മാ​ധ്യ​മ​ങ്ങ​ള്‍​ക്കെ​തി​രേ​യു​ള്ള പോ​ലി​സ് ന​ട​പ​ടി​യി​ല്‍ മു​ഖ്യ​മ​ന്ത്രി ഇ​ട​പെ​ട​ണം: പ​ത്ര​പ്ര​വ​ര്‍​ത്ത​ക യൂ​ണി​യ​ൻ
Sunday, April 21, 2024 6:12 AM IST
തൃ​ശൂ​ര്‍: പൂ​ര​വു​മാ​യി ബ​ന്ധ​പ്പെ​ട്ടു പോ​ലീ​സ് ക​മ്മീ​ഷ​ണ​ര്‍ അ​ങ്കി​ത് അ​ശോ​ക​ന്‍റെ നേ​തൃ​ത്വ​ത്തി​ല്‍ മാ​ധ്യ​മ​പ്ര​വ​ര്‍​ത്ത​ക​രോ​ടു ന​ട​ത്തി​യ മോ​ശം പെ​രു​മാ​റ്റ​ത്തി​ലും ന​ട​പ​ടി​യി​ലും കേ​ര​ള പ​ത്ര​പ്ര​വ​ര്‍​ത്ത​ക യൂ​ണി​യ​ന്‍ ജി​ല്ലാ ക​മ്മി​റ്റി പ്ര​തി​ഷേ​ധി​ച്ചു.

പൂ​ര​ത്തി​നു മീ​ഡി​യ പാ​സ് അ​നു​വ​ദി​ക്കു​ന്ന​തു​മു​ത​ല്‍ താ​ള​പ്പി​ഴ​ക​ള്‍ ദൃ​ശ്യ​മാ​യി​രു​ന്നു. മാ​ധ്യ​മ പ്ര​വ​ര്‍​ത്ത​ക​രെ ര​ണ്ടു പ​ക്ഷ​ത്താ​ക്കു​ന്ന വി​ധ​ത്തി​ല്‍ പാ​സു​ക​ള്‍ വി​ത​ര​ണം ചെ​യ്യു​ക​യും പാ​സു​ക​ള്‍​ക്കാ​യി മാ​ധ്യ​മ​പ്ര​വ​ര്‍​ത്ത​ക​രെ പൂ​ര​ത്ത​ലേ​ന്നും പൂ​ര​ദി​ന​ത്തി​ലും യാ​ച​ക​രെ​പ്പോ​ലെ നി​ര്‍​ത്തു​ക​യും ചെ​യ്ത പോ​ലീ​സി​ന്‍റെ ന​ട​പ​ടി ത​രം​താ​ണ​താ​ണ്. പോ​ലീ​സി​ന്‍റെ പെ​രു​മാ​റ്റം ഒ​രി​ക്ക​ലും നീ​തീ​ക​രി​ക്കാ​നാ​കു​ന്ന​ത​ല്ല. ഇ​ത്ത​വ​ണ മീ​ഡി​യ പ​വ​ലി​യ​ന്‍റെ വ​ലി​പ്പം കു​റ​ച്ചും പൂ​രം റി​പ്പോ​ര്‍​ട്ടിം​ഗി​ല്‍​നി​ന്നു മാ​ധ്യ​മ പ്ര​വ​ര്‍​ത്ത​ക​രെ ത​ട​യു​ന്ന സ്ഥി​തി​യു​ണ്ടാ​യി.

ക​ഴി​ഞ്ഞ പൂ​ര​ത്തി​നും ഇ​ത്ത​രം പ്ര​വ​ണ​ത​ക​ള്‍ ഉ​ണ്ടാ​യ​പ്പോ​ള്‍ ക​മ്മീ​ഷ​ണ​റെ നേ​രി​ല്‍​ക​ണ്ട് മാ​ധ്യ​മ പ്ര​വ​ര്‍​ത്ത​ക​ര്‍ പ്ര​തി​ഷേ​ധം അ​റി​യി​ച്ചി​രു​ന്നു. ഇ​ത്ത​വ​ണ അ​തു​ണ്ടാ​കാ​തി​രി​ക്കാ​ന്‍ പോ​ലീ​സു​മാ​യി ച​ര്‍​ച്ച​ക​ള്‍ ന​ട​ത്തു​ക​യും ഡി​ഐ ജി ​അ​ജി​താ ബീ​ഗ​ത്തെ ക​ണ്ട് ജി​ല്ലാ ഭാ​ര​വാ​ഹി​ക​ള്‍ കാ​ര്യ​ങ്ങ​ള്‍ ബോ​ധി​പ്പി​ക്കു​ക​യും ചെ​യ്തി​രു​ന്നു. പൂ​ര​ത്തി​നു ര​ണ്ടു​ദി​വ​സം മു​ന്പ് സി​റ്റി പോ​ലീ​സ് ക​മ്മീ​ഷ​ണ​ര്‍ വി​ളി​ച്ചു​ചേ​ര്‍​ത്ത മാ​ധ്യ​മ​പ്ര​വ​ര്‍​ത്ത​ക​യോ​ഗ​ത്തി​ലെ തീ​രു​മാ​ന​ങ്ങ​ള്‍​ക്കു വി​രു​ദ്ധ​മാ​യ രീ​തി​യി​ലാ​ണ് യോ​ഗം ക​ഴി​ഞ്ഞ നി​മി​ഷം മു​ത​ല്‍ ക​മ്മീ​ഷ​ണ​റു​ടെ നേ​തൃ​ത്വ​ത്തി​ലു​ള്ള പോ​ലീ​സ് ടീം ​പ്ര​വ​ര്‍​ത്തി​ച്ച​ത്.

മീ​ഡി​യ പാ​സു​മാ​യി എ​ത്തി​യ മാ​ധ്യ​മ​പ്ര​വ​ര്‍​ത്ത​ക​രെ ത​ട​യു​ക​യും വാ​ഹ​ന​ങ്ങ​ള്‍ ക​ട​ത്തി​വി​ടാ​തി​രി​ക്കു​ക​യും ചെ​യ്യു​ന്ന സാ​ഹ​ച​ര്യ​വും ഉ​ണ്ടാ​യി. പോ​ലീ​സി​നെ​തി​രെ ന​ട​പ​ടി​യെ​ടു​ക്കാ​ന്‍ മു​ഖ്യ​മ​ന്ത്രി ത​യാ​റാ​ക​ണ​മെ​ന്നു പ​ത്ര​പ്ര​വ​ര്‍​ത്ത​ക യൂ​ണി​യ​ന്‍ ജി​ല്ലാ ക​മ്മി​റ്റി ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.