പാതിവിലത്തട്ടിപ്പുകാരൻ പിടിയിലായെങ്കിലും കഥ തുടരും... ക​രു​തി​യി​രി​ക്കൂ, അ​വി​ശ്വ​സ​നീ​യ വാ​ഗ്ദാ​ന​ങ്ങ​ളു​മാ​യി അ​ടു​ത്ത​യാ​ൾ വ​രും.

കൊ​ള്ള​ക്കാ​രു​ടെ ചൂ​ണ്ട​യി​ലെ ഒ​രു ഇ​ര​യി​ൽ​ക്കൂ​ടി കേ​ര​ളം കൊ​ത്തി. പ​കു​തി വി​ല​യ്ക്കു സ്കൂ​ട്ട​റും ത​യ്യ​ൽ മെ​ഷീ​നും ലാ​പ്ടോ​പ്പു​മൊ​ക്കെ ത​രാ​മെ​ന്നു പ​റ​ഞ്ഞ​വ​ർ കൊ​ണ്ടു​പോ​യ തു​ക 1000 കോ​ടി ക​വി​ഞ്ഞു. അ​റി​ഞ്ഞോ അ​റി​യാ​തെ​യോ രാ​ഷ്‌​ട്രീ​യ​ക്കാ​രും ത​ട്ടി​പ്പു​കാ​രു​ടെ പ്ര​ചാ​ര​ക​രാ​യ​തോ​ടെ സാ​ധാ​ര​ണ​ക്കാ​ർ വി​ശ്വ​സി​ച്ചു​പോ​യി. സം​ഭ​വ​ത്തി​ല്‍ നാ​ഷ​ണ​ല്‍ എ​ന്‍​ജി​ഒ ഫെ​ഡ​റേ​ഷ​ന്‍ ദേ​ശീ​യ കോ-​ഓ​ര്‍​ഡി​നേ​റ്റ​ര്‍ എ​ന്ന​വ​കാ​ശ​പ്പെ​ട്ടി​രു​ന്ന തൊ​ടു​പു​ഴ​ക്കാ​ര​ൻ അ​ന​ന്തു കൃ​ഷ്ണ​ൻ അ​റ​സ്റ്റി​ലാ​യി. എ​ന്തു കാ​ര്യം? പോ​യ​തി​ൽ എ​ന്തെ​ങ്കി​ലും കി​ട്ടാ​യാ​ലാ​യി.

പ​ച്ച​മ​ല​യാ​ള​ത്തി​ൽ പ​റ​ഞ്ഞാ​ൽ, ഒ​രു സാ​ന്പ​ത്തി​ക കു​റ്റ​വാ​ളി ര​ണ്ടു കൊ​ല്ലം അ​ഴി​ഞ്ഞാ​ടി​യി​ട്ടും ന​മ്മു​ടെ സ​ർ​ക്കാ​ർ-​പോ​ലീ​സ്-​നി​യ​മ സം​വി​ധാ​ന​ങ്ങ​ൾ നോ​ക്കു​കു​ത്തി​യാ​യി​പ്പോ​യി. അ​തൊ​ക്കെ അ​ത്ര​യേ​യു​ള്ളൂ. ജ​നം ജാ​ഗ്ര​ത പാ​ലി​ക്ക​ണം. അ​മി​ത​ലാ​ഭം വേ​ണ്ടെ​ന്നും നെ​റ്റി​യി​ലെ വി​യ​ർ​പ്പു​കൊ​ണ്ടേ അ​പ്പം ഭ​ക്ഷി​ക്കൂ എ​ന്നും തീ​രു​മാ​നി​ച്ചാ​ൽ കു​റ്റ​വാ​ളി​ക​ളെ കു​റ​ച്ചെ​ങ്കി​ലും അ​ക​റ്റി​നി​ർ​ത്താം. ക​രു​തി​യി​രി​ക്കൂ, അ​വി​ശ്വ​സ​നീ​യ വാ​ഗ്ദാ​ന​ങ്ങ​ളു​മാ​യി അ​ടു​ത്ത​യാ​ൾ വ​രു​ന്നു​ണ്ട്.

മൂ​വാ​റ്റു​പു​ഴ സോ​ഷ്യോ ഇ​ക്ക​ണോ​മി​ക് ഡെ​വ​ല​പ്മെ​ന്‍റ് സൊ​സൈ​റ്റി​യു​ടെ പേ​രി‍​ലാ​ണ് സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ ത​ട്ടി​പ്പു ന​ട​ന്ന​ത്. പാ​തി​വി​ല​യ്ക്കു വാ​ഗ്ദാ​നം ചെ​യ്ത വാ​ഹ​ന​ങ്ങ​ളും മ​റ്റും ആ​ദ്യം കു​റ​ച്ചു​പേ​ർ​ക്കു കൊ​ടു​ത്തു. അ​തൊ​രു ചൂ​ണ്ട​യാ​യി​രു​ന്നു. പ​ത്താം ക്ലാ​സി​ൽ കൂ​ൺ​കൃ​ഷി​ക്കു ക്ലാ​സെ​ടു​ത്തു ക​ള​ത്തി​ലി​റ​ങ്ങി​യ അ​ന​ന്തു, ത​ട്ടി​പ്പി​ന്‍റെ അ​ന​ന്ത​സാ​ധ്യ​ത​ക​ളെ ആ​വോ​ളം ഉ​പ​യോ​ഗി​ച്ചു. 30 കൊ​ല്ലം മു​ന്പ് ആ​ട്, തേ​ക്ക്, മാ​ഞ്ചി​യം ത​ട്ടി​പ്പി​ൽ കു​ടു​ങ്ങി​യ മ​ല​യാ​ളി​യെ അ​മി​ത​ലാ​ഭം പ​റ​ഞ്ഞാ​ൽ അ​നാ​യാ​സം വീ​ഴ്ത്താ​മെ​ന്ന് അ​യാ​ൾ​ക്ക​റി​യാ​മാ​യി​രു​ന്നു.

പി​ന്നെ, നാ​ട്ടി​ലെ രാ​ഷ്‌​ട്രീ​യ​ക്കാ​രെ​യും മ​റ്റു പ്ര​മാ​ണി​ക​ളെ​യും മു​ന്നി​ൽ നി​ർ​ത്തി​യാ​ൽ അ​ണി​ചേ​രാ​ൻ ആ​ളു​ണ്ടാ​കു​മെ​ന്ന ല​ളി​ത മ​നഃ​ശ​സ്ത്ര​വും ഉ​പ​യോ​ഗി​ച്ചു. എ​റ​ണാ​കു​ളം ജി​ല്ല​യി​ല്‍ മാ​ത്രം അ​ന​ന്തു​വി​നെ​തി​രേ 5000ത്തി​ല​ധി​കം പ​രാ​തി​ക​ള്‍. ക​ണ്ണൂ​ർ ജി​ല്ല​യി​ൽ 2500ലേ​റെ പ​രാ​തി​ക​ൾ, ആ​ല​പ്പു​ഴ​യി​ൽ 750, കോ​ട്ട​യ​ത്തും ഇ​ടു​ക്കി​യി​ലും ആ​യി​ര​ങ്ങ​ളു​ടെ പ​ണം പോ​യെ​ന്നാ​ണ് ആ​ദ്യ സൂ​ച​ന​ക​ൾ. ക​ണ​ക്കു വ​രു​ന്ന​തേ​യു​ള്ളൂ.

സാ​ധാ​ര​ണ​ക്കാ​രാ​യ പാ​വ​ങ്ങ​ളെ പ​റ്റി​ക്കു​ന്ന​തി​നു മു​ന്പ് അ​ന​ന്തു എ​ന്ന പാ​തി​വി​ല​ത്ത​ട്ടി​പ്പു​കാ​ര​ൻ പ്ര​ധാ​ന​മ​ന്ത്രി മു​ത​ൽ പ​ഞ്ചാ​യ​ത്ത് മെം​ബ​ർ വ​രെ​യു​ള്ള​വ​രെ ത​ന്ത്ര​പ​ര​മാ​യി ഉ​പ​യോ​ഗി​ച്ചു. സാ​ധാ​ര​ണ​ക്കാ​ർ​ക്ക് അ​പ്രാ​പ്യ​മാ​യ ഉ​ന്ന​ത രാ​ഷ്‌​ട്രീ​യ​കോ​ട്ട​ക​ളി​ലേ​ക്കു​ള്ള കു​റു​ക്കു​വ​ഴി ക​ണ്ടു​പി​ടി​ക്കാ​ൻ ത​ട്ടി​പ്പു​കാ​ർ​ക്ക് ഒ​ട്ടും പ്ര​യാ​സ​മി​ല്ല. 2024 ഫെ​ബ്രു​വ​രി​യി​ല്‍ തി​രു​വ​ന​ന്ത​പു​രം സെ​ന്‍​ട്ര​ല്‍ സ്റ്റേ​ഡി​യ​ത്തി​ല്‍ പ്ര​ധാ​ന​മ​ന്ത്രി എ​ത്തി​യ​പ്പോ​ഴാ​യി​രു​ന്നു കൂ​ടി​ക്കാ​ഴ്ച.

ഇ​തി​നു വ​ഴി​യൊ​രു​ക്കി​യെ​ന്നു ക​രു​തു​ന്ന സാ​യി ഗ്രാ​മം ഗ്ലോ​ബ​ൽ ട്ര​സ്റ്റ് ചെ​യ​ർ​മാ​ൻ ആ​ന​ന്ദ​കു​മാ​റി​നെ​തി​രേ​യും അ​ന്വേ​ഷ​ണം തു​ട​ങ്ങി​യി​ട്ടു​ണ്ട്. പ്ര​ധാ​ന​മ​ന്ത്രി​യെ കാ​ണാ​നു​ള്ള പാ​സ് അ​ന​ന്തു സ​മൂ​ഹ​മാ​ധ്യ​മ​ത്തി​ൽ പോ​സ്റ്റ് ചെ​യ്തു. പ​രി​ച​യ​പ്പെ​ടു​ന്ന​വ​രു​ടെ​യൊ​ക്കെ ച​രി​ത്ര​മ​ന്വേ​ഷി​ക്കാ​ൻ പ്ര​ധാ​ന​മ​ന്ത്രി​യെ​പ്പോ​ലു​ള്ള​വ​ർ​ക്കു സാ​ധി​ക്കി​ല്ല. ഇ​ട​തു-​വ​ല​തു വ്യ​ത്യാ​സ​മി​ല്ലാ​തെ നി​ര​വ​ധി പാ​ർ​ട്ടി നേ​താ​ക്ക​ളെ അ​യാ​ൾ വീ​ഴ്ത്തി. ത​ട്ടി​പ്പു​കാ​ര​നാ​ണെ​ന്ന് അ​റി​ഞ്ഞു​കൊ​ണ്ടാ​യി​രി​ക്കി​ല്ല അ​വ​രെ​ല്ലാം കെ​ണി​യി​ൽ വീ​ണ​ത്.

പ​ക്ഷേ, ഈ ​ഭീ​മാ​കാ​ര കൊ​ള്ള​യ്ക്ക് ആ ​ബ​ന്ധ​ങ്ങ​ൾ അ​യാ​ൾ ഉ​പ​യോ​ഗി​ച്ചു എ​ന്ന​തു യാ​ഥാ​ർ​ഥ്യ​മാ​ണ്. അ​തു​കൊ​ണ്ട്, അ​ന്വേ​ഷ​ണം എ​ല്ലാ ത​ല​ത്തി​ലേ​ക്കും നീ​ള​ണം. ഏ​തെ​ങ്കി​ലും രാ​ഷ്‌​ട്രീ​യ​ക്കാ​രോ ഉ​ദ്യോ​ഗ​സ്ഥ​രോ സം​ഘ​ട​ന​ക​ളോ അ​ന​ന്തു​വി​ന്‍റെ കൊ​ള്ള​മു​ത​ൽ പ​ങ്കു​വ​ച്ചി​ട്ടു​ണ്ടെ​ങ്കി​ൽ അ​തും ക​ണ്ടു​കെ​ട്ട​ണം. കെ​ണി​യി​ലാ​യ​തി​ലേ​റെ​യും പാ​വ​ങ്ങ​ളാ​ണ്. അ​വ​രി​ലേ​റെ​പ്പേ​രു​ടേ​തും അ​ത്യാ​ർ​ത്തി​യ​ല്ല, ചെ​റി​യ സ്വ​പ്ന​ങ്ങ​ളെ​ങ്കി​ലും യാ​ഥാ​ർ​ഥ്യ​മാ​ക്കാ​നു​ള്ള ത​ത്ര​പ്പാ​ടാ​യി​രു​ന്നു. ആ ​പ​ണം അ​ന​ന്തു​വി​ന്‍റെ അ​ക്കൗ​ണ്ടി​ൽ മാ​ത്ര​മാ​ണോ എ​ത്തി​യി​ട്ടു​ള്ള​തെ​ന്നും അ​റി​യ​ണം.

ആ​രും പു​തി​യ കേ​സു​ക​ൾ കൊ​ടു​ക്ക​രു​തെ​ന്നും ജ​യി​ലി​ൽ​നി​ന്നു വ​ന്നാ​ൽ സ്കൂ​ട്ട​ർ വി​ത​ര​ണം ന​ട​ത്തു​മെ​ന്നു​മാ​ണ് ഇ​തി​നി​ടെ അ​ന​ന്തു പു​റ​ത്തി​റ​ക്കി​യ ശ​ബ്ദ​സ​ന്ദേ​ശ​ത്തി​ൽ പ​റ​യു​ന്ന​ത്. കേ​സു​ക​ൾ കു​റ​യ്ക്കാ​നും ത​ട്ടി​പ്പ് തു​ട​രാ​നു​മാ​ണ് ശ്ര​മി​ക്കു​ന്ന​തെ​ന്നു ചു​രു​ക്കം. പാ​തി​വി​ല, പ​ണം ഇ​ര​ട്ടി​പ്പ്, എ​ളു​പ്പം വാ​യ്പ, അ​മി​ത പ​ലി​ശ, ഓ​ൺ​ലൈ​ൻ ത​ട്ടി​പ്പു​ക​ൾ... ഇ​തൊ​ന്നും ത​ട​യാ​ൻ ഈ ​നി​മി​ഷം വ​രെ സ​ർ​ക്കാ​രു​ക​ൾ​ക്കു ക​ഴി​ഞ്ഞി​ട്ടി​ല്ല. അ​ത്ത​രം കെ​ണി​ക​ളി​ൽ വീ​ഴാ​തി​രി​ക്കാ​ൻ ജ​ന​ത്തി​നും ക​ഴി​ഞ്ഞി​ട്ടി​ല്ല.

ഇ​നി​യി​പ്പോ​ൾ അ​ന്വേ​ഷ​ണ കോ​ലാ​ഹ​ല​ങ്ങ​ളു​ണ്ടാ​കും. പ​ക്ഷേ, ച​രി​ത്രം പ​റ​യു​ന്ന​ത്, ഇ​ത്ത​രം കേ​സു​ക​ളി​ൽ ക​ള​വു​മു​ത​ൽ തി​രി​ച്ചു​കി​ട്ടു​ന്ന​ത് അ​പൂ​ർ​വ​മാ​ണെ​ന്നാ​ണ്. ന​ഷ്ട​പ്പെ​ട്ട പ​ണം ക​ഴി​യു​ന്ന​ത്ര തി​രി​ച്ചു​പി​ടി​ക്കു​മെ​ന്നു സ​ർ​ക്കാ​ർ തീ​രു​മാ​നി​ക്ക​ണം. അ​മി​ത​ലാ​ഭ​ത്തി​ന്‍റെ വാ​ഗ്ദാ​ന​ങ്ങ​ളെ സം​ശ​യ​ത്തോ​ടെ വീ​ക്ഷി​ക്കാ​ൻ ജ​ന​വും പ​ഠി​ക്ക​ണം. ഈ ​ത​ട്ടി​പ്പ് വി​ത​ച്ച​തും കൊ​യ്ത​തും രാ​ഷ്‌​ട്രീ​യ നി​ല​ങ്ങ​ളി​ലാ​ണെ​ന്ന​തും മ​റ​ക്ക​രു​ത്.