പൂരം പൊലി(ളി)ച്ചൂ ട്ടാ...
Saturday, April 20, 2024 1:32 AM IST
ഋഷി

തൃ​ശൂ​ര്‍: മ​ഴ​വി​ല്ലി​ന​ഴ​ക് ഏ​ഴു നി​റ​ങ്ങ​ളാ​ണെ​ങ്കി​ൽ പൂ​ര​ത്തി​ന​ഴ​ക് എ​ട്ടു ചെ​റു​പൂ​ര​ങ്ങ​ളാ​ണ്. തൃ​ശൂ​ർ പൂ​ര​മെ​ന്ന മ​ഹാ​സാ​ഗ​ര​ത്തി​ലേ​ക്ക് എ​ട്ടു ത​ട്ട​ക​ങ്ങ​ളി​ൽ​നി​ന്ന് ഒ​ഴു​കി​യെ​ത്തു​ന്ന ചെ​റു​തും വ​ലു​തു​മാ​യ ചെ​റു​പൂ​ര​ങ്ങ​ൾ. സ​ത്യ​ത്തി​ൽ ഒ​ട്ടും ചെ​റു​ത​ല്ലാ​ത്ത ഈ ​ഘ​ട​ക​പൂ​ര​ങ്ങ​ളാ​ണ് പൂ​ര​പ്പ​റ​മ്പി​നെ അ​ക്ഷ​രാ​ർ​ഥ​ത്തി​ൽ പൂ​ര​പ്പ​റ​മ്പാ​ക്കു​ന്ന​ത്.

നെ​യ്ത​ല​ക്കാ​വ് ഭ​ഗ​വ​തി​യെ ശി​ര​സി​ലേ​റ്റി കൊ​മ്പ​ൻ എ​റ​ണാ​കു​ളം ശി​വ​കു​മാ​ർ രാ​ജ​കീ​യ​പ്രൗ​ഢി​യി​ല്‍ വ​ന്നു​തു​റ​ന്നി​ട്ട തെ​ക്കേ​ഗോ​പു​ര​ന​ട​യി​ലൂ​ടെ ക​ണി​മം​ഗ​ലം ശാ​സ്താ​വ് വ​ട​ക്കു​ന്നാ​ഥ​നെ കാ​ണാ​നെ​ത്തി​യ​തോ​ടെ തൃ​ശൂ​രി​ന്‍റെ സ​മീ​പ​പ്ര​ദേ​ശ​ങ്ങ​ളി​ല്‍​നി​ന്നും ചെ​റു​പൂ​ര​ങ്ങ​ള്‍ പൂ​ര​പ്പ​റ​മ്പി​ലേ​ക്കു വ​ര​വാ​യി. ത​ട്ട​ക​ക​ക്കാ​ര്‍ ഓ​രോ പൂ​ര​ത്തി​നൊ​പ്പ​വും വ​ട​ക്കു​ന്നാ​ഥ​നി​ലേ​ക്കു വ​ന്ന​ണ​ഞ്ഞ​തോ​ടെ പൂ​ര​പ്പ​റ​മ്പ് നി​റ​ഞ്ഞു.പു​ല​ര്‍​ച്ചെ നാ​ലു​മ​ണി​യോ​ടെ അ​ഞ്ച് ആ​ന​ക​ളു​ടെ​യും പ​ഞ്ച​വാ​ദ്യ​ത്തി​ന്‍റെ​യും അ​ക​മ്പ​ടി​യോ​ടെ ക​ണി​മം​ഗ​ലം ശാ​സ്താ​വ് ക്ഷേ​ത്ര​ത്തി​ല്‍​നി​ന്നെ​ഴു​ന്ന​ള്ളി ചെ​ട്ടി​യ​ങ്ങാ​ടി​യി​ലു​ള്ള കു​ള​ശേ​രി അ​മ്പ​ല​ത്തി​ലെ​ത്തി കോ​ല​മി​റ​ക്കി​വ​ച്ചു.

തു​ട​ർ​ന്ന് ഏ​ഴ​ര​യോ​ടെ വ​ട​ക്കു​ന്നാ​ഥ ക്ഷേ​ത്ര​ത്തി​ലേ​ക്ക് എ​ഴു​ന്ന​ള്ളി. മ​ണി​ക​ണ്ഠ​നാ​ലി​ല്‍​വ​ച്ച് കൂ​ടു​ത​ല്‍ ആ​ന​ക​ള്‍ പൂ​ര​ത്തി​നോ​ടു ചേ​ര്‍​ന്നു. തേ​ക്കി​ന്‍​കാ​ട് മൈ​താ​നി​യി​ലേ​ക്കു ക​ട​ന്ന ശാ​സ്താ​വി​ന്‍റെ പൂ​രം ക്ഷേ​ത്ര​മ​തി​ല്‍​ക്ക​ക​ത്തു പ​ടി​ഞ്ഞാ​റെ​ന​ട​യി​ല്‍ മേ​ളം ക​ലാ​ശി​ച്ച് എ​ട്ട​ര​മ​ണി​യോ​ടെ കി​ഴ​ക്കേ​ന​ട​യി​ലൂ​ടെ എ​ഴു​ന്ന​ള്ളി​പ്പ് പു​റ​ത്തു​വ​ന്നു. തി​രി​ച്ചി​റ​ക്കി​പ്പൂ​ജ​യ്ക്കാ​യി കു​ള​ശേ​രി ക്ഷേ​ത്ര​ത്തി​ലേ​ക്കു മ​ട​ങ്ങി.

ശ്രീ​ഭൂ​ത​ബ​ലി​ക്കു​ശേ​ഷം രാ​വി​ലെ ആ​റ​ര​യോ​ടെ പ​ന​മു​ക്കും​പി​ള്ളി ശാ​സ്താ​ക്ഷേ​ത്ര​ത്തി​ല്‍​നി​ന്ന് പൂ​രം പു​റ​പ്പെ​ട്ടു. ഒ​രാ​ന​യും പാ​ണ്ടി​മേ​ള​വു​മാ​യാ​ണ് പ​ന​മു​ക്കും​പി​ള്ളി ശാ​സ്താ​വി​ന്‍റെ എ​ഴു​ന്ന​ള്ളി​പ്പ് വ​ന്ന​ത്. കി​ഴ​ക്കും​പാ​ട്ടു​ക​ര ജം​ഗ്ഷ​നി​ലെ​ത്തി​യ​പ്പോ​ള്‍ ആ​ന​ക​ള്‍ മൂ​ന്നാ​യി. പ​ഞ്ച​വാ​ദ്യ​ത്തി​ന്‍റെ​യും നാ​ദ​സ്വ​ര​ത്തി​ന്‍റെ​യും അ​ക​മ്പ​ടി​യോ​ടെ പാ​റ​മേ​ക്കാ​വ് ക്ഷേ​ത്ര​ത്തി​നു മു​ന്നി​ലൂ​ടെ കി​ഴ​ക്കേ​ഗോ​പു​രം​വ​ഴി ക​ട​ന്നു പ​ടി​ഞ്ഞാ​റെ​ഗോ​പു​ര​സ​മീ​പ​ത്തെ ഇ​ല​ഞ്ഞി​ക്ക​രി​കി​ല്‍ മേ​ളം ക​ലാ​ശി​ച്ച് ക്ഷേ​ത്ര​ത്തി​ലേ​ക്കു മ​ട​ങ്ങി. ചെ​മ്പു​ക്കാ​വ് ഭ​ഗ​വ​തി​ക്ഷേ​ത്ര​ത്തി​ല്‍​നി​ന്ന് മു​ന്നാ​ന​യു​ടെ​യും പ​ഞ്ച​വാ​ദ്യ​ത്തി​ന്‍റെ​യും അ​ക​മ്പ​ടി​യോ​ടെ ഏ​ഴ​ര​യോ​ടെ പൂ​രം പു​റ​പ്പെ​ട്ടു. എ​ട്ടു​മ​ണി​യോ​ടെ പൂ​രം റൗ​ണ്ടി​ലെ​ത്തി.

കി​ഴ​ക്കേ​ഗോ​പു​ര​ത്തി​ലൂ​ടെ വ​ട​ക്കു​ന്നാ​ഥ​നെ വ​ണ​ങ്ങാ​ന്‍ ക​യ​റി​യ​ശേ​ഷം മ​തി​ല്‍​ക്ക​ക​ത്തു പ​ഞ്ച​വാ​ദ്യം അ​വ​സാ​നി​ച്ചു. ചെ​റി​യ മേ​ള​ത്തോ​ടെ പ്ര​ദ​ക്ഷി​ണം​വ​ച്ച് തെ​ക്കേ​ഗോ​പു​ര​ത്തി​ലൂ​ടെ പു​റ​ത്തു​ക​ട​ന്ന് ഗോ​പു​ര​ത്തി​നു നേ​രെ​നി​ന്ന് മേ​ളം ക​ലാ​ശി​ച്ചു. ഒ​മ്പ​തു​മ​ണി​യോ​ടെ എ​ഴു​ന്ന​ള്ളി​പ്പ് തീ​ര്‍​ന്ന് ആ​ന ക്ഷേ​ത്ര​ത്തി​ലേ​ക്കു മ​ട​ങ്ങി.താ​ന്ത്രി​ക​ച​ട​ങ്ങു​ക​ള്‍​ക്കു​ശേ​ഷം പു​ല​ര്‍​ച്ചെ അ​ഞ്ചു​മ​ണി​യോ​ടെ കാ​ര​മു​ക്ക് ഭ​ഗ​വ​തി​ക്ഷേ​ത്ര​ത്തി​ല്‍​നി​ന്നും പൂ​രം പു​റ​പ്പാ​ട് തു​ട​ങ്ങി. ഒ​രാ​ന​യു​ടെ​യും ന​ട​പ്പാ​ണ്ടി​മേ​ള​ത്തി​ന്റെ​യും നാ​ദ​സ്വ​ര​ത്തി​ന്‍റെ​യും അ​ക​മ്പ​ടി​യോ​ടെ വ​ന്ന ഭ​ഗ​വ​തി​യു​ടെ പ​ട​ക്കം​പൊ​ട്ടി​ച്ചും മ​ത്താ​പ്പു​ക​ത്തി​ച്ചും ഭ​ക്ത​ര്‍ വ​ഴി​നീ​ളെ എ​തി​രേ​റ്റു.

കു​ള​ശേ​രി അ​മ്പ​ല​ത്തി​ല്‍ ഇ​റ​ക്കി​പ്പൂ​ജ ന​ട​ത്തി അ​വി​ടെ​നി​ന്നും മൂ​ന്നാ​ന​പ്പു​റ​ത്ത് പ​ഞ്ച​വാ​ദ്യ​ത്തോ​ടെ വ​ട​ക്കു​ന്നാ​ഥ​നി​ലെ​ത്തി. മ​ണി​ക​ണ്ഠ​നാ​ലി​ല്‍ എ​ത്തി​യ​തോ​ടെ ആ​റാ​ന​ക​ള്‍​കൂ​ടി ഒ​പ്പം ചേ​ര്‍​ന്നു. പ​ഞ്ച​വാ​ദ്യം അ​വ​സാ​നി​ച്ച് പ​ന്ത​ലി​ല്‍ പാ​ണ്ടി​മേ​ളം തു​ട​ങ്ങി. ഒ​മ്പ​താ​ന​യും പാ​ണ്ടി​മേ​ള​വു​മാ​യി കാ​ര​മു​ക്ക് ഭ​ഗ​വ​തി വ​ട​ക്ക​ന്നാ​ഥ​ക്ഷേ​ത്ര​ത്തി​ന്‍റെ ശ്രീ​മൂ​ല​സ്ഥാ​ന​ത്തേ​ക്കു വ​രു​ന്ന​തു കാ​ണാ​ന്‍ വ​ന്‍​തി​ര​ക്കാ​യി​രു​ന്നു അ​നു​ഭ​വ​പ്പെ​ട്ട​ത്.

മൂ​ന്നാ​ന​പ്പു​റ​ത്താ​ണ് ലാ​ലൂ​ര്‍ ഭ​ഗ​വ​തി പൂ​ര​ത്തി​നു പു​റ​പ്പെ​ട്ട​ത്. പ​ടി​ഞ്ഞാ​റെ​കോ​ട്ട​യി​ലെ​ത്തി​യ​പ്പോ​ള്‍ ര​ണ്ടാ​ന​കൂ​ടി ഒ​പ്പം ചേ​ര്‍​ന്നു. എം​ജി റോ​ഡി​ലെ ഓ​വ​ര്‍​ബ്രി​ഡ്ജി​ന​ടു​ത്തു​വ​ച്ച് വീ​ണ്ടും ര​ണ്ടാ​ന കൂ​ടി. അ​ങ്ങ​നെ ഏ​ഴാ​ന​പ്പു​റ​ത്തു പ​ഞ്ച​വാ​ദ്യ​വു​മാ​യി ശ്രീ​മൂ​ല​സ്ഥാ​ന​ത്തേ​ക്കു നീ​ങ്ങി ന​ടു​വി​ലാ​ല്‍ പ​ന്തലി​ല്‍​വ​ച്ച് പ​ഞ്ച​വാ​ദ്യം മേ​ള​ത്തി​നു വ​ഴി​മാ​റി.​

പ​ത്തു​മ​ണി​യോ​ടെ ശ്രീ​മൂ​ല​സ്ഥാ​ന​ത്തു പൂ​രം സ​മാ​പി​ച്ചു. തി​ട​മ്പേ​റ്റി​യ ആ​ന​മാ​ത്രം പ​ടി​ഞ്ഞാ​റേ​ഗോ​പു​ര​ത്തി​ലൂ​ടെ അ​ക​ത്തു​ക​ട​ന്ന് വ​ട​ക്കു​ന്നാ​ഥ​ക്ഷേ​ത്രം വ​ലം​വ​ച്ച് തെ​ക്കേ​ഗോ​പു​ര​ത്തി​ലൂ​ടെ തി​രി​കെ ലാ​ലു​ര്‍ ക്ഷേ​ത്ര​ത്തി​ലേ​ക്കു മ​ട​ങ്ങി. രാ​വി​ലെ ഏ​ഴി​നാ​ണ് ചു​ര​ക്കോ​ട്ടു​കാ​വ് ഭ​ഗ​വ​തി​യു​ടെ എ​ഴു​ന്ന​ള്ളി​പ്പ് തു​ട​ങ്ങി​യ​ത്. ന​ടു​വി​ലാ​ല്‍ പ​ന്ത​ലി​ല്‍​നി​ന്ന് പ​തി​നാ​ലാ​ന​യു​ടെ​യും നൂ​റോ​ളം വാ​ദ്യ​ക​ലാ​കാ​ര​ന്‍​മാ​രു​ടെ​യും അ​ക​മ്പ​ടി​യോ​ടെ മേ​ള​നി​ലാ​വ് പൊ​ഴി​ച്ച് ശ്രീ​മൂ​ല​സ്ഥാ​ന​ത്തേ​ക്കെ​ത്തി. പു​ല​ര്‍​ച്ചെ മൂ​ന്നി​ന് ക്ഷേ​ത്ര​ക്കു​ള​ത്തി​ല്‍ ആ​റാ​ടി അ​യ്യ​ന്തോ​ള്‍ കാ​ര്‍​ത്യാ​യി​നി ഭ​ഗ​വ​തി ഏ​ഴ​ര​യോ​ടെ പൂ​ര​ത്തി​നു പു​റ​പ്പെ​ട്ടു. ക​ള​ക്ട​റേ​റ്റ്, എം​ജി റോ​ഡ് വ​ഴി കോ​ട്ട​പ്പു​റ​ത്തേ​ക്കു ക​യ​റി അ​വി​ടെ​നി​ന്നും നാ​ദ​സ്വ​ര​ത്തി​ന്‍റെ​യും പ​ഞ്ച​വാ​ദ്യ​ത്തി​ന്‍റെ​യും അ​ക​മ്പ​ടി​യോ​ടെ ശ്രീ​മൂ​ല​സ്ഥാ​ന​ത്തെ​ത്തി.

ഒ​മ്പ​ത് ആ​ന​ക​ളു​മാ​യി നെ​യ്ത​ല​ക്കാ​വ് ഭ​ഗ​വ​തി​യു​ടെ പൂ​രം രാ​വി​ലെ പ​തി​നൊ​ന്നോ​ടെ കൊ​ട്ടി​ക്ക​യ​റി

Copyright @ 2022 , Rashtra Deepika Ltd.