ചേതക് ഇലക്‌ട്രിക് സ്‌കൂട്ടര്‍ ബുക്കിംഗ് തുടങ്ങി
Tuesday, January 11, 2022 11:47 AM IST
കൊച്ചി: ബജാജ് ഓട്ടോയുടെ പുതിയ ചേതക് ഇലക്‌ട്രിക് സ്‌കൂട്ടറിനുള്ള ബുക്കിംഗ് ആരംഭിച്ചു. ചേതക് ഡോട്ട് കോം എന്ന വെബ്‌സൈറ്റിലൂടെ ഓണ്‍ലൈനായി 2,000 രൂപയടച്ച് ബുക്ക് ചെയ്യാം.
എറണാകുളത്ത് കെടിഎം വൈറ്റിലയിലും കോഴിക്കോട് കെടിഎം വെസ്റ്റ്ഹില്ലിലും പ്രദര്‍ശനത്തിനും ടെസ്റ്റ് ഡ്രൈവിനും ലഭ്യമാണ്. ഇന്‍ഡിഗോ മെറ്റാലിക്, വെലുറ്റോ റോസോ, ബ്രൂക്ക്‌ലിന്‍ ബ്ലാക്ക്, ഹേസല്‍നട്ട് എന്നീ നാല് നിറങ്ങളില്‍ ചേതക് ലഭ്യമാണ്. 1,49,350 രൂപ മുതലാണ് എക്‌സ്-ഷോറൂം വില.
അഞ്ചു മണിക്കൂറിനുള്ളില്‍ പൂര്‍ണമായി ചാര്‍ജ് ചെയ്യാനാകും. 60 മിനിറ്റിനുള്ളില്‍ 25 ശതമാനം വരെ ചാര്‍ജ് ചെയ്യാം. ഒരിക്കല്‍ പൂര്‍ണമായി ചാര്‍ജ് ചെയ്തുകഴിഞ്ഞാല്‍ ഇത് ഇക്കോമോഡില്‍ 90 കിലോമീറ്റര്‍ വരെ ഓടും.