പുകമറയിൽ അഴിമതിയോ കെടുകാര്യസ്ഥതയോ?
ആ​വ​ർ​ത്തി​ക്കു​ന്ന തീ​പി​ടി​ത്ത​ങ്ങ​ളി​ലൊ​ക്കെ അ​ഴി​മ​തി​യു​ടെ പു​ക​യും ഉ​യ​രു​ന്നു​ണ്ട്. ആ​രോ​പ​ണ​ങ്ങ​ൾ​ക്ക് അ​ടി​സ്ഥാ​ന​മി​ല്ലെ​ന്ന് ഉ​റ​പ്പാ​ക്കേ​ണ്ട​ത് സ​ർ​ക്കാ​രാ​ണ്.

ത​ല​സ്ഥാ​ന​ത്ത് സ​ർ​ക്കാ​രി​ന്‍റെ മ​രു​ന്നു സം​ഭ​ര​ണ​ശാ​ല​യി​ലെ തീ​യ​ണ​യ്ക്കാ​ൻ ശ്ര​മി​ക്കു​ന്ന​തി​നി​ടെ അ​ഗ്നി​ശമന സേ​നാം​ഗം മ​രി​ച്ച സം​ഭ​വ​ത്തി​ൽ ആ ​കു​ടും​ബ​ത്തി​ന്‍റെ വേ​ദ​ന​യി​ലും തീ​രാ​ന​ഷ്ട​ത്തി​ലും പ​ങ്കു​ചേ​രു​ക​യാ​ണ്. ഒ​പ്പം, ഒ​രു ജീ​വ​ൻ ബ​ലി കൊ​ടു​ക്കാ​നി​ട​യാ​യ തീ​പി​ടി​ത്ത​ത്തി​ന്‍റെ കാ​ര​ണ​ത്തെ​ക്കു​റി​ച്ച് ഉ​യ​ർ​ന്നി​രി​ക്കു​ന്ന സം​ശ​യ​ത്തി​ന്‍റെ പു​ക​പ​ട​ല​ങ്ങ​ൾ നീ​ക്ക​ണ​മെ​ന്ന് സ​ർ​ക്കാ​രി​നെ ഓ​ർ​മി​പ്പിക്കുകയും ചെയ്യുന്നു.

തി​രു​വ​ന​ന്ത​പു​രം തു​ന്പ കി​ൻ​ഫ്ര പാ​ർ​ക്കി​ൽ മെ​ഡി​ക്ക​ൽ സ​ർ​വീ​സ​സ് കോ​ർ​പ​റേ​ഷ​ന്‍റെ മ​രു​ന്നു​സം​ഭ​ര​ണ കേ​ന്ദ്ര​ത്തി​ലാ​ണ് ചൊ​വ്വാ​ഴ്ച തീ​പി​ടി​ച്ച​ത്. നട്ടുച്ചയ്ക്ക് ഗോ​ഡൗ​ൺ പൊ​ട്ടി​ത്തെ​റി​ക്കു​ക​യാ​യി​രു​ന്നു. ചാ​ക്ക ഫ​യ​ർ​ഫോ​ഴ്സ് യൂ​ണി​റ്റി​ലെ ഫ​യ​ർ​മാ​ൻ ജെ.​എ​സ്. ര​ഞ്ജി​ത്താ​ണ് തീ​യ​ണ​യ്ക്കാ​നു​ള്ള ​ശ്ര​മ​ത്തി​നി​ടെ കോ​ൺ​ക്രീ​റ്റ് പാ​ളി ത​ക​ർ​ന്നു​വീ​ണു മ​രി​ച്ച​ത്. ഗോ​ഡൗ​ണി​ൽ സൂ​ക്ഷി​ച്ചി​രു​ന്ന ബ്ലീ​ച്ചിം​ഗ് പൗ​ഡ​റി​നാ​വാം ആ​ദ്യം തീ​പി​ടി​ച്ച​തെ​ന്നാ​ണ് പ്ര​ഥ​മി​ക നി​ഗ​മ​നം. 16 കോ​ടി​യോ​ളം രൂ​പ​യു​ടെ മ​രു​ന്നു​ക​ൾ സൂ​ക്ഷി​ച്ചി​രു​ന്ന​ത് മ​റ്റൊ​രു കെ​ട്ടി​ട​ത്തി​ലാ​യി​രു​ന്ന​തി​നാ​ൽ കൂ​ടു​ത​ൽ നാ​ശ​ന​ഷ്ടം ഒ​ഴി​വാ​യി. ഒ​രു കാ​ര്യം ഉ​റ​പ്പാ​യി​ട്ടു​ണ്ട്. മെ​ഡി​ക്ക​ൽ സ​ർ​വീ​സ് കോ​ർ​പ​റേ​ഷ​ന്‍റെ മ​രു​ന്നു​സം​ഭ​ര​ണ കേ​ന്ദ്രം പ്ര​വ​ർ​ത്തി​ച്ച കെ​ട്ടി​ട​ത്തി​ന് ഫ​യ​ർ​ഫോ​ഴ്സി​ന്‍റെ എ​ൻ​ഒ​സി​യും തീ​യ​ണ​യ്ക്കാ​നു​ള്ള സം​വി​ധാ​ന​ങ്ങ​ളും ഉ​ണ്ടാ​യി​രു​ന്നി​ല്ല. ഫ​യ​ർ​ഫോ​ഴ്സ് മേ​ധാ​വി ബി. ​സ​ന്ധ്യ ത​ന്നെ​യാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. ഈ ​മാ​സം 17നാ​ണ് കൊ​ല്ലം ഉ​ളി​യ​ക്കോ​വി​ലി​ലെ മ​രു​ന്നു സം​ഭ​ര​ണ​ശാ​ല​യി​ൽ തീ​പി​ടി​ത്ത​മു​ണ്ടാ​യ​ത്. ഗോ​ഡൗ​ണ്‍ പൂ​ർ​ണ​മാ​യും ക​ത്തി​ന​ശി​ച്ചി​രു​ന്നു. കൊ​ല്ല​ത്തി​നു പി​ന്നാ​ലെ തി​രു​വ​ന​ന്ത​പു​ര​ത്തും സ​മാ​ന സാ​ഹ​ച​ര്യ​ങ്ങ​ളി​ൽ തീ​പി​ടി​ത്ത​മു​ണ്ടാ​യ​ത് സം​ശ​യ​ത്തോ​ടെ​യാ​ണ് പ​ല​രും കാ​ണു​ന്ന​ത്.

കോ​വി​ഡ് കാ​ല​ത്തെ മ​രു​ന്നു​വാ​ങ്ങ​ലി​ന്‍റെ മ​റ​വി​ൽ വ​ൻകൊ​ള്ള​യാ​ണ് ന​ട​ന്നി​ട്ടു​ള്ള​തെ​ന്ന് ആ​രോ​പ​ണ​മു​യ​ർ​ന്നി​രു​ന്നു. അ​തേ​ക്കു​റി​ച്ച് ലോ​കാ​യു​ക്ത അ​ന്വേ​ഷ​ണം ന​ട​ത്തു​ന്ന​തി​നി​ടെ, കൊ​ല്ല​ത്തെ​യും ദി​വ​സ​ങ്ങ​ൾ​ക്ക​കം തി​രു​വ​ന​ന്ത​പു​ര​ത്തെ​യും മെ​ഡി​ക്ക​ൽ സ​ർ​വീ​സ​സ് കോ​ർ​പ​റേ​ഷ​ൻ ഗോ​ഡൗ​ണു​ക​ളി​ൽ തീ ​പി​ടി​ച്ച​ത് സ്വാ​ഭാ​വി​ക​മാ​യും സം​ശ​യ​മു​ള​വാ​ക്കു​ന്ന​താ​ണ്. കൊ​ല്ല​ത്തു​ണ്ടാ​യ​തു​പോ​ലെ തി​രു​വ​ന​ന്ത​പു​ര​ത്തും ബ്ലീ​ച്ചിം​ഗ് പൗ​ഡ​റി​ൽ​നി​ന്നു തീ ​പ​ട​ർ​ന്നെ​ന്നു പ​റ​യു​ന്ന​ത് അ​വി​ശ്വ​സ​നീ​യ​മാ​ണെ​ന്നാ​ണ് പ്ര​തി​പ​ക്ഷ ​നേ​താ​വ് വി.​ഡി. സ​തീ​ശ​ൻ പ​റ​ഞ്ഞ​ത്. കോ​വി​ഡ് കാ​ല​ത്ത് വാ​ങ്ങി​യ മ​രു​ന്നു​ക​ളും മെ​ഡി​ക്ക​ൽ സാ​മ​ഗ്രി​ക​ളും 2014ൽ ​കാ​ലാ​വ​ധി ക​ഴി​ഞ്ഞ മ​രു​ന്നു​ക​ളു​മൊ​ക്കെ ക​ത്തി​ന​ശി​ച്ച​വ​യി​ൽ ഉ​ൾ​പ്പെ​ട്ടി​ട്ടി​ട്ടു​ണ്ടെ​ന്നാ​ണ് പ്രാ​ഥ​മി​ക വി​വ​ര​മെ​ന്നും കോ​വി​ഡ് മ​റ​വി​ൽ 1032 കോ​ടി രൂ​പ​യു​ടെ അ​ഴി​മ​തി ന​ട​ത്തി​യ​തി​ന് അ​ന്ന​ത്തെ ആ​രോ​ഗ്യ​മ​ന്ത്രി​യും ഉ​ദ്യോ​ഗ​സ്ഥ​രും പ്ര​തി​ക​ളാ​യ കേ​സി​ലെ തെ​ളി​വു​ക​ളാ​ണ് ന​ശി​പ്പി​ക്ക​പ്പെ​ട്ട​തെ​ന്നും സ​തീ​ശ​ൻ ആരോപിച്ചു.

സെ​ക്ര​ട്ടേ​റി​യ​റ്റി​ൽ വ്യ​വ​സാ​യ മ​ന്ത്രി പി.​ രാ​ജീ​വി​ന്‍റെ അ​ഡീ​ഷ​ണ​ൽ പ്രൈ​വ​റ്റ് സെ​ക്ര​ട്ട​റി​യു​ടെ ഓ​ഫീ​സി​ൽ തീ​പി​ടി​ത്ത​മു​ണ്ടാ​യ​ത് ഈ ​മാ​സം ഒ​ന്പ​തി​നാ​ണ്. ഗ​താ​ഗ​ത നി​യ​മ​ലം​ഘ​ന​ങ്ങ​ൾ ക​ണ്ടു​പി​ടി​ക്കാ​ൻ കാ​മ​റ​ക​ൾ വാ​ങ്ങി​യ​തി​ൽ അ​ഴി​മ​തി​യു​ണ്ടെ​ന്ന് പ്ര​തി​പ​ക്ഷം ആ​രോ​പ​ണം ഉ​ന്ന​യി​ച്ച സ​മ​യ​ത്താ​യി​രു​ന്നു ആ ​തീ​പി​ടി​ത്തം. സ്വ​ർ​ണ​ക്ക​ട​ത്ത് വി​വാ​ദ​ത്തി​ന്‍റെ സ​മ​യ​ത്ത് 2020 ഓ​ഗ​സ്റ്റി​ൽ പ്രോ​ട്ടോ​കോ​ൾ വി​ഭാ​ഗ​ത്തി​ൽ തീ​പി​ടി​ത്ത​മു​ണ്ടാ​യി​രു​ന്നു. കേ​ന്ദ്ര ഏ​ജ​ൻ​സി​ക​ൾ അ​ന്വേ​ഷി​ക്കു​ന്ന കേ​സ് വ​ന്ന​പ്പോ​ൾ സെ​ക്ര​ട്ടേ​റി​യ​റ്റി​ലും അ​ഴി​മ​തി കാ​മ​റ​യു​മാ​യി ബ​ന്ധ​പ്പെ​ട്ട അ​ന്വേ​ഷ​ണം ന​ട​ക്കു​ന്ന​തി​നി​ടെ വ്യ​വ​സാ​യമ​ന്ത്രി​യു​ടെ ഓ​ഫീ​സി​ലും തീ​പി​ടി​ത്ത​മു​ണ്ടാ​യി. നാ​ടി​നെ ആ​ഴ്ച​ക​ളോ​ളം മു​ൾ​മു​ന​യി​ൽ നി​ർ​ത്തി​യ ബ്ര​ഹ്മ​പു​രം മാ​ലി​ന്യ സം​സ്ക​ര​ണ കേ​ന്ദ്ര​ത്തി​ലെ തീ​പി​ടി​ത്ത​വും വി​വാ​ദ​മാ​യി​രു​ന്നു. പാ​ർ​ട്ടി​യു​മാ​യി ബ​ന്ധ​പ്പെ​ട്ട ക​രാ​റു​കാ​ര​ന്‍റെ അ​ഴി​മ​തി മ​റ​യ്ക്കാ​നു​ള്ള നീ​ക്ക​മാ​യി​രു​ന്നു അ​തെ​ന്ന ആ​രോ​പ​ണ​ത്തി​ന് ഇ​ന്നും ഉ​ത്ത​ര​മാ​യി​ട്ടി​ല്ല. എന്തെ​ങ്കി​ലും ആ​രോ​പ​ണ​ങ്ങ​ൾ ഉ​യ​രു​ന്പോ​ൾ അ​തു​മാ​യി ബ​ന്ധ​പ്പെ​ട്ട സ്ഥ​ല​ങ്ങ​ളി​ൽ തീ​പി​ടി​ത്തം ഉ​ണ്ടാ​കു​ന്ന​തും കാ​മ​റ​ക​ൾ ഇ​ടി​വെ​ട്ടി ന​ശി​ക്കു​ന്ന​തു​മൊ​ക്കെ സ്ഥി​രം സം​ഭ​വ​ങ്ങ​ളാ​യി മാ​റു​ക​യാ​ണെ​ന്നാ​ണ് പ്ര​തി​പ​ക്ഷ ആ​രോ​പ​ണം.

തീ​പി​ടി​ത്ത​ത്തി​നു കാ​ര​ണ​മാ​യ ബ്ലീ​ച്ചിം​ഗ് പൗ​ഡ​ർ വാ​ങ്ങി​യ​തി​ലും അ​ഴി​മ​തി മ​ണ​ക്കു​ന്നു​ണ്ട്. കാ​രു​ണ്യ പ​ദ്ധ​തി വ​ഴി വാ​ങ്ങി​ക്കൂ​ട്ടി​യ​ത് ല​ക്ഷ​ക്ക​ണ​ക്കി​നു കി​ലോ​ഗ്രാം ബ്ലീ​ച്ചിം​ഗ് പൗ​ഡ​റാ​ണെ​ന്നും ഇ​തു​ൾ​പ്പെ​ടെ 700 ട​ണ്ണോ​ളം ബ്ലീ​ച്ചിം​ഗ് പൗ​ഡ​ർ സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ മെ​ഡി​ക്ക​ൽ സ​ർ​വീ​സ​സ് കോ​ർ​പ്പ​റേ​ഷ​ന്‍റെ ഗോ​ഡൗ​ണു​ക​ളി​ൽ കെ​ട്ടി​ക്കി​ട​ക്കു​ന്നു​ണ്ടെ​ന്നു​മാ​ണ് റി​പ്പോ​ർട്ടുകൾ. കാ​രു​ണ്യ പ​ദ്ധ​തിവ​ഴി വാ​ങ്ങു​ന്പോ​ൾ കാ​ര്യ​മാ​യ ടെ​ണ്ട​ർ വ്യ​വ​സ്ഥ​ക​ളി​ല്ലെ​ന്ന​തും കൂട്ടിവായിക്കേണ്ടതാണ്. ആ​വ​ർ​ത്തി​ക്കു​ന്ന തീ​പി​ടി​ത്ത​ങ്ങ​ളി​ലൊ​ക്കെ അ​ഴി​മ​തി​യു​ടെ പു​ക​യും ഉ​യ​രു​ന്നു​ണ്ട്. ആ​രോ​പ​ണ​ങ്ങ​ൾ​ക്ക് അ​ടി​സ്ഥാ​ന​മി​ല്ലെ​ന്ന് ഉ​റ​പ്പാ​ക്കേ​ണ്ട​ത് സ​ർ​ക്കാ​രാ​ണ്. മ​റ്റൊ​ന്ന് കെ​ടു​കാ​ര്യ​സ്ഥ​ത​യാ​ണ്. അ​ഗ്നി​ശ​മ​ന സേ​നാ വി​ഭാ​ഗ​ത്തി​ന്‍റെ മു​ന്ന​റി​യി​പ്പു​ക​ൾ ഉ​ണ്ടാ​യി​ട്ടും മെ​ഡി​ക്ക​ൽ ഗോ​ഡൗ​ണു​ക​ളി​ൽ യാ​തൊ​രു സു​ര​ക്ഷാ​ന​ട​പ​ടി​ക​ളും ഏ​ർ​പ്പെ​ടു​ത്തി​യി​ട്ടി​ല്ലെ​ന്ന​ത് കെ​ടു​കാ​ര്യ​സ്ഥ​ത​യാ​ണ്. അ​ഴി​മ​തി​യാ​യാ​ലും കെ​ടു​കാ​ര്യ​സ്ഥ​ത​യാ​യാ​ലും ന​ഷ്ട​മാ​യ​ത് വി​ല​പ്പെ​ട്ട ജീ​വ​നും പൊ​തു​മു​ത​ലു​മാ​ണ്; രണ്ടായാലും ഉത്തരവാദി സർക്കാർ മാത്രമാണ്.