ഹൈ​ടെ​ക് വേ​ണ്ട, കാ​ൽ മ​തി: ചി​രി​പ്പി​ച്ച് വൈ​റ​ലാ​യി പാ​കി​സ്ഥാ​നി​ലെ ടോ​ൾ ബൂ​ത്ത് കാ​ഴ്ച
Saturday, October 11, 2025 2:53 PM IST
ആ​ളു​ക​ളെ പൊ​ട്ടി​ച്ചി​രി​പ്പി​ച്ച ഒ​രു ടോ​ൾ പ്ലാ​സ ദൃ​ശ്യ​മാ​ണ് ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ വൈ​റ​ൽ. പാ​കി​സ്ഥാ​നി​ൽ നി​ന്നു​ള്ള​താ​ണെ​ന്ന് ക​രു​തു​ന്ന ഈ ​വീ​ഡി​യോ, യ​ന്ത്ര​സ​ഹാ​യ​ങ്ങ​ളോ സാ​ങ്കേ​തി​ക​വി​ദ്യ​ക​ളോ ഇ​ല്ലാ​തെ, മ​നു​ഷ്യ പ്ര​യ​ത്ന​ത്തി​ലൂ​ടെ ഒ​രു ടോ​ൾ ഗേ​റ്റ് എ​ങ്ങ​നെ പ്ര​വ​ർ​ത്തി​പ്പി​ക്കാ​മെ​ന്ന് ലോ​ക​ത്തി​ന് കാ​ട്ടി​ക്കൊ​ടു​ക്കു​ന്നു.

ദൃ​ശ്യ​ത്തി​ൽ, സാ​ധാ​ര​ണ പോ​ലെ ഒ​രു ടോ​ൾ പ്ലാ​സ​യി​ലെ ബാ​രി​യ​റാ​ണു​ള്ള​ത്. അ​തി​ന് സ​മീ​പം ക​സേ​ര​ക​ളി​ലി​രി​ക്കു​ന്ന ര​ണ്ടു ജീ​വ​ന​ക്കാ​രെ കാ​ണാം. ഒ​രു വാ​ഹ​നം അ​ടു​ത്തു​വ​രു​മ്പോ​ൾ, അ​തി​ലൊ​രാ​ൾ വ​ള​രെ ലാ​ഘ​വ​ത്തോ​ടെ ത​ന്‍റെ കാ​ൽ ഒ​രു ലോ​ഹ സ്റ്റാ​ൻ​ഡി​ലേ​ക്ക് നീ​ട്ടി ശ​ക്തി​യാ​യി അ​മ​ർ​ത്തു​ന്നു.

ഈ ​പ്ര​യോ​ഗ​ത്തി​ൽ, ടോ​ൾ ഗേ​റ്റി​ന്‍റെ ബാ​രി​യ​ർ മു​ക​ളി​ലേ​ക്ക് ഉ​യ​രു​ന്നു. വാ​ഹ​നം ക​ട​ന്നു​പോ​യ ഉ​ട​ൻ​ത​ന്നെ ഇ​യാ​ൾ കാ​ൽ അ​യ​ക്കു​മ്പോ​ൾ ബാ​രി​യ​ർ പ​ഴ​യ​പ​ടി താ​ഴു​ക​യും ചെ​യ്യു​ന്നു. ഇ​വി​ടെ ഓ​ട്ടോ​മാ​റ്റി​ക് സെ​ൻ​സ​റു​ക​ളോ, ഇ​ല​ക്ട്രോ​ണി​ക് സം​വി​ധാ​ന​ങ്ങ​ളോ, ബ​ട്ട​ണു​ക​ളോ ഒ​ന്നും പ്ര​വ​ർ​ത്തി​ക്കു​ന്നി​ല്ല. മാ​നു​വ​ൽ ഓ​പ്പ​റേ​ഷ​ൻ മാ​ത്ര​മാ​ണ് ടോ​ൾ പി​രി​വി​ന്‍റെ സു​ര​ക്ഷ ഉ​റ​പ്പാ​ക്കു​ന്ന​ത്.



"പാ​കി​സ്ഥാ​നി​ലെ മാ​നു​വ​ൽ ടോ​ൾ പ്ലാ​സ' എ​ന്ന അ​ടി​ക്കു​റി​പ്പോ​ടെ​യാ​ണ് ഈ ​വീ​ഡി​യോ സോ​ഷ്യ​ൽ മീ​ഡി​യ​ക​ളി​ൽ പ്ര​ച​രി​ക്കു​ന്ന​ത്. ഈ ​വി​ചി​ത്ര​മാ​യ കാ​ഴ്ച ക​ണ്ട​തോ​ടെ ആ​ളു​ക​ൾ കൂ​ട്ട​ത്തോ​ടെ ക​മ​ന്‍റു​ക​ൾ പ​ങ്കു​വെ​ക്കാ​ൻ തു​ട​ങ്ങി. സാ​ങ്കേ​തി​ക പ​രി​ജ്ഞാ​ന​ത്തെ​യും, രാ​ജ്യ​ത്തെ ദാ​രി​ദ്ര്യ​ത്തെ​യും, ജീ​വ​ന​ക്കാ​രു​ടെ മെ​യ്‌​വ​ഴ​ക്ക​ത്തെ​യും പു​ക​ഴ്ത്തി​ക്കൊ​ണ്ടും ക​ളി​യാ​ക്കി​ക്കൊ​ണ്ടു​മു​ള്ള ക​മ​ന്‍റു​ക​ളാ​ൽ ക​മ​ന്‍റ് ബോ​ക്സ് നി​റ​ഞ്ഞു.

"ഇ​ത​വ​രു​ടെ ലെ​ഗ് ഡേ ​രീ​തി​യാ​യി​രി​ക്കും' എ​ന്നൊ​രാ​ൾ ത​മാ​ശ​യാ​യി കു​റി​ച്ചു. "ഇ​തി​നെ​യാ​ണ് ഹ്യൂ​മ​ൻ റോ​ബോ​ട്ടി​ക്സ് എ​ന്ന് വി​ളി​ക്കേ​ണ്ട​തെ​ന്നും "ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സി​ന് പോ​ലും ഇ​വ​ർ​ക്ക് പ​ക​രം വെ​ക്കാ​നാ​വി​ല്ല," എ​ന്നും മ​റ്റു​ചി​ല​ർ അ​ഭി​പ്രാ​യ​പ്പെ​ട്ടു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.