കൊച്ചി: എറണാകുളം ലോക്‌സഭാ മണ്ഡലം എല്‍ഡിഎഫ് സ്ഥാനാര്‍ഥി കെ.ജെ. ഷൈന്‍റെ തൃപ്പൂണിത്തുറ മണ്ഡലം പൊതുപര്യടനം പനങ്ങാട് ചേപ്പനം സൗത്ത് കോളനിയില്‍ സി.എം. ദിനേശ് മണി ഉദ്ഘാടനം ചെയ്തു.
കുമ്പളം പഞ്ചായത്ത് പ്രസിഡന്‍റ് കെ.എസ്. രാധാകൃഷ്ണന്‍ നെല്‍കതിര്‍ നല്‍കിയാണ് ഷൈന് ടീച്ചറെ സ്വീകരിച്ചത്. തുടര്‍ന്ന് തൃപ്പൂണിത്തുറ മണ്ഡലത്തിലെ ചേപ്പനം ഭജനമഠം, പനങ്ങാട് ചിറക്കല്‍, മണ്ണാറപ്പള്ളി, മേക്കാട്ട്, ഞാറുകാട്, വെള്ളിന, ഫിഷറീസ് കോളനി, ഉദയത്തുംവാതില്‍ കടത്തുകടവ്, കൊമരോത്ത്, എസ്പിഎസ്, കുമ്പളം സെന്‍റര്‍ എന്നീ കേന്ദ്രങ്ങളില്‍ കെ.ജെ. ഷൈന് വന്‍ സ്വീകരണം നല്കി.
തുടര്‍ന്ന് നെട്ടൂര്‍ സൗത്ത്, പഞ്ചായത്ത് കുളം, പണ്ഡിറ്റ് ജംഗ്ഷന്‍, പഴയപള്ളി പരിസരം, സൊസൈറ്റി ബാങ്ക് പരിസരം, ആർഒബി പാലത്തിനു താഴെ, കൂട്ടുങ്കല്‍, കുണ്ടന്നൂര്‍ വാണിശേരി കവല, കൈതവനക്കര, മുളക്കര, ധന്യ ജംഗ്ഷന്‍, പെരിങ്ങാട്ട് തുടങ്ങിയ കേന്ദ്രങ്ങളിലുമെത്തി സ്വീകരണം ഏറ്റുവാങ്ങി.
ഉച്ചക്ക് ശേഷം പാമ്പായിമൂല, കുമ്പളം ഫെറി, കുന്നുങ്കല്‍ പാടം, ആക്വിനാസ് കോളജ് ജംഗ്ഷന്‍, കൊവേന്ത, പെരുമ്പടപ്പ്, പൊക്കണാമുറി പറമ്പ്, തങ്ങള്‍ നഗര്‍ തുടങ്ങിയ കേന്ദ്രങ്ങളില്‍ സ്വീകരണം ഏറ്റുവാങ്ങി.