മ​ണ്ണെ​ടു​പ്പു​മാ​യി ബ​ന്ധ​പ്പെ​ട്ട ത​ര്‍ക്കം: തെ​ങ്ങ​ണ​യി​ല്‍ വ്യാ​പാ​രി​ക്കു മ​ര്‍ദ​ന​മേ​റ്റു
Friday, April 19, 2024 6:36 AM IST
ച​ങ്ങ​നാ​ശേ​രി: തെ​ങ്ങ​ണ​യി​ല്‍ വ്യാ​പാ​രി​ക്ക് അ​ഞ്ചം​ഗ​സം​ഘ​ത്തി​ന്‍റെ മ​ര്‍ദ​ന​മേ​റ്റ​താ​യി പ​രാ​തി. തെ​ങ്ങ​ണ ജം​ഗ്ഷ​നി​ല്‍ മൊ​ബൈ​ല്‍ ഹ​ട്ട് വ്യാ​പാ​രം സ്ഥാ​പ​നം ന​ട​ത്തു​ന്ന മാ​മ്മൂ​ട് വ​രാ​ക്കു​ന്ന് പു​ളി​ക്കാ​ശേ​രി ജ​യിം​സ് ജോ​സ​ഫി (60)നാ​ണ് മ​ര്‍ദ​ന​നേ​റ്റ​ത്.

ബു​ധ​നാ​ഴ്ച രാ​ത്രി ഒ​മ്പ​തി​ന് വ്യാ​പാ​ര​സ്ഥാ​പ​ന​മ​ട​ച്ച് വീ​ട്ടി​ലേ​ക്കു പോ​കു​ന്ന​തി​നാ​യി തെ​ങ്ങ​ണ ക്ഷേ​ത്ര​ത്തി​നു സ​മീ​പം പാ​ര്‍ക്ക് ചെ​യ്തി​രു​ന്ന കാ​റി​ന്‍റെ സ​മീ​പ​ത്തെ​ത്തി​യ​പ്പോ​ള്‍ അ​ഞ്ചം​ഗ​സം​ഘം ബ​ല​മാ​യി ക​ട​ന്നു​പി​ടി​ച്ച് മ​ർ​ദി​ക്കു​ക​യും കാ​റി​ല്‍ ക​യ​റ്റി​ക്കൊ​ണ്ടു​പോ​കാ​ന്‍ ശ്ര​മി​ച്ചെ​ന്നു​മാ​ണ് പാ​തി. പോ​ക്ക​റ്റി​ലു​ണ്ടാ​യി​രു​ന്ന 16,300 രൂ​പ സം​ഘം മോ​ഷ്ടി​ച്ച​താ​യും തൃ​ക്കൊ​ടി​ത്താ​നം പോ​ലീ​സി​നു ന​ല്‍കി​യ പ​രാ​തി​യി​ല്‍ പ​റ​യു​ന്നു.

ജ​യിം​സ് ബ​ഹ​ളം വ​ച്ച​പ്പോ​ള്‍ നാ​ട്ടു​കാ​ര്‍ ഓ​ടി​ക്കൂ​ടു​ക​യും സം​ഘം പി​ന്തി​രി​യു​ക​യും ചെ​യ്ത​താ​യും ജ​യിം​സ് പ​റ​ഞ്ഞു. പ​രി​ക്കേ​റ്റ ജ​യിം​സ് ച​ങ്ങ​നാ​ശേ​രി ജ​ന​റ​ല്‍ ആ​ശു​പ​ത്രി​യി​ല്‍ ചി​കി​ത്സ തേ​ടി. ദേ​ഹാ​സ്വാ​സ്ഥ്യ​ത്തെ തു​ട​ര്‍ന്ന് ജ​യിം​സി​നെ ഇ​ന്ന​ലെ രാ​വി​ലെ കോ​ട്ട​യ​ത്തു​ള്ള സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

മാ​ട​പ്പ​ള്ളി പ​ഞ്ചാ​യ​ത്ത് ഒ​മ്പ​താം​വാ​ര്‍ഡി​ല്‍ വ​രാ​ക്കു​ന്ന് ഭാ​ഗ​ത്ത് കു​ന്നി​ടി​ച്ച് മ​ണ്ണെ​ടു​ക്കു​ന്ന​തി​നെ​തി​രേ സ​മ​ര​സ​മി​തി​യു​ടെ നേ​തൃ​ത്വ​ത്തി​ല്‍ വ്യാ​പ​ക​മാ​യ പ്ര​തി​ഷേ​ധം ന​ട​ന്നു​വ​രി​ക​യാ​ണ്. മ​ര്‍ദ​ന​ത്തി​നിര​യാ​യ ജ​യിം​സ് ത​ന്‍റെ വീ​ടി​നു സ​മീ​പ​ത്തെ മ​ണ്ണെ​ടു​പ്പി​നെ​തി​രേ നാ​ട്ടു​കാ​രോ​ടൊ​പ്പം പ്ര​തി​ഷേ​ധി​ച്ചി​രു​ന്നു.

ജ​യിം​സി​ന്‍റെ പു​ര​യി​ട​ത്തി​ലൂ​ടെ​യു​ള്ള റോ​ഡി​ലൂ​ടെ മ​ണ്ണെ​ടു​ത്തു​കൊ​ണ്ടു​പോ​ക​ണ​മെ​ന്ന് മ​ണ്ണെ​ടു​പ്പു​കാ​ര്‍ ആ​വ​ശ്യ​പ്പെ​ട്ട​തു സം​ബ​ന്ധി​ച്ച ത​ര്‍ക്ക​വും നി​ല്‍നി​ല്‍ക്കു​ന്നു​ണ്ട്.

Copyright @ 2022 , Rashtra Deepika Ltd.