സർക്കാർ പരസ്യങ്ങളിൽനിന്നു നേതാക്കളുടെ ചിത്രങ്ങൾ നീക്കണമെന്ന് തെരഞ്ഞെടുപ്പ് കമ്മീഷൻ
Tuesday, January 10, 2017 12:30 PM IST
ന്യൂഡൽഹി: നിയമസഭ തെരഞ്ഞെടുപ്പ് പ്രഖ്യാപിച്ച അഞ്ച് സംസ്‌ഥാനങ്ങളിൽ സർക്കാർ പരസ്യങ്ങളിൽ നിന്നു രാഷ്ട്രീയ നേതാക്കളുടെ ചിത്രങ്ങൾ മറയ്ക്കുകയോ നീക്കം ചെയ്യുകയോ ചെയ്യണമെന്ന് കേന്ദ്ര തെരഞ്ഞെടുപ്പ് കമ്മീഷൻ. സർക്കാർ പരസ്യങ്ങൾ പൊതുപണം ഉപയോഗിച്ചുള്ളതാണെന്നും അത് രാഷ്ട്രീയ പ്രചാരണത്തിന് ഉപയോഗിക്കാനുള്ളതല്ലെന്നും ചൂണ്ടിക്കാട്ടിയാണ് കമ്മീഷന്റെ നിർദേശം. ഇതുമായി ബന്ധപ്പെട്ട് ആവശ്യമായ നടപടികൾ സ്വീകരിക്കാൻ അതാത് സംസ്‌ഥാനങ്ങളിലെ തെരഞ്ഞെടുപ്പ് കമ്മിഷനുകൾക്കാണ് നിർദേശം നൽകിയിരിക്കുന്നത്.

ഏതെങ്കിലും പദ്ധതികൾ രാഷ്ട്രീയ പാർട്ടികളുടെയോ രാഷ്ട്രീയ നേതാക്കളുടെയോ നേട്ടമായി വ്യാഖ്യാനിക്കുന്ന ബോർഡുകളും ബാനറുകളും നീക്കണം. രാഷ്ട്രീയ നേതാവെന്ന നിലയിലുള്ള പ്രതിച്ഛായ പൊതു ഖജനാവിന്റെ ചെലവിൽ വർധിപ്പിക്കാനുതകുന്ന ബോർഡുകളും ബാനറുകളും പ്രദർശിപ്പിക്കാൻ പാടില്ല. ഇത്തരം ബോർഡുകൾ പൊതുജനത്തിന്റെ പണം തെരഞ്ഞെടുപ്പ് പ്രചാരണത്തിന് വിനിയോഗിക്കുന്നതിന് തുല്യമാണെന്നും കമ്മിഷൻ ചൂണ്ടിക്കാട്ടുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.