ഭ​ഗ​വാ​നും കു​ഞ്ഞ​ബ്ദു​ള്ള​യു​മൊ​ക്കെ അപൂർവ സം​ഭ​വ​ങ്ങ​ളൊ​ന്നു​മ​ല്ല. വീ​ഡി​യോ പ്ര​ച​രി​ച്ച​തു​കൊ​ണ്ടാ​ണ് ഇ​തി​നു പ്ര​ചാ​രം ല​ഭി​ച്ച​ത്. വി​ദ്യാ​ർ​ഥി​ക​ളു​ടെ ഹൃ​ദ​യ​ത്തി​ൽ ചി​ര​പ്ര​തി​ഷ്ഠ നേ​ടി​യ
നി​ര​വ​ധി അ​ധ്യാ​പ​ക​ർ അ​ന്നു​മി​ന്നു​മു​ണ്ട്.

​ഇതൊരു അ​ധ്യാ​പ​കദി​ന കുറിപ്പല്ല. പ​ക്ഷേ, എ​ല്ലാ ദി​വ​സ​വും അ​ധ്യാ​പ​ക​രു​ടേ​താ​ണ് എ​ന്ന് ഓ​ർ​മി​പ്പി​ക്കു​ക​യാ​ണ് കോ​ഴി​ക്കോ​ട് നാ​ദാ​പു​ര​ത്തു​നി​ന്നു​ള്ള ​ഒ​രു കൊ​ച്ചു വീ​ഡി​യോ. സ്ഥ​ലം മാ​റി​പ്പോ​കു​ന്ന ത​ങ്ങ​ളു​ടെ അ​ധ്യാ​പ​ക​നെ കെ​ട്ടി​പ്പി​ടി​ച്ചുകൊണ്ട്, പോ​ക​രു​തേ​യെ​ന്നു പ​റ​ഞ്ഞു നി​ല​വി​ളി​ക്കു​ന്ന വി​ദ്യാ​ർ​ഥി​ക​ളു​ടെ കാ​ഴ്ച​യാ​ണ് അ​തി​ലു​ള്ള​ത്. ഗു​രു-​ശി​ഷ്യ ബ​ന്ധം അ​തി​ന്‍റെ പാ​വ​ന​മാ​യ ക​ണ്ണി​ക​ളെ പൊ​ട്ടി​ച്ചെ​റി​ഞ്ഞ് തൊ​ഴി​ലി​ന്‍റെ യാ​ന്ത്രി​ക​ത​യെ ആ​ശ്ലേ​ഷി​ക്കു​ന്ന കാ​ല​ത്ത് ഒ​രു തി​രി​ഞ്ഞു​നോ​ട്ട​മാ​യി മാ​റി​യി​രി​ക്കു​ന്നു നാ​ദാ​പു​ര​ത്തെ വി​ദ്യാ​ർ​ഥി​ക​ളു​ടെ കൂ​ട്ട​ക്ക​ര​ച്ചി​ൽ. അ​തു​ക​ണ്ട് സ​ന്തോ​ഷാ​ശ്രു​ക്ക​ൾ പൊ​ഴി​ക്കാ​ത്ത​വ​ർ ആ​രു​മു​ണ്ടാ​കി​ല്ല. ഈ വീഡിയോ കണ്ട്, ത​ങ്ങ​ളു​ടെ ജീ​വി​ത​ത്തി​ൽ വ​ഴി​വി​ള​ക്കാ​യി​രു​ന്ന അ​ധ്യാ​പ​ക​രു​ടെ ഓ​ർ​മ​ക​ളി​ൽ എ​ത്ര​യോ പേ​രു​ടെ ക​ണ്ണു​ക​ൾ നി​റ​ഞ്ഞി​ട്ടു​ണ്ടാ​കും? അ​തു​ക​ണ്ട്, സ്വ​ന്തം തൊ​ഴി​ലി​നെ അ​ർ​പ്പ​ണ ബോ​ധ​ത്താ​ൽ പു​തു​ക്ക​ണ​മെ​ന്നു തീ​രു​മാ​നി​ച്ചു​റ​പ്പി​ച്ച എ​ത്ര​യോ അ​ധ്യാ​പ​ക​രു​ണ്ടാ​കും? ന​ന്മ​യു​ടെ സൂ​ച​ക​ങ്ങ​ളാ​യ ഇ​ത്ത​രം കാഴ്ചകൾ നാടാകെ പടരട്ടെ.

കലാപത്തിന്‍റെയും വിദ്വേഷത്തിന്‍റെയും മ​ന​സു​ല​യ്ക്കു​ന്ന വാ​ർ​ത്ത​ക​ൾ​ക്കി​ട​യി​ലാ​ണ് ഒ​രു മാ​തൃ​കാ​ധ്യാ​പ​ക​ൻ ന​ന്മ​യു​ടെ​യും പ്ര​തീ​ക്ഷ​യു​ടെ​യും പ്രതീകമായി​രി​ക്കു​ന്ന​ത്. നാ​ദാ​പു​രം ക​ല്ലാ​ച്ചി ഗ​വ. സ്കൂ​ൾ എ​ൽ.​പി. വി​ഭാ​ഗ​ം നാ​ലാം ക്ലാ​സി​ലെ അ​ധ്യാ​പ​ക​നാ​യ ഇ.​കെ. കു​ഞ്ഞ​ബ്ദു​ള്ള ക​ഴി​ഞ്ഞ ദി​വ​സം ക്ലാ​സി​ലെ​ത്തി പു​തി​യ ടീ​ച്ച​റെ കു​ട്ടി​ക​ൾ​ക്കു പ​രി​ച​യ​പ്പെ​ടു​ത്തു​ന്പോ​ഴാ​യി​രു​ന്നു സം​ഭ​വം.

അ​മ്മ​യ്ക്കു സു​ഖ​മി​ല്ലാ​ത്ത​തു​കാ​ര​ണം താ​ൻ നാ​ട്ടി​ലെ സ്കൂ​ളി​ലേ​ക്കു സ്ഥ​ലം മാ​റി​പ്പോ​കു​ക​യാ​ണെ​ന്നു പ​റ​ഞ്ഞ​തോ​ടെ​യാ​ണ് കു​ട്ടി​ക​ൾ തേ​ങ്ങി​പ്പോ​യ​ത്. പി​ന്നെ​യ​തു കൂ​ട്ട​ക്ക​ര​ച്ചി​ലാ​യി. സാ​ർ എ​ങ്ങും പോ​ക​രു​തെ​ന്നും, ത​ങ്ങ​ളെ ത​ന്നെ പ​ഠി​പ്പി​ക്ക​ണ​മെ​ന്നും പ​റ​ഞ്ഞു​ള്ള നി​ല​വി​ളി ക്ലാ​സ് മു​റി​ക്കു പു​റ​ത്തേ​ക്കു​മെ​ത്തി. മ​റ്റ് ക്ലാ​സു​ക​ളി​ലെ അ​ധ്യാ​പ​ക​രും വിദ്യാർഥിക​ളു​മൊ​ക്കെ എ​ത്തി​യെ​ങ്കി​ലും കു​ട്ടി​ക​ൾ ത​ങ്ങ​ളു​ടെ അ​ധ്യാ​പ​ക​നെ കെ​ട്ടി​പ്പി​ടി​ച്ചു​ള്ള ക​ര​ച്ചി​ൽ നി​ർ​ത്തി​യി​ല്ല. ഒ​ടു​വി​ൽ, അ​മ്മ​യു​ടെ അ​സു​ഖം ഭേ​ദ​മാ​യാ​ലു​ട​നെ താ​ൻ തി​രി​ച്ചു​വ​രാ​മെ​ന്ന്, കു​ട്ടി​ക​ളെ ആ​ശ്വ​സി​പ്പി​ക്കാ​ൻ അ​ദ്ദേ​ഹ​ത്തി​നു പ​റ​യേ​ണ്ടി​വ​ന്നു.

2016ലാ​ണ് ക​ല്ലാ​ച്ചി സ്കൂ​ളി​ൽ കു​ഞ്ഞ​ബ്ദു​ള്ള അ​ധ്യാ​പ​ക​നാ​യെ​ത്തി​യ​ത്. പ​ഠി​പ്പി​ക്കു​ന്ന​തി​ൽ മാ​ത്ര​മ​ല്ല, വി​ദ്യാ​ർ​ഥി​ക​ൾ​ക്കു മാ​ർ​ഗ​നി​ർ​ദേ​ശം ന​ൽ​കു​ന്ന​തി​നും അ​വ​രു​ടെ പ​രി​ഭ​വ​ങ്ങ​ൾ കേ​ൾ​ക്കു​ന്ന​തി​നു​മൊ​ക്കെ സ​മ​യം ക​ണ്ടെ​ത്തി​യി​രു​ന്ന പ്രി​യ​പ്പെ​ട്ട മാ​ഷി​നെ കു​ട്ടി​ക​ൾ​ക്കു ജീ​വ​നാ​യി​രു​ന്നു. അ​തി​നാ​ൽ​ത​ന്നെ സ്ഥ​ലം മാ​റ്റം സ്കൂ​ൾ അ​ധി​കൃ​ത​രും വി​ദ്യാ​ർ​ഥി​ക​ളെ അ​റി​യി​ച്ചി​രു​ന്നി​ല്ല. അ​പ്ര​തീ​ക്ഷി​ത​മാ​യി ആ ​വാ​ർ​ത്ത കേ​ൾ​ക്കേ​ണ്ടി​വ​ന്ന​പ്പോ​ഴാ​ണ് അ​വ​രു​ടെ സ​ങ്ക​ടം അ​ണ​പൊ​ട്ടി​യൊ​ഴു​കി​യ​ത്. അ​ധ്യാ​പ​നം വെ​റു​മൊ​രു തൊ​ഴി​ൽ​പോ​ലെ കാ​ണു​ക​യും ശ​ന്പ​ള​ത്തി​നും അ​വ​കാ​ശ​ങ്ങ​ൾ​ക്കു​മ​പ്പു​റം മ​റ്റൊ​ന്നും ചി​ന്തി​ക്കേ​ണ്ട​തി​ല്ലെ​ന്നു ക​രു​തു​ക​യും ചെ​യ്യു​ന്ന വ്യ​ക്തി​യാ​യി​രു​ന്നി​ല്ല കു​ഞ്ഞ​ബ്ദു​ള്ള.

2018ൽ ​രാ​ജ്യ​മൊ​ട്ടാ​കെ പ്ര​ച​രി​ച്ചതാണ് ത​മി​ഴ്നാ​ട് തി​രു​വ​ള്ളൂ​രി​ലെ ഗോ​വി​ന്ദ് ഭ​ഗ​വാ​ൻ എ​ന്ന അ​ധ്യാ​പ​ക​ന്‍റെ സ്ഥ​ലം മാ​റ്റ​മ​റി​ഞ്ഞു പൊ​ട്ടി​ക്ക​ര​യു​ന്ന വി​ദ്യാ​ർ​ഥി​ക​ളു​ടെ വീ​ഡി​യോ. അ​ധ്യാ​പ​ക​നെ ഇ​ഷ്ട​പ്പെ​ട്ടാ​ൽ കു​ട്ടി​ക​ൾ പ​ഠി​ക്കാ​നും ഇ​ഷ്ട​പ്പെ​ടു​മെ​ന്ന് ഭ​ഗ​വാ​ൻ അ​ന്നു പ​റ​ഞ്ഞ​ത് വിദ്യാഭ്യാസനയം രൂപീകരിക്കുന്നവർ ശ്രദ്ധിക്കേണ്ട വിപ്ലവകരമായ നിരീക്ഷണമാണ്.

ചി​ല അ​ധ്യാ​പ​ക​രോ​ടു​ള്ള ഭ​യം മൂ​ലം അ​വ​ർ പ​ഠി​പ്പി​ക്കു​ന്ന വി​ഷ​യ​ത്തെത​ന്നെ വെ​റു​ത്തു​പോ​യ ആ​ളു​ക​ളു​ണ്ട്. പ​ല അ​ധ്യാ​പ​ക​രെ​യും കാ​ണു​ന്ന​തു​ത​ന്നെ കു​ട്ടി​ക​ൾ​ക്കു ഭ​യ​മാ​ണ്. ക​ക്ഷി രാ​ഷ്‌​ട്രീ​യ​ത്തി​ന്‍റെ കെ​ട്ടു​പാ​ടു​ക​ളു​ള്ള അ​ധ്യാ​പ​ക​രും വ​രു​മാ​ന​ത്തി​നു​ള്ള ​ഉ​പ​ജോ​ലി​യാ​യി അ​ധ്യാ​പ​ന​ത്തെ കൊ​ണ്ടു​ന​ട​ക്കു​ന്ന​വ​രും വ​ഴി​തെ​റ്റി അ​ധ്യാ​പ​ന​ത്തി​ലെ​ത്തി​യ​വ​രും വിദ്യാർഥികളെ പീഡിപ്പിച്ചു കരിന്പട്ടികയിലായവരും ദു​ർമാ​ർഗിക​ളും യോഗ്യതയില്ലാ​ത്ത​വ​രും ഉ​ൾ​പ്പെ​ടെ എ​ത്ര​യോ പേ​ർ ഈ ​ജോ​ലി​യു​ടെ മ​ഹ​ത്വ​ത്തെ ച​വി​ട്ടി​യ​ര​യ്ക്കു​ന്നു​ണ്ട്.

ഭ​ഗ​വാ​നും കു​ഞ്ഞ​ബ്ദു​ള്ള​യു​മൊ​ക്കെ അപൂർവ സം​ഭ​വ​ങ്ങ​ളൊ​ന്നു​മ​ല്ല. വീ​ഡി​യോ പ്ര​ച​രി​ച്ച​തു​കൊ​ണ്ടാ​ണ് ഇ​തി​നു പ്ര​ചാ​രം ല​ഭി​ച്ച​ത്. വി​ദ്യാ​ർ​ഥി​ക​ളു​ടെ ഹൃ​ദ​യ​ത്തി​ൽ ചി​ര​പ്ര​തി​ഷ്ഠ നേ​ടി​യ നി​ര​വ​ധി അ​ധ്യാ​പ​ക​ർ അ​ന്നു​മി​ന്നു​മു​ണ്ട്. പ​ഠി​പ്പി​ക്കു​ന്ന വി​ഷ​യ​ത്തെ​ക്കു​റി​ച്ച് ഓ​രോ ദി​വ​സ​വും പ​ഠി​ച്ചു​കൊ​ണ്ട് സ്വ​യം ന​വീ​ക​രി​ക്കു​ന്ന​വ​ർ, അ​തു വ്യ​ക്ത​മാ​യും ല​ളി​ത​മാ​യും കു​ട്ടി​ക​ൾ​ക്കു പ​റ​ഞ്ഞു​കൊ​ടു​ക്കു​ന്ന​വ​ർ, പ​ഠ​ന​ത്തി​ൽ പി​ന്നാ​ക്ക​മു​ള്ള​ വിദ്യാർഥികളെ പ്ര​ത്യേ​ക ക​രു​ത​ലോ​ടെ​യും ക്ഷ​മ​യോ​ടെ​യും മു​ന്നി​ലെ​ത്തി​ക്കാ​ൻ ശ്ര​മി​ക്കു​ന്ന​വ​ർ, വി​ദ്യാ​ർ​ഥി​ക​ളു​ടെ വ്യ​ക്തി​ജീ​വി​ത​ത്തി​ലും നി​ർ​ദേ​ശം ന​ൽ​കു​ന്ന​വ​ർ, തി​ന്മ​യ്ക്കെ​തി​രേ മാ​ർ​ഗ​ദീ​പ​മാ​കു​ന്ന​വ​ർ, ഏ​തു നി​മി​ഷ​വും കു​ട്ടി​ക​ൾ​ക്കു ഭ​യ​മി​ല്ലാ​തെ വി​ളി​ച്ചു സം​സാ​രി​ക്കാ​നാവു​ന്ന​വ​ർ... അ​ങ്ങ​നെ ഭാ​വി​യെ കെ​ട്ടി​പ്പ​ടു​ക്കു​ന്ന അ​ധ്യാ​പ​ക​ർ നി​ര​വ​ധി​യു​ണ്ട്. ക്ലാ​സ് മു​റി​ക​ളി​ലൊ​തു​ങ്ങാ​തെ, വി​ദ്യാ​ർ​ഥി​ക​ളു​ടെ സ​മ​ഗ്ര​വ​ള​ർ​ച്ച​യു​ടെ ലോ​ക​ത്ത് ഒ​രു സൂ​ര്യ​നെ​പ്പോ​ലെ തെ​ളി​ഞ്ഞു നി​ൽ​ക്കു​ന്ന​വ​രാ​ണ​വ​ർ. അ​വ​ർ, അ​ക​ന്നു​പോ​കു​ന്ന​ത് വി​ദ്യാ​ർ​ഥി​ക​ൾ​ക്കു സ​ഹി​ക്കാ​നാ​വി​ല്ല.

പോകരുതേയെന്നു പറഞ്ഞുള്ള അവരുടെ നിലവിളിയോളം വലിയൊരു അധ്യാപന പുരസ്കാരം വേറേയില്ല. കുഞ്ഞബ്ദുള്ളയും ഭഗവാനുമൊക്കെ ഏറ്റുവാങ്ങിയ ഈ പരമോന്നത പുരസ്കാരത്തിനു കൂടുതൽ അധ്യാപകർ അർഹരാകട്ടെ. നാദാപുരത്തെ വീഡിയോ അധ്യാപകർക്കുള്ള പാഠപുസ്തകമാണ്.