സൂപ്പർ ഹിറ്റ് പരന്പരയായ ഗെയിം ഓഫ് ത്രോണ്സിലെ മായിക ലോകത്തിന്റെ ചരിത്രം പറയുന്ന "ഹൗസ് ഓഫ് ദ ഡ്രാഗണ്‍' എന്ന പരന്പരയുടെ ട്രെയിലർ പുറത്ത്.
ഗെയിം ഓഫ് ത്രോണ്സിന്റെ "പ്രീക്വൽ' പരന്പരയായിയാണ് ഹൗസ് ഓഫ് ദ ഡ്രാഗണിനെ നിർമാതാക്കളായ എച്ച്ബിഓ ഒരുക്കിയിരിക്കുന്നത്. ജോർജ് ആർ.ആർ. മാർട്ടിന്‍റെ "ഫയർ ആൻഡ് ബ്ലഡ്' എന്ന നോവൽ അടിസ്ഥാനമാക്കിയാണ് പത്ത് എപ്പിസോഡ് പരന്പര ഒരുക്കിയിരിക്കുന്നത്.
ഡ്രാഗണുകളെയും അഗ്നിയെയും നിയന്ത്രിക്കാൻ സാധിക്കുന്ന ടാർഗറെയ്ൻ വംശത്തിലെ അധികാര വടംവലിയും "അയണ്‍ ത്രോണ്' പിടിച്ചടക്കാനുള്ള നീക്കങ്ങളും പരന്പര കാട്ടിത്തരുമെന്ന് ട്രെയിലർ സൂചിപ്പിക്കുന്നു.
എമ്മ ഡാർസി, മാറ്റ് സ്മിത്ത്, ഒലിവിയ കുക്ക്, അലിസന്‍റ് ഹൈറ്റവർ തുടങ്ങിയ താരങ്ങൾ അണിനിരക്കുന്ന ഹൗസ് ഓഫ് ദ ഡ്രാഗണ്‍ ഇന്ത്യയിലെ പ്രേക്ഷകർക്ക് ഓഗസ്റ്റ് 22 മുതൽ ഡിസ്നി പ്ലസ് ഹോട്ട്സ്റ്റാറിൽ ആസ്വദിക്കാം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.