"പ്ര​തി​ഷേ​ധം ഒ​രു ക​ല​യാ​ണ്'; ന്യൂ​സി​ല​ന്‍​ഡി​ലെ ഏ​റ്റ​വും പ്രാ​യംകു​റ​ഞ്ഞ എം​പി പറയുന്നത്
Friday, November 15, 2024 11:36 AM IST
ന​മ്മു​ടെ പാ​ര്‍​ല​മെന്‍റിലും നി​യ​മ​സ​ഭ​യി​ലും അ​ര​ങ്ങേ​റു​ന്ന കോ​ലാ​ഹ​ല​ങ്ങ​ള്‍ മി​ക്ക​വ​രും കാ​ണാ​റു​ണ്ട​ല്ലൊ. ഭ​ര​ണ-​പ്ര​തി​പ​ക്ഷാം​ഗ​ങ്ങ​ള്‍ വാ​ഗ്വാ​ദ​ങ്ങ​ളാ​ല്‍ സ​ഭ​യെ പ്ര​ക്ഷു​ബ്ധ​മാ​ക്കാ​റു​ണ്ട്. ചി​ല അ​വ​സ​ര​ങ്ങ​ളി​ല്‍ കാ​ര്യ​ങ്ങ​ള്‍ കൈ​വി​ട്ട് പോ​വു​ക​യും വാ​ച്ച് ആ​ന്‍​ഡ് വാ​ര്‍​ഡു​ക​ള്‍ ഇ​ട​പെ​ടു​ക​യു​മൊ​ക്കെ ചെ​യ്യും.

എ​ന്നാ​ല്‍ ഇ​ത്ത​രം പ്ര​തി​ഷേ​ധ​ങ്ങ​ള്‍ ന​മ്മു​ടെ നാ​ട്ടി​ല്‍ മാ​ത്ര​മ​ല്ല ലോ​ക​ത്തെ പ​ല പാ​ര്‍​ല​മെ​ന്‍റുക​ളി​ലും ന​ട​ക്കാ​റു​ണ്ട്. അ​ടു​ത്തി​ടെ ന്യൂ​സി​ല​ന്‍ഡ് പാ​ര്‍​ല​മെ​ന്‍റി​ല്‍ അ​ര​ങ്ങേ​റി​യ പ്ര​തി​ഷേ​ധം ലോ​ക​ത്തി​ന്‍റെ ശ്രദ്ധ ക​വ​ര്‍​ന്നി​രു​ന്നു. അ​തി​നു കാ​ര​ണം അ​വി​ടു​ത്തെ യു​വ എം​പി​യാ​ണ്.

ന്യൂ​സി​ല​ന്‍​ഡി​ലെ ഏ​റ്റ​വും പ്രാ​യം കു​റ​ഞ്ഞ എം​പി​യാ​ണ് ഹ​ന-​റൗ​ഹി​തി മൈ​പി-​ക്ലാ​ര്‍​ക്ക്. 22 കാ​രി​യാ​യ ഇ​വ​ര്‍​ക്ക് നി​ര​വ​ധി ആ​രാ​ധ​ക​രാ​ണു​ള്ള​ത്. എം​പി​യാ​യി സ​ത്യ​പ്ര​തി​ജ്ഞ ചെ​യ്ത​തി​ന് ശേ​ഷ​മു​ള്ള ആ​ദ്യ പ്ര​സം​ഗ​ത്തി​നി​ടെ ഹ​ന ന​ട​ത്തി​യ നൃ​ത്തം അ​ന്ന് വ​ലി​യ ശ്ര​ദ്ധ​നേ​ടി​യി​രു​ന്നു.

ഇ​പ്പോ​ഴി​താ ത​ന്‍റെ പ്ര​തി​ഷേ​ധ​പ്ര​ക​ട​ന​ത്തി​നി​ടെ പാ​ര്‍​ല​മെ​ന്‍റി​ല്‍ ഹ​ക്ക നൃ​ത്തം അ​വ​ത​രി​പ്പി​ച്ചി​രി​ക്കു​ക​യാ​ണ് യു​വ​തി. ബ്രി​ട്ടീ​ഷ് കി​രീ​ട​വും മാ​വോ​റി ജ​ന​ത​യും ത​മ്മി​ലു​ള്ള 184 വ​ര്‍​ഷം പ​ഴ​ക്ക​മു​ള്ള ഉ​ട​മ്പ​ടി​യു​ടെ വ്യാ​ഖ്യാ​ന​ത്തി​ല്‍ മാ​റ്റം വ​രു​ത്ത​ണ​മെ​ന്ന് ആ​വ​ശ്യ​പ്പെ​ട്ടു​ള്ള ബി​ല്ലി​നെ​തി​രെ​യാ​ണ് ഹ​ന പ്ര​തി​ഷേ​ധി​ച്ച​ത്.

ബി​ല്‍ കീ​റി​യെ​റി​ഞ്ഞ അ​വ​ര്‍ തന്‍റെ ഇ​രി​പ്പി​ട​ത്തി​ല്‍ നി​ന്ന് എ​ഴു​ന്നേ​റ്റു​കൊ​ണ്ടാ​ണ് "ഹ​ക്ക വാ​ര്‍ ക്രൈ' ​നൃ​ത്തം അ​വ​ത​രി​പ്പി​ച്ച​ത്. കാ​ലു​ക​ള്‍ ച​വി​ട്ടി, മു​ഷ്ടി ചു​രു​ട്ടി, ദേ​ഷ്യ​പ്പെ​ട്ട മു​ഖ​ഭാ​വ​ങ്ങ​ള്‍ പ്ര​ക​ടി​പ്പി​ച്ചു​കൊ​ണ്ട് പ​ര​മ്പ​രാ​ഗ​ത ഹ​ക്ക നൃ​ത്ത​ച്ചു​വ​ടു​ക​ള്‍ പ്ര​ദ​ര്‍​ശി​പ്പി​ച്ചു.

ഹ​ന​യ്‌​ക്കൊ​പ്പം മ​റ്റ് എം​പി​മാ​രും നൃ​ത്തം ചെ​യ്യാ​ന്‍ എ​ത്തി. അ​വ​രി​ലൊ​രാ​ള്‍ വ​ള​രെ ആ​വേ​ശ​ഭ​രി​ത​നാ​യി​ട്ടാ​ണ് ചു​വ​ടു​വ​ച്ച​ത്. വെ​ല്ലു​വി​ളി​യു​ടെ താ​ളാ​ത്മ​ക​മാ​യ മാ​വോ​റി മ​ന്ത്രോ​ച്ചാ​ര​ണ​മാ​യി ഹ​ന ഹ​ക്ക ആ​രം​ഭി​ച്ച​പ്പോ​ള്‍, അ​വ​ളു​ടെ പാ​ര്‍​ട്ടി അം​ഗ​ങ്ങ​ള്‍ മാ​ത്ര​മ​ല്ല, പൊ​തു ഗ്യാ​ല​റി​യി​ല്‍ നി​ന്ന് സെ​ഷ​ന് സാ​ക്ഷ്യം വ​ഹി​ക്കു​ന്ന കാ​ണി​ക​ളും ഒ​പ്പം ചേ​ര്‍​ന്നു.

ഇ​തേ​ത്തു​ട​ര്‍​ന്ന്, വി​വാ​ദ ബി​ല്ലി​ന് വേ​ണ്ടി വോ​ട്ട് ചെ​യ്യാ​ന്‍ ല​ക്ഷ്യ​മി​ട്ടു​ള്ള പാ​ര്‍​ല​മെന്‍റ് സ​മ്മേ​ള​നം താ​ത്​കാലി​ക​മാ​യി നി​ര്‍​ത്തി​വ​ച്ചു. വി​വി​ധ സോ​ഷ്യ​ല്‍ മീ​ഡി​യ പ്ലാ​റ്റ്ഫോ​മു​ക​ള്‍ വ​ഴി ഇ​തി​ന്‍റെ ദൃ​ശ്യ​ങ്ങ​ള്‍ ലോ​ക​മെ​മ്പാ​ടും എ​ത്തി. "പ്ര​തി​ഷേ​ധ​ത്തി​ലും ക​ലാ​കാ​രി' എ​ന്നാ​ണൊ​രാ​ള്‍ കു​റി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.