31 ത​​​​വ​​​​ണ എ​​​​വ​​​​റ​​​​സ്റ്റ് കീ​​​​ഴ​​​​ട​​​​ക്കി​​​​യ കാ​​​​മി റി​​​​ത​​​​യു​​​​ടെ ജീ​​​​വി​​​​ത​​​​വു​​​​മാ​​​​യി ന​​​​മ്മു​​​​ടേ​​​​തി​​​​നെ താ​​​​ര​​​​ത​​​​മ്യ​​​​പ്പെ​​​​ടു​​​​ത്താ​​​​നാ​​​​വി​​​​ല്ല. പ​​​​ക്ഷേ, എ​​​​വ​​​​റ​​​​സ്റ്റി​​​​ല​​​​ല്ല, ജീ​​​​വി​​​​ക്കാ​​​​ൻ ക്ലേ​​​​ശി​​​​ച്ച ഒ​​​​റ്റ​​​​മു​​​​റി വീ​​​​ട്ടി​​​​ൽ​​​​നി​​​​ന്നാ​​​​ണ് അ​​​​ദ്ദേ​​​​ഹ​​​​ത്തി​​​​ന്‍റെ ജീ​​​​വി​​​​തം തു​​​​ട​​​​ങ്ങി​​​​യ​​​​ത്.

ന​മ്മു​ടെ ജീ​വി​ത​ത്തി​ലെ പ​രാ​ജ​യ​ങ്ങ​ൾ, മ​റ്റു​ള്ള​വ​രു​ടെ വി​ജ​യ​ഗാ​ഥ​ക​ൾ കേ​ട്ടു​കൊ​ണ്ട് പ​രി​ഹ​രി​ക്കാ​നാ​യെ​ന്നു വ​രി​ല്ല. പ്ര​ത്യേ​കി​ച്ചും ആ​ത്മ​ഹ​ത്യ​യെ​ക്കു​റി​ച്ചു​പോ​ലും ചി​ന്തി​ച്ചു​പോ​കു​ന്ന വേ​ദ​ന​യു​ടെ നി​മി​ഷ​ങ്ങ​ളി​ൽ. പ​ക്ഷേ, ചി​ല​രു​ടെ ക​ഥ കേ​ൾ​ക്കു​ന്പോ​ൾ ഒ​ന്നു മ​ന​സി​ലാ​കും; അ​വ​ർ പൊ​രു​തി​യ​തി​ന്‍റെ പ​കു​തി​പോ​ലും ഞാ​ൻ പൊ​രു​തി​യി​ട്ടി​ല്ല..! അ​ത്ത​ര​മൊ​രു ക​ഥാ​നാ​യ​ക​നാ​ണ് കാ​മി റി​ത.

31 ത​വ​ണ എ​വ​റ​സ്റ്റ് കൊ​ടു​മു​ടി കീ​ഴ​ട​ക്കി. വ​യ​സ് 55. ഇ​നി​യും ക​യ​റും. 32-ാമ​ത്തെ എ​വ​റ​സ്റ്റാ​രോ​ഹ​ണം ബാ​ക്കി​യു​ണ്ട് എ​ന്ന ചി​ന്ത​യ​ല്ലേ കാ​മി​യു​ടെ ജീ​വി​ത​ത്തെ മു​ന്നോ​ട്ടു കൊ​ണ്ടു​പോ​കു​ന്ന​ത്. എ​വ​റ​സ്റ്റ് പോ​ലെ ക​ഠി​ന​മെ​ന്നു നി​ങ്ങ​ൾ​ക്കു തോ​ന്നു​ന്ന ഒ​ന്നി​നെ ത​ല​യി​ൽ ക​യ​റ്റി വ​യ്ക്കൂ. വി​ഷാ​ദ​വും ആ​ത്മ​ഹ​ത്യാ​ചി​ന്ത​ക​ളും ഇ​ല്ലാ​താ​കു​മെ​ന്ന​ല്ല, നി​ങ്ങ​ൾ​ക്ക​തി​നൊ​ന്നും സ​മ​യ​മു​ണ്ടാ​കി​ല്ല. നേ​പ്പാ​ളി​ലാ​ണ് കാ​മി​യു​ടെ വീ​ട്.

നേ​പ്പാ​ളി​ലെ സോ​ളു​ഖും​ബു ജി​ല്ല​യി​ലെ മ​ഞ്ഞു മൂ​ടി​ക്കി​ട​ക്കു​ന്ന തെ​യിം എ​ന്ന കൊ​ച്ചു​ഗ്രാ​മ​ത്തി​ൽ നി​ന്നാ​ൽ വെ​യി​ൽ തെ​ളി​യു​ന്പോ​ൾ എ​വ​റ​സ്റ്റ് കാ​ണാം. കാ​മി റി​ത​യു​ടെ വീ​ട് അ​വി​ടെ​യാ​ണ്. അ​തി​ന​ടു​ത്താ​ണ് എ​ഡ്മ​ണ്ട് ഹി​ല​രി​ക്കൊ​പ്പം ആ​ദ്യ​മാ​യി എ​വ​റ​സ്റ്റ് കീ​ഴ​ട​ക്കി​യ ടെ​ൻ​സിം​ഗ് നോ​ർ​ഗെ എ​ന്ന ഷെ​ർ​പ​യു​ടെ ബാ​ല്യ​കാ​ല വ​സ​തി. തെ​യി​മി​ലെ കാ​മി​യു​ടെ ചെ​റി​യ ഒ​റ്റ​മു​റി വീ​ട്ടി​ൽ മാ​താ​പി​താ​ക്ക​ളും മ​ക്ക​ളു​മാ​യി 10 പേ​രു​ണ്ടാ​യി​രു​ന്നു. സ്കൂ​ളി​ലെ​ത്ത​ണ​മെ​ങ്കി​ൽ നാ​ലു മ​ണി​ക്കൂ​റി​ലേ​റെ ന​ട​ക്ക​ണം. വൈ​കു​ന്നേ​ര​വും ഹി​മാ​ല​യ​ത്തി​ന്‍റെ മ​ല​യി​ടു​ക്കു​ക​ൾ ക​യ​റി​യി​റ​ങ്ങി വേ​ണം വീ​ട്ടി​ലെ​ത്താ​ൻ. 10 വ​യ​സാ​യ​പ്പോ​ൾ പ​ഠ​നം നി​ർ​ത്തി.

പി​ന്നെ, ഗ്രാ​മ​ത്തി​ലെ മ​റ്റു ഷെ​ർ​പ​ക​ൾ​ക്കൊ​പ്പം മ​ല​ക​യ​റ്റം തു​ട​ങ്ങി. യ​ഥാ​ർ​ഥ ല​ക്ഷ്യം ബു​ദ്ധ​സ​ന്യാ​സി ആ​ക​ണ​മെ​ന്നാ​യി​രു​ന്നു. തെ​യി​മി​ൽ ത​ന്നെ​യു​ള്ള ആ​ശ്ര​മ​ത്തി​ൽ ചേ​ർ​ന്നെ​ങ്കി​ലും അ​തും ഉ​പേ​ക്ഷി​ച്ചു. അ​പ്പോ​ഴേ​ക്കും ഒ​റ്റ​മു​റി വീ​ട്ടി​ലെ താ​മ​സ​ക്കാ​ർ​ക്കൊ​പ്പം ത​ണു​പ്പി​ന്‍റെ കൂ​ടെ പ​ട്ടി​ണി​യും സ്ഥി​ര​താ​മ​സ​മാ​ക്കി​യി​രു​ന്നു. മ​റ്റു വ​ഴി​ക​ളൊ​ന്നു​മി​ല്ല, വ​രു​മാ​ന​ത്തി​നാ​യി പി​താ​വി​നൊ​പ്പം പ​ർ​വ​താ​രോ​ഹ​ക​രു​ടെ ഗൈ​ഡാ​യി പ​ണി​യെ​ടു​ത്തു. രോ​ഗി​യാ​യ പി​താ​വി​നു ജോ​ലി​ക്കു പോ​കാ​നാ​വാ​തെ വ​ന്ന​തോ​ടെ കാ​മി എ​വ​റ​സ്റ്റി​ന്‍റെ ബേ​സ് ക്യാ​ന്പി​ലേ​ക്കു പോ​കു​ന്ന യാ​ത്ര​ക്കാ​രു​ടെ ചു​മ​ട്ടു​കാ​ര​നാ​യി. 22 വ​യ​സി​ൽ ബേ​സ് ക്യാ​ന്പി​ൽ പാ​ച​ക​ക്കാ​ര​ൻ. പി​ന്നീ​ട് കൊ​ടു​മു​ടി ക​യ​റാ​ൻ വ​ലി​യ താ​മ​സ​മു​ണ്ടാ​യി​ല്ല.

1994ൽ ​ആ​ദ്യ​മാ​യി കാ​മി റി​ത എ​വ​റ​സ്റ്റ് കീ​ഴ​ട​ക്കി. 2017ൽ 21-ാ​മ​തു ത​വ​ണ എ​വ​റ​സ്റ്റ് കീ​ഴ​ട​ക്കി​യ​പ്പോ​ൾ ആ ​സ്ഥാ​ന​ത്ത് മ​റ്റു ര​ണ്ടു​പേ​ർ​കൂ​ടി ഉ​ണ്ടാ​യി​രു​ന്നു. അ​പ്പ ഷെ​ർ​പ, ഫു​ർ​ബ താ​ഷി ഷെ​ർ​പ. 2018 മേ​യി​ൽ, 22 ത​വ​ണ എ​വ​റ​സ്റ്റ് ക​യ​റി​യ ആ​ദ്യ​ത്തെ​യാ​ളാ​യി കാ​മി റി​ക്കാ​ർ​ഡി​ട്ടു. പ​ക്ഷേ, 2019ലാ​ണ് വി​ശ്വ​രൂ​പം പു​റ​ത്തെ​ടു​ത്ത​ത്. അ​ക്കൊ​ല്ലം മേ​യ് 15ന് 23-ാം ​ത​വ​ണ എ​വ​റ​സ്റ്റ് ക​യ​റി​യ കാ​മി സ്വ​ന്തം റി​ക്കാ​ർ​ഡ് തി​രു​ത്തി. പ​ക്ഷേ, കാ​ര്യ​മാ​യി​ട്ടൊ​ന്നു വി​ശ്ര​മി​ക്കാ​ൻ പോ​ലും നി​ൽ​ക്കാ​തെ കാ​മി വീ​ണ്ടും ഒ​റ്റ പോ​ക്ക്, എ​വ​റ​സ്റ്റി​ലേ​ക്ക്. മേ​യ് 21ന് ​പു​ല​ർ​ച്ചെ എ​വ​റ​സ്റ്റി​നു മു​ക​ളി​ലെ​ത്തി. ലോ​ക​മാ​ധ്യ​മ​ങ്ങ​ളി​ൽ മു​ഴു​വ​ൻ വാ​ർ​ത്ത​യാ​യി. പ​ക്ഷേ, കാ​മി ശാ​ന്ത​നാ​യി​രു​ന്നു. “എ​നി​ക്ക് എ​വ​റ​സ്റ്റി​നെ ന​ന്നാ​യി​ട്ട​റി​യാം. തി​രി​കെ​യെ​ത്തു​മെ​ന്ന് ഒ​രു​റ​പ്പു​മി​ല്ല. ഭാ​ര്യ​യോ​ടും മ​ക്ക​ളോ​ടും വി​ട​പ​റ​ഞ്ഞ് യു​ദ്ധ​മു​ന്ന​ണി​യി​ലേ​ക്കു പോ​കു​ന്ന സൈ​നി​ക​നെ​പ്പോ​ലെ​യാ​ണ് ഞാ​ൻ ഓ​രോ ത​വ​ണ​യും പു​റ​പ്പെ​ടു​ന്ന​ത്.”

പ​ക്ഷേ, കാ​മി എ​ല്ലാ വ​ർ​ഷ​വും തീ​ർ​ഥാ​ട​ന​ത്തി​നെ​ന്ന​പോ​ലെ എ​വ​റ​സ്റ്റി​ലെ​ത്തും. “അ​പ​ക​ട​ക​ര​മാ​യ ഈ ​പ​ണി നി​ർ​ത്തി മ​റ്റെ​ന്തെ​ങ്കി​ലും ജോ​ലി നോ​ക്കാ​മെ​ന്ന് പ​ല ത​വ​ണ പ​റ​ഞ്ഞ​താ​ണെ​ങ്കി​ലും ആ​രു കേ​ൾ​ക്കാ​ൻ” - കാ​മി​യു​ടെ ഭാ​ര്യ ലാ​ക്പ ജാ​ങ്മു കാ​ട്മ​ണ്ഡു​വി​ലെ വീ​ട്ടി​ലി​രു​ന്നു പ​റ‍​യും. കാ​മി പ​റ​യു​ന്ന​ത്, ജീ​വി​ക്കാ​ൻ മ​റ്റു മാ​ർ​ഗ​മി​ല്ലാ​തെ​യാ​ണ് ഈ ​പ​ണി തു​ട​ങ്ങി​യ​തെ​ന്നും ആ​രോ​ഗ്യ​മു​ള്ളി​ട​ത്തോ​ളം കാ​ലം എ​വ​റ​സ്റ്റ് ക​യ​റി​യി​രി​ക്കു​മെ​ന്നു​മാ​ണ്. "സെ​വ​ൻ സ​മ്മി​റ്റ് ട്രെ​ക്സ്' എ​ന്ന ക​ന്പ​നി​യി​ൽ ഉ​യ​ർ​ന്ന ശ​ന്പ​ള​ത്തി​ൽ പ​ർ​വ​താ​രോ​ഹ​ക​രു​ടെ ഗൈ​ഡാ​ണ് കാ​മി​യി​പ്പോ​ൾ.

ചൊ​വ്വാ​ഴ്ച പു​ല​ർ​ച്ചെ നാ​ലു മ​ണി​ക്കാ​ണ് കാ​മി 31-ാമ​ത്തെ ത​വ​ണ എ​വ​റ​സ്റ്റി​നു മു​ക​ളി​ലെ​ത്തി സ്വ​ന്തം റി​ക്കാ​ർ​ഡ് തി​രു​ത്തി​യ​ത്. നേ​പ്പാ​ളി​ൽ സാ​ഗ​ർ​മാ​ത എ​ന്നും ടി​ബ​റ്റി​ൽ ചോ​മോ​ലു​ങ്മ എ​ന്നും അ​റി​യ​പ്പെ​ടു​ന്ന എ​വ​റ​സ്റ്റി​ന്‍റെ ഉ​യ​രം 29,029 അ​ടി​യാ​ണ്. മ​ഞ്ഞി​ന്‍റെ ഉ​യ​ര​മ​നു​സ​രി​ച്ച് ചെ​റി​യ മാ​റ്റ​ങ്ങ​ളു​ണ്ടാ​കും. 26,247 അ​ടി ക​ഴി​ഞ്ഞാ​ൽ ഓ​ക്സി​ജ​ൻ തീ​രെ​യി​ല്ലാ​ത്ത മ​ര​ണ​മേ​ഖ​ല​യാ​ണ്. പി​ന്നെ അ​പ്ര​തീ​ക്ഷി​ത​മാ​യെ​ത്തു​ന്ന ഹി​മ​ക്കാ​റ്റും ഹി​മ​പാ​ത​വും പ​ർ​വ​താ​രോ​ഹ​ക​രു​ടെ ജീ​വ​നെ​ടു​ക്കും. ത​ണു​പ്പാ​ണ് യ​ഥാ​ർ​ഥ വി​ല്ല​ൻ. മൈ​ന​സ് 160 ഡി​ഗ്രി വ​രെ അ​തു താ​ണു​പോ​കാം. എ​വ​റ​സ്റ്റി​ലേ​ക്കു പോ​യ 340 പേ​ർ തി​രി​കെ​വ​ന്നി​ട്ടി​ല്ല. മൃ​ത​ദേ​ഹം കൊ​ണ്ടു​വ​രാ​ൻ ബു​ദ്ധി​മു​ട്ടാ​യ​തു​കൊ​ണ്ട്, ത​ണു​പ്പി​ൽ കേ​ടാ​കാ​ത്ത മൃ​ത​ദേ​ഹ​ങ്ങ​ൾ മ​റി​ക​ട​ന്നാ​ണ് പ​ർ​വ​താ​രോ​ഹ​ക​ർ പോ​കു​ന്ന​ത്. ആ ​മൃ​ത​ദേ​ഹ​ങ്ങ​ൾ പ​രാ​ജി​ത​രു​ടേ​ത​ല്ല: ക​ഠി​ന പ​രി​ശ്ര​മ​ങ്ങ​ളാ​ൽ വി​ജ​യം അ​ട​യാ​ള​പ്പെ​ടു​ത്തി​യ​വ​രു​ടേ​താ​ണ്. അ​തേ, വി​ജ​യം മാ​ത്ര​മ​ല്ല, വി​ജ​യി​ക്കാ​നു​ള്ള പ​രി​ശ്ര​മ​വും വി​ജ​യ​തു​ല്യ​മാ​ണ്.

കാ​മി റി​ത ആ​ദ്യം ക​യ​റി​യ​ത് എ​വ​റ​സ്റ്റി​ല​ല്ല. വീ​ട്ടു​പ​രി​സ​ര​ത്തെ ചെ​റി​യ മ​ല​ക​ളും പി​ന്നീ​ട് ഹി​മാ​ല​യ​ത്തി​ലെ ഉ​യ​ർ​ന്ന മ​ല​ക​ളും കാ​ല​ക്ര​മേ​ണ കെ2, ​മൗ​ണ്ട് ലോ​ട്സെ, ചോ ​ഒ​യു തു​ട​ങ്ങി​യ​വ​യു​മൊ​ക്കെ പ​ല ത​വ​ണ ക​യ​റി​യാ​ണ് ഒ​ടു​വി​ൽ മൗ​ണ്ട് എ​വ​റ​സ്റ്റി​ലെ​ത്തി​യ​ത്. എ​വ​റ​സ്റ്റി​ൽ പോ​ലും ആ​ദ്യം ക​യ​റി​യ​തു​പോ​ലെ​യ​ല്ല 31-ാമ​തു ത​വ​ണ ക​യ​റി​യ​ത്. ചെ​റി​യ പ്ര​തി​സ​ന്ധി​ക​ളെ അ​തി​ജീ​വി​ച്ചു തു​ട​ക്ക​മി​ടാ​നാ​ണ് കാ​മി​യു​ടെ ജീ​വി​ത​വും ഓ​ർ​മി​പ്പി​ക്കു​ന്ന​ത്. ഇ​ന്നു നാം ​തോ​ൽ​പ്പി​ക്കു​ന്ന ക്ലേ​ശ​ങ്ങ​ൾ​ക്കൊ​ന്നും നാ​ളെ ന​മ്മെ ഭ​യ​പ്പെ​ടു​ത്താ​നാ​വി​ല്ല. ഇ​ന്നു തോ​ൽ​ക്ക​രു​ത്.