തൊഴിലാളികളുടെ പിന്തുണതേടി ആന്റോ ആന്റണി
അടൂർ: യുഡിഎഫ് സ്ഥാനാർഥി ആന്റോ ആന്റണി അടൂർ മണ്ഡലത്തിൽ പര്യടനം നടത്തി. കടമ്പനാട് ബഥാന്യ കശുവണ്ടി കമ്പനിയിൽ എത്തിയ അദ്ദേഹം തൊഴിലാളികളോട് വോട്ട് അഭ്യർഥിച്ചു. കശുവണ്ടി മേഖലയിലുള്ള തൊഴിലാളികളുടെ പ്രശ്നങ്ങൾക്കു പരിഹാരം ഉണ്ടാകേണ്ടതുണ്ടെന്ന് ആന്റോ ആന്റണി പറഞ്ഞു.
അധ്വാനിക്കുന്ന അമ്മമാരോടാണ് ബഹുമാനം കാട്ടുകയെന്ന ലക്ഷ്യത്തോടെയാണ് രാഹുൽ ഗാന്ധിയുടെ നേതൃത്വത്തിൽ ഇന്ത്യൻ നാഷണൽ കോൺഗ്രസ് വനിതകൾക്ക് വേണ്ടി അഞ്ച് വാഗ്ദാനങ്ങൾ നൽകിയിട്ടുള്ളത്. അതിലൊന്ന് പ്രതിവർഷം വീട്ടമ്മമാരുടെ ബാങ്ക് അക്കൗണ്ടിലേക്ക് ഒരു ലക്ഷം രൂപ നൽകും എന്നതാണ്. നരേന്ദ്രമോദി പറയുന്ന പോലെ ഉള്ള വാഗ്ദാനം അല്ല ഇതെന്നും ആന്റോ പറഞ്ഞു.
പള്ളിക്കൽ പുത്തൻചന്തയിൽ നിന്നാരംഭിച്ച പര്യടനം കേരള കോൺഗ്രസ് വൈസ് ചെയർമാൻ പ്രഫ. ഡി.കെ. ജോൺ ഉദ്ഘാടനം ചെയ്തു. കെപിസിസി ജനറൽ സെക്രട്ടറി പഴകുളം മധു, കെപിസിസി അംഗം തോപ്പിൽ ഗോപകുമാർ, ബ്ലോക്ക് പ്രസിഡന്റ് എസ്. ബിനു, വാർഡ് മെംബർ ബി. പ്രമോദ്, യുഡിഎഫ് നിയോജക മണ്ഡലം ചെയർമാൻ കെ.എസ്. ശിവകുമാർ, കൺവീനർ പഴകുളം ശിവദാസൻ, ഡിസിസി വൈസ് പ്രസിഡന്റ് എം.ജി. കണ്ണൻ തുടങ്ങിയവർ പ്രസംഗിച്ചു.
ആന്റോ ആന്റണിയുടെ പര്യടനം
വാഴൂർ: പത്തനംതിട്ട ലോക്സഭാ മണ്ഡലം യുഡിഎഫ് സ്ഥാനാർഥി ആന്റോ ആന്റണി 22ന് വാഴൂർ, ചിറക്കടവ് മണ്ഡലങ്ങളിൽ പര്യടനം നടത്തും. രാവിലെ 11ന് വാഴൂർ പഞ്ചായത്തിലെ കൊടുങ്ങൂരിൽ ആരംഭിക്കുന്ന പര്യടനം പുളിക്കൽകവല, എരുമത്തല, കാനം, ഉള്ളായം, ചാമംപതാൽ, ശാസ്താംകാവ്, ചെങ്കൽ തുടങ്ങിയ സ്ഥലങ്ങളിലെ സ്വീകരണ സമ്മേളനങ്ങൾക്കുശേഷം ചിറക്കടവ് പഞ്ചായത്തിൽ പ്രവേശിക്കും. ചിറക്കടവ് മണ്ഡലം പര്യടനം 2.30ന് ഇരുപതാംമൈലിൽ ആരംഭിച്ച് വൈകുന്നേരം കുന്നുഭാഗം സർക്കാർ ആശുപത്രി ജംഗ്ഷനിൽ സമാപിക്കും.
എൽഡിവൈഎഫിന്റെ
ഡിജെ നൈറ്റ്
പൊൻകുന്നം: പത്തനംതിട്ട പാർലമെന്റ് മണ്ഡലം എൽഡിഎഫ് സ്ഥാനാർഥി ഡോ. ടി.എം. തോമസ് ഐസക്കിന്റെ തെരഞ്ഞെടുപ്പ് പ്രചാരണാർഥം യുവതീയുവാക്കളുടെ നേതൃത്വത്തിൽ പൊൻകുന്നത്ത് ഡിജെ നൈറ്റ് നടത്തി. എൽഡിവൈഎഫ് കാഞ്ഞിരപ്പള്ളി മണ്ഡലം കമ്മിറ്റിയാണ് ഡിജെ നൈറ്റ് നടത്തിയത്. കെവിഎംഎസ് ജംഗ്ഷനിൽ നിന്നാരംഭിച്ച പ്രകടനം ഡിവൈഎഫ്ഐ ജില്ലാ സെക്രട്ടറി ബി. സുരേഷ് കുമാർ ഫ്ലാഗ് ഓഫ് ചെയ്തു.
യുവതീയുവാക്കളും കൊച്ചുകുട്ടികളും ഉൾപ്പെടെ നൂറുകണക്കിന് പേർ പാട്ടും നൃത്തച്ചുവടുകളുമായി ഡിജെ നൈറ്റിൽ പങ്ക് ചേർന്നു. ചീഫ് ഡോ. എൻ. ജയരാജും ആവേശമായി പങ്കെടുത്തു. പൊൻകുന്നം ടൗൺ ചുറ്റി ബസ് സ്റ്റാൻഡിനുള്ളിൽ ഡിജെ നൈറ്റ് സമാപിച്ചു. വിൻ വിത്ത് ഐസക്ക് എന്ന് എഴുതിയ റിബണുകളും സ്ഥാനാർഥിയുടെ ചിത്രം പതിപ്പിച്ച ബനിയനും ധരിച്ചാണ് എല്ലാവരും ഡിജെ നൈറ്റിൽ പങ്കെടുത്തത്. എൽഡിവൈഎഫ് നേതാക്കളായ ഗൗതം ബാലചന്ദ്രൻ, ബി.ആർ. അൻഷാദ്, എസ്. ദീപു, ഫസൽ മാടത്താനി, രാഹുൽ ബി. പിള്ള, ശ്രീകാന്ത് പി. തങ്കച്ചൻ, അജിത്ത് വാഴൂർ, അഖിൽ ആർ. നായർ തുടങ്ങിയവർ നേതൃത്വം നൽകി.
അനിൽ ആന്റണി അടൂരിൽ
അടൂർ: എൻഡിഎ സ്ഥാനാർഥി അനിൽ കെ. ആന്റണി അടൂർ മണ്ഡലത്തിൽ പര്യടനം നടത്തി. ഏഴംകുളം അന്പലം ജംഗ്ഷനിൽ നിന്നാരംഭിച്ച പര്യടനം ബിജെപി ജില്ലാ ജനറൽ സെക്രട്ടറി കെ. ബിനുമോൻ ഉദ്ഘാടനം ചെയ്തു. ബിജെപി അടൂർ മണ്ഡലം പ്രസിഡന്റ് അനിൽ നെടുമ്പള്ളിൽ അധ്യക്ഷത വഹിച്ചു. ജനറൽ സെക്രട്ടറിമാരായ സജി മഹർഷിക്കാവ്, അരുൺ താന്നിക്കൽ, ജില്ലാ വൈസ് പ്രസിഡന്റ് വിജയകുമാർ മണിപ്പുഴ, സെക്രട്ടറി റോയ് മാത്യു, അനിൽ ചെന്തമാരവിള, അജി വിശ്വനാഥ്, സെക്രട്ടറിമാരായ അനിൽ ഏനാത്ത്, ഗോപൻ മിത്രപുരം തുടങ്ങിയവർ പ്രസംഗിച്ചു.
കലാജാഥക്ക് സ്വീകരണം നല്കി
പാലാ: കോട്ടയം പാര്ലമെന്റ് മണ്ഡലം എല്ഡിഎഫ് സ്ഥാനാര്ഥി തോമസ് ചാഴികാടന്റെ തെരഞ്ഞെടുപ്പ് പ്രചരണാര്ഥം കേരള കോണ്ഗ്രസ്-എം സംസ്കാരികവേദിയുടെ നേതൃത്വത്തില് നടത്തുന്ന കലാ ജാഥക്ക് പാലാ നിയോജക മണ്ഡലം കമ്മിറ്റി സ്വീകരണം നല്കി. നിയോജക മണ്ഡലം പ്രസിഡന്റ് ജയ്സണ് ജോസഫ് അധ്യക്ഷത വഹിച്ചു. പാലാ ളാലം പാലം ജംഗ്ഷനില് ചേർന്ന യോഗത്തില് കേരള കോണ്ഗ്രസ്-എം പാലാ നിയോജക മണ്ഡലം പ്രസിഡന്റ് ടോബിന് കെ. അലക്സ് ജാഥാ ക്യാപ്റ്റന് ജി. സതീശനെ ഹാരം അണിയിച്ച് സ്വീകരിച്ചു.
സംസ്കാരവേദി സംസ്ഥാന പ്രസിഡന്റ് ഡോ. വര്ഗീസ് പേരയില്, ജില്ലാ പ്രസിഡന്റ് ബാബു ടി. ജോണ്, എല്ഡിഎഫ് കണ്വീനര് ബാബു കെ. ജോര്ജ്, സാവിയോ കാവുകാട്ട്, ആന്റോ ജോസ് പടിഞ്ഞാറെക്കര, ബിജി ജോജോ, മായ പ്രദീപ്, ബിജു പാലൂപടവന്, ജോസുകുട്ടി പൂവേലില് തുടങ്ങിയവര് പ്രസംഗിച്ചു.