ടെ ടോ​പ് സ്കോ​റ​ർ.


ര​വീ​ന്ദ്ര ജ​ഡേ​ജ​യും തു​ഷാ​ർ ദേ​ശ്പാ​ണ്ഡെ​യും മൂ​ന്നു വി​ക്ക​റ്റ് വീ​ത​വും മു​ഷ്താ​ഫി​സു​ർ റ​ഹ്‌മാ​ൻ ര​ണ്ടും മ​ഹീ​ഷ് തീ​ക്ഷ​ണ ഒ​രു വി​ക്ക​റ്റും വീ​ഴ്ത്തി.

മ​റു​പ​ടി ബാ​റ്റിം​ഗി​ൽ ടീം ​സ്കോ​ർ 27ലെ​ത്തി​യ​പ്പോ​ൾ ര​ചി​ൻ ര​വീ​ന്ദ്ര​യെ (എ​ട്ട് പ​ന്തി​ൽ 15) ന​ഷ്ട​മാ​യെ​ങ്കി​ലും ഋ​തു​രാ​ജും ഡാ​ര​ൽ മി​ച്ച​ലും കൂ​ടു​ത​ൽ അ​പ​ക​ട​ങ്ങ​ളൊ​ന്നും വ​രു​ത്താ​തെ ചെ​ന്നൈ​യി​യെ ജ​യ​ത്തി​ലേ​ക്ക് ന​യി​ച്ചു. 70 റ​ണ്‍​സ് നേ​ടി​യ സ​ഖ്യം മി​ച്ച​ലി​നെ (19 പ​ന്തി​ൽ 25) ക്ലീ​ൻ​ബൗ​ൾ​ഡാ​ക്കി ന​രേ​ൻ പൊ​ളി​ച്ചു.

ഇം​പാ​ട്ക് പ്ലെ​യ​റാ​യി വ​ന്ന ശി​വം ദു​ബെ പ​തി​വു തെ​റ്റി​ക്കാ​തെ ത​ക​ർ​ത്ത​ടി​ച്ച​തോ​ടെ ജ​യം അ​നാ​യാ​സ​മാ​യി. ജ​യ​ത്തി​ന് മൂ​ന്നു റ​ണ്‍​സ് അ​ക​ലെ​വ​ച്ച് ദു​ബെ (18 പ​ന്തി​ൽ 28) വൈ​ഭ​വ് അ​റോ​റ​യു​ടെ പ​ന്തി​ൽ ക്ലീ​ൻ​ബൗ​ൾ​ഡാ​യി. ധോ​ണി​യും ഋ​തു​രാ​ജും ചേ​ർ​ന്ന് ജ​യ​ത്തി​ലെ​ത്തി​ച്ചു. അ​റോ​റ ര​ണ്ടു വി​ക്ക​റ്റ് വീ​ഴ്ത്തി. ഒ​രെ​ണ്ണം ന​രേ​നും സ്വ​ന്ത​മാ​ക്കി.