Play Audio

ഇ​ട​യ്ക്കു പാ​ക്കി​സ്ഥാ​നി​ലേ​ക്കു നോ​ക്കു​ന്ന​തു ന​ല്ല​താ​ണ്
Tuesday, March 5, 2024 12:00 AM IST
വി​​​​ദ്യാ​​​​ഭ്യാ​​​​സ​​​​വും തൊ​​​​ഴി​​​​ൽ മേ​​​​ഖ​​​​ല​​​​യും വ്യ​​​​ക്തി​​​​ജീ​​​​വി​​​​ത​​​​വും തെ​​​​ര​​​​ഞ്ഞെ​​​​ടു​​​​പ്പു​​​​മെ​​​​ല്ലാം മ​​​​ത​​​​ത്താ​​​​ൽ നി​​​​റ​​​​ഞ്ഞ ഒ​​​​രു രാ​​​​ജ്യ​​​​ത്തി​​​​ന് മ​​​​ത​​​​ഭ്രാ​​​​ന്തു​​​​ക​​​​ൾ​​​​ക്ക് സ​​​​ഹ​​​​ജ​​​​മാ​​​​യ ഉ​​​​ന്മാ​​​​ദ​​​​മ​​​​ല്ലാ​​​​തെ സ്ഥാ​​​​യി​​​​യാ​​​​യ പു​​​​രോ​​​​ഗ​​​​തി കൈ​​​​വ​​​​രി​​​​ക്കാ​​​​നാ​​​​വി​​​​ല്ല. പാ​​​​ക്കി​​​​സ്ഥാ​​​​നി​​​​ലെ ന്യൂ​​​​ന​​​​പ​​​​ക്ഷ​​​​ങ്ങ​​​​ളാ​​​​യ ഹി​​​​ന്ദു​​​​ക്ക​​​​ളും ക്രി​​​​സ്ത്യാ​​​​നി​​​​ക​​​​ളും
മ​​​​ത​​​​പീ​​​​ഡ​​​​ന​​​​ങ്ങ​​​​ൾ​​​​ക്കും അ​​​​നീ​​​​തി​​​​ക്കും ഇ​​​​ര​​​​യാ​​​​യി ജീ​​​​വി​​​​ക്കു​​​​ക​​​​യാ​​​​ണ്.

ദൈ​വ​ത്തി​നു​ള്ള​തു ദൈ​വ​ത്തി​നും സീ​സ​റി​നു​ള്ള​തു സീ​സ​റി​നും കൊ​ടു​ത്തി​രു​ന്നെ​ങ്കി​ൽ പാ​ക്കി​സ്ഥാ​ൻ ഈ​വി​ധം ന​ശി​ക്കു​മാ​യി​രു​ന്നി​ല്ല. അ​താ​യ​ത്, മ​ത​ത്തെ രാ​ഷ്‌​ട്രീ​യ ല​ക്ഷ്യ​ങ്ങ​ൾ​ക്കാ​യി ഉ​പ​യോ​ഗി​ക്കു​ക​യും മ​തം​ത​ന്നെ രാ​ഷ്‌​ട്രീ​യ​മാ​യി മാ​റു​ക‍​യും ചെ​യ്ത​താ​ണ് ആ ​രാ​ജ്യം അ​നു​ഭ​വി​ക്കു​ന്ന രാ​ഷ്‌​ട്രീ​യ അ​രാ​ജ​ക​ത്വ​ങ്ങ​ളു​ടെ​യും സാ​ന്പ​ത്തി​കാ​ധഃ​പ​ത​ന​ത്തി​ന്‍റെ​യും കാ​ര​ണം.

മ​ത തീ​വ്ര​വാ​ദ സം​ഘ​ട​ന​ക​ളെ തൃ​പ്തി​പ്പെ​ടു​ത്തി​യ​ല്ലാ​തെ രാ​ഷ്‌​ട്രീ​യ പാ​ർ​ട്ടി​ക​ൾ​ക്കോ സൈ​ന്യ​ത്തി​നോ അ​തി​ജീ​വി​ക്കാ​നാ​വി​ല്ല. മ​ത​ത്തെ​യും സൈ​ന്യ​ത്തെ​യും തൃ​പ്തി​പ്പെ​ടു​ത്തി​യ​ല്ലാ​തെ ഒ​രു ഭ​ര​ണ​കൂ​ട​ത്തി​നും നി​ല​നി​ൽ​ക്കാ​നു​മാ​വി​ല്ല. രാ​ഷ്‌​ട്രീ​യ​ത്തെ മ​ത​ത്തി​ന്‍റെ തൊ​ഴു​ത്തി​ൽ കെ​ട്ടു​ന്ന രാ​ജ്യ​ങ്ങ​ൾ​ക്കെ​ല്ലാം നാ​ളെ സം​ഭ​വി​ക്കാ​നി​രി​ക്കു​ന്ന​ത് എ​ന്താ​ണെ​ന്ന​റി​യാ​ൻ ഇ​ന്നു പാ​ക്കി​സ്ഥാ​നി​ലേ​ക്കു നോ​ക്കി​യാ​ൽ മ​തി.

ഇ​ന്ന​ലെ അ​ധി​കാ​ര​മേ​റ്റ പ്ര​ധാ​ന​മ​ന്ത്രി ഷെ​ഹ്ബാ​സ് ഷ​രീ​ഫ് ഏ​റ്റ​വും കൂ​ടു​ത​ൽ സീ​റ്റ് കി​ട്ടി​യ പാ​ർ​ട്ടി​യു​ടെ നേ​താ​വ​ല്ല. കൂ​ടു​ത​ൽ സീ​റ്റു കി​ട്ടി​യ പി​ടി​ഐ​യു​ടെ നേ​താ​വും മു​ൻ പ്ര​ധാ​ന​മ​ന്ത്രി​യു​മാ​യ ഇ​മ്രാ​ൻ ഖാ​ൻ അ​ഴി​മ​തി​ക്കേ​സി​ൽ ജ​യി​ലി​ലു​മാ​ണ്. അ​വി​ടെ കി​ട​ന്നു​കൊ​ണ്ട് അ​ദ്ദേ​ഹം നി​യ​ന്ത്രി​ച്ച തെ​ര​ഞ്ഞെ​ടു​പ്പി​ൽ വ​ലി​യ ഒ​റ്റ​ക്ക​ക്ഷി​യാ​യി.

പ​ക്ഷേ, കാ​ര്യ​മൊ​ന്നു​മി​ല്ല. എ​തി​രാ​ളി​ക​ൾ കൂ​ട്ടു​കെ​ട്ടു​ണ്ടാ​ക്കി അ​ധി​കാ​ര​ത്തി​ലെ​ത്തി. മൂ​ന്നു ത​വ​ണ പ്ര​ധാ​ന​മ​ന്ത്രി​യാ​യി​രു​ന്ന ന​വാ​സ് ഷ​രീ​ഫി​ന്‍റെ ഇ​ള​യ സ​ഹോ​ദ​ര​നാ​ണ് ര​ണ്ടാം ത​വ​ണ പ്ര​ധാ​ന​മ​ന്ത്രി​യാ​കു​ന്ന ഷെ​ഹ്ബാ​സ്. രാ​ഷ്‌​ട്രീ​യ വൈ​രി​ക​ളാ​യ പി​എം​എ​ൽ-​എ​ൻ, പാ​ക്കി​സ്ഥാ​ൻ പീ​പ്പി​ൾ​സ് പാ​ർ​ട്ടി (പി​പി​പി) എ​ന്നി​വ​രാ​ണ് പി​ടി​ഐ​ക്കെ​തി​രേ ഒ​ന്നി​ച്ചു​കൂ​ടി അ​ധി​കാ​രം പ​ങ്കി​ടു​ന്ന​ത്.

ഇ​മ്രാ​ൻ ഖാ​നെ അ​ധി​കാ​ര​ത്തി​ൽ​നി​ന്ന് ഒ​ഴി​വാ​ക്കു​ക എ​ന്ന​ല്ലാ​തെ മ​റ്റു കാ​ര്യ​ങ്ങ​ളി​ലൊ​ന്നും യോ​ജി​പ്പി​ല്ലാ​ത്ത​വ​രാ​ണ് ര​ണ്ടു പാ​ർ​ട്ടി​ക​ളും. അ​തു​പോ​ലെ, ഷെ​ഹ്ബാ​സി​നു പ​ക​രം ഇ​മ്രാ​ൻ പ്ര​ധാ​ന​മ​ന്ത്രി​യാ​യാ​ൽ എ​ന്തെ​ങ്കി​ലും വ്യ​ത്യാ​സ​മു​ണ്ടോ​യെ​ന്നു ചോ​ദി​ച്ചാ​ൽ ഒ​ന്നു​മി​ല്ല എ​ന്നു പ​റ​യാം.

കാ​ര​ണം, ആ​ര് അ​ധി​കാ​ര​ത്തി​ലെ​ത്തി​യാ​ലും മ​ത​ത്തി​ന്‍റെ​യും സൈ​ന്യ​ത്തി​ന്‍റെ​യും തി​ട്ടൂ​ര​ങ്ങ​ളെ അ​തി​ജീ​വി​ക്കാ​ൻ ക​ഴി​യി​ല്ല. മ​ത​രാ​ഷ്‌​ട്ര​ത്തി​ന്‍റെ ചി​ന്താ​ധാ​ര​ക​ൾ പ​ണ്ടേ പാ​ക്കി​സ്ഥാ​ന്‍റെ ബാ​ധ്യ​ത​യാ​യി മാ​റി​ക്ക​ഴി​ഞ്ഞു. രാ​ജ്യ​ത്തു​നി​ന്നു ഭീ​ക​ര​ത തു​ട​ച്ചു​നീ​ക്കു​ക എ​ന്ന​താ​ണ് ആ​ദ്യ ല​ക്ഷ്യ​മെ​ന്ന് ഷെ​ഹ്ബാ​സ് ഷ​രീ​ഫ് സ​ത്യ​പ്ര​തി​ജ്ഞ ചെ​യ്യു​ന്ന​തി​നു മു​ന്പു​ത​ന്നെ പ​റ​ഞ്ഞു.

പ​ക്ഷേ, ന​ട​ക്കാ​ൻ പോ​കു​ന്നി​ല്ല. 1947ൽ ​പാ​ക്കി​സ്ഥാ​ൻ ഉ​ണ്ടാ​യ​തു​ത​ന്നെ മ​ത​ത്തി​ന്‍റെ പേ​രി​ലാ​ണ്. തു​ട​ർ​ന്ന​ങ്ങോ​ട്ട് മ​ത​ത്തെ ഭ​ര​ണ​ത്തി​ലും ജീ​വി​ത​ത്തി​ലും എ​ങ്ങ​നെ ല​യി​പ്പി​ക്കാ​മെ​ന്ന ഗ​വേ​ഷ​ണ​ത്തി​ലാ​യി​രു​ന്നു അ​ധി​കാ​ര​ത്തി​ലെ​ത്തി​യ​വ​ർ. ഇ​തി​നി​ട​യി​ൽ ഇ​സ്‌​ലാ​മി​ക തീ​വ്ര​വാ​ദം സ്വാ​ഭാ​വി​ക വ​ള​ർ​ച്ച നേ​ടു​ക​യും ചെ​യ്തു.

ഇ​ന്ത്യ​യോ തു​ട​ക്ക​ത്തി​ൽ​ത​ന്നെ മ​തേ​ത​ര രാ​ജ്യ​മാ​യി മാ​റു​ക​യും പു​രോ​ഗ​തി​യി​ലേ​ക്കു ചു​വ​ടു​വ​യ്ക്കു​ക​യും ചെ​യ്തു. ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സി​ന്‍റെ സ്വാ​ത​ന്ത്ര്യ​സ​മ​ര പാ​ര​ന്പ​ര്യ​വും മ​തേ​ത​ര വീ​ക്ഷ​ണ​വും നെ​ഹ്റു ഉ​ൾ​പ്പെ​ടെ​യു​ള്ള നേ​താ​ക്ക​ളു​ടെ വി​ശാ​ല ചി​ന്താ​ഗ​തി​യും നി​ശ്ച​യ​ദാ​ർ​ഢ്യ​വും അ​തി​നു സ​ഹാ​യ​ക​മാ​യി.

പ​രാ​ധീ​ന​ത​ക​ളി​ൽ​നി​ന്ന് ഇ​ന്ത്യ പു​രോ​ഗ​തി നേ​ടി. അ​തി​ന്‍റെ അ​ടി​ത്ത​റ​യി​ലാ​ണ് രാ​ജ്യം ഇ​ന്നും ത​ല​യു​യ​ർ​ത്തി നി​ൽ​ക്കു​ന്ന​ത്. ക​ഴി​ഞ്ഞ ഡി​സം​ബ​റി​ൽ ചാ​ന്ദ്ര​പ​ര്യ​വേ​ക്ഷ​ണം വി​ജ​യി​പ്പി​ച്ച​പ്പോ​ൾ ഇ​ന്ത്യ​യെ അ​ഭി​ന​ന്ദി​ച്ചു​കൊ​ണ്ട് ന​വാ​സ് ഷെ​രീ​ഫ് പ​റ​ഞ്ഞ​ത്, “ഇ​ന്ത്യ ച​ന്ദ്ര​നി​ലെ​ത്തി; പാ​ക്കി​സ്ഥാ​ന് ഇ​തു​വ​രെ ഭൂ​മി​യി​ൽ നി​വ​ർ​ന്നു​നി​ൽ​ക്കാ​ൻ പോ​ലും സാ​ധി​ച്ചി​ട്ടി​ല്ല.’’

എ​ന്നാ​യി​രു​ന്നു. മൂ​ന്നു പ്രാ​വ​ശ്യം പ്ര​ധാ​ന​മ​ന്ത്രി​യാ​യി​രു​ന്ന​യാ​ളാ​ണ് പ​റ​ഞ്ഞ​തെ​ന്നോ​ർ​ക്ക​ണം. വി​ദ്യാ​ഭ്യാ​സ​വും തൊ​ഴി​ൽ മേ​ഖ​ല​യും വ്യ​ക്തി​ജീ​വി​ത​വും തെ​ര​ഞ്ഞെ​ടു​പ്പു​മെ​ല്ലാം മ​ത​ത്താ​ൽ നി​റ​ഞ്ഞ ഒ​രു രാ​ജ്യ​ത്തി​ന് മ​ത​ഭ്രാ​ന്തു​ക​ൾ​ക്ക് സ​ഹ​ജ​മാ​യ ഉ​ന്മാ​ദ​മ​ല്ലാ​തെ സ്ഥാ​യി​യാ​യ പു​രോ​ഗ​തി കൈ​വ​രി​ക്കാ​നാ​വി​ല്ല. പാ​ക്കി​സ്ഥാ​നി​ലെ ന്യൂ​ന​പ​ക്ഷ​ങ്ങ​ളാ​യ ഹി​ന്ദു​ക്ക​ളും ക്രി​സ്ത്യാ​നി​ക​ളും മ​ത​പീ​ഡ​ന​ങ്ങ​ൾ​ക്കും അ​നീ​തി​ക്കും ഇ​ര​യാ​യി ജീ​വി​ക്കു​ക​യാ​ണ്.

മ​ത​തീ​വ്ര​വാ​ദി​ക​ൾ ന്യൂ​ന​പ​ക്ഷ​ങ്ങ​ളി​ലെ പെ​ൺ​കു​ട്ടി​ക​ളെ ത​ട്ടി​ക്കൊ​ണ്ടു​പോ​കു​ന്ന​തും അ​വ​രു​ടെ സ​മ്മ​ത​മി​ല്ലാ​തെ വി​വാ​ഹം ക​ഴി​ക്കു​ന്ന​തും കോ​ട​തി​ക​ൾ ഇ​ര​ക​ളെ ത​ള്ളി​പ്പ​റ​യു​ന്ന​തു​മൊ​ന്നും വാ​ർ​ത്ത​യ​ല്ല. മ​ത​നി​ന്ദ ആ​രോ​പി​ച്ചാ​ൽ ഏ​തു നി​ര​പ​രാ​ധി​ക​ളു​ടെ​യും ജീ​വി​തം തു​ല​യ്ക്കാ​നാ​കും.

പാ​ക്കി​സ്ഥാ​ൻ ഐ​എം​എ​ഫി​ൽ​നി​ന്നും ചൈ​ന​യി​ൽ​നി​ന്നും വാ​ങ്ങി​ക്കൂ​ട്ടി​യ വാ​യ്പ​ക​ളു​ടെ പ​ലി​ശ കൊ​ടു​ക്കാ​ൻ മാ​ത്രം പു​തി​യ വാ​യ്പ എ​ടു​ക്കേ​ണ്ട ഗ​തി​കേ​ടി​ലാ​ണ്. ഇ​ന്ത്യ​ൻ വ്യ​വ​സാ​യി ടാ​റ്റ​യു​ടെ ക​ന്പ​നി​ക​ളു​ടെ വി​പ​ണി മൂ​ല്യം 365 ബി​ല്യ​ൺ ഡോ​ള​ർ ആ​ണെ​ങ്കി​ൽ ഐ​എം​എ​ഫി​ന്‍റെ ക​ണ​ക്ക​നു​സ​രി​ച്ചു പാ​ക്കി​സ്ഥാ​ന്‍റെ മൊ​ത്തം ജി​ഡി​പി ഏ​ക​ദേ​ശം 341 ബി​ല്യ​ൺ ഡോ​ള​ർ മാ​ത്ര​മാ​ണ്. കൂ​ടു​ത​ലെ​ന്തു പ​റ​യാ​ൻ!

പാ​ക്കി​സ്ഥാ​നെ മ​തം ര​ക്ഷി​ക്കു​ക​യോ ശി​ക്ഷി​ക്കു​ക​യോ ചെ​യ്യ​ട്ടെ. പ​ക്ഷേ, വൈ​വി​ധ്യാ​ധി​ഷ്ഠി​ത​മാ​യൊ​രു രാ​ജ്യ​ത്തെ ര​ക്ഷ​പ്പെ​ടാ​ൻ അ​നു​വ​ദി​ക്കാ​തി​രി​ക്ക​ണ​മെ​ങ്കി​ൽ അ​തി​നെ മ​ത​രാ​ഷ്‌​ട്ര​മാ​ക്കി​യാ​ൽ മ​തി​യെ​ന്ന് പാ​ക്കി​സ്ഥാ​ൻ വി​ളി​ച്ചു​പ​റ​യു​ന്നു​ണ്ട്; ആ​രു കേ​ട്ടാ​ലും ഇ​ല്ലെ​ങ്കി​ലും.
Copyright @ 2022 , Rashtra Deepika Ltd.