സ്വ​ന്തം പാ​ർ​ട്ടി​ക്കാരായ റി​പ്പ​ബ്ലി​ക്ക​ന്മാ​രും മു​റു​മു​റു​പ്പ് തു​ട​ങ്ങി​യ​തോ​ടെ ട്രം​പ് സ്വ​പ്നം ക​ണ്ട ‘അ​മേ​രി​ക്ക​യു​ടെ സു​വ​ർ​ണ​യു​ഗം’ വ്യാ​പാ​ര​യു​ദ്ധ​ത്തി​ന്‍റെ വെ​ടി​യേ​റ്റു വീ​ഴാ​തി​രി​ക്കാ​ൻ പ​ണി​പ്പെ​ടേ​ണ്ടി​വ​രും.

ത​നി​ക്കു വോ​ട്ട് ചെ​യ്ത​വ​രി​ൽ ഒ​രു വി​ഭാ​ഗം​പോ​ലും ഭ്രാ​ന്ത​നെ​ന്നു വി​ളി​ക്കു​ന്ന​തി​ലേ​ക്ക് ട്രം​പ് കാ​ര്യ​ങ്ങ​ൾ എ​ത്തി​ച്ചി​രി​ക്കു​ന്നു. ന്യൂ​ന​ത​ക​ൾ ഉ​ണ്ടാ​യി​രു​ന്നി​ട്ടും ജ​നാ​ധി​പ​ത്യ​ത്തി​ന്‍റെ കാ​വ​ൽ​ക്കാ​രാ​യി ഗ​ണി​ച്ചി​രു​ന്ന അ​മേ​രി​ക്ക, ച​രി​ത്ര​പ​ര​മാ​യ ആ ​സ്ഥാ​ന​ത്തി​ന്‍റെ വി​ല കെ​ടു​ത്തി​യ​പ്പോ​ൾ​പോ​ലും കാ​ണാ​ത്ത പ്ര​ക്ഷോ​ഭ​മാ​ണ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​നെ​തി​രേ ശ​നി​യാ​ഴ്ച അ​ര​ങ്ങേ​റി​യ​ത്.

കാ​ര​ണം, പ്ര​തി​കാ​ര​ച്ചു​ങ്ക ന​യം ആ​ഗോ​ള വ്യാ​പാ​ര​യു​ദ്ധ​ത്തി​നി​ട​യാ​ക്കു​ക​യും ഓ​ഹ​രി വി​പ​ണി​ക​ൾ ഇ​ടി​ക്കു​ക​യും മാ​ത്ര​മ​ല്ല ട്രം​പി​ന് വോ​ട്ടു ചെ​യ്ത​വ​രെ​യും പ്ര​തി​കൂ​ല​മാ​യി ബാ​ധി​ക്കു​ക​യും ചെ​യ്തു. ട്രം​പ്-​മ​സ്ക് കൂ​ട്ടു​കെ​ട്ടി​ന്‍റെ എ​ടു​ത്തു​ചാ​ടി​യു​ള്ള സാ​ന്പ​ത്തി​ക അ​ഴി​ച്ചു​പ​ണി​ക​ൾ ആ​ഗോ​ള സാ​ന്പ​ത്തി​ക ക്ര​മ​ത്തെ മു​ക്കു​ന്പോ​ൾ ത​ങ്ങ​ൾ​ക്കു ത​നി​ച്ചൊ​രു വ​ള്ള​ത്തി​ൽ ക​യ​റി ര​ക്ഷ​പ്പെ​ടാ​ൻ പ​റ്റി​ല്ലെ​ന്ന് അ​മേ​രി​ക്ക അ​നു​ഭ​വി​ച്ച​റി​യു​ക​യാ​ണ്.

കാ​ര​ണ​ങ്ങ​ൾ വ്യ​ത്യ​സ്ത​മാ​ണെ​ങ്കി​ലും നോ​ട്ട് നി​രോ​ധ​ന സ​മ​യ​ത്തെ ഇ​ന്ത്യ​യെ ഓ​ർ​മി​പ്പി​ക്കു​ന്ന സാ​ന്പ​ത്തി​ക അ​സ്വ​സ്ഥ​ത​യാ​ണ് അ​മേ​രി​ക്ക​യി​ൽ. അ​ധി​കാ​ര​ത്തി​ലെ​ത്തി​യാ​ൽ ന​ട​പ്പാ​ക്കു​മെ​ന്നു പ​റ​ഞ്ഞ​തൊ​ക്കെ​ത്ത​ന്നെ​യാ​ണ് ട്രം​പ് ന​ട​ത്തി​ക്കൊ​ണ്ടി​രി​ക്കു​ന്ന​ത്. പ​ക്ഷേ, ലാ​ഭ​മി​ല്ലാ​ത്ത​തെ​ല്ലാം ഒ​ഴി​വാ​ക്കു​ന്ന ക​ച്ച​വ​ട​മ​ല്ല ജ​നാ​ധി​പ​ത്യ​മെ​ന്ന തി​രി​ച്ച​റി​വ് ട്രം​പി​നും ഇ​ലോ​ൺ മ​സ്കി​നും ഇ​ല്ലാ​തെ​പോ​യി.

വാ​ഷിം​ഗ്ട​ൺ, ന്യൂ​യോ​ർ​ക്ക്, ഹൂ​സ്റ്റ​ൺ, ഫ്ലോ​റി​ഡ, കൊ​ള​റാ​ഡോ, ലോ​സ് ആ​ഞ്ച​ല​സ് തു​ട​ങ്ങി അ​മേ​രി​ക്ക​യി​ലെ പ്ര​മു​ഖ ന​ഗ​ര​ങ്ങ​ളു​ൾ​പ്പെ​ടെ 50 സം​സ്ഥാ​ന​ങ്ങ​ളി​ലും ജ​നം തെ​രു​വി​ലി​റ​ങ്ങി. തൊ​ഴി​ലാ​ളി സം​ഘ​ട​ന​ക​ളും പൗ​രാ​വ​കാ​ശ സം​ഘ​ട​ന​ക​ളും എ​ൽ​ജി​ബി​ടി​ക്യു പ്ര​വ​ർ​ത്ത​ക​രു​മൊ​ക്കെ ഉ​ൾ​പ്പെ​ടു​ന്ന 150ൽ​പ​രം സം​ഘ​ട​ന​ക​ളു​ടെ ആ​ഹ്വാ​ന​മ​നു​സ​രി​ച്ചാ​ണ് ‘ഹാ​ൻ​ഡ്സ് ഓ​ഫ്’ പ്ര​ക്ഷോ​ഭം അ​ര​ങ്ങേ​റി​യ​ത്.

പ​ല തീ​രു​മാ​ന​ങ്ങ​ളി​ൽ​നി​ന്നും കൈ ​എ​ടു​ക്കു​ക എ​ന്നാ​വ​ശ്യ​പ്പെ​ട്ട പ്ര​ക​ട​ന​ങ്ങ​ളി​ൽ 1,300 ന​ഗ​ര​ങ്ങ​ളി​ലാ​യി അ​ഞ്ചു ല​ക്ഷം പേ​രെ​ങ്കി​ലും പ​ങ്കെ​ടു​ത്തെ​ന്നാ​ണ് റി​പ്പോ​ർ​ട്ടു​ക​ൾ. ‘അ​മേ​രി​ക്ക​യ്ക്ക് രാ​ജാ​വ് വേ​ണ്ട’, ‘ട്രം​പി​ന്‍റെ ന​യ​ങ്ങ​ൾ സാ​ന്പ​ത്തി​ക ഭ്രാ​ന്താ​ണ്’, ‘ട്രം​പി​നും ഭ്രാ​ന്താ​ണ്’ എ​ന്നി​ങ്ങ​നെ എ​ഴു​തി​യ പ്ല​ക്കാ​ർ​ഡു​ക​ളി​ൽ ജ​ന​രോ​ഷം പ്ര​ക​ട​മാ​യി​രു​ന്നു. ഹാ​ൻ​ഡ്സ് ഓ​ഫ് കാ​ന​ഡ, ഹാ​ൻ​ഡ്സ് ഓ​ഫ് ഗ്രീ​ൻ​ലാ​ൻ​ഡ് എ​ന്നി​ങ്ങ​നെ​യു​ള്ള മു​ദ്രാ​വാ​ക്യ​ങ്ങ​ളും മു​ഴ​ങ്ങി.

യു​എ​സി​നു പു​റ​ത്ത് ല​ണ്ട​ൻ, പാ​രീ​സ്, ബെ​ർ​ലി​ൻ തു​ട​ങ്ങി വി​വി​ധ ന​ഗ​ര​ങ്ങ​ളി​ലും ട്രം​പി​നെ​തി​രേ പ്ര​തി​ഷേ​ധ​മു​ണ്ടാ​യി. പ​ക്ഷേ, ന​യം മാ​റ്റി​ല്ലെ​ന്നും ഈ ​പ്ര​തി​ഷേ​ധ​ങ്ങ​ൾ ത​ള്ളി​ക്ക​ള​യു​ന്നു​വെ​ന്നു​മു​ള്ള പ്ര​തി​ക​ര​ണ​മാ​ണ് ട്രം​പ് ഭ​ര​ണ​കൂ​ടം ന​ട​ത്തി​യി​രി​ക്കു​ന്ന​ത്. ആ​ഗോ​ള ഓ​ഹ​രി​വി​പ​ണി​യി​ൽ കോ​വി​ഡി​നു​ശേ​ഷ​മു​ള്ള ഏ​റ്റ​വും ത​ക​ർ​ച്ച​യാ​ണ് സം​ഭ​വി​ച്ചി​രി​ക്കു​ന്ന​ത്. ലോ​ക​ത്തെ അ​ഞ്ഞൂ​റോ​ളം കോ​ടീ​ശ്വ​ര​ന്മാ​രു​ടെ സ്വ​ത്ത് മൂ​ല്യം ഇ​ടി​ഞ്ഞു.

അ​തി​ൽ പ്ര​മു​ഖ​ർ ഫേ​സ്ബു​ക്ക്-​മെ​റ്റ സ്ഥാ​പ​ക​ൻ മാ​ർ​ക്ക് സ​ക്ക​ർ​ബ​ർ​ഗ്, ആ​മ​സോ​ൺ സ്ഥാ​പ​ക​ൻ ജെ​ഫ് ബ​സോ​സ് തു​ട​ങ്ങി​യ അ​മേ​രി​ക്ക​ക്കാ​രാ​ണ്. ട്രം​പി​ന്‍റെ ഉ​റ്റ ച​ങ്ങാ​തി​യും സ​ർ​ക്കാ​രി​ന്‍റെ ഉ​പ​ദേ​ശ​ക​നു​മാ​യ ഇ​ലോ​ൺ മ​സ്കി​നും പ​ണി കി​ട്ടി. സ്വ​ർ​ണ​ത്തി​നും ക്രൂ​ഡ് ഓ​യി​ലി​നും വി​ല​യി​ടി​ഞ്ഞു. ഇ​ന്നു​മു​ത​ൽ പെ​ട്രോ​ളി​നും ഡീ​സ​ലി​നും ര​ണ്ടു രൂ​പ എ​ക്സൈ​സ് തീ​രു​വ ചു​മ​ത്താ​ൻ ഇ​ന്ത്യ തീ​രു​മാ​നി​ച്ചി​ട്ടു​ണ്ട്.

ആ​ഗോ​ള​വി​ല​യി​ൽ ഇ​ടി​വു​ള്ള​തു​കൊ​ണ്ട് ചി​ല്ല​റ​വി​ല​യി​ൽ ഇ​തു പ്ര​തി​ഫ​ലി​ക്കി​ല്ലെ​ന്നാ​ണ് പെ​ട്രോ​ളി​യം മ​ന്ത്രാ​ല​യം അ​റി​യി​ച്ച​ത്. അ​തേ​സ​മ​യം, എ​ല്ലാം ശ​രി​യാ​കു​വോ​ളം ക്ഷ​മ​യോ​ടെ കാ​ത്തി​രി​ക്ക​ണ​മെ​ന്ന് അ​മേ​രി​ക്ക​ൻ ജ​ന​ത​യോ​ടും നി​ക്ഷേ​പ​ക​രോ​ടും ട്രം​പ് അ​ഭ്യ​ർ​ഥി​ക്കു​ന്ന​തി​ലേ​ക്ക് കാ​ര്യ​ങ്ങ​ൾ എ​ത്തി​യി​ട്ടു​ണ്ട്. വി​പ​ണി​യി​ലെ ത​ക​ർ​ച്ച താ​ൻ ആ​സൂ​ത്ര​ണം ചെ​യ്ത​ത​ല്ലെ​ന്നും ചി​ല​തൊ​ക്കെ ശ​രി​യാ​ക്കാ​ൻ ചി​ല​പ്പോ​ൾ മ​രു​ന്നെ​ടു​ക്കേ​ണ്ടി വ​രു​മെ​ന്നും ന​മ്മു​ടെ രാ​ജ്യം ശ​ക്ത​മാ​ണെ​ന്നു​മാ​ണ് ട്രം​പ് ഇ​പ്പോ​ൾ പ​റ​യു​ന്ന​ത്.

പ​ക്ഷേ, അ​ദ്ദേ​ഹ​ത്തി​ന്‍റെ ക​ണ​ക്കു​കൂ​ട്ട​ലു​ക​ൾ ശ​രി​യാ​ക്കാ​ൻ മ​റ്റു രാ​ജ്യ​ങ്ങ​ൾ​ക്കു ബാ​ധ്യ​ത​യി​ല്ല​ല്ലോ. ലോ​ക​രാ​ജ്യ​ങ്ങ​ൾ​ക്ക് ക​ടു​ത്ത ഇ​റ​ക്കു​മ​തി​ച്ചു​ങ്കം ഏ​ർ​പ്പെ​ടു​ത്തു​ന്പോ​ൾ അ​മേ​രി​ക്ക​യ്ക്ക് 60,000 കോ​ടി ഡോ​ള​ർ പ്ര​തി​വ​ർ​ഷ അ​ധി​ക വ​രു​മാ​നം നി​കു​തി​യി​ന​ത്തി​ൽ ല​ഭി​ച്ചേ​ക്കാ​മെ​ന്നാ​ണ് ക​ണ​ക്കു​കൂ​ട്ട​ൽ. പ​ക്ഷേ, ഇ​റ​ക്കു​മ​തി വ​സ്തു​ക്ക​ൾ​ക്കെ​ല്ലാം വി​ല വ​ർ​ധി​ക്കു​ന്ന​തോ​ടെ അ​മേ​രി​ക്ക​ൻ പൗ​ര​ന്‍റെ ശ​രാ​ശ​രി ചെ​ല​വ് പ്ര​തി​വ​ർ​ഷം 1800 ഡോ​ള​ർ വ​ർ​ധി​ക്കും.

അം​ഗ​ങ്ങ​ളു​ടെ എ​ണ്ണ​മ​നു​സ​രി​ച്ച് കു​ടും​ബ​ങ്ങ​ളു​ടെ ജീ​വി​ത​ച്ചെ​ല​വ് ഉ​യ​രും. ഇ​തോ​ടൊ​പ്പം, മ​റ്റു രാ​ജ്യ​ങ്ങ​ളു​ടെ ത​ന്ത്ര​ങ്ങ​ൾ പ്ര​വ​ച​നാ​തീ​ത​മാ​കു​ന്പോ​ൾ തി​രി​ച്ച​ടി കൂ​ടു​ത​ൽ രൂ​ക്ഷ​മാ​കു​ക​യും ചെ​യ്യും. പ​ല രാ​ജ്യ​ങ്ങ​ളും തി​രി​ച്ചും ചു​ങ്കം ചു​മ​ത്തി​യ​തോ​ടെ വ്യാ​പാ​ര​യു​ദ്ധം തു​ട​ങ്ങി. ഏ​റ്റ​വും പു​തി​യ പ്ര​ഹ​രം ചൈ​ന​യു​ടേ​താ​ണ്. ഗാ​ഡോ​ലി​നി​യം ഉ​ൾ​പ്പെ​ടെ ഏ​ഴ് അ​പൂ​ർ​വ ധാ​തു​ക്ക​ൾ അ​മേ​രി​ക്ക​യി​ലേ​ക്ക് ക​യ​റ്റു​മ​തി ചെ​യ്യു​ന്ന​തി​ന് ഏ​ർ​പ്പെ​ടു​ത്തി​യ നി​യ​ന്ത്ര​ണ​ങ്ങ​ൾ​ക്കു പു​റ​മേ പു​തി​യ​താ​യി 34 ശ​ത​മാ​നം തീ​രു​വ​യും അ​വ​ർ ചു​മ​ത്തി.

പ​ക​ര​ച്ചു​ങ്ക​മെ​ന്ന പേ​രി​ൽ മ​റ്റു രാ​ജ്യ​ങ്ങ​ളു​ടെ ചെ​ല​വി​ൽ സ്വ​ന്തം താ​ത്പ​ര്യ​ങ്ങ​ൾ സം​ര​ക്ഷി​ക്കു​ന്ന അ​മേ​രി​ക്ക​യ്ക്ക് ത​ങ്ങ​ളോ​ട് ഇ​ട​പെ​ടാ​ൻ ഭീ​ഷ​ണി​യും സ​മ്മ​ർ​ദ​വും ശ​രി​യാ​യ മാ​ർ​ഗ​മാ​യി​രി​ക്കി​ല്ലെ​ന്നും ചൈ​ന മു​ന്ന​റി​യി​പ്പും ന​ൽ​കി. ബ്രി​ട്ടീ​ഷ് പ്ര​ധാ​ന​മ​ന്ത്രി കീ​യ​ർ സ്റ്റാ​ര്‍​മ​റും ഇ​ന്ന​ലെ ശ​ക്ത​മാ​യ നി​ല​പാ​ടെ​ടു​ത്തു. പ​ക​ര​ച്ചു​ങ്കം വ്യാ​പാ​ര യു​ദ്ധ​ത്തി​ലേ​ക്കു ക​ട​ന്ന​തോ​ടെ ആ​ഗോ​ള​വ​ത്ക​ര​ണം അ​വ​സാ​നി​ച്ചെ​ന്നും അ​ദ്ദേ​ഹം ഓ​ർ​മി​പ്പി​ച്ചു.

എ​ല്ലാ​വ​ർ​ക്കു​മി​ല്ലെ​ങ്കി​ൽ ആ​ർ​ക്കും വേ​ണ്ട എ​ന്ന സൂ​ച​ന​യാ​ണ​ത്. അ​മേ​രി​ക്ക ഒ​ന്നാ​മ​ത്, എ​ന്ന ക​ടു​ത്ത ദേ​ശീ​യ​വാ​ദ​ത്തി​നാ​ണ് തി​രി​ച്ച​ടി. പ​ക​ര​ച്ചു​ങ്കം, പ​ല​സ്തീ​ൻ വി​ഷ​യം, മ​റ്റു രാ​ജ്യ​ങ്ങ​ളു​ടെ പ​ര​മാ​ധി​കാ​ര​ത്തെ ലം​ഘി​ക്കു​ന്ന വാ​യാ​ടി​ത്ത​ങ്ങ​ൾ, റ​ഷ്യ-​യു​ക്രെ​യ്ൻ യു​ദ്ധ​ത്തി​ലെ ഏ​ക​പ​ക്ഷീ​യ പ്ര​ഖ്യാ​പ​ന​ങ്ങ​ൾ, പ​രി​സ്ഥി​തി ഉ​ട​ന്പ​ടി​ക​ളി​ൽ​നി​ന്നു പി​ൻ​വാ​ങ്ങ​ൽ, വി​ദേ​ശ​രാ​ജ്യ​ങ്ങ​ൾ​ക്കു​ള്ള അ​മേ​രി​ക്ക​ൻ സ​ഹാ​യ​ങ്ങ​ൾ റ​ദ്ദാ​ക്ക​ൽ തു​ട​ങ്ങി​യ കാ​ര്യ​ങ്ങ​ളി​ലെ​ല്ലാം യൂ​റോ​പ്പ് ഉ​ൾ​പ്പെ​ടെ അ​മേ​രി​ക്ക​യു​ടെ സു​ഹൃ​ദ് രാ​ജ്യ​ങ്ങ​ളെ​യെ​ല്ലാം ട്രം​പ് അ​ക​റ്റി​ക്ക​ഴി​ഞ്ഞു.

ഇ​തി​നു പു​റ​മേ​യാ​ണ് അ​മേ​രി​ക്ക​യി​ലെ നി​ക്ഷേ​പ​ക​രും ഉ​പ​ഭോ​ക്താ​ക്ക​ളും പ്ര​തി​പ​ക്ഷ​വും തെ​രു​വി​ലി​റ​ങ്ങി​യ​ത്. ഇ​തി​നി​ടെ, ക​ന​ത്ത വ്യാ​പാ​ര ന​ഷ്ടം നേ​രി​ട്ട ഇ​ലോ​ൺ മ​സ്ക് സ​മ​യ​പ​രി​മി​തി​മൂ​ലം മേ​യ് അ​വ​സാ​ന​ത്തോ​ടെ സ​ർ​ക്കാ​രി​ൽ​നി​ന്നു രാ​ജി വ​യ്ക്കു​ക​യാ​ണെ​ന്നും സൂ​ച​ന ന​ൽ​കി.

സ്വ​ന്തം പാ​ർ​ട്ടി​ക്കാ​രാ​യ റി​പ്പ​ബ്ലി​ക്ക​ന്മാ​രും മു​റു​മു​റു​പ്പ് തു​ട​ങ്ങി​യ​തോ​ടെ ട്രം​പ് സ്വ​പ്നം ക​ണ്ട ‘അ​മേ​രി​ക്ക​യു​ടെ സു​വ​ർ​ണ​യു​ഗം’ വ്യാ​പാ​ര​യു​ദ്ധ​ത്തി​ന്‍റെ വെ​ടി​യേ​റ്റു വീ​ഴാ​തി​രി​ക്കാ​ൻ പ​ണി​പ്പെ​ടേ​ണ്ടി​വ​രും. ഭ്രാ​ന്തി​ല്ലെ​ന്ന് ട്രം​പ് തെ​ളി​യി​ക്കു​മോ​യെ​ന്നു ലോ​കം കാ​ത്തി​രി​ക്കു​ന്നു.