‘ഇ​ന്ത്യ’ മു​ന്ന​ണി​യു​ടെ വി​ജ​യ​സാ​ധ്യ​ത​ക​ളെ സ്വാ​ർ​ഥതാ​ത്പ​ര്യ​ങ്ങ​ൾ​ക്കാ​യി ത​ക​ർ​ത്ത​വ​ർ​ക്ക്
ഒ​രു കാ​ര്യ​ത്തി​ൽ ‘ആ​ശ്വ​സി’ക്കാം; മു​ന്ന​ണി ന​ശി​ച്ചാ​ലെ​ന്ത്, ആ​ളാ​കാ​ൻ ശ്ര​മി​ച്ച മി​ത്ര​ത്തെ
ഒ​തു​ക്കി​യ​ല്ലോ. അ​തേ, ശ​ത്രു​ക്ക​ൾ അ​ക​ത്താ​ണ്.

രാ​ജ്യ​മാ​കെ സ്നേ​ഹ​ത്തി​ന്‍റെ കൂ​ടു​ത​ൽ ക​ട​ക​ൾ തു​റ​ക്കു​മെ​ന്നു പ​ര​സ്യം ചെ​യ്തി​രു​ന്ന​വ​ർ ത​ല​സ്ഥാ​ന​ത്തെ ക​ട​യും പൂ​ട്ടി. നി​യ​മ​സ​ഭ​യി​ലെ 70ൽ 48 ​സീ​റ്റും നേ​ടി ബി​ജെ​പി ഡ​ൽ​ഹി​യി​ൽ അ​ധി​കാ​രം പി​ടി​ച്ചു. ആം ​ആ​ദ്മി പാ​ർ​ട്ടി​യും കോ​ൺ​ഗ്ര​സും ഒ​ന്നി​ച്ചു​ നി​ന്നി​രു​ന്നെ​ങ്കി​ൽ ബി​ജെ​പി അ​ധി​കാ​ര​ത്തി​ലെ​ത്തി​ല്ലാ​യി​രു​ന്നെ​ന്ന് വോ​ട്ടി​ന്‍റെ ക​ണ​ക്കു​ക​ൾ തെ​ളി​യി​ക്കു​ന്നു. അ​ധി​കാ​ര​മു​പ​യോ​ഗി​ച്ച്, ആം ​ആ​ദ്മി പാ​ർ​ട്ടി​യെ​യും കോ​ൺ​ഗ്ര​സി​നെ​യും ‘ഇ​ന്ത്യ’ മു​ന്ന​ണി​യെ​ത്ത​ന്നെ​യും കേ​ന്ദ്രം നി​ര​ന്ത​രം ആ​ക്ര​മി​ച്ചു പ​രി​ക്കേ​ൽ​പ്പി​ച്ചി​ട്ടു​ണ്ടാ​കാം. പ​ക്ഷേ, ഡ​ൽ​ഹി​യി​ലേ​തു കൊ​ല​പാ​ത​ക​മ​ല്ല, ആ​ത്മ​ഹ​ത്യ​യാ​ണ്. ‘ഇ​ന്ത്യ’ മു​ന്ന​ണി രാ​ജ്യ​മാ​കെ ദുഃ​ഖാ​ച​ര​ണം ന​ട​ത്തേ​ണ്ട രാ​ഷ്‌​ട്രീ​യന​ഷ്ടം.

ബി​ജെ​പി 48 സീ​റ്റ് നേ​ടി​യ​പ്പോ​ൾ ഭ​ര​ണ​ക​ക്ഷി​യാ​യ എ​എ​പി (ആം ​ആ​ദ്മി പാ​ർ​ട്ടി)​ക്ക് 22 സീ​റ്റാ​ണു ല​ഭി​ച്ച​ത്. 1998 മു​ത​ൽ മൂ​ന്നുവ​ട്ടം ഡ​ൽ​ഹി ഭ​രി​ച്ച ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സി​ന് ഒ​രു സീ​റ്റു​പോ​ലു​മി​ല്ല. പ​ക്ഷേ, ഒ​പ്പം നി​ർ​ത്തേ​ണ്ട പാ​ർ​ട്ടി​യെ തോ​ൽ​പ്പി​ച്ചു. ക​ഴി​ഞ്ഞ ത​വ​ണ​ത്തെ എ​ട്ടു സീ​റ്റി​ൽ​നി​ന്ന് 48 സീ​റ്റി​ലേ​ക്ക് ബി​ജെ​പി കു​തി​ച്ചെ​ത്തി. ആം ​ആ​ദ്മി പാ​ർ​ട്ടി​യു​ടെ പ​ര​മോ​ന്ന​ത നേ​താ​വ് കേ​ജ​രി​വാ​ളി​നെ​യും വീ​ഴ്ത്തി​ക്കൊ​ണ്ടാ​ണ് ബി​ജെ​പി ‘പ​ണി’ തീ​ർ​ത്ത​ത്. ബി​ജെ​പി​ക്കും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കും അ​ഭി​മാ​നി​ക്കാം. ഇ​നി ഡ​ൽ​ഹി​യി​ൽ ത​ട​സ​ങ്ങ​ളി​ല്ലാ​ത്ത ഇ​ര​ട്ട എ​ൻ​ജി​ൻ സ​ർ​ക്കാ​രു​ണ്ടാ​കു​മെ​ന്നു പ്ര​തീ​ക്ഷി​ക്കാം.

ഈ ​തെ​ര​ഞ്ഞെ​ടു​പ്പി​ന്‍റെ വി​ജ​യ​പ​രാ​ജ​യ​ങ്ങ​ൾ ഡ​ൽ​ഹി​യി​ലൊ​തു​ങ്ങു​ന്ന​ത​ല്ല. അ​ത്, ക​ന്യാ​കു​മാ​രി മു​ത​ൽ കാ​ഷ്മീ​ർ വ​രെ​യു​ള്ള സ​മ​കാ​ലി​ക ഇ​ന്ത്യ​ൻ രാ​ഷ്‌​ട്രീ​യ​ത്തെ​യും ‘ഇ​ന്ത്യ’​എ​ന്ന പ്ര​തി​പ​ക്ഷ​മു​ന്ന​ണി​യു​ടെ ആ​ത്മ​ഹ​ത്യാ​പ​ര​മാ​യ ത​മ്മി​ല​ടി​യെ​യും വീ​ണ്ടും പ്ര​ദ​ർ​ശി​പ്പി​ച്ചി​രി​ക്കു​ന്നു. മ​ധ്യ​പ്ര​ദേ​ശി​ലും രാ​ജ​സ്ഥാ​നി​ലും ഛത്തീസ്ഗ​ഡി​ലും മ​ഹാ​രാ​ഷ്‌​ട്ര​യി​ലും ഹ​രി​യാ​ന​യി​ലു​മൊ​ക്കെ പാ​ർ​ട്ടി​ക​ൾ​ക്കു​ള്ളി​ലും പാ​ർ​ട്ടി​ക​ൾ ത​മ്മി​ലും ന​ട​ത്തി​യ അ​ടി​യു​ടെ തു​ട​ർ​ച്ച​യാ​ണി​ത്. ത​ങ്ങ​ൾ വി​ചാ​രി​ച്ചാ​ലും പ്ര​തി​പ​ക്ഷ​മു​ന്ന​ണി​യെ അ​ധി​കാ​ര​ത്തി​ലെ​ത്തി​ക്കാ​ൻ എ​ളു​പ്പ​മ​ല്ലെ​ന്നു ജ​ന​ങ്ങ​ളും തി​രി​ച്ച​റി​യു​ക​യാ​ണ്.

ഡ​ൽ​ഹി​യി​ലേ​ക്കു തി​രി​ച്ചു​വ​ന്നാ​ൽ, ‘ഇ​ന്ത്യ’ മു​ന്ന​ണി​യി​ലെ ക​ക്ഷി​ക​ളാ​യ എ​എ​പി​യും കോ​ൺ​ഗ്ര​സും ഒ​റ്റ​യ്ക്ക് ആ​ളാ​കാ​ൻ ശ്ര​മി​ച്ച്, ഒ​ന്നി​ച്ചു ന​ശി​ച്ച​തെ​ങ്ങ​നെ​യെ​ന്നും കാ​ണാം. 2013ൽ ​കോ​ൺ​ഗ്ര​സി​ന്‍റെ പി​ന്തു​ണ​യോ​ടെ ആ​ദ്യ​മാ​യി അ​ധി​കാ​ര​ത്തി​ലെ​ത്തി​യ ആം ​ആ​ദ്മി പാ​ർ​ട്ടി 2015ൽ ​ത​നി​ച്ച് 70ൽ 67​സീ​റ്റു​ക​ളും നേ​ടി രാ​ജ്യ​ത്തെ അ​ന്പ​ര​പ്പി​ച്ചു. 2014 മു​ത​ൽ പാ​ർ​ല​മെ​ന്‍റി​ലും സാ​ന്നി​ധ്യ​മ​റി​യി​ച്ചു. 2020ൽ‌ 62 ​സീ​റ്റു​ക​ളു​മാ​യി ഡ​ൽ​ഹി​യി​ൽ തു​ട​ർ​ഭ​ര​ണം നേ​ടി.

കോ​ൺ​ഗ്ര​സി​നെ​യും ബി​ജെ​പി​യും തോ​ൽ​പ്പി​ച്ച് 2022ൽ ​പ​ഞ്ചാ​ബി​ലും അ​ധി​കാ​ര​ത്തി​ലെ​ത്തു​ക​യും ദേ​ശീ​യ പാ​ർ​ട്ടി പ​ദ​വി ല​ഭി​ക്കു​ക​യും ചെ​യ്ത​തോ​ടെ എ​എ​പി​യു​ടെ ആ​ത്മ​വി​ശ്വാ​സം അ​ഹ​ങ്കാ​ര​ത്തി​നു വ​ഴി​മാ​റി. ആ ​വ​ള​ർ​ച്ച ത​ങ്ങ​ൾ​ക്കും ഭീ​ഷ​ണി​യാ​യെ​ന്നു തോ​ന്നി​യ​തോ​ടെ ഗ​വ​ർ​ണ​റെ​യും അ​ന്വേ​ഷ​ണ ഏ​ജ​ൻ​സി​ക​ളെ​യും ബി​ജെ​പി ഉ​പ​യോ​ഗി​ച്ചു. കേ​ജ​രി​വാ​ൾ അ​ക​ത്താ​യി. ലോ​ക്‌​സ​ഭാ തെ​ര​ഞ്ഞെ​ടു​പ്പി​ൽ എ​എ​പി-​കോ​ൺ​ഗ്ര​സ് സ​ഖ്യം അ​ന്പേ പ​രാ​ജയ​പ്പെ​ട്ടു. പ​ക്ഷേ, നി​യ​മ​സ​ഭാ ​തെ​ര​ഞ്ഞെ​ടു​പ്പി​ന്‍റെ ഘ​ട​ന മ​റ്റൊ​ന്നാ​ണെ​ന്ന് ഇ​രു​കൂ​ട്ട​രും മ​റ​ന്നു.

കോ​ൺ​ഗ്ര​സു​മാ​യു​ള്ള സ​ഖ്യം ലോ​ക്സ​ഭാ തെ​ര​ഞ്ഞെ​ടു​പ്പി​ൽ മാ​ത്ര​മാ​ണെ​ന്നും നി​യ​മ​സ​ഭ​യി​ൽ ത​നി​ച്ചു മ​ത്സ​രി​ക്കു​മെ​ന്നും കേ​ജ​രി​വാ​ൾ പ്ര​ഖ്യാ​പി​ച്ചു. ത​നി​ച്ചു മ​ത്സ​രി​ക്കു​മെ​ന്നു പ്ര​ഖ്യാ​പി​ച്ചു​കൊ​ണ്ട്, കേ​ജ​രി​വാ​ളി​നെ​തി​രേ ബി​ജെ​പി ഉ​ന്ന​യി​ച്ച അ​ഴി​മ​തി​യാ​രോ​പ​ണ​ങ്ങ​ൾ ഏ​റ്റെ​ടു​ത്ത് കോ​ൺ​ഗ്ര​സും ആ​ഞ്ഞ​ടി​ച്ച​തോ​ടെ എ​എ​പി​യെ​യും ജ​യി​ക്കാ​നി​ട​യി​ല്ലാ​ത്ത കോ​ൺ​ഗ്ര​സി​നെ​യും വി​ട്ട് നി​ര​വ​ധി​പ്പേ​ർ ബി​ജെ​പി​ക്കു വോ​ട്ട് ചെ​യ്തു. സ​ഖ്യ​മു​ണ്ടാ​യി​രു​ന്നെ​ങ്കി​ൽ എ​എ​പി​യു​ടെ അ​ധി​കാ​ര​ന​ഷ്ട​വും കേ​ജ​രി​വാ​ളി​ന്‍റെ തോ​ൽ​വി​യും ഒ​ഴി​വാ​കു​മാ​യി​രു​ന്നെ​ന്നാ​ണ് വോ​ട്ടു​നി​ല സൂ​ചി​പ്പി​ക്കു​ന്ന​ത്.

ബി​ജെ​പി ജ​യി​ച്ചെ​ങ്കി​ലും എ​എ​പി​യു​ടെ ക​ണ്ണീ​രു ക​ണ്ട സ​ന്തോ​ഷ​ത്തി​ലാ​ണ് കോ​ൺ​ഗ്ര​സ്.
എ​എ​പി​യു​മാ​യി ചേ​ർ​ന്നു​ള്ള രാ​ഷ്‌​ട്രീ​യം ഡ​ൽ​ഹി​യി​ൽ ത​ങ്ങ​ളു​ടെ അ​സ്തി​ത്വം ഇ​ല്ലാ​താ​ക്കു​മെ​ന്ന കോ​ൺ​ഗ്ര​സി​ന്‍റെ ക​ണ​ക്കു​കൂ​ട്ട​ലി​ൽ കാ​ര്യ​മു​ണ്ടാ​യി​രി​ക്കാം. പ​ക്ഷേ, ആ ​തീ​രു​മാ​നം താ​ത്കാ​ലി​ക ലാ​ഭം​പോ​ലും ഉ​ണ്ടാ​ക്കി​യി​ല്ലെ​ന്നു മാ​ത്ര​മ​ല്ല ദീ​ർ​ഘ​കാ​ല ന​ഷ്ട​ങ്ങ​ളു​മു​ണ്ടാ​ക്കി. ഒ​ന്ന്, എ​എ​പി​യു​ടെ​യും കോ​ൺ​ഗ്ര​സി​ന്‍റെ​യും പൊ​തു​ശ​ത്രു​വാ​യ ബി​ജെ​പി കാ​ൽ നൂ​റ്റാ​ണ്ടി​നു​ശേ​ഷം ഡ​ൽ​ഹി പി​ടി​ച്ചു. പ​തി​വു​പോ​ലെ ഇ​നി​യു​ള്ള അ​ഞ്ചു വ​ർ​ഷം പ്ര​തി​പ​ക്ഷ മു​ക്ത ഡ​ൽ​ഹി​ക്കു ബി​ജെ​പി ശ്ര​മി​ക്കും.

കേ​ജ​രി​വാ​ൾ ഉ​ൾ​പ്പെ​ടെ എ​എ​പി നേ​താ​ക്ക​ൾ പ്ര​തി​ക​ളാ​യ മ​ദ്യ​ക്കേ​സും മു​ഖ്യ​മ​ന്ത്രി​യു​ടെ വ​സ​തിനി​ർ​മാ​ണ അ​ഴി​മ​തി​യാ​രോ​പ​ണ​വു​മൊ​ക്കെ സ​ജീ​വ​മാ​കും. ര​ണ്ട്, എ​എ​പി​യു​ടെ​യും കോ​ൺ​ഗ്ര​സി​ന്‍റെ​യും പ​രാ​ജ​യം ‘ഇ​ന്ത്യ’ മു​ന്ന​ണി​യു​ടേ​താ​യി മാ​റി. ഈ ​വി​ള്ള​ൽ എ​ളു​പ്പം പ​രി​ഹ​രി​ക്കാ​നാ​വി​ല്ല. എ​എ​പി​ക്കെ​തി​രേ പ്ര​ചാ​ര​ണ​ത്തി​ന് ‘ഇ​ന്ത്യ’ മു​ന്ന​ണി​യു​ടെ നാ​യ​ക​ൻ രാ​ഹു​ൽ ഗാ​ന്ധി​യും ഉ​ണ്ടാ​യി​രു​ന്നു. ഈ ​അ​നൈ​ക്യ​മു​ന്ന​ണി​ക്ക് മോ​ദി​യെ നേ​രി​ടാ​ൻ കെ​ൽ​പ്പി​ല്ലെ​ന്ന ബി​ജെ​പി വാ​ദ​ത്തി​നു സാ​ധൂ​ക​ര​ണ​വു​മാ​യി.

ദേ​ശീ​യ​ത​ല​ത്തി​ൽ മു​ന്ന​ണി​യു​ടെ ആ​ത്മ​വി​ശ്വാ​സം കെ​ട്ട​തി​ന്‍റെ ല​ക്ഷ​ണം “ഇ​നി​യു​മി​നി​യും പോ​ര​ടി​ച്ച് പ​ര​സ്പ​രം ന​ശി​പ്പി​ക്കൂ” എ​ന്ന, ജ​മ്മു-​കാ​ഷ്മീ​ർ മു​ഖ്യ​മ​ന്ത്രി​യും നാ​ഷ​ണ​ൽ കോ​ൺ​ഫ​റ​ൻ​സ് നേ​താ​വു​മാ​യ ഒ​മ​ർ അ​ബ്ദു​ള്ള​യു​ടെ പ്ര​തി​ക​ര​ണ​ത്തി​ലു​ണ്ട്. ആ​വ​ർ​ത്തി​ക്കു​ന്ന തോ​ൽ​വി​ക​ള​ല്ല, ദീ​ർ​ഘ​വീ​ഷ​ണ​മി​ല്ലാ​യ്മ​യും ദു​ർ​ബ​ല​മാ​യ നേ​തൃ​ത്വ​വു​മാ​ണ് കോ​ൺ​ഗ്ര​സി​ന്‍റെ ശാ​പം. സ്നേ​ഹ​ത്തി​ന്‍റെ ക​ട​ക​ളൊ​ക്കെ രാ​ജ്യ​ത്തി​ന് ആ​വ​ശ്യ​മാ​ണ്. പ​ക്ഷേ, രാ​ഷ്‌​ട്രീ​യം അ​തി​ലൊ​തു​ങ്ങു​ന്ന​ത​ല്ല​ല്ലോ.

‘ഇ​ന്ത്യ’ മു​ന്ന​ണി​യു​ടെ വി​ജ​യ​സാ​ധ്യ​ത​ക​ളെ സ്വാ​ർ​ഥതാ​ത്പ​ര്യ​ങ്ങ​ൾ​ക്കാ​യി ത​ക​ർ​ത്ത​വ​ർ​ക്ക് ഒ​രു കാ​ര്യ​ത്തി​ൽ ‘ആ​ശ്വ​സി’​ക്കാം; മു​ന്ന​ണി ന​ശി​ച്ചാ​ലെ​ന്ത്, ആ​ളാ​കാ​ൻ ശ്ര​മി​ച്ച മി​ത്ര​ത്തെ ഒ​തു​ക്കി​യ​ല്ലോ. അ​തേ, ഡ​ൽ​ഹി​യും മു​ന്ന​റി​പ്പു കൊ​ടു​ത്തി​രി​ക്കു​ന്നു, ശ​ത്രു​ക്ക​ൾ അ​ക​ത്താ​ണ്. മോ​ദി​യും ഇ​ന്ത്യ​യും തി​രി​ച്ച​റി​ഞ്ഞ യാ​ഥാ​ർ​ഥ്യം, പ്ര​തി​പ​ക്ഷ​മു​ന്ന​ണി ഇ​നി​യെ​ങ്കി​ലും തി​രി​ച്ച​റി​യ​ണം, ബി​ജെ​പി​യു​ടെ ക​രു​ത്ത് മോ​ദി​യ​ല്ല, ‘ഇ​ന്ത്യ’യാ​ണ്. അ​തു​കൊ​ണ്ടാ​ണ് കോ​ൺ​ഗ്ര​സ് മു​ക്ത​ ഭാ​ര​ത​മെ​ന്ന് മോ​ദി ഇ​പ്പോ​ൾ പ​റ​യാ​ത്ത​ത്.

വ​ർ​ഗീ​യ ധ്രു​വീ​ക​ര​ണ​ത്തി​ന്‍റെ​യും അ​ധി​കാ​ര ​ദു​ർ​വി​നി​യോ​ഗ​ത്തി​ന്‍റെ​യും അ​ഴി​മ​തി​യു​ടെ​യും ന്യൂ​ന​പ​ക്ഷ വി​രു​ദ്ധ​ത​യു​ടെ​യും ജ​നാ​ധി​പ​ത്യ ധ്വം​സ​ന​ത്തി​ന്‍റെ​യു​മൊ​ക്കെ സാ​ധ്യ​ത​ക​ളെ ചെ​റു​ക്കാ​ൻ കേ​ന്ദ്ര​ത്തി​ലാ​യാ​ലും സം​സ്ഥാ​ന​ങ്ങ​ളി​ലാ​യാ​ലും ഭ​ര​ണം മാ​റി​വ​രു​ന്ന​ത് ജ​നാ​ധി​പ​ത്യ​ത്തി​ന്‍റെ സ്വ​യംചി​കി​ത്സ​യാ​ണ്. അ​തു​കൊ​ണ്ടു മാ​ത്ര​മാ​ണ് ലോ​ക്സ​ഭാ തെ​ര​ഞ്ഞെ​ടു​പ്പി​ൽ ജ​നം ‘ഇ​ന്ത്യ’ മു​ന്ന​ണി​ക്ക് ഇ​ത്ര​യും സീ​റ്റു​ക​ൾ ന​ൽ​കി​യ​ത്.

വോ​ട്ടെ​ടു​പ്പി​ലെ തി​രി​മ​റി​ക​ളും കേ​ന്ദ്ര​സ​ർ​ക്കാ​ർ അ​ന്വേ​ഷ​ണ ഏ​ജ​ൻ​സി​ക​ളെ ദു​രു​പ​യോ​ഗി​ക്കു​ന്ന​തും ക​ള്ള​ക്കേ​സു​ക​ളു​മൊ​ക്കെ ശ​രി​യോ തെ​റ്റോ ആ​കാം. പ​ക്ഷേ, ഇ​ന്ത്യ മു​ന്ന​ണി കേ​ര​ള​ത്തി​ലു​ൾ​പ്പെ​ടെ പാ​ന്പു​ക​ളു​ടെ​യും പ​ഴു​താ​ര​ക​ളു​ടെ​യും കൂ​ടാ​ര​മാ​ണെ​ന്ന​ത് ശ​രി മാ​ത്ര​മാ​ണ്. പ്ര​തി​പ​ക്ഷ നേ​തൃ​സ്ഥാ​ന​ത്തെ​ത്താ​ൻ കോ​ൺ​ഗ്ര​സി​നു ക​ഴി​വു​ണ്ടാ​യി​രി​ക്കാ​മെ​ങ്കി​ലും ഈ ​നി​മി​ഷം വ​രെ അ​തു തെ​ളി​യി​ച്ചി​ട്ടി​ല്ല. തോ​റ്റ​തു​കൊ​ണ്ട് സ​മ​യ​മു​ണ്ട്; നി​ങ്ങ​ൾ പോ​യി സ്നേ​ഹ​ത്തി​ന്‍റെ ക​ട ആ​ദ്യം സ്വ​ന്തം ത​ല്ലു​മാ​ല​ച്ച​ന്ത​യി​ൽ തു​ട​ങ്ങ്.