Cinema
ചാരക്കേസിന്‍റെ പുനര്‍വായനയോ, ശാസ്ത്രജ്ഞന്‍റെ ആത്മകഥയോ?
Saturday, July 2, 2022 3:56 PM IST
ന​മ്പി നാ​രാ​യ​ണ​ന്‍റെ ജീ​വി​ത​വും വി​ഖ്യാ​ത​മാ​യ ഐ​എ​സ്ആ​ര്‍​ഒ ചാ​ര​ക്കേ​സി​ന്‍റെ ഭാ​ഗി​ക​മാ​യ ച​രി​ത്ര​വും അ​വ​ത​രി​പ്പി​ക്കു​ന്ന "റോ​ക്ക​ട്രി' എ​ന്ന ചിത്രം കാ​ഴ്ച​ക്കാ​ര​ന് മോ​ശ​മ​ല്ലാ​ത്ത തി​യേ​റ്റ​ര്‍ അ​നു​ഭ​വ​മാ​യി​രി​ക്കും. ആ​രെ​യും അ​ല്‍​പ്പ​മൊ​ന്ന് വേ​ദ​നി​പ്പി​ക്കു​ന്ന​തും ഹ​രം​കൊ​ള്ളി​ക്കു​ന്ന​തു​മാ​യ നി​ര​വ​ധി മു​ഹൂ​ര്‍​ത്ത​ങ്ങ​ളി​ലൂ​ടെ ച​ല​ച്ചി​ത്രം ക​ട​ന്നു​പോ​കു​ന്നു​ണ്ട്.

ഒ​രു സ​മ​ര്‍​ഥനാ​യ ശാ​സ്ത്ര​ജ്ഞ​ന്‍റെ നേ​ട്ട​ങ്ങ​ളു​ടെ വി​വി​ധ ഘ​ട്ട​ങ്ങ​ള്‍ ഒ​രു രാ​ജ്യ​ത്തി​ന്‍റെ നേ​ട്ട​ങ്ങ​ള്‍ ത​ന്നെ​യാ​കു​ന്ന കാ​ഴ്ച അ​ഭി​മാ​ന​ക​ര​മാ​ണ്. പ​ല​തും ഉ​പേ​ക്ഷി​ച്ച് രാ​ജ്യ​ത്തി​നു​ വേ​ണ്ടി ജീ​വി​ക്കാ​ന്‍ തീ​രു​മാ​നി​ച്ച ഒ​രു വ്യ​ക്തി​ത്വ​മാ​യാ​ണ് നാ​യ​ക ക​ഥാ​പാ​ത്ര​മാ​യ ന​മ്പി നാ​രാ​യ​ണ​ന്‍ സി​നി​മ​യി​ല്‍ അ​വ​ത​രി​പ്പി​ക്ക​പ്പെ​ടു​ന്ന​ത്.

ഇ​ന്ത്യ​ ക​ണ്ട ഏ​റ്റ​വും മി​ക​ച്ച ശാ​സ്ത്ര​ജ്ഞ​ന്‍

വി​ക്രം സാ​രാ​ഭാ​യി​യു​ടെ ഏ​റ്റ​വും സ​മ​ര്‍​ഥ​നാ​യ ശി​ഷ്യ​ന്‍, എ.​പി.​ജെ. അ​ബ്ദു​ള്‍​ക​ലാ​മി​നെ​ക്കാ​ള്‍ മി​ടു​ക്ക​നാ​യ അ​ദ്ദേ​ഹ​ത്തി​ന്‍റെ സ​ഹ​പ്ര​വ​ര്‍​ത്ത​ക​ന്‍, നാ​സ​യി​ലേ​ക്കു​ള്ള ക്ഷ​ണം സം​ശ​യ​മി​ല്ലാ​തെ ത​ട്ടി​ത്തെ​റി​പ്പി​ച്ച​യാ​ള്‍, 52 ശാ​സ്ത്ര​ജ്ഞ​ന്മാ​രെ നി​യോ​ഗി​ച്ച് ഫ്രാ​ന്‍​സി​ന്‍റെ ലി​ക്വി​ഡ് പ്രൊ​പ്പ​ല്‍​ഷ​ന്‍ സാ​ങ്കേ​തി​ക​വി​ദ്യ സ​മ​ര്‍​ഥ​മാ​യി "അ​ടി​ച്ചു​മാ​റ്റാ​ന്‍' നേ​തൃ​ത്വം കൊ​ടു​ത്ത ബു​ദ്ധി​രാ​ക്ഷ​സ​ന്‍, അ​മേ​രി​ക്ക​യു​ടെ യു​ദ്ധ​ഭീ​ഷ​ണി നി​ല​നി​ല്‍​ക്കു​മ്പോ​ള്‍ അ​തി​സാ​ഹ​സി​ക​മാ​യി റ​ഷ്യ​യി​ല്‍​നി​ന്നും ക്ര​യോ​ജ​നി​ക് എ​ന്‍​ജി​ന്‍ ക​ട​ത്തി​ക്കൊ​ണ്ടു​വ​ന്ന​യാ​ള്‍, എ​ന്നി​ങ്ങ​നെ ശ​ക്ത​മാ​യ ഒ​രു നാ​യ​ക പ​രി​വേ​ഷ​മാ​ണ് ഈ ​സി​നി​മ​യി​ല്‍ ആ​ദ്യ​ന്തം ന​മ്പി നാ​രാ​യ​ണ​ന് ഉ​ള്ള​ത്.



ഇ​ന്ത്യ​യു​ടെ പ​രാ​ധീ​ന​ത​ക​ള്‍​ക്കും പ​രി​മി​തി​ക​ള്‍​ക്കും ഇ​ട​യി​ലും റോ​ക്ക​ട്രി​യി​ല്‍ വ​ലി​യ നേ​ട്ട​ങ്ങ​ള്‍ കൈ​വ​രി​ക്കാ​ന്‍ ക​ഴി​ഞ്ഞ​തി​ന് പി​ന്നി​ലെ പ്ര​ധാ​ന ക​ര​ങ്ങ​ള്‍ ന​മ്പി നാ​രാ​യ​ണ​ന്‍റേ​താ​ണ് എ​ന്നാ​ണ് സി​നി​മ സ്ഥാ​പി​ക്കു​ന്ന​ത്. ഇ​ന്ത്യ​യു​ടെ അ​ഭി​മാ​ന​മാ​യ വി​കാ​സ് എ​ന്ന ലി​ക്വി​ഡ് പ്രൊ​പ്പ​ല്‍​ഷ​ന്‍ എ​ന്‍​ജി​ന്‍റെ നി​ര്‍​മാ​ണ​വും അ​തി​ന്‍റെ വി​ജ​യ​വു​മെ​ല്ലാം ന​മ്പി നാ​രാ​യ​ണ​ന്‍റെ നേ​ട്ട​മാ​യാ​ണ് അ​വ​ത​രി​പ്പി​ക്ക​പ്പെ​ട്ടി​രി​ക്കു​ന്ന​ത്.

വി​കാ​സ് എ​ന്ന പേ​ര് എ​ന്‍​ജി​ന് ന​ല്‍​കു​ന്ന​തും അ​ദ്ദേ​ഹ​മാ​ണെ​ന്ന് പ​റ​ഞ്ഞു​വ​യ്ക്കു​ന്നു. ചിത്ര​ത്തി​ന്‍റെ സിം​ഹ​ഭാ​ഗ​വും ഒ​രു ശാ​സ്ത്ര​ജ്ഞ​ന്‍ എ​ന്ന നി​ല​യി​ല്‍ സ​മാ​ന​ത​ക​ളി​ല്ലാ​ത്ത നേ​ട്ട​ങ്ങ​ള്‍ ക​ര​സ്ഥ​മാ​ക്കി​യ വ​ലി​യ ഭാ​വി മു​ന്നി​ല്‍ അ​വ​ശേ​ഷി​ച്ചി​രു​ന്ന ഒ​രു ശാ​സ്ത്ര​ജ്ഞ​ന്‍റെ ജീ​വി​ത​ത്തെ​യും വി​ജ​യ​ക​ഥ​യെ​യും വ​ര​ച്ചു​കാ​ണി​ക്കാ​നാ​ണ് ഉ​പ​യോ​ഗി​ച്ചി​രി​ക്കു​ന്ന​ത്.

ന​മ്പി നാ​രാ​യ​ണ​ന്‍ എ​ന്ന ശാ​സ്ത്ര​ജ്ഞ​ന്‍ ഐ​എ​സ്ആ​ര്‍​ഒ​യു​ടെ ച​രി​ത്ര​ത്തി​ല്‍ ഇ​ടം ​നേ​ടി​യ വ്യ​ക്തി​ത്വ​മാ​ണെ​ന്ന് നി​സം​ശ​യം പ​റ​യാ​മെ​ങ്കി​ലും ഐ​എ​സ​ആ​ര്‍​ഒ​യു​ടെ ച​രി​ത്രം ഒ​രു ഘ​ട്ട​ത്തി​ല്‍ ഇ​ദ്ദേ​ഹം തെ​ളി​ച്ച വ​ഴി​ക​ളി​ലൂ​ടെ മാ​ത്ര​മാ​ണോ സ​ഞ്ച​രി​ച്ചി​രു​ന്ന​ത് എ​ന്നു​ള്ള​ത് കൂ​ടു​ത​ല്‍ പ​ഠ​ന​വും അ​ന്വേ​ഷ​ണ​വും ആ​വ​ശ്യ​മാ​യ വി​ഷ​യ​മാ​ണ്.

ഈ ​ഒ​രു ശാ​സ്ത്ര​ജ്ഞ​ന്‍ ഉ​ണ്ടാ​യി​രു​ന്നി​ല്ലെ​ങ്കി​ല്‍ ഇ​ന്ത്യ​ന്‍ റോ​ക്ക​ട്രി​യു​ടെ വ​ള​ര്‍​ച്ച മ​റ്റൊ​രു​ വി​ധ​ത്തി​ലും അ​പ​ര്യാ​പ്ത​മാ​യ രീ​തി​യി​ലും ആ​യി​രു​ന്നേ​നെ എ​ന്നൊ​രു ആ​ശ​യം ചി​ത്രം പ​റ​ഞ്ഞു​വ​യ്ക്കു​ന്ന​ത് സം​ശ​യ​ക​ര​മാ​ണ്.



ച​രി​ത്രം സി​നി​മ​യാ​കു​മ്പോ​ള്‍

ച​രി​ത്രം സി​നി​മ​യാ​യി മാ​റു​മ്പോ​ള്‍ യ​ഥാ​ര്‍​ഥ ച​രി​ത്ര​ത്തോ​ട് നീ​തി​പു​ല​ര്‍​ത്താ​തെ പോ​കു​ന്ന അ​നു​ഭ​വ​ങ്ങ​ള്‍ ഇ​ന്ത്യ​ന്‍ സി​നി​മ​യി​ല്‍ പ​തി​വാ​ണ്. അ​ത്ത​ര​ത്തി​ല്‍ അ​ല്‍​പ്പം വി​മ​ര്‍​ശ​ന ബു​ദ്ധി​യോ​ടെ ചി​ന്തി​ച്ചാ​ല്‍ ഐ​എ​സ്ആ​ര്‍​ഒ ചാ​ര​ക്കേ​സ് സം​ബ​ന്ധി​ച്ച ചി​ല യാ​ഥാ​ര്‍​ഥ്യ​ങ്ങ​ളെ ഈ ​ച​ല​ച്ചി​ത്രം ത​മ​സ്‌​ക​രി​ക്കു​ക​യും കു​റെ​യേ​റെ അ​വാ​സ്ത​വ​ങ്ങ​ള്‍ പ​റ​ഞ്ഞു​വ​യ്ക്കു​ക​യും ചെ​യ്തി​രി​ക്കു​ന്ന​ത് നീ​തി​കേ​ടാ​ണ് എ​ന്ന് പ​റ​യേ​ണ്ട​താ​യി​വ​രും.

യ​ഥാ​ര്‍​ഥ സം​ഭ​വ​ങ്ങ​ള്‍​ക്ക് പ​ക​രം മ​റ്റൊ​രു ആ​ഖ്യാ​നം പൊ​തു​സ​മൂ​ഹ​ത്തി​ല്‍ ​അ​ടി​വ​ര​യി​ട്ടു​റ​പ്പി​ക്കാ​ന്‍ ചിത്രം ബോ​ധ​പൂ​ര്‍​വ​മാ​യി ശ്ര​മി​ച്ചി​ട്ടു​ണ്ട് എ​ന്നേ ക​രു​ത്താ​നാ​വൂ. ഒ​ട്ടേ​റെ രേ​ഖ​ക​ളും എ​ഴു​ത​പ്പെ​ട്ട ച​രി​ത്ര​ങ്ങ​ളും വേ​റെ​യു​മു​ണ്ടാ​യി​രി​ക്കെ, തി​ക​ച്ചും ഏ​ക​പ​ക്ഷീ​യ​മാ​യ ഒ​രു ആ​ഖ്യാ​നം വ്യ​ക്ത​മാ​ക്കു​ന്ന​ത് അ​താ​ണ്.

യാ​തൊ​രു​വി​ധ മു​ന്ന​റി​യി​പ്പു​ക​ളു​മി​ല്ലാ​തെ പെ​ട്ടെ​ന്നൊ​രു ദി​വ​സം ന​മ്പി നാ​രാ​യ​ണ​ന്‍ അ​റ​സ്റ്റ് ചെ​യ്യ​പ്പെ​ടു​ക​യും കു​ടും​ബ​ത്തോ​ടെ ആ​ക്ര​മി​ക്ക​പ്പെ​ടു​ക​യു​മാ​യി​രു​ന്നു എ​ന്നാ​ണ് സി​നി​മ​യി​ലെ അ​വ​ത​ര​ണം. യ​ഥാ​ര്‍​ഥ​ത്തി​ല്‍ സം​ഭ​വി​ച്ച​ത് മ​റ്റൊ​ന്നാ​ണ്.

മ​റി​യം റ​ഷീ​ദ​യും ഫൗ​സി​യ ഹ​സ​നും അ​റ​സ്റ്റ് ചെ​യ്യ​പ്പെ​ടു​ന്ന​ത് 1994 ഒ​ക്ടോ​ബ​ര്‍ മാ​സ​ത്തി​ലാ​യി​രു​ന്നു. ആ​ഴ്ച​ക​ള്‍​ക്ക് ശേ​ഷം ന​വം​ബ​ര്‍ 21ന് ​ഐ​എ​സ്ആ​ര്‍​ഒ​യി​ലെ മ​റ്റൊ​രു ശാ​സ്ത്ര​ജ്ഞ​നാ​യ ശ​ശി​കു​മാ​ര്‍ അ​റ​സ്റ്റ് ചെ​യ്യ​പ്പെ​ടു​ന്നു.

അ​തി​നും ദി​വ​സ​ങ്ങ​ള്‍​ക്ക് ശേ​ഷ​മാ​ണ് ന​മ്പി നാ​രാ​യ​ണ​ന്‍ അ​റ​സ്റ്റി​ലാ​കു​ന്ന​ത്. ആ ​അ​റ​സ്റ്റ് അ​പ്ര​തീ​ക്ഷി​ത​മാ​യി​രു​ന്നി​ല്ല. യ​ഥാ​ര്‍​ഥ സം​ഭ​വം എ​ന്ന വ്യാ​ജേ​ന ഇ​ത്ത​ര​മൊ​രു സി​നി​മ​യി​ല്‍ അ​വ​ത​രി​പ്പി​ക്ക​പ്പെ​ടു​ന്ന​ത് വാ​സ്ത​വ​ വി​രു​ദ്ധ​മാ​ണ് എ​ന്നു​വ​രു​ന്ന​ത് ഉ​ള്‍​ക്കൊ​ള്ളാ​നാ​വാ​ത്ത കാ​ര്യ​മാ​ണ്.



തെ​ളി​വു​​ള്ള ചി​ല വാ​സ്ത​വ​ങ്ങ​ള്‍

ന​മ്പി നാ​രാ​യ​ണ​ന്‍ എ​ന്ന ശാ​സ്ത്ര​ജ്ഞ​ന്‍റെ ക​റ​യി​ല്ലാ​ത്ത രാ​ഷ്ട്രസേ​വ​ന​മാ​ണ് സി​നി​മ​യു​ടെ മു​ഖ്യ പ്ര​മേ​യം. ഐ​എ​സ്ആ​ര്‍​ഒ​യും റോ​ക്ക​ട്രി​യും വി​ട്ടു​ള്ള ഒ​രു ജീ​വി​ത​ത്തെ​ക്കു​റി​ച്ച് ചി​ന്തി​ക്കാ​ന്‍​ പോ​ലും സി​നി​മ​യി​ലെ ന​മ്പി നാ​രാ​യ​ണ​ന് ക​ഴി​യു​മാ​യി​രു​ന്നി​ല്ല.

എ​ന്നാ​ല്‍, യ​ഥാ​ര്‍​ഥ ജീ​വി​ത​ത്തി​ല്‍ ഈ ​ആ​ശ​യ​ത്തി​ന് വി​രു​ദ്ധ​മാ​യ ചി​ല സം​ഭ​വ​വി​കാ​സ​ങ്ങ​ള്‍ ഉ​ണ്ടാ​യി​ട്ടു​ണ്ട്. മ​റി​യം റ​ഷീ​ദ അ​റ​സ്റ്റ് ചെ​യ്യ​പ്പെ​ട്ട് പ​ത്താം ദി​വ​സം അ​താ​യ​ത്, 1994 ന​വം​ബ​ര്‍ ഒ​ന്നി​ന് (അ​റ​സ്റ്റ് ചെ​യ്യ​പ്പെ​ടു​ന്ന​തി​ന് മു​മ്പ്) ന​മ്പി നാ​രാ​യ​ണ​ന്‍ വോ​ള​ന്‍ററി റി​ട്ട​യ​ര്‍​മെ​ന്‍റിന് നോ​ട്ടീ​സ് ന​ല്‍​കി​യി​രു​ന്നു.

മൂ​ന്നു മാ​സ​ത്തെ നോ​ട്ടീ​സ് പി​രീ​ഡ് ഒ​ഴി​വാ​ക്കി ത​ര​ണ​മെ​ന്നും, ന​വം​ബ​ര്‍ 11-ന് ​വിരമിക്കാൻ ത​ന്നെ അ​നു​വ​ദി​ക്ക​ണ​മെ​ന്നു​മാ​ണ് അ​ദ്ദേ​ഹം ഐ​എ​സ്ആ​ര്‍​ഒ ചെ​യ​ര്‍​മാ​ന്‍ മു​ത്തു​നാ​യ​ക​ത്തി​ന് രേ​ഖാ​മൂ​ലം ന​ല്‍​കി​യ അ​പേ​ക്ഷ​യി​ലു​ള്ള​ത്. ചാ​ര​ക്കേ​സി​ല്‍ താ​ന്‍ പ്ര​തി​ചേ​ര്‍​ക്ക​പ്പെ​ടു​ന്ന​തി​ന് മു​മ്പ് ത​ന്നെ ഐ​എ​സ്ആ​ര്‍​ഒ​യി​ലെ ജോ​ലി ഉ​പേ​ക്ഷി​ക്കാ​ന്‍ അ​ദ്ദേ​ഹം തീ​രു​മാ​നി​ച്ചി​രു​ന്ന​ത് സി​നി​മ​യി​ലെ ആ​ഖ്യാ​ന​ത്തി​ന് തി​ക​ച്ചും വി​രു​ദ്ധ​മാ​ണ്.

ഭാ​വി​യി​ല്‍ ഐ​എ​സ്ആ​ര്‍​ഒ ചെ​യ​ര്‍​മാ​ന്‍ ആ​കു​മെ​ന്ന് എ​ല്ലാ​വ​രും ഉ​റ​പ്പി​ച്ചി​രു​ന്ന ഒ​രു പ്ര​തി​ഭ​യാ​യി​രു​ന്നു ന​മ്പി നാ​രാ​യ​ണ​ന്‍ എ​ന്ന വാ​ദം സി​നി​മ​യി​ല്‍ അ​ടി​വ​ര​യി​ട്ട് ഉ​റ​പ്പി​ക്കു​ന്നു​ണ്ട്. അ​ത്ത​ര​മൊ​രു വ്യ​ക്തി​യു​ടെ ഭാ​വി ത​ക​ര്‍​ത്തു എ​ന്നു​ള്ള​താ​ണ​ല്ലോ പി​ന്നീ​ടു​ണ്ടാ​യ എ​ല്ലാ വി​വാ​ദ​ങ്ങ​ള്‍​ക്കും അ​ടി​സ്ഥാ​ന​വും ഈ ചി​ത്ര​ത്തി​ന്‍റെ ത​ന്നെ പ്ര​മേ​യ​വും.

'റെ​ഡി റ്റു ​ഫ​യ​ര്‍' എ​ന്ന ത​ന്‍റെ ആ​ത്മ​ക​ഥ​യി​ല്‍ 1993-ല്‍ ​ത​ന്നെ ഐ​എ​സ്ആ​ര്‍​ഒ​യി​ലെ ജോ​ലി ഉ​പേ​ക്ഷി​ക്കാ​ന്‍ താ​ന്‍ ചി​ന്തി​ച്ചി​രു​ന്ന​താ​യി ന​മ്പി നാ​രാ​യ​ണ​ന്‍ വ്യ​ക്ത​മാ​യി എ​ഴു​തി​യി​ട്ടു​ണ്ട്. മു​ത്തു​നാ​യ​കം ഐ​എ​സ്ആ​ര്‍​ഒ ചെ​യ​ര്‍​മാ​ന്‍ ആ​കു​ന്ന പ​ക്ഷം ത​ന്‍റെ ഭാ​വി അ​നി​ശ്ചി​ത​ത്വ​ത്തി​ല്‍ ആ​കു​മെ​ന്ന കാ​ര​ണ​മാ​ണ് അ​ത്ത​ര​മൊ​രു ചി​ന്ത​യ്ക്ക് അ​ടി​സ്ഥാ​ന​മാ​യി അ​ദ്ദേ​ഹം പ​റ​ഞ്ഞു​വ​യ്ക്കു​ന്ന​ത്.

ര​ണ്ടു സാ​ധ്യ​ത​ക​ളെ​ക്കു​റി​ച്ചാ​ണ് താ​ന്‍ ചി​ന്തി​ച്ചി​രു​ന്ന​ത് എ​ന്നും പ​റ​യു​ന്നു​ണ്ട്. ഒ​ന്ന്, അ​മേ​രി​ക്ക​യി​ലെ ജോ​ലി​സാ​ധ്യ​ത അ​ന്വേ​ഷി​ക്കു​ക. ര​ണ്ട്, കു​ര്യ​ന്‍ ക​ള​ത്തി​ല്‍ എ​ന്ന സു​ഹൃ​ത്തി​നൊ​പ്പം അ​ദ്ദേ​ഹ​ത്തി​ന്‍റെ ബി​സി​ന​സു​ക​ളി​ല്‍ പ​ങ്കാ​ളി​യാ​വു​ക.

റോ​ക്ക​റ്റ് സ​യ​ന്‍​സ് ത​ന്നെ ഉ​പേ​ക്ഷി​ക്കാ​ന്‍ ഈ ​വി​വാ​ദ​ങ്ങ​ളെ​ല്ലാം ഉ​ട​ലെ​ടു​ക്കു​ന്ന​തി​ന് മു​മ്പ് ത​ന്നെ തീ​രു​മാ​ന​മെ​ടു​ക്കു​ക​യും പി​റ്റേ വ​ര്‍​ഷം വോ​ള​ന്‍റ​റി റി​ട്ട​യ​ര്‍​മെ​ന്‍റ് എ​ടു​ക്കു​ക​യും ചെ​യ്ത ഒ​രു വ്യ​ക്തി​യാ​ണ് ന​മ്പി നാ​രാ​യ​ണ​ന്‍ എ​ന്ന​ത് അ​ധി​കം ആ​ര്‍​ക്കു​മ​റി​യാ​ത്ത വാ​സ്ത​വ​മാ​ണ്.

സി​ബി​ഐ​യു​ടെ കേ​സ് അ​ന്വേ​ഷ​ണം

ചിത്രത്തിൽ സി​ബി​ഐ​ക്ക് ന​ല്ല പ​രി​വേ​ഷ​മാ​ണ് ലഭിച്ചിരിക്കുന്നത്.​ പോ​ലീ​സ് വ്യാ​ജ​മാ​യി കെ​ട്ടി​ച്ച​മ​ച്ച കേ​സ് പൊ​ളി​ച്ച​ടു​ക്കി ഹീ​റോ​യാ​വു​ക​യാ​ണ് സി​ബി​ഐ. ചി​ല വാ​സ്ത​വ​ങ്ങ​ള്‍ അ​വി​ടെ​യും വി​സ്മ​രി​ക്ക​പ്പെ​ടു​ക​യും വ​ള​ച്ചൊ​ടി​ക്ക​പ്പെ​ടു​ക​യും ചെ​യ്യു​ന്നു​ണ്ട്. കേ​സ് സി​ബി​ഐ​ക്ക് വി​ട​ണ​മെ​ന്ന ആ​വ​ശ്യം അ​ന്വേ​ഷ​ണ ചു​മ​ത​ല​യു​ണ്ടാ​യി​രു​ന്ന ഉ​ദ്യോ​ഗ​സ്ഥ​നാ​ണ് അ​ന്ന​ത്തെ ഡി​ജി​പി​ക്ക് മു​ന്നി​ല്‍ ഉ​ന്ന​യി​ച്ച​ത്.

വ​ലി​യ രാ​ഷ്ട്രീ​യ ​വി​വാ​ദ​മാ​യി ചാ​ര​ക്കേ​സ് വ​ള​ര്‍​ന്നി​രു​ന്ന​തി​നാ​ല്‍ ഉ​ട​ന്‍​ത​ന്നെ തീ​രു​മാ​ന​മു​ണ്ടാ​വു​ക​യും കേ​സ് അ​ന്വേ​ഷ​ണം സിബിഐ ഏ​റ്റെ​ടു​ക്കു​ക​യും ചെ​യ്തു. പി​ന്നീ​ട് ഒ​ന്ന​ര വ​ര്‍​ഷം അന്വേ​ഷ​ണം ന​ട​ത്തി​യാ​ണ് 1996 ഏ​പ്രി​ല്‍ മാ​സ​ത്തി​ല്‍ സി​ബി​ഐ റി​പ്പോ​ര്‍​ട്ട് ന​ല്‍​കി​യ​ത്.

ആ ​റി​പ്പോ​ര്‍​ട്ട് രാ​ഷ്ട്രീ​യ പ്രേ​രി​ത​മാ​യി​രു​ന്നു എ​ന്ന ആ​രോ​പ​ണം ശ​ക്ത​മാ​ണ്. ആ​രം​ഭം​ മു​ത​ല്‍ മു​ന്‍​ അ​ന്വേ​ഷ​ണ ഉ​ദ്യോ​ഗ​സ്ഥ​രെ പ്ര​തി​ക്കൂ​ട്ടി​ല്‍ നി​ര്‍​ത്തി​യു​ള്ള മാ​ധ്യ​മ​പ്ര​ചാ​ര​ണ​ങ്ങ​ള്‍ സി​ബി​ഐ ഉ​ദ്യോ​ഗ​സ്ഥ​ര്‍ ന​ട​ത്തി​യി​രു​ന്നു എ​ന്ന ആ​ക്ഷേ​പ​വു​മു​ണ്ട്.

സി​നി​മ അ​വ​ഗ​ണി​ച്ച വി​ഷ​യ​ങ്ങ​ള്‍

ഇ​ത്ത​രം വി​ഷ​യ​ങ്ങ​ളൊ​ന്നും വാ​സ്ത​വ​ത്തി​ല്‍ ചിത്രം പ​രാ​മ​ര്‍​ശി​ക്കു​ന്നി​ല്ല എ​ന്നു​ള്ള​ത് കൗ​തു​ക​ക​ര​മാ​ണ്. അ​ന്ന​ത്തെ അ​ന്വേ​ഷ​ണ ഉ​ദ്യോ​ഗ​സ്ഥ​നെ​തി​രെ പ​ര​സ്യ​മാ​യി പ​ല​ത​വ​ണ രം​ഗ​ത്തു വ​ന്നി​ട്ടു​ള്ള ന​മ്പി നാ​രാ​യ​ണ​ന്‍ സി​നി​മ​യി​ല്‍ ത​ന്നെ അ​റ​സ്റ്റ് ചെ​യ്ത ഉ​ദ്യോ​ഗ​സ്ഥ​നെ​യൊ​ഴി​കെ മ​റ്റാ​രെ​യും പേ​രെ​ടു​ത്ത് പ​റ​യു​ന്നി​ല്ല. ത​ങ്ങ​ള്‍ ആ​രെ​ന്നു വെ​ളി​പ്പെ​ടു​ത്താ​ത്ത ഒ​രു സം​ഘം അ​ദ്ദേ​ഹ​ത്തെ ക്രൂ​ര​മാ​യി മ​ര്‍​ദ്ദി​ക്കു​ന്ന​താ​യു​ള്ള സീ​നു​ക​ള്‍ സി​നി​മ​യി​ലു​ണ്ട്.

സി​ബി​ഐ​യും ന​മ്പി നാ​രാ​യ​ണ​ന്‍ ത​ന്നെ​യും ആ​രം​ഭം മു​ത​ല്‍ പ്ര​തി​ക്കൂ​ട്ടി​ല്‍ നി​ര്‍​ത്താ​ന്‍ മ​ത്സ​രി​ച്ച ഉ​ദ്യോ​ഗ​സ്ഥ​രെ തീ​രെ​യും പ​രാ​മ​ര്‍​ശി​ക്കാ​ത്ത​തി​ന് പി​ന്നി​ല്‍ ര​ണ്ടു കാ​ര​ണ​ങ്ങ​ള്‍ ഉ​ണ്ടാ​കാം. ഒ​ന്നു​കി​ല്‍ ഇ​പ്പോ​ഴും ന​ട​ന്നു​കൊ​ണ്ടി​രി​ക്കു​ന്ന കേ​സു​ക​ള്‍ മാ​നി​ച്ച് അ​ല്ലെ​ങ്കി​ല്‍ ത​ങ്ങ​ള്‍ ഉ​ന്ന​യി​ച്ചി​ട്ടു​ള്ള വാ​ദ​ങ്ങ​ളി​ല്‍ പൊ​രു​ത്ത​ക്കേ​ടു​ണ്ട് എ​ന്ന തി​രി​ച്ച​റി​വി​ല്‍.

ചി​ത്ര​ത്തി​ന്‍റെ ഒ​ടു​വി​ല്‍ ന​മ്പി നാ​രാ​യ​ണ​ന്‍ ത​ന്നെ നേ​രി​ട്ട് എത്തി പ​റ​യു​ന്ന ചി​ല വാ​ച​ക​ങ്ങ​ളു​ണ്ട്. ത​ന്നോ​ട് ചി​ല​ര്‍ ചെ​യ്ത​തൊ​ന്നും ക്ഷ​മി​ക്കാ​ന്‍ തയാറല്ല, കാ​ര​ണം ആ​രാ​ണ് ഇ​തി​ന്‍റെ പി​ന്നി​ല്‍ എ​ന്ന് അ​റി​യു​ന്ന​തു​വ​രെ മു​ന്നോ​ട്ടു​പോ​കും എ​ന്നാ​ണ് നിലപാട്. അ​മേ​രി​ക്ക​ന്‍ ഏ​ജ​ന്‍​സി​ക​ളെ​യും, രാ​ഷ്ട്രീ​യ​ക്കാ​രെ​യും സ​ഹ​പ്ര​വ​ര്‍​ത്ത​ക​രെ​യും വ​രെ സം​ശ​യ​മു​ന​യി​ല്‍ നി​ര്‍​ത്തു​ന്ന അ​ദ്ദേ​ഹം അ​വി​ടെ​യും ​പോ​ലീ​സി​ലെ ഉ​ന്ന​ത​ര്‍​ക്ക് നേ​രെ വി​ര​ല്‍​ചൂ​ണ്ടു​ന്നി​ല്ല.​സ് അ​ന്വേ​ഷി​ച്ചി​ട്ടും ചി​ല കാ​ര്യ​ങ്ങ​ള്‍ സി​ബി​ഐ​ക്ക് ക​ണ്ടെ​ത്താ​ന്‍ ക​ഴി​യാ​ത്ത​ത് വി​ചി​ത്ര​മാ​ണ്.

സി​ബി​ഐ റി​പ്പോ​ര്‍​ട്ടി​ലെ അ​വ്യ​ക്ത​ത​ക​ള്‍

വ​ലി​യ​മ​ല​യി​ലും തു​മ്പ​യി​ലു​മാ​യി ഐ​എ​സ്ആ​ര്‍​ഒ​യ്ക്ക് ര​ണ്ടു സ്റ്റേ​ഷ​നു​ക​ളാ​ണ് തി​രു​വ​ന​ന്ത​പു​രം ജി​ല്ല​യി​ല്‍ മാ​ത്ര​മാ​യു​ണ്ടാ​യി​രു​ന്ന​ത്. ര​ണ്ടി​ട​ത്തു​മാ​യി വ്യ​ത്യ​സ്ത വി​ഭാ​ഗ​ങ്ങ​ളി​ലാ​യി സ​യ​ന്‍റി​സ്റ്റ് ത​സ്തി​ക​യി​ല്‍ നാ​ലാ​യി​ര​ത്തോ​ളം ഉ​ദ്യോ​ഗ​സ്ഥ​ര്‍ ന​മ്പി നാ​രാ​യ​ണ​നെ​പ്പോ​ലെ ഉ​ണ്ടാ​യി​രു​ന്നു.

എ​ന്തു​കൊ​ണ്ടാ​ണ് ശ​ശി​കു​മാ​ര്‍, ന​മ്പി നാ​രാ​യ​ണ​ന്‍, എ​സ്.​കെ.ശ​ര്‍​മ തു​ട​ങ്ങി​യ ചി​ല​ര്‍ മാ​ത്ര​മാ​യി പ്ര​തി ചേ​ര്‍​ക്ക​പ്പെ​ട്ട​തെ​ന്നും തി​ക​ച്ചും വ്യാ​ജ​മാ​യി കെ​ട്ടി​ച്ച​മ​യ്ക്ക​പ്പെ​ട്ട കേ​സാ​യി​രു​ന്നു ഇ​തെ​ങ്കി​ല്‍ ആ​രു​ടെ വ്യ​ക്തി​വൈ​രാ​ഗ്യ​ത്തി​ന്‍റെ ഇ​ര​ക​ളാ​യി​രു​ന്നു ഇ​വ​രെ​ന്നും തു​ട​ങ്ങി പ്ര​സ​ക്ത​മാ​യ പ​ല ചോ​ദ്യ​ങ്ങ​ള്‍​ക്കും ഇ​ന്നും സി​ബി​ഐ​ക്ക് ഉ​ത്ത​ര​മി​ല്ല.

ഇ​ത്ത​രം പൊ​രു​ത്ത​ക്കേ​ടു​ക​ളും ​പോ​ലീ​സ് പ്ര​തി​യാ​കു​ന്ന സാ​ഹ​ച​ര്യ​വും തു​ട​ര്‍​ന്ന​തി​നാ​ലാ​ണ് ചാ​ര​ക്കേ​സി​ല്‍ വീ​ണ്ടും ഒ​രു അ​ന്വേ​ഷ​ണം ആ​വ​ശ്യ​മാ​ണെ​ന്ന നി​ര്‍​ദ്ദേ​ശം പി​ന്നീ​ടു​വ​ന്ന ഇ.കെ.നാ​യ​നാ​ര്‍ മ​ന്ത്രി​സ​ഭ അം​ഗീ​ക​രി​ച്ച​ത്. എ​ന്നാ​ല്‍, ഹൈ​ക്കോ​ട​തി ആ ​ആ​വ​ശ്യ​ത്തെ മു​ഖ​വി​ല​യ്‌​ക്കെ​ടു​ത്തെ​ങ്കി​ലും മ​റു​പ​ക്ഷം സു​പ്രീം​കോ​ട​തി​യി​ല്‍ ഹ​ര്‍​ജി ന​ല്‍​കി ആ ​തീ​രു​മാ​നം ത​ട​യു​ക​യാ​ണു​ണ്ടാ​യ​ത്.

കേ​ര​ള​ത്തി​ന്‍റെ മാ​ത്ര​മ​ല്ല, ഇ​ന്ത്യ​യു​ടേ​യും ച​രി​ത്ര​ത്തി​ല്‍ ഇ​ടം ​നേ​ടി​യ​തും ലോ​ക​ത്തി​ന് മു​ന്നി​ല്‍ മാ​ന​ക്കേ​ടാ​യി തീ​ര്‍​ന്ന​തു​മാ​യ ഐ​എ​സ്ആ​ര്‍​ഒ ചാ​ര​ക്കേ​സി​ന് പി​ന്നി​ലെ ദു​രൂ​ഹ​ത​ക​ള്‍ പ​ല​തും തു​ട​രു​ക​യാ​ണ്. ഈ ​ചിത്രം ഏ​തെ​ങ്കി​ലും വി​ധ​ത്തി​ല്‍ അ​ത്ത​രം ചോ​ദ്യ​ങ്ങ​ള്‍​ക്ക് ഉ​ത്ത​ര​മാ​കു​മെ​ന്ന് ക​രു​താ​നാ​വി​ല്ല.

വാ​സ്ത​വ​ത്തി​ല്‍ അ​ത്ത​ര​ത്തി​ലൊ​രു ചാ​ര​പ്ര​വൃ​ത്തി ന​ട​ന്നി​ട്ടു​ണ്ടോ എ​ന്നു​ള്ള​തി​നേ​ക്കാ​ള്‍ പ്ര​ധാ​ന​മാ​യി വി​ശ​ദീ​ക​ര​ണ​വും ഉ​ത്ത​ര​വും ല​ഭി​ക്കേ​ണ്ട ചോ​ദ്യ​ങ്ങ​ള്‍ അ​ന​വ​ധി​യാ​ണ്. ഈ ​കേ​സി​ലൂ​ടെ ജീ​വി​ത​വും കു​ടും​ബാം​ഗ​ങ്ങ​ളും പ്ര​തി​സ​ന്ധി​യി​ല​ക​പ്പെ​ട്ട ഒ​രേ​യൊ​രാ​ള​ല്ല ന​മ്പി നാ​രാ​യ​ണ​ന്‍. അ​ന്വേ​ഷ​ണ​ത്തിന്‍റെ ഏ​തോ ഘ​ട്ട​ത്തി​ല്‍ ഇ​ട​പെ​ട്ടു എ​ന്ന കാ​ര​ണം​കൊ​ണ്ട് കു​റ്റ​ക്കാ​രാ​യി മാ​റി​യ പോ​ലീ​സ് ഉ​ദ്യോ​ഗ​സ്ഥ​രും അ​തി​ല്‍​പ്പെ​ടും.

തോ​ന്നി​യ​തു​പോ​ലെ മാ​ധ്യ​മ​ങ്ങ​ള്‍ ക​ഥ​ക​ള്‍ മെ​ന​ഞ്ഞ​തും പ്ര​ഥ​മ​ദൃ​ഷ്ട്യാ നി​ര​പ​രാ​ധി​ക​ള്‍ എ​ന്നോ കു​റ്റ​ക്കാ​രെ​ന്നോ തോ​ന്നി​യ​വ​രെ ക​ഥാ​പാ​ത്ര​ങ്ങ​ളാ​ക്കി പ​ര​മ്പ​ര​ക​ള്‍ എ​ഴു​തി​യ​തും ഇ​ത്ത​രം നി​റം​പി​ടി​പ്പി​ച്ച​തും പൊ​ലി​പ്പി​ച്ച​തു​മാ​യ ക​ഥ​ക​ള്‍ രാ​ഷ്ട്രീ​യ​മാ​യി ദു​രു​പ​യോ​ഗി​ച്ച​തും തു​ട​ങ്ങി പ​ല​തും ഈ ​വി​വാ​ദ​ങ്ങ​ള്‍​ക്ക് മ​റ​വി​ലു​ണ്ട്. സ​ത്യ​ങ്ങ​ള്‍ എ​ന്നെ​ങ്കി​ലും മ​റ​നീ​ക്കി വെ​ളി​യി​ല്‍ വ​രു​മെ​ന്ന് പ്ര​തീ​ക്ഷി​ക്കാം.

സി​നി​മ​യെ സി​നി​മ​യാ​യി മാ​ത്രം ക​ണ്ടാ​ല്‍ മ​തി​യെ​ങ്കി​ല്‍ റോ​ക്ക​ട്രി എ​ന്ന ച​ല​ച്ചി​ത്രം തീ​രെ മോ​ശ​മ​ല്ലാ​ത്തൊ​രു ഫി​ക്ഷ​നാ​ണെ​ന്ന് പ​റ​യാം. അ​ല്ല ഒ​രു ച​രി​ത്ര​സി​നി​മ​യാ​യാ​ണ് ഈ ​സി​നി​മ​യെ കാ​ണേ​ണ്ട​തെ​ങ്കി​ല്‍ ഇ​തൊ​രു പ​രാ​ജ​യം ത​ന്നെ​യാ​ണ്. ഇ​ത്ത​രം വി​ക​ല​മാ​ക്ക​പ്പെ​ട്ട അ​ര്‍​ഥ​സ​ത്യ​ങ്ങ​ള്‍ ഇ​നി സി​നി​മ​യാ​കാ​തി​രി​ക്ക​ട്ടെ!

വി​നോ​ദ് നെ​ല്ല​യ്ക്ക​ല്‍
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.