ഇഡലിയെ ആദരിച്ച് ഗൂഗിൾ ഡൂഡിൽ: വാഴയിലയിൽ തെളിഞ്ഞ രുചിയുടെയും ചരിത്രത്തിന്‍റെയും കഥ
Saturday, October 11, 2025 5:18 PM IST
ദ​ക്ഷി​ണേ​ന്ത്യ​ൻ തീ​ൻ​മേ​ശ​യി​ലെ പ്രി​യ​ങ്ക​ര​നാ​യ ഇ​ഡ​ലി​യെ ആ​ദ​രി​ച്ചു​കൊ​ണ്ട് ഗൂ​ഗി​ൾ ഡൂ​ഡി​ൽ അ​വ​ത​രി​പ്പി​ച്ച​ത് ഭ​ക്ഷ​ണ​പ്രേ​മി​ക​ൾ​ക്കി​ട​യി​ൽ വ​ലി​യ ശ്ര​ദ്ധ നേ​ടി​യി​രി​ക്കു​ക​യാ​ണ്. ആ​വി​യി​ൽ വേ​വി​ച്ചെ​ടു​ക്കു​ന്ന ഈ ​വി​ഭ​വം അ​തി​ന്‍റെ മൃ​ദു​ത്വ​വും സ്വാ​ദും കാ​ര​ണം ത​ല​മു​റ ഭേ​ദ​മി​ല്ലാ​തെ എ​ല്ലാ​വ​രു​ടെ​യും ഇ​ഷ്ട​വി​ഭ​വ​മാ​ണ്. ചൂ​ടു​ള്ള സാ​മ്പാ​റും, നെ​യ്യും, തേ​ങ്ങാ​ച്ച​മ്മ​ന്തി​യും, പ​ല​ത​രം ച​ട്ണി​ക​ളു​മൊ​ക്കെ ചേ​ർ​ത്താ​ണ് സാ​ധാ​ര​ണ​യാ​യി ഇ​ഡ​ലി വി​ള​മ്പാ​റു​ള്ള​ത്.

ദ​ക്ഷി​ണേ​ന്ത്യ​ൻ വീ​ടു​ക​ളി​ൽ ഭ​ക്ഷ​ണം വി​ള​മ്പാ​ൻ പ​ര​മ്പ​രാ​ഗ​ത​മാ​യി ഉ​പ​യോ​ഗി​ക്കു​ന്ന വാ​ഴ​യി​ല​യു​ടെ രൂ​പ​ത്തി​ലാ​ണ് ഡൂ​ഡി​ൽ ഒ​രു​ക്കി​യി​ട്ടു​ള്ള​ത്. ഗൂ​ഗി​ൾ എ​ന്നെ​ഴു​തി​യ ഓ​രോ അ​ക്ഷ​ര​ത്തി​ലും ഇ​ഡ​ലി​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ മ​നോ​ഹ​ര​മാ​യി കോ​ർ​ത്തി​ണ​ക്കി​യി​രി​ക്കു​ന്നു. ആ​ദ്യ​ത്തെ G ഇ​ഡ​ലി​യു​ടെ പ്ര​ധാ​ന ചേ​രു​വ​യാ​യ അ​രി ധാ​ന്യ​ങ്ങ​ളെ​യാ​ണ് സൂ​ചി​പ്പി​ക്കു​ന്ന​ത്.

ഒ​രു പാ​ത്ര​ത്തി​ലെ വെ​ളു​ത്ത മാ​വും, പ​ര​മ്പ​രാ​ഗ​ത ചെ​മ്പി​ലെ ഇ​ഡ​ലി മാ​വും O അ​ക്ഷ​ര​ങ്ങ​ളി​ലൂ​ടെ കാ​ണി​ക്കു​ന്നു. വേ​വി​ച്ചെ​ടു​ത്ത ഇ​ഡ​ലി​ക​ൾ അ​ടു​ത്ത G ആ​യി മാ​റു​ന്നു, വി​വി​ധ​ത​രം ച​ട്ണി​ക​ൾ L ന്‍റെ രൂ​പം ന​ൽ​കു​ന്നു, കൂ​ടാ​തെ E ഒ​രു സൈ​ഡ് ഡി​ഷി​നെ പ്ര​തി​നി​ധീ​ക​രി​ക്കു​ന്ന രീ​തി​യി​ലാ​ണ് ക്ര​മീ​ക​രി​ച്ചി​രി​ക്കു​ന്ന​ത്.

ഇ​ഡ​ലി​യു​ടെ ഉ​ത്ഭ​വ​ത്തെ​ക്കു​റി​ച്ചു​ള്ള കൃ​ത്യ​മാ​യ വി​വ​ര​ങ്ങ​ൾ ഇ​പ്പോ​ഴും അ​വ്യ​ക്ത​മാ​ണ്. നി​ര​വ​ധി ക​ഥ​ക​ളും സി​ദ്ധാ​ന്ത​ങ്ങ​ളു​മാ​ണ് ഈ ​വി​ഭ​വ​ത്തി​ന്‍റെ പി​റ​വി​യു​മാ​യി ബ​ന്ധ​പ്പെ​ട്ട് നി​ല​നി​ൽ​ക്കു​ന്ന​ത്. ഇ​ഡ​ലി ഇ​ന്ത്യ​യി​ലെ​ത്തി​യ​ത് ഇ​ന്തോ​നേ​ഷ്യ​യി​ൽ നി​ന്നാ​യി​രി​ക്കാ​മെ​ന്നാ​ണ് ഭ​ക്ഷ​ണ ച​രി​ത്ര​കാ​ര​നാ​യ കെ.​ടി. അ​ച്ചാ​യ​യെ​പ്പോ​ലു​ള്ള​വ​ർ അ​ഭി​പ്രാ​യ​പ്പെ​ടു​ന്ന​ത്.

ഇ​ന്തോ​നേ​ഷ്യ​യി​ലെ "കെ​ഡി' എ​ന്ന വി​ഭ​വ​ത്തി​ന്‍റെ ആ​ദ്യ​രൂ​പ​മാ​ണ് ഇ​ന്ത്യ​ൻ ഇ​ഡ​ലി​യാ​യി പ​രി​ണ​മി​ച്ച​ത്. പ​ണ്ടു​കാ​ല​ത്തു​ണ്ടാ​യി​രു​ന്ന വ്യാ​പാ​ര ബ​ന്ധ​ങ്ങ​ളി​ലൂ​ടെ​യോ, ക​പ്പ​ലു​ക​ളി​ലെ പാ​ച​ക​ക്കാ​ർ വ​ഴി ല​ഭി​ച്ച പാ​ച​ക​രീ​തി​യി​ലൂ​ടെ​യോ ആ​വാം ഈ ​വി​ഭ​വം ദ​ക്ഷി​ണേ​ന്ത്യ​യി​ൽ പ്ര​ചാ​ര​ത്തി​ലാ​യ​തെ​ന്നാ​ണ് ഈ ​സി​ദ്ധാ​ന്തം അ​നു​മാ​നി​ക്കു​ന്ന​ത്.




ദ​ക്ഷി​ണേ​ന്ത്യ​ൻ തീ​ര​ങ്ങ​ളി​ൽ എ​ത്തി​ച്ചേ​ർ​ന്ന അ​റ​ബ് വ്യാ​പാ​രി​ക​ൾ​ക്ക് ഈ ​വി​ഭ​വം ഉ​ണ്ടാ​ക്കു​ന്ന​തി​ൽ പ​ങ്കു​ണ്ടെ​ന്നാ​ണ് മ​റ്റൊ​രു നി​ഗ​മ​നം. എ​ല്ലാ​യ്പ്പോ​ഴും ഹ​ലാ​ൽ ഭ​ക്ഷ​ണം ല​ഭ്യ​മാ​കാ​ത്ത സാ​ഹ​ച​ര്യ​ത്തി​ൽ അ​വ​ർ തേ​ങ്ങാ​ച്ച​മ്മ​ന്തി​ക്കൊ​പ്പം ആ​വി​യി​ൽ വേ​വി​ച്ചെ​ടു​ത്ത അ​രി​യു​ണ്ട​ക​ൾ ക​ഴി​ക്കാ​ൻ തു​ട​ങ്ങി. ഇ​ത് ഇ​ഡ​ലി​യു​ടെ രൂ​പീ​ക​ര​ണ​ത്തി​ന് കാ​ര​ണ​മാ​യി.

ഭ​ക്ഷ്യ ച​രി​ത്ര​കാ​ര​നാ​യ കു​രു​ഷ് ദ​ലാ​ൽ പ​റ​യു​ന്ന​ത്, ദ​ക്ഷി​ണേ​ന്ത്യ​യി​ൽ ഏ​ക​ദേ​ശം മൂ​വാ​യി​രം വ​ർ​ഷ​ത്തെ പ​ഴ​ക്കം മാ​ത്ര​മേ അ​രി കൃ​ഷി​ക്കു​ള്ളൂ എ​ന്നാ​ണ്. അ​തി​നാ​ൽ അ​രി പ്ര​ധാ​ന ചേ​രു​വ​യാ​യ ഇ​ഡ​ലി​ക്ക് അ​തി​നേ​ക്കാ​ൾ പ​ഴ​ക്കം ഉ​ണ്ടാ​വാ​ൻ സാ​ധ്യ​ത​യി​ല്ല. അ​രി​മാ​വ് പു​ളി​പ്പി​ച്ച് ആ​വി​യി​ൽ വേ​വി​ച്ചെ​ടു​ക്കു​ന്ന രീ​തി പി​ന്നീ​ട് വി​ക​സി​ച്ചു വ​ന്ന​താ​ണെ​ന്ന കാ​ര്യ​വും അ​ദ്ദേ​ഹം കൂ​ട്ടി​ച്ചേ​ർ​ത്തു.

അ​തു​കൊ​ണ്ടു ത​ന്നെ, ഇ​ന്ന് നാം ​ക​ഴി​ക്കു​ന്ന രൂ​പ​ത്തി​ലു​ള്ള ഈ ​വി​ഭ​വം നി​ല​വി​ൽ വ​ന്നി​ട്ട് അ​ത്ര​യേ​റെ കാ​ല​മാ​യി​ട്ടി​ല്ലെ​ന്നും അ​ദ്ദേ​ഹം പ​റ​യു​ന്നു. എ​ന്തു​ത​ന്നെ​യാ​യാ​ലും ല​ഘു​വാ​യ​തും പോ​ഷ​ക​ഗു​ണ​ങ്ങ​ളു​ള്ള​തു​മാ​യ ഇ​ഡ​ലി ഇ​ന്ന് ലോ​ക​മെ​മ്പാ​ടു​മു​ള്ള ഭ​ക്ഷ​ണ​പ്രേ​മി​ക​ളു​ടെ പ്ര​ഭാ​ത​ഭ​ക്ഷ​ണ പ​ട്ടി​ക​യി​ൽ ഒ​രു സ്ഥി​രം താ​ര​മാ​യി മാ​റി​യി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.