മ​​ത​​പ​​രി​​വ​​ർ​​ത്ത​​ന നി​​യ​​മ​​ത്തി​​ൽ ‘നി​​ർ​​ബ​​ന്ധി​​ത’ എ​​ന്ന ഒ​​റ്റവാ​​ക്കു ചേ​​ർ​​ത്തു ഭ​​ര​​ണ​​ഘ​​ട​​ന​​യെ നോ​​ക്കു​​കു​​ത്തി​​യാ​​ക്കി​​യ​​വ​​ർ ഘ​​ർ​ വാ​​പ​സി​​യെ​​ന്ന ര​​ണ്ടു വാ​​ക്കു​​ക​​ളി​​ലൂ​​ടെ മ​​ത​​പ​​രി​​വ​​ർ​​ത്ത​​ന​ സ്വാ​​ത​​ന്ത്ര്യം ത​​ങ്ങ​​ൾ​​ക്കു​ മാ​​ത്ര​​മാ​​യി പ​​രി​​മി​​ത​​പ്പെ​​ടു​​ത്തു​​ക​​യും ചെ​​യ്തു.

ഭ​ര​ണ​ഘ​ട​ന​യു​ടെ 25 മു​ത​ൽ 28 വ​രെ​യു​ള്ള വ​കു​പ്പു​ക​ൾ നി​ല​നി​ർ​ത്തി​ക്കൊ​ണ്ടു​ത​ന്നെ ന്യൂ​ന​പ​ക്ഷ​ങ്ങ​ളു​ടെ മ​ത​സ്വാ​ത​ന്ത്ര്യം അ​ട്ടി​മ​റി​ക്കാ​നു​ള്ള കു​റു​ക്കു​വ​ഴി​യാ​യി ബി​ജെ​പി ഭ​രി​ക്കു​ന്ന സം​സ്ഥാ​ന​ങ്ങ​ൾ നി​ർ​ബ​ന്ധി​ത മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ത്തെ മാ​റ്റി​യെ​ടു​ത്തി​രി​ക്കു​ന്നു. കേ​ന്ദ്ര​ത്തി​ലും ബി​ജെ​പി​യാ​യ​തു​കൊ​ണ്ട് കൃ​ത്യം അ​നാ​യാ​സ​മാ​കു​ക​യും ചെ​യ്തു. മ​ത​പ​രി​വ​ർ​ത്ത​ന നി​യ​മ​ത്തി​ൽ ‘നി​ർ​ബ​ന്ധി​ത’ എ​ന്ന ഒ​റ്റ വാ​ക്കു ചേ​ർ​ത്തു ഭ​ര​ണ​ഘ​ട​ന​യെ നോ​ക്കു​കു​ത്തി​യാ​ക്കി​യ​വ​ർ ഘ​ർ വാ​പ​സി​യെ​ന്ന ര​ണ്ടു വാ​ക്കു​ക​ളി​ലൂ​ടെ മ​ത​പ​രി​വ​ർ​ത്ത​ന​സ്വാ​ത​ന്ത്ര്യം ത​ങ്ങ​ൾ​ക്കു മാ​ത്ര​മാ​യി പ​രി​മി​ത​പ്പെ​ടു​ത്തു​ക​യും ചെ​യ്തു.

ഇ​തോ​ടൊ​പ്പം ബൈ​ബി​ളും ക്രി​സ്മ​സ് ആ​ഘോ​ഷ​ങ്ങ​ളും പോ​ലും കു​റ്റ​കൃ​ത്യ​ങ്ങ​ളാ​യി മാ​റ്റ​പ്പെ​ടു​ന്പോ​ൾ മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ൾ വ​ർ​ഗീ​യ അ​ജ​ണ്ട​യു​ടെ ഭാ​ഗ​മാ​ണെ​ന്നു വ​രു​ന്നു. ഇ​ര​ട്ട എ​ൻ​ജി​നു​ക​ൾ​ക്ക​ടി​യി​ൽ മെ​തി​ക്ക​പ്പെ​ടു​ന്ന മൗ​ലി​കാ​വ​കാ​ശ​ങ്ങ​ൾ ഭ​ര​ണ​ഘ​ട​ന​യി​ൽ ഉ​ണ്ടാ​യി​ട്ടെ​ന്തു കാ​ര്യം? കാ​ര്യ​മു​ണ്ട്, വീ​ണ്ടെ​ടു​പ്പി​നു​ള്ള സാ​ധ്യ​ത​ക​ളു​ടെ ആ​ധാ​രം അ​തി​ലു​ണ്ട്.

മ​ത​പ​രി​വ​ർ​ത്ത​നം രാ​ജ്യ​ത്തു സാ​ധു​വാ​യ​തി​നാ​ൽ നി​ർ​ബ​ന്ധി​ത എ​ന്നു​കൂ​ടി ചേ​ർ​ത്താ​ണ് മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ളു​ണ്ടാ​ക്കു​ന്ന​ത്. അ​തി​നു​ള്ള ബി​ൽ ഏ​റ്റ​വും പു​തു​താ​യി അ​വ​ത​രി​പ്പി​ച്ചി​രി​ക്കു​ന്ന​ത് രാ​ജ​സ്ഥാ​നാ​ണ്. അ​ത​നു​സ​രി​ച്ച്, ബ​ലം പ്ര​യോ​ഗി​ച്ചോ വ​ഞ്ച​ന​യി​ലൂ​ടെ​യോ ഭീ​ഷ​ണി​പ്പെ​ടു​ത്തി​യോ പ്ര​ലോ​ഭി​പ്പി​ച്ചോ മ​ത​പ​രി​വ​ർ​ത്ത​നം ന​ട​ത്തു​ന്ന​ത് ജാ​മ്യ​മി​ല്ലാ കു​റ്റ​മാ​ണ്.

10 വ​ർ​ഷം​വ​രെ ത​ട​വും 50,000 രൂ​പ​വ​രെ പി​ഴ​യും ശി​ക്ഷ ല​ഭി​ക്കാം. ഇ​തു പാ​സാ​കു​ന്ന​തോ​ടെ നി​ർ​ബ​ന്ധി​ത മ​ത​പ​രി​വ​ർ​ത്ത​ന നി​രോ​ധ​ന നി​യ​മം ഉ​ള്ള 10 സം​സ്ഥാ​ന​ങ്ങ​ളി​ൽ രാ​ജ​സ്ഥാ​നും ഉ​ണ്ടാ​കും. മി​ക്ക പ​രാ​തി​ക​ൾ​ക്കും പി​ന്നി​ൽ, ന്യൂ​ന​പ​ക്ഷ​വി​ദ്വേ​ഷം പ്ര​ച​രി​പ്പി​ക്കു​ന്ന സം​ഘ​പ​രി​വാ​ർ സം​ഘ​ട​ന​ക​ളാ​ണ്. അ​താ​യ​ത്, പാ​ക്കി​സ്ഥാ​നി​ലെ മ​ത​മൗ​ലി​ക​വാ​ദി​ക​ൾ ഹി​ന്ദു​ക്ക​ൾ​ക്കും ക്രി​സ്ത്യാ​നി​ക​ൾ​ക്കു​മെ​തി​രേ മ​ത​നി​ന്ദാ കേ​സു​ക​ൾ കൊ​ടു​ക്കു​ന്ന​തു​പോ​ലെ. അ​വി​ടെ കോ​ട​തി​ക​ൾ​പോ​ലും ന്യൂ​ന​പ​ക്ഷ​ത്തി​നെ​തി​രാ​യി​രി​ക്കും. സ്ഥി​തി അ​ത്ര ഗു​രു​ത​ര​മ​ല്ലെ​ങ്കി​ലും ഇ​ന്ത്യ​യി​ലെ ചി​ല ജ​ന​പ്ര​തി​നി​ധി​ക​ളും പോ​ലീ​സും മ​റ്റ് ഉ​ദ്യോ​ഗ​സ്ഥ​രും വ​ർ​ഗീ​യ നി​ല​പാ​ടു​ക​ൾ പു​റ​ത്തെ​ടു​ക്കു​ന്ന സ്ഥി​തി പ​ല​യി​ട​ത്തു​മു​ണ്ട്. എ​ഫ്ഐ​ആ​ർ ഇ​ടു​ന്ന​തു മു​ത​ൽ കേ​സ് ന്യൂ​ന​പ​ക്ഷ​വി​രു​ദ്ധ​മാ​കാ​നാ​ണ് സാ​ധ്യ​ത.

യു​പി​യി​ൽ മ​ത​പ​രി​വ​ർ​ത്ത​ന ശ്ര​മ​ങ്ങ​ൾ ന​ട​ത്തി​യെ​ന്ന കു​റ്റം ചു​മ​ത്തി ജോ​സ് പാ​പ്പ​ച്ച​ൻ - ഷീ​ജ പാ​പ്പ​ച്ച​ൻ ദ​മ്പ​തി​മാ​ർ​ക്ക് അ​ഞ്ചു​വ​ർ​ഷം ത​ട​വു​ശി​ക്ഷ​യും 25,000 രൂ​പ വീ​തം പി​ഴ​യും ചു​മ​ത്തി​യ​ത് ക​ഴി​ഞ്ഞ മാ​സ​മാ​ണ്. 2022ൽ ​ആ​ദി​വാ​സി​ക​ൾ​ക്കി​ട​യി​ൽ ക്രി​സ്മ​സ് ആ​ഘോ​ഷം ന​ട​ത്തി​യ​താ​ണ് കു​റ്റം. ബി​ജെ​പി ജി​ല്ലാ സെ​ക്ര​ട്ട​റി​യാ​ണു പ​രാ​തി​ക്കാ​ര​ൻ. ഗ്രാ​മ​സ​ന്ദ​ർ​ശ​നം, പ്ര​സം​ഗം, ബൈ​ബി​ൾ വി​ത​ര​ണം, ക്രി​സ്മ​സ് കേ​ക്ക് മു​റി​ക്ക​ൽ, മ​ധു​ര​പ​ല​ഹാ​ര വി​ത​ര​ണം, ഉ​ണ്ണി​യേ​ശു​വി​ന്‍റെ ചി​ത്രം പ്ര​ദ​ർ​ശി​പ്പി​ക്ക​ൽ തു​ട​ങ്ങി​യ​വ​യാ​യി​രു​ന്നു കു​റ്റ​ങ്ങ​ൾ.

നോ​ക്കൂ, എ​ത്ര കൗ​ശ​ല​പൂ​ർ​വ​മാ​ണ്, ഇ​ഷ്‌​ട​മു​ള്ള മ​തം സ്വീ​ക​രി​ക്കാ​നും ആ​ച​രി​ക്കാ​നും പ്ര​ച​രി​പ്പി​ക്കാ​നു​മു​ള്ള ഭ​ര​ണ​ഘ​ട​നാ​വ​കാ​ശ​ത്തെ മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ൾ പ്ര​ഹ​സ​ന​മാ​ക്കു​ന്ന​ത്. ബൈ​ബി​ളും പ്രാ​ർ​ഥ​നാ​പു​സ്ത​ക​ങ്ങ​ളും കു​രി​ശു​രൂ​പ​വും മ​റ്റും റെ​യ്ഡ് ന​ട​ത്തി പി​ടി​ച്ചെ​ടു​ക്കു​ന്ന​തും ആ​യു​ധ​ങ്ങ​ൾ​പോ​ലെ പ്ര​ദ​ർ​ശി​പ്പി​ക്കു​ന്ന​തും മ​ത​രാ​ഷ്ട്ര​മാ​യ പാ​ക്കി​സ്ഥാ​നി​ല​ല്ല, ഇ​ന്ത്യ​യി​ലാ​ണ്. മ​ത​പ​രി​വ​ർ​ത്ത​ന നി​രോ​ധ​ന നി​യ​മം വ​രു​ന്ന​തി​നു മു​ന്പേ, സം​ഘ​പ​രി​വാ​ർ ന്യൂ​ന​പ​ക്ഷ വി​രു​ദ്ധ​ത പ്ര​ച​രി​പ്പി​ക്കു​ക​യും ആ​ക്ര​മ​ണ​ങ്ങ​ൾ ന​ട​ത്തു​ക​യും ചെ​യ്തി​ട്ടു​ണ്ട്. ബി​ജെ​പി വ​ർ​ഗീ​യ ധ്രു​വീ​ക​ര​ണം ന​ട​ത്തി​യി​ട്ടു​മു​ണ്ട്. അ​താ​യ​ത്, ഹി​ന്ദു​ത്വ​യു​ടെ ന്യൂ​ന​പ​ക്ഷ​വി​രു​ദ്ധ​ത​യു​ടെ ഭാ​ഗം മാ​ത്ര​മാ​ണ് മ​ത​പ​രി​വ​ർ​ത്ത​ന നി​രോ​ധ​ന ബി​ല്ലു​ക​ൾ.

മ​തം മാ​റേ​ണ്ട​യാ​ൾ ര​ണ്ടു​മാ​സം മു​മ്പും, മ​ത​പ​രി​വ​ർ​ത്ത​ന​ത്തി​നു കാ​ർ​മി​ക​നാ​കു​ന്ന വ്യ​ക്തി ഒ​രു​മാ​സം മു​മ്പും ജി​ല്ലാ ക​ള​ക്‌​ട​ർ​ക്ക് അ​പേ​ക്ഷ സ​മ​ർ​പ്പി​ക്ക​ണം. അ​പേ​ക്ഷ ല​ഭി​ച്ചാ​ൽ, അ​ഡീ​ഷ​ണ​ൽ ജി​ല്ലാ ക​ള​ക്‌​ട​റി​ൽ കു​റ​യാ​ത്ത റാ​ങ്കു​ള്ള ഓ​ഫീ​സ​റു​ടെ മേ​ൽ​നോ​ട്ട​ത്തി​ൽ പോ​ലീ​സ് അ​ന്വേ​ഷ​ണം ന​ട​ത്ത​ണം. ഒ​പ്പം, അ​പേ​ക്ഷ​ക​ന്‍റെ വി​ശ​ദ​മാ​യ വി​വ​ര​ങ്ങ​ൾ പൊ​തു​ജ​ന​ശ്ര​ദ്ധ​യ്ക്കാ​യി ജി​ല്ലാ ക​ള​ക്‌​ട​റു​ടെ ഓ​ഫീ​സ് പ​രി​സ​ര​ത്ത് പ​തി​ക്കും. പോ​ലീ​സ് അ​ന്വേ​ഷ​ണം അ​പേ​ക്ഷ​ക​ന് അ​നു​കൂ​ല​മാ​വു​ക​യും പൊ​തു​ജ​ന​ങ്ങ​ൾ​ക്ക് എ​തി​ർ​പ്പി​ല്ലാ​തി​രി​ക്കു​ക​യും ചെ​യ്താ​ൽ മ​തം മാ​റാം. പ​ക്ഷേ, ന്യൂ​ന​പ​ക്ഷ മ​ത​ങ്ങ​ളി​ൽ​നി​ന്ന് ഹി​ന്ദു​മ​ത​ത്തി​ലേ​ക്കു പ​രി​വ​ർ​ത്ത​നം ന​ട​ത്താ​നാ​ണെ​ങ്കി​ലോ? അ​ത് മ​ത​പ​രി​വ​ർ​ത്ത​ന​മ​ല്ല, ‘ഘ​ർ വാ​പ​സി’!

ര​ണ്ടു പ​രാ​മ​ർ​ശ​ങ്ങ​ൾ​കൂ​ടി ഇ​തോ​ടു ചേ​ർ​ത്തു പ​റ​യേ​ണ്ട​തു​ണ്ട്. ഒ​ന്ന്, ‘ഘ​ർ വാ​പ​സി’ ന​ട​ത്തി​യ​തു​കൊ​ണ്ട് അ​ത്ര​യും പേ​ർ ദേ​ശ​ദ്രോ​ഹി​ക​ൾ ആ​യി​ല്ലെ​ന്ന് മു​ൻ രാ​ഷ്ട്ര​പ​തി അ​ന്ത​രി​ച്ച പ്ര​ണ​ബ് കു​മാ​ർ മു​ഖ​ർ​ജി പ​റ​ഞ്ഞെ​ന്ന് ആ​ർ​എ​സ്എ​സ് മേ​ധാ​വി മോ​ഹ​ൻ ഭാ​ഗ​വ​ത് അ​വ​കാ​ശ​പ്പെ​ട്ട​താ​ണ്. ക​ഴി​ഞ്ഞ ഡി​സം​ബ​റി​ൽ ഇ​ൻ​ഡോ​റി​ലാ​ണ് രേ​ഖ​ക​ളു​ടെ യാ​തൊ​രു പി​ൻ​ബ​ല​വു​മി​ല്ലാ​ത്ത പ​രാ​മ​ർ​ശം. ന്യൂ​ന​പ​ക്ഷ​ങ്ങ​ൾ ദേ​ശ​ദ്രോ​ഹി​ക​ളും ര​ണ്ടാം​ത​രം പൗ​ര​ന്മാ​രു​മാ​ണെ​ന്നു സ്ഥാ​പി​ക്കാ​ൻ ശ്ര​മി​ക്കു​ന്ന സം​ഘ​പ​രി​വാ​റി​ന്‍റെ രാ​ഷ്ട്രീ​യ​ദ​ള​ങ്ങ​ളാ​ണ് മ​ത​പ​രി​വ​ർ​ത്ത​ന നി​യ​മ​ത്തി​നു പി​ന്നി​ലു​മു​ള്ള​ത്. കാ​ര്യ​ങ്ങ​ൾ അ​ടി​മു​ടി പ​ര​സ്പ​ര​ബ​ന്ധി​ത​മാ​ണ്. ര​ണ്ടാ​മ​ത്തെ പ​രാ​മ​ർ​ശം ന​ട​ത്തി​യ​ത്, അ​ലാ​ഹാ​ബാ​ദ് ഹൈ​ക്കോ​ട​തി ജ​ഡ്ജി ജ​സ്റ്റീ​സ് ശേ​ഖ​ർ കു​മാ​ർ യാ​ദ​വ് ആ​ണ്.

ഹി​ന്ദു​ക്ക​ളാ​കു​ന്ന ഭൂ​രി​പ​ക്ഷ​ത്തി​ന്‍റെ താ​ത്പ​ര്യ​ത്തി​ന​നു​സ​രി​ച്ചാ​ണ് ഇ​ന്ത്യ പ്ര​വ​ർ​ത്തി​ക്കേ​ണ്ട​തെ​ന്നാ​യി​രു​ന്നു ക​ഴി​ഞ്ഞ ന​വം​ബ​റി​ലെ പ്ര​സം​ഗം. ഭ​ര​ണ​ഘ​ട​നാ​വ​കാ​ശ​ങ്ങ​ൾ സ്ഥാ​പി​ച്ചു​കി​ട്ടാ​ൻ ന്യൂ​ന​പ​ക്ഷ​ങ്ങ​ൾ​ക്കു​ള്ള അ​വ​സാ​ന അ​ഭ​യ​കേ​ന്ദ്ര​മാ​ണ് കോ​ട​തി​ക​ൾ. കാ​ര്യ​ങ്ങ​ൾ എ​ങ്ങ​നെ​യാ​കു​മെ​ന്ന ആ​ശ​ങ്ക​യു​ണ്ട്. ഇ​ന്ത്യ​യി​ലെ മ​ത​സ്വാ​ത​ന്ത്ര്യം ത​ക​ർ​ച്ച നേ​രി​ടു​ക​യാ​ണെ​ന്ന് അ​മേ​രി​ക്ക​യി​ലെ അ​ന്താ​രാ​ഷ്ട്ര മ​ത ക​മ്മീ​ഷ​ൻ ക​ഴി​ഞ്ഞ ഒ​ക്‌​ടോ​ബ​റി​ൽ പു​റ​ത്തി​റ​ക്കി​യ റി​പ്പോ​ർ​ട്ടി​ൽ പ​റ​യു​ന്നു.

ഇ​ന്ത്യ​യി​ലെ യു​ണൈ​റ്റ​ഡ് ക്രി​സ്ത്യ​ൻ ഫോ​റ​ത്തി​ന്‍റെ റി​പ്പോ​ർ​ട്ട് അ​നു​സ​രി​ച്ച്, ബി​ജെ​പി അ​ധി​കാ​ര​ത്തി​ൽ വ​ന്ന 2014 മു​ത​ൽ ക്രൈ​സ്ത​വ​ർ​ക്കെ​തി​രേ​യു​ള്ള ആ​ക്ര​മ​ണ​ങ്ങ​ൾ വ​ർ​ധി​ക്കു​ക​യാ​ണ്. ക​ഴി​ഞ്ഞ​വ​ർ​ഷം 11 മാ​സ​ത്തി​നി​ടെ 745 അ​ക്ര​മ​ങ്ങ​ൾ ന​ട​ന്നു. മു​സ്‍​ലിം​ക​ൾ​ക്കും ക്രൈ​സ്ത​വ​ർ​ക്കും എ​തി​രാ​യ അ​ക്ര​മ​സം​ഭ​വ​ങ്ങ​ളും പ്ര​ധാ​ന​മ​ന്ത്രി ഉ​ൾ​പ്പെ​ടെ​യു​ള്ള​വ​രു​ടെ പ്ര​കോ​പ​ന പ്ര​സം​ഗ​ങ്ങ​ളും വ​ർ​ധി​ച്ചു. മ​ണി​പ്പു​രി​ലെ വം​ശീ​യ​ക​ലാ​പ​ങ്ങ​ളി​ലും വ​ർ​ഗീ​യ​ത നു​ഴ​ഞ്ഞു​ക​യ​റി.

മ​ത​പ​രി​വ​ർ​ത്ത​ന നി​രോ​ധ​നം ഒ​റ്റ​പ്പെ​ട്ടു നി​ൽ​ക്കു​ന്ന നി​യ​മ​മ​ല്ല, രാ​ജ്യ​ത്ത് അ​ര​ങ്ങേ​റു​ന്ന മ​താ​ധി​ഷ്‌​ഠി​ത നീ​ക്ക​ങ്ങ​ളു​ടെ ഭാ​ഗ​മാ​ണെ​ന്ന് തി​രി​ച്ച​റി​യ​ണം. പ​ക്ഷേ, ജാ​തി - മ​ത - ഭൂ​രി​പ​ക്ഷ - ന്യൂ​ന​പ​ക്ഷ ഭേ​ദ​മി​ല്ലാ​തെ മ​തേ​ത​ര​ത്വ​ത്തി​ൽ വി​ശ്വ​സി​ക്കു​ന്ന വ്യ​ക്തി​ക​ളും പാ​ർ​ട്ടി​ക​ളും പ്ര​സ്ഥാ​ന​ങ്ങ​ളും നി​സ​ഹാ​യ​ര​ല്ല. ഒ​ന്നി​ച്ചു നി​ന്നാ​ൽ, ഭി​ന്നി​പ്പു​ക​ളെ​യും മൗ​ലി​കാ​വ​കാ​ശ നി​ഷേ​ധ​ങ്ങ​ളെ​യും ചെ​റു​ക്കാ​നു​ള്ള ശേ​ഷി​യു​മു​ണ്ട്. ഇ​ന്ത്യ​യി​ലെ ജ​ന​ങ്ങ​ളാ​യ നാം ​ഇ​ന്ത്യ​യെ ഒ​രു പ​ര​മാ​ധി​കാ​ര, സ്ഥി​തി​സ​മ​ത്വ, മ​തേ​ത​ര, ജ​നാ​ധി​പ​ത്യ റി​പ്പ​ബ്ലി​ക്കാ​യി സം​വി​ധാ​നം ചെ​യ്യാ​ൻ തീ​രു​മാ​നി​ച്ചി​ട്ടു​ള്ള​വ​രാ​ണ​ല്ലോ.