നോക്കിയ ആശ സീരീസില്‍ പുതിയ ക്യുവര്‍ട്ടി മൊബൈല്‍ ഫോണ്‍ അവതരിപ്പിച്ചു
Wednesday, April 24, 2013 11:38 AM IST
ഫിന്‍ലന്‍ഡ്: നോക്കിയ ആശ ഫീച്ചര്‍ഫോണ്‍ ശ്രേണിയില്‍ പുതിയ ക്യുവര്‍ട്ടി ഫോണ്‍ അവതരിപ്പിച്ചു. ഫിന്‍ലന്‍ഡിലെ എസ്പുവില്‍ നടന്ന ചടങ്ങിലാണ് നോക്കിയ ആശ 210 എന്നു പേരിട്ടിരിക്കുന്ന ഫോണ്‍ അവതരിപ്പിച്ചത്. കുറഞ്ഞ വിലയില്‍ ആകര്‍ഷകമായ നിറങ്ങളില്‍ ഡ്യൂവല്‍ സിം, സിംഗിള്‍ സിം വേരിയന്റുകളില്‍ ആശ 210 വിപണിയില്‍ എത്തുമെന്ന് നോക്കിയ വ്യക്തമാക്കി. 'വാട്സ് ആപ്പിനുള്ള' പ്രത്യേകബട്ടണുമായി എത്തുന്ന ലോകത്തില്‍ ആദ്യമൊബൈലാണ് ആശ 210 എന്ന് നോക്കിയ അവകാശപ്പെട്ടു. വേഗത്തില്‍ മെസേജ് അയക്കാന്‍ സഹായിക്കുന്ന നാലു നിരകളുള്ള ഫുള്‍ ക്യൂവര്‍ട്ടി കീബോര്‍ഡുമായാണ് ആശ 210 എത്തുന്നത്.

ഫേസ്ബുക്ക്, ട്വിറ്റര്‍ തുടങ്ങിയ സോഷ്യല്‍ നെറ്റ്വര്‍ക്കിംഗ് സൈറ്റുകള്‍, ഇമെയില്‍ സേവനമായ ജിമെയില്‍ തുടങ്ങിയവ എളുപ്പത്തില്‍ ഉപയോഗിക്കാന്‍ കഴിയും. ഇന്‍സ്റന്റ് മെസേജിംഗ് സേവനമായ വാട്സ് ആപ്പ് സൌകര്യം ആശ 210ല്‍ സൌജന്യമായിരിക്കുമെന്നും നോക്കിയ വ്യക്തമാക്കി. കീപാര്‍ഡ് ലോക്കാണെങ്കിലും ഉപയോഗിക്കാന്‍ കഴിയുന്ന 2 എംപി സ്മാര്‍ട്ട് ക്യാമറയില്‍ സെല്‍ഫ് പോര്‍ട്രെയിറ്റുകള്‍ ഭംഗിയായി എടുക്കുന്നതിനുള്ള വോയ്സ് ഗൈഡന്‍സ് സപ്പോര്‍ട്ടും ഉള്‍പെടുത്തിയിടുണ്‍ട്. 320*240 റെസലൂഷനുള്ള 2.4 ഇഞ്ച് എല്‍സിഡി ഡിസ്പ്ളേയാണ് ആശ 210ല്‍ ഉള്ളത്.

ഡാറ്റ ഉപയോഗം 90 ശതമാനം വരെ കുറയ്ക്കാന്‍ സഹായിക്കുന്ന നോക്കിയ എക്സ്പ്രെസ് ബ്രൌസറും ആശ 210ന്റെ പ്രത്യേകതയാണ്. ഫോണ്‍ സ്വിച്ച് ഓഫ് ചെയ്യാതെ സിം മാറുന്നതിനുള്ള ഈസി സ്വാപ്പ് ടെക്നോളജി, നോക്കിയ നിയര്‍ബൈ അപ്പ്, വൈഫെ ഓണ്‍/ഓഫ് കണ്‍ട്രോള്‍ ബട്ടണ്‍. ഫോട്ടോകള്‍ എഡിറ്റ് ചെയ്തു ഷെയര്‍ചെയ്യുന്നതിനുള്ള അപ്പ് തുടങ്ങിയവയും ആശ 210 ഉള്‍പ്പെടുത്തിയിരിക്കുന്നതായി നോക്കിയ അറിയിച്ചു. സിംഗിള്‍ സിമ്മില്‍ 46 ദിവസവും ഡ്യുവല്‍ സിമ്മില്‍ 24 ദിവസവുമാണ് ബാറ്ററി സ്റാന്‍ഡ്ബൈ ലൈഫ്.

സാധാരണക്കാരുടെ ബഡ്ജറ്റില്‍ ഒതുങ്ങുന്ന വിലയായിരിക്കുമെന്നാണ് സൂചന. അനൌദ്യോഗിക റിപ്പോര്‍ട്ടനുസരിച്ച് 72 ഡോളറിനു വിപണിയില്‍ ലഭ്യമായേക്കും.