കൊച്ചി: രാജ്യത്തെ മുൻനിര സ്മാർട്ട്ഫോണ് ബ്രാൻഡായ ഷവോമി പുതിയ റെഡ്മി നോട്ട് 6 പ്രോ, എംഐ എൽഇഡി സ്മാർട്ട് ടിവി പ്രോ സീരീസ് എന്നിവ കേരള വിപണിയിൽ അവതരിപ്പിച്ചു.
എഐ സെഗ്‌മെന്‍റിലെ ആദ്യ ക്വാഡ് കാമറയാണ് റെഡ്മി നോട്ട് 6 പ്രോയിലേത്. ക്വൽകോം സ്നാപ്ഡ്രാഗണ്‍ 636 ഒക്ടാകോർ പ്രോസസർ, 4000 എംഎഎച്ച് ബാറ്ററി, 20 എംപി + 2 എംപി എഐ ഡുവൽ ഫ്രണ്ട് കാമറ, 6.26 ഇഞ്ച് ഫുൾ എച്ച്ഡി ഐപിഎസ് ഡിസ്പ്ലേ, ഡുവൽ വോൾട്ടി കണക്റ്റിവിറ്റി എന്നിവയാണ് മറ്റു ഫീച്ചറുകൾ. ബ്ലാക്ക്, റോസ് ഗോൾഡ്, ബ്ലൂ, റെഡ് നിറങ്ങളിൽ ഫോണ്‍ ലഭ്യമാകും. 4 ജിബി റാമും 64 ജിബി റോമുമുള്ള വേരിയന്‍റിന് 13,999 രൂപയും 6 ജിബി റാമും 64 ജിബി റോമുമുള്ള വേരിയന്‍റിന് 15,999 രൂപയുമാണ് വില.
എംഐ എൽഇഡി ടിവി പ്രോയുടെ വിവിധ വേരിയന്‍റുകൾ ആൻഡ്രോയിഡ് 8.1 ഓറിയോ അടിസ്ഥാനമാക്കിയതാണ്. 55 ഇഞ്ച് എംഐ എൽഇഡി ടിവി 4 പ്രോ 49,999 രൂപയ്ക്കും, 49 ഇഞ്ച് 4എ പ്രോ 29,999 രൂപയ്ക്കും, 32 ഇഞ്ച് 4 സി പ്രോ 14,999 രൂപയ്ക്കും ലഭ്യമാകും.